ਪੰਜਾਬ ਅਨਏਡਿਡ ਕਾਲੇਜਿਸ ਐਸੋਸਿਏਸ਼ਨ (ਪੁੱਕਾ) ਨੇ ਹੋਟਲ ਪਾਰਕ ਵਿਊ, ਸੈਕਟਰ-24 ਚੰਡੀਗੜ ਵਿੱਚ 'ਅਨਏਡਿਡ ਕਾਲੇਜਿਸ ਵਿੱਚ ਚੈਲੈਜ, ਰਿਸਕ ਅਤੇ ਮੈਨੇਜਮੈਂਟ ਆਫ ਫਾਈਨਾਂਸ' ਤੇ ਰਾਊਂਡ ਟੇਬਲ ਚਰਚਾ ਦਾ ਆਯੋਜਨ ਕੀਤਾ। ਮੁੰਬਈ ਦੇ ਮੰਨੇ-ਪ੍ਰਮੰਨੇ ਫਾਈਨਾਂਸ਼ਲ ਐਕਸਪਰਟ, ਡਾ: ਅਜੈ ਦੁਬੇ, ਇਸ ਮੋਕੇ ਤੇ ਕੀਨੋਟ ਸਪੀਕਰ ਅਤੇ ਸੀਏ ਅਨੀਤ ਗੋਇਲ, ਸੀਏ ਮਨਮੋਹਨ ਗਰਗ, ਸੀਏ ਰੇਨੂੰ ਅਰੋੜਾ ਹੋਰ ਸਪੀਕਰ ਸਨ ਜਦਕਿ ਪੁੱਕਾ ਦੇ ਪ੍ਰੈਜ਼ੀਡੈਂਟ ਡਾ: ਅੰਸ਼ੂ ਕਟਾਰੀਆ ਨੇ ਇਸ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕੀਤੀ।100 ਦੇ ਕਰੀਬ ਸਿੱਖਿਅਵਾਦੀ ਜਿਹਨਾਂ ਵਿੱਚ ਪੰਜਾਬ ਦੇ ਵੱਖ-ਵੱਖ ਅਨਏਡਿਡ ਕਾਲੇਜਿਸ ਦੇ ਪ੍ਰਿੰਸੀਪਲ, ਡਾਇਰੇਕਟਰ, ਚੈਅਰਮੈਨ, ਸੀਐਫÀ ਆਦਿ ਸ਼ਾਮਿਲ ਸਨ, ਨੇ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ। ਫਾਈਨਾਂਸ ਦੇ ਵੱਖ-ਵੱਖ ਸੈਕਟਰਾਂ ਦੇ ਮਾਹਿਰਾਂ ਨੇ ਫੀਸ ਮੈਨੇਜਮੈਂਟ, ਬੁਨਿਆਦੀ ਢਾਂਚੇ ਵਿੱਚ ਨਿਵੇਸ਼, ਡੋਨੇਸ਼ਨ, ਕੋਸਟ ਕਟਿੰਗ, ਟੈਕਸੇਸ਼ਨ, ਬੈਂਕ ਫਡਿੰਗ, ਪ੍ਰਾਈਵੇਟ ਫਡਿੰਗ, ਫੌਰਨ ਫਡਿੰਗ, ਲੋਨ ਪੁਨਰਗਠਨ, ਸੰਪਤੀ ਮੁੜ ਨਿਰਮਾਣ, ਨਾਨ ਪਰਫਰਮਿੰਗ ਐਸਟਸ, ਵਨ ਟਾਈਮ ਸੈਟਲਮੈਂਟ ਆਦਿ ਤੇ ਆਪਣੇ ਵਿਚਾਰ ਪ੍ਰਗਟ ਕੀਤੇ।ਦੁਬੇ ਨੇ ਸਿੱਖਿਆ ਉਦਮੀਆਂ ਨਾਲ ਚਰਚਾ ਕਰਦੇ ਹੋਏ ਕਿਹਾ ਕਿ ਭਾਰਤ ਵਿੱਚ ਸਿੱਖਿਆ ਉਦਯੋਗ ਵੱਡੇ ਵਿੱਤੀ ਸੰਕਟ ਵਿੱਚ ਹਨ। ਨਿਰਮਾਣ ਅਤੇ ਸੇਵਾ ਖੇਤਰ ਵਿੱਚ ਵਿਕਾਸ ਦੀ ਘੱਟ ਦਰ ਦੇ ਕਾਰਨ ਉਦਯੋਗਿਕ ਅਤੇ ਹੋਰ ਖੇਤਰਾਂ ਵਿੱਚ ਘੱਟ ਭਰਤੀ ਹੈ। ਘੱਟ ਪਲੇਸਮੈਂਟ ਵੀ ਦੇਸ਼ ਵਿੱਚ ਦਾਖਿਲੇ ਤੇ ਅਸਰ ਪਾਉਂਦੀ ਹੈ। ਦੁਬੇ ਨੇ ਅੱਗੇ ਕਿਹਾ ਕਿ 'ਸਕਾਲਰਸ਼ਿਪ ਜਾਰੀ ਕਰਨ ਵਿੱਚ ਸਰਕਾਰ ਵੱਲੋਂ ਦੇਰੀ ਦੇ ਕਾਰਣ ਕਈ ਵੱਡੇ ਅਤੇ ਛੋਟੇ ਅਨਏਡਿਡ ਕਾਲੇਜਿਸ ਦੇ ਖਾਤੇ ਨੋਨ ਪਰਫਰਮਿੰਗ ਐਸਟਸ (ਐਨਪੀਏ) ਹੋ ਚੁੱਕੇ ਹਨ।ਸੀਏ ਮਨਮੋਹਨ ਗਰਗ ਨੇ ਇਸ ਮੋਕੇ ਤੇ ਬੋਲਦੇ ਹੋਏ ਕਿਹਾ ਕਿ ਕਾਲੇਜਾਂ ਨੇ ਜਮੀਨਾਂ, ਇਮਾਰਤਾਂ, ਬੁਨਿਆਦੇ ਢਾਂਚੇ ਆਦਿ ਤੇ ਕਰੌੜਾਂ ਰੁਪਏ ਦਾ ਨਿਵੇਸ਼ ਕੀਤਾ ਹੋਇਆ ਹੈ।
ਇਸ ਲਈ ਉਹਨਾਂ ਨੂੰ ਇਹਨਾਂ ਸਰੋਤਾਂ ਦਾ ਵਧੀਆਂ ਵਰਤੋਂ ਕਰਨੀ ਚਾਹੀਦੀ ਹੈ। ਉਹਨਾਂ ਅੱਗੇ ਕਿਹਾ ਕਿ ਇਹਨਾਂ ਹਾਲਾਤਾਂ ਵਿੱਚ ਕਾਲੇਜਿਸ ਲਾਗਤ ਵਿੱਚ ਕਟੋਤੀ ਦੇ ਤਰੀਕਿਆਂ ਦੀ ਚੋਣ ਕਰਨੀ ਚਾਹੀਦੀ ਹੈ ਅਤੇ ਉਹਨਾਂ ਨੂੰ ਉਪਲੱਬਧ ਸਰੋਤਾਂ ਤੋ ਆਮਦਨ ਵਿੱਚ ਵਾਧਾ ਕਰਨਾ ਚਾਹੀਦਾ ਹੈ।ਸੀਏ ਰੇਨੂੰ ਅਰੋੜਾ ਨੇ ਬੋਲਦੇ ਹੋਏ ਕਿਹਾ ਕਿ ਇਹ ਅਨਏਡਿਡ ਟੈਕਨੀਕਲ ਇੰਸਟੀਚੂਸ਼ਨਸ ਪੂਰੀ ਤਰਾਂ ਨਾਲ ਪ੍ਰਾਈਵੇਟ ਉਦਮੀਆਂ ਦੁਆਰਾ ਚਲਾਏ ਜਾ ਰਹੇ ਹਨ ਅਤੇ ਸਰਕਾਰ ਦੁਆਰਾ ਉਹਨਾਂ ਦੇ ਵਿਕਾਸ ਅਤੇ ਕੰਮਕਾਜ ਲਈ ਸਰਕਾਰ ਵੱਲੋ ਕੋਈ ਫਾਈਨੇਂਸ਼ਲ ਸਪੋਰਟ ਨਹੀ ਦਿੱਤੀ ਜਾਂਦੀ। ਉਹਨਾਂ ਨੇ ਅੱਗੇ ਕਿਹਾ ਕਿ ਪ੍ਰਾਈਵੇਟ ਕਾਲੇਜ ਨੂੰ ਵੱਖ-ਵੱਖ ਤਰਾਂ ਦੇ ਟੈਕਸਾਂ ਤੋ ਮੁਕਤ ਕਰਨਾ ਚਾਹੀਦਾ ਹੈ ਜਿਵੇਂ ਕਿ ਸਰਵਿਸ ਟੈਕਸ, ਚੈਂਜ ਇਨ ਲੈਂਡ ਯੂਜ਼ (ਸੀਐਲਯੂ), ਪ੍ਰਦੂਸ਼ਣ, ਸਟੈਂਪ ਡਿਊਟੀ, ਪ੍ਰੋਪਰਟੀ ਟੈਕਸ, ਲੈਬਰ ਟੈਕਸ ਆਦਿ ਕਿਉਂਕਿ ਇਹ ਵਪਾਰਕ ਸੰਸਥਾਵਾਂ ਕਾਰੋਬਾਰ ਅਧੀਨ ਨਹੀ ਆਉਂਦੀਆ ਹਨ।ਸੀਏ ਅਨੀਤ ਗੋਇਲ ਨੇ ਸਿੱਖਿਆ ਉਦਮੀਆਂ ਦੇ ਨਾਲ ਚਰਚਾ ਕਰਦੇ ਹੋਏ ਕਿਹਾ ਕਿ ਅਰਥਵਿਵਸਥਾਵਾਂ ਨੂੰ ਵਧਾਉਣ ਦੇ ਲਈ ਕਾਲੇਜਾਂ ਨੂੰ ਛੋਟੇ ਸਮੂਹ ਬਣਾਉਣ ਦੀ ਲੋੜ ਹੈ ਤਾਂ ਜੋ ਆਸ-ਪਾਸ ਦੇ ਕਾਲੇਜਿਸ ਵਿੱਚ ਸੰਯੁਕਤ ਗਤੀਵਿਧੀਆਂ ਹੋ ਸਕਣ ਜਿਵੇਂ ਕਿ ਸਾਂਝੀ ਸਿੱਖਿਆ, ਪਲੇਸਮੈਂਟ, ਆਵਾਜਾਈ, ਹੋਸਟਲ ਆਦਿ। ਉਹਨਾਂ ਨੇ ਅੱਗੇ ਕਿਹਾ ਕਿ ਕਾਲੇਜਿਸ ਨੂੰ ਇਕੱਠਿਆਂ ਦੇ ਪੜਾਅ ਤੇ ਜਾਣੇ ਚਾਹੀਦੇ ਹਨ ਕਿਉਂਕਿ ਕਾਲੇਜਾਂ ਵਿੱਚ ਕਾਫੀ ਦਾਖਿਲੇ ਹਨ।ਇਸ ਪ੍ਰੋਗਰਾਮ ਵਿੱਚ ਬਹੁਤ ਸਾਰੇ ਪੁੱਕਾ ਮੈਂਬਰਾਂ ਨੇ ਹਿੱਸਾ ਲਿਆ ਜਿਹਨਾਂ ਵਿੱਚ ਸ: ਗੁਰਚਰਨ ਸਿੰਘ (ਗੁਲਜਾਰ ਗਰੁੱਪ), ਸ: ਗੁਰਪ੍ਰੀਤ ਸਿੰਘ ( ਜਨਰਲ ਸੈਕਰੇਟਰੀ), ਸ਼੍ਰੀ ਅਸ਼ੋਕ ਗਰਗ (ਖਜਾਨਚੀ), ਚੈਰੀ ਗੋਇਲ (ਮਾਲਵਾ-1 ਕੋਰਡੀਨੇਟਰ), ਮੌਂਟੀ ਗਰਗ (ਮਾਲਵਾ-2 ਕੋਰਡੀਨੇਟਰ), ਸ਼੍ਰੀ ਰਣਬੀਰ ਢੀਂਡਸਾ (ਪੋਲੀਟੈਕਨਿਕ ਐਸੋਸਿਏਸ਼ਨ) ਸ਼੍ਰੀ ਸੰਜੀਵ ਚੋਪੜਾ( ਦੁਆਬਾ ਕੋਰਡੀਨੇਟਰ), ਸ਼੍ਰੀ ਰਜਿੰਦਰ ਧਨੋਆ, ਜਨਰਲ ਸੈਕਰੇਟਰੀ, ਐਸੋਸਿਏਸ਼ਨ ਆਫ ਪੋਲੀਟੈਕਨਿਕ ਕਾਲੇਜਿਸ ਆਫ ਪੰਜਾਬ; ਸ਼੍ਰੀ ਭੁਪਿੰਦਰ ਸ਼ਰਮਾ, ਜਨਰਲ ਸੈਕਰੇਟਰੀ, ਹਿਮਾਚਲ ਪ੍ਰਦੇਸ਼ ਕਾਲੇਜਿਸ ਐਸੋਸਿਏਸ਼ਨ ਆਦਿ ਸ਼ਾਮਿਲ ਹਨ।