ਰਤਨ ਗਰੁੱਪ ਆਫ ਇੰਸਟੀਚਿਊਟ ਸੈਕਟਰ- 78 ਨੇ ਮਾਸਟਰ ਸਕੂਲ ਆਫ ਸਕਿਲਸ ਮੋਹਾਲੀ ਨਾਲ ਮਿਲ ਕੇ ਅਪਾਹਿਜ ਵਿਅਕਤੀਆਂ ਲਈ ਅੰਤਰਰਾਸ਼ਟਰੀ ਦਿਵਸ ਮਨਾਇਆ। ਇਸ ਮੌਕੇ ਪੰਜਾਬ ਦੇ ਵੱਖ -ਵੱਖ ਜਿਲਿਆਂ ਤੋਂ ਆਏ ਬੱਚਿਆਂ ਨੇ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ। ਪ੍ਰੋਗਰਾਮ ਵਿੱਚ ਪੀੜਤ ਬੱਚਿਆ ਜਿਨ੍ਹਾਂ ਵਿੱਚ ਅਪਾਹਿਜ, ਆਰਥੋਪੀਡਿਕ ਤੌਰ 'ਤੇ ਅਪੰਗ ਵਿਅਕਤੀਆਂ, ਨੇਤਰਹੀਨ ਵੱਲੋਂ ਵੱਖ -ਵੱਖ ਸੱਭਿਆਚਾਰਕ ਅਤੇ ਲੋਕ ਡਾਂਸ ਦਾ ਪ੍ਰਦਰਸ਼ਨ ਕੀਤਾ। ਲੜਕੇ ਅਤੇ ਲੜਕੀਆਂ ਜੋਕਿ ਸੁਣਨ ਦੀ ਸ਼ਕਤੀ ਨਹੀਂ ਸੀ ਰੱਖਦੇ, ਉਨ੍ਹਾਂ ਦੇ ਗਰੁੱਪ ਨੇ ਪੰਜਾਬ ਦਾ ਲੋਕ ਨਾਚ ਭੰਗੜਾ ਅਤੇ ਗਿੱਧਾ ਪੇਸ਼ ਕੀਤਾ ਜਦੋਂਕਿ ਜਸਪ੍ਰੀਤ ਕੌਰ ਜੋ ਵੇਖ ਨਹੀਂ ਸੀ ਸਕਦੀ ਨੇ ਸਾਹਿਬ ਨਾਲ ਮਿਲ ਕੇ ਭੰਗੜੇ ਦੀ ਆਈਟਮ ਪੇਸ਼ ਕੀਤੀ। ਦੂੱਜੇ ਵਿਕਲਾਂਗ ਬੱਚਿਆਂ ਨੇ ਵੀ ਪੂਰੇ ਜੋਸ਼ ਨਾਲ ਸਟੇਜ ਉੱਤੇ ਆਪਣਾ ਡਾਂਸ ਪੇਸ਼ ਕੀਤਾ। ਬੱÎਚਿਆਂ ਦੇ ਮਨੋਬਲ ਨੂੰ ਵੇਖ ਕੇ ਚੀਫ ਗੈਸਟ ਜੈਅੰਤ ਕ੍ਰਿਸ਼ਨਾ, ਸੀਓਓ ਅਤੇ ਕਾਰਜਕਾਰੀ ਨਿਰਦੇਸ਼ਕ, ਨੈਸ਼ਨਲ ਸਕਿਲ ਡਵੈਲਪਮੈਂਟ ਨੇ ਉਨ੍ਹਾਂ ਦੇ ਹੁਨਰ ਲਈ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ। ਰਤਨ ਗਰੁੱਪ ਆਫ ਇੰਸਟੀਚਿਊਟ ਦੇ ਚੇਅਰਮੈਨ ਨੇ ਇਨ੍ਹਾਂ ਬੱÎਚਿਆਂ ਨੂੰ ਉਤਸ਼ਾਹਿਤ ਕਰਦੇ ਹੋਏ ਕਿਹਾ ਕਿ ਅਜਿਹੇ ਪ੍ਰੋਗਰਾਮਾਂ ਦਾ ਉਦੇਸ਼ ਸਮਾਜ ਦੇ ਸਾਰੇ ਖੇਤਰਾਂ ਵਿਚ ਅਪਾਹਿਜ ਵਿਅਕਤੀਆਂ ਦੇ ਅਧਿਕਾਰਾਂ ਅਤੇ ਭਲਾਈ ਨੂੰ ਵਧਾਉਣਾ ਹੈ।
ਇਸ ਮੌਕੇ ਬੋਲਦਿਆਂ ਸੁੱਕਤ ਬਾਂਸਲ ਅਪਰੇਸ਼ਨ ਹੈਡ ਨੇ ਕਿਹਾ ਕਿ ਮਾਸਟਰ ਸਕਿਲ ਡਵੈਲਪਮੈਂਟ ਕਾਰਪੋਰੇਸ਼ਨ ਦਾ ਇੱਕ ਟਰੇਨਿੰਗ ਪਾਰਟਨਰ ਹੈ, ਜਿਸਨੇ ਰੋਜ਼ਗਾਰ ਦੇ ਮਾਧਿਅਮ ਨਾਲ ਵੱਖ-ਵੱਖ ਅਪਾਹਿਜ ਲੋਕਾਂ ਨੂੰ ਮਜਬੂਤ ਬਣਾਉਣ ਵਿੱਚ ਪਹਿਲ ਕਦਮੀ ਕੀਤੀ ਹੈ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਸਕਿਲਜ਼ ਇੰਡੀਆ ਵੱਲੋਂ ਡੈਫ 'ਤੇ ਇਸ਼ਾਰੀਆਂ ਨਾਲ ਗੱਲ ਕਰਨ ਲਈ ਇਕ ਬੈਚ ਦੀ ਸ਼ੁਰੂਆਤ ਕੀਤੀ ਗਈ ਹੈ ਜੋਕਿ ਪੀ.ਕੇ.ਵੀ.ਆਈ ਦੇ ਅਧੀਨ ਕਰਵਾਇਆ ਜਾਏਗਾ। ਇਸ ਬੈਚ ਦੇ ਤਹਿਤ ਅਪਾਹਿਜ ਵਿਦਿਆਰਥੀਆਂ ਨੂੰ ਘਰੇਲੂ ਡਾਟਾ ਐਂਟਰੀ ਆਪਰੇਟਰ ਦੀ ਨੌਕਰੀ ਦੇ ਤਹਿਤ ਕੰਮ ਸਖਾਇਆ ਜਾਏਗਾ ਜੋਕਿ ਨੇਸਕੋਮ ਸੈਕਟਰ ਸਕਿੱਲ ਕਾਉਂਸਲ ਤੋਂ ਸਰਟੀਫਾਈ ਹੈ। ਇਸ ਬੈਚ ਨੂੰ ਕੇਂਦਰੀ ਕੈਬਨਿਟ ਮੰਤਰੀ ਦੁਆਰਾ ਸਨਮਾਨਿਤ ਵੀ ਕੀਤਾ ਗਿਆ ਹੈ। ਮੁੱਖ ਮਹਿਮਾਨ ਜੈਅੰਤ ਕ੍ਰਿਸ਼ਨਾ ਨੇ ਕਿਹਾ ਕਿ ਐਨ.ਐਸ.ਡੀ.ਸੀ. ਅਤੇ ਸਕਿੱਲ ਡਿਵੈਲਪਮੈਂਟ ਅਤੇ ਸਨਅੱਤਕਾਰਾਂ ਦਾ ਮੰਤਰਾਲਾ ਹੁਨਰਮੰਦ ਅਤੇ ਰੁਜ਼ਗਾਰ ਪ੍ਰਾਪਤ ਕਰਨ ਲਈ ਇਨ੍ਹਾਂ ਵਿਸ਼ੇਸ਼ ਲੋਕਾਂ ਨੂੰ ਮੌਕਾ ਪ੍ਰਦਾਨ ਕਰਦਾ ਹੈ ਤਾਂਜੋ ਚੰਗੇ ਹੁਨਰਮੰਦ ਬਣਕੇ ਇਹ ਲੋਕ ਵੀ ਰੋਜਗਾਰ ਕਰ ਸਕਨ। ਭਾਰਤ ਮਿਸ਼ਨ ਦੇ ਤਹਿਤ ਵੱਖ-ਵੱਖ ਅਪਾਹਿਜ ਲੋਕਾਂ ਨੂੰ ਇਸ ਵਿੱਚ ਸ਼ਾਮਿਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।