ਪੰਜਾਬ ਸਰਕਾਰ ਵਲੋਂ ਅਨੁਸੂਚਿਤ ਜਾਤੀਆਂ ਅਤੇ ਹੋਰ ਪੱਛੜੀਆਂ ਸ਼੍ਰੇਣੀਆਂ ਨਾਲ ਸਬੰਧਤ ਵਿਦਿਆਰਥੀਆਂ ਲਈ ਸੈਸ਼ਨ 2016-17, ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਦੇ ਲਈ ਡਾ. ਅੰਬੇਦਕਰ ਪੋਰਟਲ 25 ਅਗਸਤ,2016 ਨੂੰ ਸ਼ੁਰੂ ਕੀਤਾ ਜਾ ਰਿਹਾ ਹੈ।ਜਿਸ ਤਹਿਤ ਹੁੱਣ ਯੋਗ ਵਿਦਿਆਰਥੀਆਂ ਦੀਆਂ ਸਿਫਾਰਸ਼ਾਂ ਕੇਵਲ ਆਨ-ਲਾਈਨ ਪ੍ਰਵਾਨ ਕੀਤੀਆਂ ਜਾਣਗੀਆਂ।ਡਾ. ਅੰਬੇਦਕਰ ਪੋਰਟਲ ਦਾ ਮੁੱਖ ਮੰਤਵ ਨਿਰਧਾਰਿਤ ਸਮੇਂ ਵਿੱਚ ਸਕਾਲਰਸ਼ਿਪ ਦਾ ਲਾਭ ਵਿਦਿਆਰਥੀਆਂ ਤੱਕ ਪਹੁੰਚਾਉਣਾ ਅਤੇ ਕਾਰਗੁਜਾਰੀ ਵਿੱਚ ਉਚ ਪੱਧਰੀ ਪਾਰਦਰਸ਼ਤਾ ਲਿਆਉਣ ਹੈ।ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਅਨੁਸੂਚਿਤ ਜਾਤੀਆਂ ਅਤੇ ਹੋਰ ਪੱਛੜੀਆਂ ਸ਼੍ਰੇਣੀਆਂ ਭਲਾਈ ਮੰਤਰੀ ਗੁਲਜ਼ਾਰ ਸਿੰਘ ਰਣੀਕੇ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵਲੋਂ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮਾਂ ਤਹਿਤ ਅਨੁਸੂਚਿਤ ਜਾਤੀਆਂ ਅਤੇ ਹੋਰ ਪੱਛੜੀਆਂ ਸ਼੍ਰੇਣੀਆਂ ਦੇ ਵਿਦਿਆਰਥੀਆਂ ਨੂੰ ਦਸਵੀਂ ਤੋਂ ਬਾਅਦ ਇੰਜੀਨੀਅਰਿੰਗ,ਮੈਡੀਕਲ,ਪੋਸਟ ਗਰੈਜੂਏਸ਼ਨ, ਡਿਗਰੀ,ਡਿਪਲੋਮਾ, ਸਰਟੀਫਿਕੇਟ ਕੋਰਸ, ਵੈਟਰਨਰੀ ਅਤੇ ਐਗਰੀਕਲਚਰ ਦੀ ਵੱਖ-ਵੱਖ ਵਿਸ਼ਿਆਂ ਨਾਲ ਸਬੰਧਤ ਪੋਸਟ ਮੈਟ੍ਰਿਕ ਸਿੱਖਿਆ ਲਈ ਜਰੂਰੀ ਨਾ ਮੋੜਨ ਯੋਗ ਫੀਸਾਂ ਦੀ ਪੂਰਤੀ ਅਤੇ ਮੈਂਟੀਨੈਂਸ ਅਲਾਊਂਸ ਦਾ ਲਾਭ ਦਿੱਤਾ ਜਾਂਦਾ ਹੈ।ਇਨਾਂ ਸਕੀਮਾਂ ਨੂੰ ਡਾ.ਅੰਬੇਦਕਰ ਪੋਰਟਲ ਤੇ ਆਨ-ਲਾਈਨ ਲਾਗੂ ਕੀਤਾ ਜਾ ਰਿਹਾ ਹੈ ਅਤੇ ਜਿਸ ਵਿੱਚ ਯੋਗ ਵਿਦਿਆਰਥੀ ਆਪਣੀਆਂ ਅਰਜ਼ੀਆਂ ਆਨ-ਲਾਈਨ ਭਰ ਸਕਣਗੇ।
ਭਲਾਈ ਮੰਤਰੀ ਨੇ ਦੱਸਿਆ ਕਿ ਡਾ. ਅੰਬੇਦਕਰ ਪੋਰਟਲ ਫਾਰ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਅਧੀਨ ਨਵੀਆਂ ਅਤੇ ਨਵਿਆਣਯੋਗ ਦਰਖਾਸਤਾਂ ਲਈ ਟਾਈਮ ਲਾਈਨ- ਐਕਟੀਵਿਟੀ ਸ਼ਡਿਊਲ 2016-17 ਜਾਰੀ ਕੀਤਾ ਗਿਆ ਹੈ।ਜਿਸ ਤਹਿਤ ਡਾ.ਅੰਬੇਦਕਰ ਪੋਰਟਲ ਦੇ ਖੁੱਲਣ ਦੀ ਮਿਤੀ 25 ਅਗਸਤ,2016 ਨਿਧਾਰਿਤ ਕੀਤੀ ਗਈ ਹੈ।ਜਿਸ ਦੁਆਰਾ ਵਿਦਿਆਰਥੀ 30 ਸਤੰਬਰ,2016 ਤੱਕ ਨਵੀਆਂ ਅਤੇ ਨਵਿਆਣਯੋਗ ਦਰਖਾਸਤਾਂ ਰਾਹੀਂ ਆਨ-ਲਾਈਨ ਅਪਲਾਈ ਕਰ ਸਕਦੇ ਹਨ।ਵਿੱਦਿਅਕ ਸੰਸਥਾਵਾਂ ਲਈ ਜਿਲਾ ਪੱਧਰ ਤੇ ਅਪਰੂਵਿੰਗ ਅਥਾਰਟੀਆਂ( ਸੈਂਕਸ਼ਨਿੰਗ ਅਥਾਰਟੀ) ਨੂੰ 15 ਅਕਤੂਬਰ,2016 ਤੱਕ ਆਨ-ਲਾਈਨ ਤਜਵੀਜਾਂ ਭੇਜੀਆ ਜਾ ਸਕਦੀਆਂ ਹਨ ਅਤੇ ਅਪਰੂਵਿੰਗ ਅਥਾਰਟੀਆਂ( ਸੈਂਕਸ਼ਨਿੰਗ ਅਥਾਰਟੀ) ਵਲੋਂ ਅਧੂਰੀ ਅਤੇ ਅਸਥਾਈ ਰਿਜੈਕਸ਼ਨ ਨੂੰ ਸਹੀ ਕਰਨ ਲਈ ਸੰਸਥਾਵਾਂ ਨੂੰ ਵਾਪਸ ਕਰਨ ਦੀ ਆਖਰੀ ਮਿਤੀ 30 ਅਕਤੂਬਰ,2016 ਨਿਰਧਾਰਿਤ ਕੀਤੀ ਗਈ ਹੈ।ਭਲਾਈ ਮੰਤਰੀ ਨੇ ਅੱਗੇ ਦੱਸਿਆ ਕਿ ਸਬੰਧਤ ਸੰਸਥਾਵਾਂ ਵਲੋਂ ਡਾਟਾ ਸਹੀ ਕਰਨ ਉਪਰੰਤ ਜਿਲ੍ਹਾ ਪੱਧਰ ਤੇ ਅਪਰੂਵਿੰਗ ਅਥਾਰਟੀ ਨੂੰ 15 ਨਵੰਬਰ ਤੱਕ ਭੇਜਿਆ ਜਾਵੇ ਅਤੇ ਅਪਰੂਵਿੰਗ ਅਥਾਰਟੀਆਂ ( ਸੈਂਕਸ਼ਨਿੰਗ ਅਥਾਰਟੀਆਂ) ਲਈ ਆਪਣੇ ਸਬੰਧਤ ਵਿਭਾਗਾਂ ਨੂੰ ਆਨ-ਲਾਈਨ ਤਜਵੀਜਾਂ ਭੇਜਣ ਦੀ ਆਖਰੀ ਮਿਤੀ 25 ਨਵੰਬਰ,2016 ਹੈ।ਜੱਦ ਕਿ ਲਾਗੂਕਰਤਾ ਵਿਭਾਗਾਂ ਵਲੋਂ ਭਲਾਈ ਵਿਭਾਗ ਨੂੰ ਆਨ-ਲਾਈਨ ਤਜਵੀਜਾਂ 10 ਦਸੰਬਰ,2016 ਰਾਤ 10 ਵਜੇ ਤੱਕ ਭੇਜੀਆਂ ਜਾ ਸਕਦੀਆਂ ਹਨ।ਜਿਸ ਤੋਂ ਬਾਅਦ ਪੋਰਟਲ ਬੰਦ ਹੋ ਜਾਵੇਗਾ।ਉਨਾਂ ਅੱਗੇ ਦੱਸਿਆ ਕਿ ਅਤੇ ਸਕੀਮ ਦੀ ਵਧੇਰੇ ਜਾਣਕਾਰੀ ਭਲਾਈ ਵਿਭਾਗ ਦੀ ਵਿਭਾਗੀ ਵੈਬ ਸਾਈਟ www.socialjustice.nic.in ਅਤੇ www.punjabscholarships.gov.in ਤੋਂ ਲਈ ਜਾ ਸਕਦੀ ਹੈ।