ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ (MRSPTU), ਬਠਿੰਡਾ ਦਾ 2 ਦਿਨਾਂ 10ਵਾਂ ਇੰਟਰ-ਜ਼ੋਨਲ ਯੂਥ ਫੈਸਟੀਵਲ ਆਰਯਨਜ਼ ਗਰੁੱਪ ਆਫ਼ ਕਾਲਜਜ਼, ਰਾਜਪੁਰਾ, ਨਜ਼ਦੀਕ ਚੰਡੀਗੜ੍ਹ ਵਿੱਚ ਵੱਡੇ ਉਤਸ਼ਾਹ ਅਤੇ ਜੋਸ਼ ਨਾਲ ਸੰਪੰਨ ਹੋਇਆ। 25 ਤੋਂ ਵੱਧ ਕਾਲਜਾਂ ਅਤੇ ਹਜ਼ਾਰਾਂ ਵਿਦਿਆਰਥੀਆਂ ਨੇ ਇਸ ਸਾਲ ਦੇ ਥੀਮ “ਵਿਰਸਾ ਤੇ ਵਿਕਾਸ” ਤਹਿਤ ਆਪਣੀ ਕਲਾ, ਰਚਨਾਤਮਕਤਾ ਅਤੇ ਸੱਭਿਆਚਾਰਕ ਹੌਸਲੇ ਦਾ ਪ੍ਰਦਰਸ਼ਨ ਕੀਤਾ।
ਡਾ. ਸੰਜੀਵ ਸ਼ਰਮਾ, ਵਾਈਸ ਚਾਂਸਲਰ, MRSPTU ਮੁੱਖ ਮਹਿਮਾਨ ਸਨ; ਡਾ. ਅੰਸ਼ੁ ਕਟਾਰੀਆ, ਚੇਅਰਮੈਨ, ਆਰਯਨਜ਼ ਗਰੁੱਪ ਨੇ ਪ੍ਰਧਾਨਗੀ ਕੀਤੀ ਜਦਕਿ ਪ੍ਰੋ. ਭੁਪਿੰਦਰ ਪਾਲ ਸਿੰਘ ਧੋਟ, ਡਾਇਰੈਕਟਰ, ਸਪੋਰਟਸ & ਯੂਥ ਵੈਲਫੇਅਰ, MRSPTU ਨੇ ਫੈਸਟੀਵਲ ਦੀ ਕੋਆਰਡੀਨੇਸ਼ਨ ਕੀਤੀ। ਸੰਗਤ ਨੂੰ ਸੰਬੋਧਨ ਕਰਦੇ ਹੋਏ, ਡਾ. ਸੰਜੀਵ ਸ਼ਰਮਾ ਨੇ ਆਰਯਨਜ਼ ਗਰੁੱਪ ਨੂੰ 10ਵੇਂ ਇੰਟਰ-ਜ਼ੋਨਲ ਯੂਥ ਫੈਸਟ ਦੀ ਸ਼ਾਂਦਾਰ ਅਤੇ ਸੁਚਾਰੂ ਆਯੋਜਨਾ ਲਈ ਵਧਾਈ ਦਿੱਤੀ।
ਉਨ੍ਹਾਂ ਕਿਹਾ ਕਿ ਅਜਿਹੇ ਸਮਾਰੋਹ ਵਿਦਿਆਰਥੀਆਂ ਦੇ ਆਤਮ-ਵਿਸ਼ਵਾਸ, ਸੱਭਿਆਚਾਰਕ ਸੂਝ-ਬੂਝ ਅਤੇ ਰਚਨਾਤਮਕ ਸੋਚ ਨੂੰ ਮਜ਼ਬੂਤ ਕਰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਆਰਯਨਜ਼ ਨੇ ਪ੍ਰਤਿਭਾ ਉਭਾਰਨ, ਸੱਭਿਆਚਾਰ ਨੂੰ ਸੰਭਾਲਣ ਅਤੇ ਯੁਵਾ ਸ਼ਕਤੀਕਰਨ ਵੱਲ ਇੱਕ ਪ੍ਰਭਾਵਸ਼ਾਲੀ ਕਦਮ ਚੁੱਕਿਆ ਹੈ। ਉਨ੍ਹਾਂ ਡਾ. ਅੰਸ਼ੁ ਕਟਾਰੀਆ ਅਤੇ ਪੂਰੇ ਆਰਯਨਜ਼ ਟੀਮ ਨੂੰ ਯੂਨੀਵਰਸਿਟੀ ਲੈਵਲ ਸਮਾਰੋਹਾਂ ਦੀ ਮਿਜਬਾਨੀ ਵਿੱਚ ਨਵੇਂ ਮਾਪਦੰਡ ਸਥਾਪਿਤ ਕਰਨ ਲਈ ਮੁਬਾਰਕਬਾਦ ਦਿੱਤੀ।
ਉਨ੍ਹਾਂ ਕਿਹਾ ਕਿ ਆਰਯਨਜ਼ ਹੁਣ ਸੱਭਿਆਚਾਰ, ਸਿੱਖਿਆ ਅਤੇ ਯੁਵਕ ਵਿਕਾਸ ਦਾ ਪ੍ਰਮੁੱਖ ਕੇਂਦਰ ਬਣ ਕੇ ਉਭਰ ਰਿਹਾ ਹੈ। ਡਾ. ਅੰਸ਼ੁ ਕਟਾਰੀਆ, ਚੇਅਰਮੈਨ, ਆਰਯਨਜ਼ ਗਰੁੱਪ ਆਫ਼ ਕਾਲਜਜ਼ ਨੇ ਮਾਣਯੋਗ ਮਹਿਮਾਨਾਂ, MRSPTU ਅਧਿਕਾਰੀਆਂ, ਭਾਗ ਲੈ ਰਹੇ ਕਾਲਜਾਂ, ਫੈਕਲਟੀ ਮੈਂਬਰਾਂ, ਵੋਲੰਟੀਅਰਾਂ ਅਤੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ।
ਉਨ੍ਹਾਂ ਕਿਹਾ ਕਿ 25 ਤੋਂ ਵੱਧ ਕਾਲਜਾਂ ਦੀ ਸ਼ਮੂਲੀਅਤ ਆਰਯਨਜ਼ 'ਤੇ ਅਕਾਦਮਿਕ ਭਾਈਚਾਰੇ ਦੇ ਭਰੋਸੇ ਅਤੇ ਉਤਸ਼ਾਹ ਨੂੰ ਦਰਸਾਉਂਦੀ ਹੈ। ਕਟਾਰੀਆ ਨੇ ਵਾਈਸ ਚਾਂਸਲਰ ਦਾ ਵਿਸ਼ੇਸ਼ ਤੌਰ 'ਤੇ ਧੰਨਵਾਦ ਕੀਤਾ ਕਿ ਉਨ੍ਹਾਂ ਨੇ ਹਮੇਸ਼ਾ ਆਰਯਨਜ਼ ਦਾ ਮਨੋਬਲ ਵਧਾਇਆ ਅਤੇ ਰਾਹਨੁਮਾਈ ਪ੍ਰਦਾਨ ਕੀਤੀ। ਯੂਥ ਫੈਸਟੀਵਲ 2025 ਦੇ ਅੰਤਿਮ ਨਤੀਜੇ ਮਾਈਮ ਵਿਚ BFCET ਬਠਿੰਡਾ ਪਹਿਲੇ, MRSPTU ਮੈਨ ਕੈਂਪਸ ਬਠਿੰਡਾ ਦੂਜੇ ਅਤੇ PSAEC ਪਟਿਆਲਾ ਤੀਜੇ ਸਥਾਨ 'ਤੇ ਰਹੇ।
ਹਿੰਦੀ ਸੋਲੋ ਡਾਂਸ ਵਿੱਚ SVIET ਬਨੂਰ ਅਤੇ SD ਕਾਲਜ ਆਫ਼ ਫਾਰਮੇਸੀ ਬਰਨਾਲਾ ਪਹਿਲੇ, LLRIET ਮੋਗਾ ਦੂਜੇ ਅਤੇ MRSPTU ਬਠਿੰਡਾ ਤੀਜੇ ਰਿਹਾ। ਸਕਿੱਟ ਵਿੱਚ BFCET ਬਠਿੰਡਾ ਅਤੇ MRSPTU ਬਠਿੰਡਾ ਪਹਿਲੇ, ਯੂਨੀਵਰਸਲ ਕਾਲਜ ਪਟੜਾਂ ਦੂਜੇ ਅਤੇ PIT ਮੋਗਾ ਤੀਜੇ ਸਥਾਨ 'ਤੇ ਰਹੇ। ਰੀਜਨਲ ਡਾਂਸ ਵਿੱਚ MRSPTU ਬਠਿੰਡਾ ਪਹਿਲੇ, BFCET ਬਠਿੰਡਾ ਦੂਜੇ ਅਤੇ ਆਰਯਨਜ਼ ਫਾਰਮੇਸੀ ਕਾਲਜ ਰਾਜਪੁਰਾ ਤੀਜੇ ਸਥਾਨ 'ਤੇ ਰਹੇ।
ਭੰਗੜਾ, ਗਰੁੱਪ ਸ਼ਬਦ, ਵਾਰ ਗਾਇਨ, ਲਾਈਟ ਵੋਕਲ, ਗਰੁੱਪ ਸੰਗੀਤ, ਵੈਸਟਰਨ ਵੋਕਲ, ਵੈਸਟਰਨ ਗਰੁੱਪ ਸੰਗੀਤ, ਕੁਇਜ਼, ਕੋਲਾਜ ਮੇਕਿੰਗ, ਪੋਸਟਰ ਮੇਕਿੰਗ, ਰੰਗੋਲੀ ਅਤੇ ਇੰਸਟਾਲੇਸ਼ਨ ਸਾਰੇ ਮੁਕਾਬਲਿਆਂ ਵਿੱਚ ਵਿਦਿਆਰਥੀਆਂ ਨੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਕੀਤਾ। ਓਵਰਆਲ ਰਿਜ਼ਲਟ ਵਿੱਚ MRSPTU ਮੈਨ ਕੈਂਪਸ ਬਠਿੰਡਾ ਪਹਿਲੇ, ਬਾਬਾ ਫਰੀਦ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, ਬਠਿੰਡਾ ਦੂਜੇ ਅਤੇ ਪੰਜਾਬ ਸਟੇਟ ਏਰੋਨਾਟਿਕਲ ਇੰਜੀਨੀਅਰਿੰਗ ਕਾਲਜ ਪਟਿਆਲਾ ਤੀਜੇ ਸਥਾਨ 'ਤੇ ਰਹੇ।
ਡਾਂਸ, ਥੀਏਟਰ, ਸਾਹਿਤਕ ਅਤੇ ਫਾਈਨ ਆਰਟਸ ਕੈਟੈਗਰੀਆਂ ਵਿੱਚ ਵੀ MRSPTU ਮੈਨ ਕੈਂਪਸ ਬਠਿੰਡਾ ਨੇ ਸ਼ਾਨਦਾਰ ਜਿੱਤ ਦਰਜ ਕੀਤੀ, ਜਦਕਿ ਮਿਊਜ਼ਿਕ ਕੈਟੈਗਰੀ ਦਾ ਓਵਰਆਲ ਖਿਤਾਬ ਬਾਬਾ ਫਰੀਦ ਕਾਲਜ ਨੇ ਹਾਸਲ ਕੀਤਾ।