4.5 ਕਰੋੜ ਦੀ ਲਾਗਤ ਨਾਲ ਤਿਆਰ ਕੀਤੇ ਗਏ ਅਨੋਖੇ 110 ਮੀਟਰ ਲੰਮੇਂ ਤਿਰੰਗੇਂ ਨੂੰ ਵਾਹਗਾ ਸਰਹੱਦ ਤੇ ਲਹਿਰਾਇਆ ਜਾਵੇਗਾ। 'ਲਾਈਵ ਸਿਟੀ ਨਿਊਜ਼' ਨੂੰ ਮਿਲੀ ਜਾਣਕਾਰੀ ਅਨੁਸਾਰ 4.5 ਕਰੋੜ ਦੀ ਲਾਗਤ ਨਾਲ ਤਿਆਰ ਕੀਤੇ ਜਾ ਰਹੇ ਤਿਰੰਗੇਂ ਨੂੰ ਇਸ ਨਵੇਂ ਸਾਲ ਦੇ ਸੂਰੂਆਤੀ ਦਿਨਾਂ 'ਚ ਲਹਿਰਾਇਆ ਜਾਵੇਗਾ।ਜਾਣਕਾਰੀ ਅਨੁਸਾਰ ਦੇਸ਼ ਦਾ ਸਭ ਤੋਂ ਵੱਡੀ ਲਾਗਤ ਨਾਲ ਬਜਾਜ ਇਲੈਕਟਰੀਕਲ ਕੰਪਨੀ ਲਿਟਡ: ਵੱਲੋਂ ਤਿਆਰ ਕੀਤਾ ਇਹ ਤਿਰੰਗਾ ਅਨੁਮਾਨ ਅਨੁਸਾਰ ੫ ਮਾਰਚ 'ਚ ਭਾਰਤ ਵਾਸੀਆਂ ਨੂੰ ਸਮਰਪਿਤ ਹੋਵੇਗਾ।ਉੱੱਤਰੀ ਭਾਰਤ ਦਾ ਸਭ ਤੋਂ ਉੱਚਾ ਤਿਰੰਗਾ (110 ਮੀਟਰ ਉੱਚਾ ਅਤੇ 120 ਫੁੱਟ ਚੌੜਾ ਹੈ) ਜਿਥੇ ਦੇਸ਼ ਦੀ ਪ੍ਰਭਸੱਤਾ ਅਤੇ ਗਣਰਾਜ ਦੇਸ਼ ਹੋਣ ਦਾ ਸੁਨੇਹਾ ਦੇਵੇਗਾ ਉਥੇ ਸਰਹੱਦੀ ਬੈਲਟ ਨੂੰ ਸੈਰ-ਸਪਾਟੇ ਨਾਲ ਜੋੜ ਕੇ ਆਰਥਿਕ ਤੌਰ 'ਤੇ ਵੀ ਉਤਸ਼ਾਹਿਤ ਵੀ ਕਰੇਗਾ।ਭਾਰਤ ਵਿੱਚ ਐਨਾ ਉੱਚਾ ਅਤੇ ਮਹਿੰਗਾ ਤਿਰੰਗਾ ਕੇਵਲ ਅਟਾਰੀ ਸਰਹੱਦ ਤੇ ਸਥਾਪਿਤ ਹੋਣ ਜਾ ਰਿਹਾ ਹੈ ਜੋ ਕਿ ਦੂਸਰੇ ਮੁਲਕਾਂ ਤੋਂ ਭਾਰਤ ਆਉਂਣ ਵਾਲੇ ਦਰਸ਼ਕਾਂ ਲਈ ਵਿਸ਼ੇਸ਼ ਖਿੱਚ ਦਾ ਕੇਂਦਰਬਿੰਦੂ ਬਣੇਗਾ।
ਇਸ ਪ੍ਰਾਜੈਕਟ ਦੇ ਨਿਰਮਾਤਾ ਬੀਜੇਪੀ ਦੇ ਸੀਨੀਅਰ ਲੀਡਰ ਅਨਿਲ ਜੋਸ਼ੀ ਸਾਬਕਾ ਮੰਤਰੀ ਸਥਾਨਕ ਸਰਕਾਰਾਂ ਨੇ ਲਾਈਵ ਸਿਟੀ ਨਿਊਜ਼ ਨਾਲ ਵਿਸ਼ੇਸ਼ ਇੰਟਰਵਿਊ ਦੌਰਾਨ ਜਾਣਕਾਰੀ ਦੇਂਦਿਆਂ ਦੱਸਿਆ ਹੈ ਕਿ ਸਭ ਤੋਂ ਪ੍ਰਭਾਵਸ਼ਾਲੀ ਅਤੇ ਉੱਚੇ ਮਿਆਰ ਵਾਲੇ ਤਿਰੰਗੇਂ ਨੂੰ ਅਟਾਰੀ ਸਰਹੱਦ ਜਿਥੇ ਵਿਦੇਸ਼ਾ ਅਤੇ ਦੇਸ਼ਾ ਤੋਂ ਲੋਕ ਰੀਟਰੀਟ ਸਰਾਮਣੀ (ਜੋ ਕਿ ਪਾਕਿ ਭਾਰਤ ਦੇ ਬਾਰਡਰ ਤੇ ਤਾਇਨਾਤ ਜਵਾਨਾ ਦੁਆਰਾ ਸ਼ਾਮ ਨੁੰ ਝੰਡੇਂ ਦੀ ਰਸਮ ਕੀਤੀ ਜਾਂਦੀ ਹੈ) ਨੂੰ ਦੇਖਣ ਲਈ ਆਉਂਦੇ ਹਨ।ਉਸ ਦੇ ਨਾਲ ਹੀ ਤਿਰੰਗਾ ਲਹਿਰਾਇਆ ਜਾ ਰਿਹਾ ਹੈ।ਉਨਾਂਹ ਨੇ ਦਸਿਆ ਕਿ ਹਿੰਦ ਪਾਕਿ ਦੋਵਾਂ ਦੇਸ਼ਾ ਦਰਮਿਆਨ ਇਕਸਾਰ ਦੂਰੀ ੭੫੦ ਮੀਟਰ ਦੂਰੀ ਤੈਅ ਕੀਤੀ ਗਈ ਹੈ।ਉਨਾਂ ਨੇ ਦਸਿਆ ਕਿ ਦੋਵਾਂ ਦੇਸ਼ਾ ਦੀ ਸੁਰੱਖਿਆ 'ਚ ਕੋਈ ਵਿਘਨ ਨਾ ਪਵੇ ਉਸ ਜਗ੍ਹਾ ਤੇ ਇਹ ਤਿਰੰਗਾ ਸਥਾਪਿਤ ਕੀਤਾ ਜਾ ਰਿਹਾ ਹੈ।।ਜੋਸ਼ੀ ਨੇ ਦੱਸਿਆ ਕਿ ਮੇਰੇ ਵੱਲੋਂ ਤਿਰੰਗੇ ਦੇ ਪ੍ਰਜਾਕੈਟ ਨੂੰ ਜਦੋਂ ਸਰਕਾਰ ਕੇਂਦਰ ਕੋਲ ਰੱਖਿਆ ਤਾਂ 'ਬਿਉਰੋਕਰੈਟਿਕਸ' ਨੇ ਸੁਰੱਖਿਆ ਦੇ ਮੱਦੇਨਜ਼ਰ ਮੇਰੇ ਪ੍ਰਾਜੈਕਟ ਨੂੰ ਮਨਜੂਰੀ ਦੇਣ ਤੋਂ ਕੋਰੀ ਨਾਂਹ ਕਰ ਦਿੱਤੀ ਸੀ,ਪਰ ਅਸੀ ਹਿੰਮਤ ਨਹੀ ਹਾਰੀ ਅਤੇ ਆਪਣੇ ਟੀਚੇ ਤੇ ਧਿਆਨ ਕੇਦਰਿਤ ਰੱਖਿਆ ਆਖਰਕਾਰ ਅਟਾਰੀ ਵਿਖੇ 110 ਮੀਟਰ ਉੱਚੇ 120 ਫੁੱਟ ਚੋੜ੍ਹੇ ਅਤੇ 50 ਟਨ ਤੋਂ ਜ਼ਿਆਦਾ ਵਜ਼ਨਦਾਰ ਤਿਰੰਗੇ ਨੂੰ ਮਨਜੂਰੀ ਦਿਵਾਉਂਣ 'ਚ ਅਸੀ ਕਾਮਯਾਬ ਹੋ ਗਏ।ਪਿਛਲੇ ਲੰਮੇਂ ਸਮੇਂ ਤੋਂ ਤਿਰੰਗੇ ਨੂੰ 'ਇਨਸਟਾਲ' ਕਰਨ ਲਈ ਤਿਆਰੀ ਚਲ ਰਹੀ ਹੈ।ਕੰਮ ਜ਼ੋਰਾਂ ਤੇ ਹੈ।
ਉਨ੍ਹਾ ਨੇ ਦੱਸਿਆ ਕਿ ਇਹ ਅਨੋਖਾ ਤਿਰੰਗਾ ਦੇਸ਼ ਨੂੰ ਸਮਰਪਿਤ ਕੀਤਾ ਜਾ ਰਿਹਾ ਹੈ। ਪ੍ਰਾਜੈਕਟ ਨਿਰਮਾਤਾ ਨੇ ਦੱਸਿਆ ਕਿ ਹੈਰਾਨੀਜਨਕ ਗੱਲ ਇਹ ਹੈ ਕਿ ਇਸ ਦੇ ਨਾਲ ਸੈਰ-ਸਪਾਟੇ ਨੂੰ ਵੀ ਉਤਸ਼ਾਹਿਤ ਕਰਨ ਦਾ ਮੌਕਾ ਸਾਡੇ ਹੱਥ ਲੱਗੇਗਾ।ਪਤਾ ਲੱਗਾ ਹੈ ਕਿ ਸਥਾਨਕ ਸਰਕਾਰਾਂ ਵਿਭਾਗ ਪੰਜਾਬ ਸਰਕਾਰ ਨੇ ਟੈਂਡਰ ਕੀਤੇ ਅਤੇ ਕੰਮ ਸ਼ੁਰੂ ਕੀਤਾ।ਜੋਸ਼ੀ ਨੇ ਜਾਣਕਾਰੀ ਦੇਂਦਿਆਂ ਦੱਸਿਆ ਕਿ ਸੈਰ ਸਪਾਟਾ ਵਿਭਾਗ ਦੀ ਪਾਰਕਿੰਗ 'ਚ 1000 ਗੱਡੀ ਮੋਟਰ ਖੜਨ ਦਾ ਪ੍ਰਬੰਧ ਹੈ ਅਤੇ ਤਿਰੰਗੇ ਨੂੰ ਦੇਖਣ ਲਈ ਆਉਂਣ ਵਾਲੇ 25000 ਦਰਸ਼ਕਾਂ ਦੇ ਬੈਠਣ ਦੀ ਸਮਰੱਥਾ ਵਾਲਾ ਦਰਸ਼ਕੀ ਹਾਲ ਸਥਾਪਿਤ ਹੋ ਚੁਕਾ ਹੈ।'ਦਰਸ਼ਕ ਗੈਲਰੀ' ਦੇ ਬੈਸਮੈਂਟ 'ਚ ਪ੍ਰਦਰਸ਼ਨੀ ਦਾ ਪ੍ਰਬੰਧ ਵੀ ਕੀਤਾ ਗਿਆ ਹੈ।ਜਿਥੇ ਲੋਕਾਂ ਨੂੰ ਪ੍ਰੇਰਿਤ ਕਰਦੀ ਪ੍ਰਦਰਸ਼ਨੀ ਲਗਾਈ ਜਾਵੇਗੀ।ਪੱਛਣ ਤੇ ਦੱਸਿਆ ਹੈ ਕਿ ਤਿਰੰਗੇ ਨੂੰ ਦੇਖਣ ਲਈ ਇਥੇ ਆਉਂਣ ਵਾਲਿਆਂ ਲਈ ਹੋਟਲ/ਰੈਸਟੋਰੈਂਟ ਅਤੇ ਰਾਤ ਠਹਿਰਣ ਲਈ ਖਾਸ਼ ਪ੍ਰਬੰਧ ਹੈ।ਅਨਿਲ ਜੋਸੀ ਨੇ ਕਿਹਾ ਕਿ ਅਨੋਖੇ ਤਿਰੰਗੇ ਦੇ ਸਥਾਪਿਤ ਹੋਣ ਤੋਂ ਬਾਦ ਸੈਰ ਸਪਾਟੇ ਨੂੰ ਚੰਗਾਂ ਉਤਸ਼ਾਹ ਮਿਲੇਗਾ ਅਤੇ ਕਈ ਲੋਕਾਂ ਨੂੰ ਰੁਜ਼ਗਾਰ ਮਿਲੇਗਾ।ਕੰਪਨੀ ਦੇ ਸੀਨੀਅਰ ਇੰਜੀਨੀਅਰ ਕਮਲ ਕੋਹਲੀ ਨੇ ਦੱੱਸਿਆ ਕਿ ਇਸ ਅਨੋਖੇ ਤਿਰੰਗੇ 2 ਐਵੀਏਸ਼ਨ ਲਾਈਟਾਂ ਲਗਾਈਆਂ ਗਈਆਂ ਹਨ।ਦੱਸਿਆ ਜਾ ਰਿਹਾ ਹੈ ਕਿ ਜੇਕਰ ਕੇਂਦਰ ਚੋਂ ਕਿਸੇ ਵਿਸ਼ੇਸ਼ ਰਾਜਨੀਤਕ ਤੋਂ ਸਮਾ ਨਾ ਮਿਲਿਆ ਤਾਂ ਫਿਰ ਮੰਤਰੀ ਪੰਜਾਬ ਅਨਿਲ ਜੋਸ਼ੀ ਹੀ ਤਿਰੰਗੇ ਨੂੰ ਦੇਸ਼ ਵਾਸੀਆਂ ਨੂੰ ਸਮਰਪਿਤ ਕਰ ਦੇਣਗੇ।