ਉਲੰਪੀਅਨ ਜਰਨੈਲ ਸਿੰਘ ਫੁੱਟਬਾਲ ਟੂਰਨਾਮੈਂਟ ਕਮੇਟੀ ਵਲੋਂ ਉਲੰਪੀਅਨ ਜਰਨੈਲ ਸਿੰਘ ਦੀ ਬਰਸੀ ਮੌਕੇ ਸਾਲਾਨਾ ਅੰਡਰ-17 ਸਮਰ ਫੁੱਟਬਾਲ ਲੀਗ ਕਰਵਾਉਣ ਦੀ ਤਿਆਰੀ ਹਿੱਤ ਕਮੇਟੀ ਦੀ ਮੀਟਿੰਗ ਇਥੇ ਖਾਲਸਾ ਕਾਲਜ ਵਿਖੇ ਫੁੱਟਬਾਲ ਸਟੇਡੀਅਮ 'ਚ ਕਮੇਟੀ ਦੇ ਸੀਨੀਅਰ ਵਾਈਸ ਪ੍ਰਧਾਨ ਪ੍ਰਿੰ. ਰਾਜਵਿੰਦਰ ਸਿੰਘ ਬੈਂਸ ਦੀ ਪ੍ਰਧਾਨਗੀ ਹੇਠ ਹੋਈ। ਕਮੇਟੀ ਦੇ ਕਾਰਜਕਾਰੀ ਪ੍ਰਧਾਨ ਡਾ. ਹਰਵਿੰਦਰ ਸਿੰਘ ਬਾਠ ਤੇ ਜਨਰਲ ਸਕੱਤਰ ਬਲਵੀਰ ਸਿੰਘ ਬੈਂਸ ਨੇ ਜਾਣਕਾਰੀ ਦਿੰਦਿਆ ਫੁੱਟਬਾਲ ਲੀਗ ਲਈ ਰੌਸ਼ਨਜੀਤ ਸਿੰਘ ਪਨਾਮ ਅਤੇ ਸ਼ਲਿੰਦਰ ਸਿੰਘ ਰਾਣਾ ਨੂੰ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਲੀਗ ਵਿਚ ਪਿੰਡਾਂ ਦੀਆਂ 10 ਟੀਮਾਂ (11 ਖਿਡਾਰੀ) ਹਿੱਸਾ ਲੈਣਗੀਆਂ ਜਿਨ੍ਹਾਂ ਵਿਚ 1-1-2000 ਜਾਂ ਉਸਤੋਂ ਬਾਅਦ ਜਨਮ ਲੈਣ ਵਾਲੇ ਖਿਡਾਰੀ ਹਿੱਸਾ ਲੈ ਸਕਣਗੇ। ਉਨ੍ਹਾਂ ਕਿਹਾ ਦੱਸਿਆ ਹਿੱਸਾ ਲੈਣ ਵਾਲੀਆਂ ਟੀਮਾਂ ਦੇ ਪ੍ਰਬੰਧਾਂ ਖਿਡਾਰੀਆਂ ਦੀ ਲਿਸਟ ਅਤੇ ਉਨ੍ਹਾਂ ਦੇ ਜਨਮ ਸਬੂਤ ਦੀਆਂ ਕਾਪੀਆਂ ਸਮੇਤ ਕਮੇਟੀ ਨਾਲ ਸੰਪਰਕ ਕਰ ਸਕਦੇ ਹਨ। ਉਨ੍ਹਾਂ ਦੱਸਿਆ ਅਕਤਬੂਰ ਮਹੀਨੇ ਤੱਕ ਚੱਲਣ ਵਾਲੀ ਲੀਗ ਦੀ 30 ਜੁਲਾਈ ਨੂੰ ਹੋਵੇਗੀ ਤੇ ਹਰ ਸ਼ਨੀਵਾਰ ਨੂੰ ਲੀਗ ਦੇ ਮੁਕਾਬਲੇ ਕਰਵਾਏ ਜਾਣਗੇ। ਉਨ੍ਹਾਂ ਦੱਸਿਆ ਕਿ 16 ਜੁਲਾਈ ਨੂੰ ਸ਼ਾਮ 4 ਵਜੇ ਕਮੇਟੀ ਦੀ ਹੋਣ ਵਾਲੀ ਮੀਟਿੰਗ ਵਿਚ ਟੀਮਾਂ ਦੀ ਚੋਣ ਨੂੰ ਅੰਤਿਮ ਰੂਪ ਦੇ ਦਿੱਤਾ ਜਾਵੇਗਾ। ਮੀਟਿੰਗ ਵਿਚ ਪ੍ਰਿੰ. ਰਾਜਵਿੰਦਰ ਸਿੰਘ ਬੈਂਸ, ਡਾ. ਹਰਵਿੰਦਰ ਸਿੰਘ ਬਾਠ, ਬਲਵੀਰ ਸਿੰਘ ਬੈਂਸ ਤੋਂ ਇਲਾਵਾ ਰੋਸ਼ਨਜੀਤ ਸਿੰਘ ਪਨਾਮ, ਸ਼ਲਿੰਦਰ ਸਿੰਘ ਰਾਣਾ, ਅਸ਼ੋਕ ਪ੍ਰਾਸ਼ਰ, ਕਸ਼ਮੀਰ ਸਿੰਘ ਪਟਵਾਰੀ, ਅਮਨਦੀਪ ਸਿੰਘ ਬੈਂਸ, ਰਾਜਵਿੰਦਰ ਦਿਆਲ, ਬਲਵਿੰਦਰ ਸਰਪੰਚ ਚੱਕ ਫੁੱਲੂ, ਸੈਮ ਪੁਰਖੋਵਾਲ, ਪਾਲੀ ਕੋਚ ਸਮੁੰਦੜਾ ਤੇ ਹੋਰ ਹਾਜ਼ਰ ਹੋਏ।