ਮੋਹਾਲੀ ਪ੍ਰੈਸ ਕਲੱਬ ਦੇ 13 ਵੇ ਸਥਾਪਨਾ ਦਿਵਸ ਦੇ ਮੌਕੇ ਤੇ ਅੱਜ ਸ੍ਰ ਬਲਵੰਤ ਸਿੰਘ ਰਾਮੂਵਾਲੀਆ ਸਾਬਕਾ ਕੇਂਦਰੀ ਮੰਤਰੀ ਨੇ ਕੇਕ ਕੱਟਣ ਦੀ ਰਸਮ ਅਦਾ ਕੀਤੀ।ਮੋਹਾਲੀ ਪ੍ਰੈਸ ਕਲੱਬ ਨੂੰ ਇਸ ਮੌਕੇ ਤੇ 13 ਵੇ ਸਥਾਪਨਾ ਦਿਵਸ ਦੀ ਵਧਾਈ ਦਿੰਦਿਆਂ ਸ੍ਰ ਰਾਮੂਵਾਲੀਆ ਨੇ ਕਿਹਾ ਕਿ ਪ੍ਰੈਸ ਜਮਹੂਰੀਅਤ ਦਾ ਚੌਥਾ ਥੰਮ ਹੈ ਜਿਸ ਨੇ ਲੋਕਾ ਨੂੰ ਜੁਬਾਨ ਦੇ ਕੇ ਉਨ੍ਹਾਂ ਦੀ ਤਾਕਤ ਵਿੱਚ ਅਥਾਹ ਵਾਧਾ ਕੀਤਾ। ਉਨ੍ਹਾਂ ਕਿਹਾ ਕਿ ਇਹ ਪ੍ਰੈਸ ਹੀ ਹੇ ਜੋ ਆਮ ਆਦਮੀ ਨੂੰ ਇਨਸਾਫ ਦਿਵਾਊਣ ਚ ਅੱਜ ਦੇ ਸਮੇਂ ਚ ਅਹਿਮ ਭੂਮਿਕਾ ਨਿਭਾ ਰਹੀ ਹੇ। ਉਨ੍ਹਾਂ ਕਿਹਾ ਕਿ ਪ੍ਰੈਸ ਵੱਡੀ ਤੋਂ ਵੱਡੀ ਜਾਲਮ ਸਰਕਾਰ ਨੂੰ ਵੀ ਲੋਕਾਂ ਦੀ ਆਵਾਜ਼ ਸੁਣਨ ਲਈ ਮਜਬੂਰ ਕਰ ਦਿੰਦੀ ਹੈ। ਮੋਹਾਲੀ ਪ੍ਰੈਸ ਕਲੱਬ ਬਾਰੇ ਬੋਲਦਿਆਂ ਉਨ੍ਰਾਂ ਕਿਹਾ ਕਿ ਇਹ ਪੰਜਾਬ ਦਾ ਪਹਿਲਾ ਪ੍ਰੈਸ ਕਲੱਬ ਹੈ ਜੋ ਖੇਡਾਂ,ਸੱਭਿਆਚਾਰਕ ਗੀਤਵਿਧੀਆਂ, ਮੈਡੀਕਲ ਕੈਪ ਅਤੇ ਬੱਚਿਆਂ ਦੀਆਂ ਭੰਗੜਾ ਵਰਕਸ਼ਾਪ ਲਾ ਕੇ ਨਿਵੇਕਲਾ ਕੰਮ ਕਰ ਰਿਹਾ ਹੈ। ਇਸ ਮੌਕੇ ਬੋਲਦਿਆਂ ਮੋਹਾਲੀ ਪ੍ਰੈਸ ਕਲੱਬ ਦੇ ਪ੍ਰਧਾਨ ਸੁਖਦੇਵ ਸਿੰਘ ਪਟਵਾਰੀ ਨੇ ਕਿਹਾ ਕਿ ਮੋਹਾਲੀ ਪ੍ਰੈਸ ਕਲੱਬ ਵੱਲੋਂ ਲਗਾਤਾਰ ਪੱਤਰਕਾਰਾਂ ਦੇ ਹਿੱਤਾ ਲਈ ਕੰਮ ਕੀਤਾ ਜਾਂਦਾਹੈ ਅਤੇ ਪੱਤਰਕਾਰਾਂ ਦੀ ਦਬਾਅ ਵਾਲੀ ਜਿੰਦਗੀ ਵਿੱਚ ਉਨ੍ਰਾ ਨੂੰ ਕੁੱਝ ਪਲ ਖੇਡਾਂ ਸੱਭਿਆਚਾਰਕ ਗਤੀਵਿਧੀਆਂ ਰਾਹੀਂ ਖੁਸ਼ੀ ਦੇ ਪਲ ਪ੍ਰਦਾਨ ਕਰਦਾਹੈ। ਕਲੱਬ ਦੇ ਜਨਰਲ ਸਕੱਤਰ ਰਮੇਸ਼ ਹਾਂਡਾ ਨੇ ਸ੍ਰ ਰਾਮੂਵਾਲੀਆ ਦੇ ਧੰਨਵਾਦ ਕਰਦਿਆਂ ਕਿਹਾ ਕਿ ਮੋਹਾਲੀ ਪ੍ਰੈਸ ਕਲੱਬ ਲੋਕਾਂ ਦੇ ਹਿੱਤਾਂ ਦੀ ਹਮੇਸ਼ਾ ਗੱਲਬਾਤ ਕਰਦਾ ਰਹੇਗਾ।
ਇਸ ਤੋਂ ਪਹਿਲਾਂ ਰਾਮੂਵਾਲੀਆ ਨੇ ਮਿੰਨੀ ਮੈਰਾਥਾਨ ਨੂੰ ਝੰਡੀ ਦਿਖਾ ਕੇ ਰਵਾਨਾ ਕੀਤਾ ਅਤੇ ਬਾਅਦ ਵਿੱਚ ਉਨ੍ਰਾਂ ਵੱਖ-ਵੱਖ ਖੇਡਾਂ ਵਿੱਚ ਪਹਿਲੇ ਤੇ ਦੂਜੇ ਸਥਾਨ 'ਤੇ ਰਹਿਣ ਵਾਲੇ ਖਿਡਾਰੀਆਂ ਨੂੰ ਇਨਾਮ ਵੰਡੇ। ਬੈਡਮਿੰਟਨ ਚ ਸ੍ਰੀ ਰਮੇਸ ਸਚਦੇਵਾ ਨੇ ਪਹਿਲਾ ਤੇ ਅਮਰਜੀਤ ਰਤਨ ਨੇ ਦੂਜਾ , ਕੈਰਮ ਬੋਰਡ ਵਿੱਚ ਵਿੱਕੀ ਘਾਰੂ ਨੇ ਪਹਿਲਾ ਤੇ ਬਲਜੀਤ ਮਰਵਾਹਾ ਨੇ ਦੂਜਾ, ਚੈੱਸ ਵਿੱਚ ਸ੍ਰੀ ਵਿਜੇ ਕੁਮਾਰ ਨੇ ਪਹਿਲਾ ਤੇ ਕਰਨਵੀਰ ਸ਼ਾਹ ਨੇ ਦੂਜਾ ਅਤੇ ਮੈਰਾਥਾਨ ਵਿੱਚ ਸ੍ਰੀ ਰਮੇਸ਼ ਹਾਡਾਂ ਨੇ ਪਹਿਲਾ, ਸਰਵਜੀਤ ਸੋਢੀ ਤੇ ਵਰਿੰਦਰ ਸਲੂਜਾ ਨੇ ਦੂਜਾ ਇਨਾਮ ਜਿੱਤਿਆ। ਇਨ੍ਹਾਂ ਖੇਡਾਂ ਵਿੱਚ ਕਲੱਬ ਦੇ ਲਗਭਗ 50 ਖਿਡਾਰੀਆਂ ਨੇ ਭਾਗ ਲਿਆ। ਇਸ ਮੌਕੇ ਰਾਮੂਵਾਲੀਆ ਦਾ ਸ਼੍ਰੋਮਣੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਸ੍ਰ ਬਰਾੜ, ਜੋਧਾ ਸਿੰਘ ਮਾਨ, ਕਰਨੈਲ ਸਿੰਘ ਮੌਲੀ ਬੈਦਵਾਨ, ਜਸਵੰਤ ਸਿੰਘ ਭੁੱਲਰ, ਖੇਡ ਕਮੇਟੀ ਦੇ ਚੇਅਰਮੈਨ ਜਸਵਿੰਦਰ ਰੁਪਾਲ, ਕਲੱਬ ਦੇ ਖਜਾਨਚੀ ਕਰਨਵੀਰ ਸ਼ਾਹ, ਜਥੇਬੰਦ ਸਕੱਤਰ ਗੁਰਦੀਪ ਬਨੀਵਾਲ, ਬਲਜੀਤ ਮਰਵਾਹਾ, ਵਿੱਕੀ ਘਾਰੂ, ਸੁਖਵਿੰਦਰ ਸਿੰਘ ਸ਼ਾਨ, ਮੈਨੇਜਰ ਗਿਆਨ ਸਿੰਘ ਘੋਤੜਾ, ਕਲਚਰ ਕਮੇਟੀ ਦੇ ਚੇਅਰਮੈਨ ਗੁਰਜੀਤ ਸਿੰਘ ਬਿੱਲਾ, ਅਨੁਸਾਸਨ ਕਮੇਟੀ ਦੇ ਚੇਅਰਮੈਨ ਧਰਮਪਾਲ ਉਪਾਸ਼ਕ, ਯਾਤਰਾ ਕਮੇਟੀ ਦੇ ਚੇਅਰਮੈਨ ਅਮਰਜੀਤ ਸਿੰਘ , ਵਿਜੈਪਾਲ ਸਮੇਤ ਅਨੇਕਾਂ ਪੱਤਰਕਾਰ ਆਦਿ ਹਾਜਰ ਸਨ।