ਪੰਜਾਬੀ ਬਾਗ ਜਵੱਦੀ ਵਾਰਡ ਨੰ. 60 ਵਿਖੇ ਯੋਜਨਾਂ ਬੋਰਡ ਦੇ ਚੇਅਰਮੈਨ, ਸਾਬਕਾ ਕੈਬਨਿਟ ਮੰਤਰੀ ਅਤੇ ਬੀ.ਸੀ ਵਿੰਗ ਦੇ ਕੌਮੀ ਪ੍ਰਧਾਨ ਜੱਥੇ: ਹੀਰਾ ਸਿੰਘ ਗਾਬੜੀਆ ਨੇ ਆਪਣੇ ਕਰ ਕਮਲਾਂ ਨਾਲ ਪੰਜਾਬੀ ਬਾਗ, ਗਰੀਨ ਵੈਲੀ ਦੀਆਂ ਸੜਕਾਂ ਦਾ ਉਦਘਾਟਨ ਕਰਦੇ ਹੋਏ ਕਿਹਾ ਕਿ ਵਿਕਾਸ ਦੀ ਝੁੱਲ ਰਹੀ ਹਨ੍ਹੇਰੀ ਅੱਗੇ ਵਿਰੋਧੀ ਟਿੱਕ ਨਹੀਂ ਸਕੱਣਗੇ, ਕਾਂਗਰਸ ਦਾ ਤਾਂ ਭੋਗ ਪੈ ਚੁੱਕਾ ਹੈ ਅਤੇ ਆਮ ਆਦਮੀ ਪਾਰਟੀ ਦੇ ਅਹੁੱਦੇਦਾਰਾਂ ਅੰਦਰ ਮੁੱਖ ਮੰਤਰੀ ਦੀ ਕੁਰਸੀ ਦੀ ਲਾਲਸਾ ਹੋਣ ਕਾਰਨ ਆਪਸ ਵਿੱਚ ਹੀ ਟਕਰਾ ਰਹੇ ਹਨ ਜਿਸ ਕਰਕੇ ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਦੀ ਸਰਕਾਰ ਬਣਨੀ ਤੈਅ ਹੋ ਚੁੱਕੀ ਹੈ ਤੇ ਸ. ਪ੍ਰਕਾਸ਼ ਸਿੰਘ ਬਾਦਲ ਛੇਵੀਂ ਵਾਰ ਮੁੱਖਮੰਤਰੀ ਪੰਜਾਬ ਬਣ ਕੇ ਇਤਿਹਾਸ ਰਚਨਗੇ । ਨਿਰਮਲ ਸਿੰਘ ਐਸ.ਐਸ ਬੀ.ਸੀ ਕਮਿਸ਼ਨ ਪੰਜਾਬ ਦੇ ਉਪ ਚੇਅਰਮੈਨ ਨੇ ਕਿਹਾ ਕਿ ਬੀ.ਸੀ ਵਿੰਗ ਨੇ ਜਿਸ ਤਰ੍ਹਾਂ ਉਪ ਮੁੱਖ ਮੰਤਰੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਦਿਸ਼ਾ ਨਿਰਦੇਸ਼ਾ ਦੇ ਕੰਮ ਕਰਨ ਲਈ ਦਿਨ ਰਾਤ ਇੱਕ ਕੀਤਾ ਹੋਇਆ ਹੈ ਵਿਰੋਧੀਆਂ ਦੀ ਨੀਂਦ ਉੱਡ ਗਈ ਹੈ । ਜਿਸ ਕਰਕੇ ਇਸ ਵਾਰ ਅਕਾਲੀ/ ਭਾਜਪਾ ਦੀ ਸਰਕਾਰ ਤੈਅ ਹੈ । ਇਸ ਮੌਕੇ ਪੰਜਾਬੀ ਬਾਗ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਰਵਿੰਦਰ ਸਿੰਘ ਦੀਵਾਨਾ ਤੇ ਕੌਮੀ ਮੀਤ ਪ੍ਰਧਾਨ ਬੀ.ਸੀ ਵਿੰਗ ਨੇ ਜੱਥੇ: ਹੀਰਾ ਸਿੰਘ ਗਾਬੜੀਆ, ਨਿਰਮਲ ਸਿੰਘ ਐਸ.ਐਸ ਅਤੇ ਮੀਤ : ਪਾਲ ਦੁੱਗਰੀ ਨੂੰ ਸਰੋਪੇ ਪਾ ਕੇ ਸਨਮਾਨਿਤ ਕਰਦਿਆ ਕਿਹਾ ਕਿ ਅਸੀ ਇਲਾਕਾ ਨਿਵਾਸੀ ਜੱਥੇ : ਹੀਰਾ ਸਿੰਘ ਗਾਬੜੀਆ ਦੇ ਬਹੁਤ ਸ਼ੁੱਕਰ ਗੁਜ਼ਾਰ ਹਾ ਜਿਨ੍ਹਾਂ ਨੇ ਸਾਡੇ ਇਲਾਕੇ ਦੀ ਸਾਰ ਲੈਂਦਿਆ ਦੂਜੀ ਵਾਰ ਸੜਕਾਂ ਬਣਾ ਕੇ ਇਲਾਕੇ ਦਾ ਦਿਲ ਜਿਤਿਆ ਹੈ । ਇਸ ਮੌਕੇ ਪੰਜਾਬੀ ਬਾਗ ਵੈਲਫੇਅਰ ਸੁਸਾਇਟੀ ਦੇ ਸੀਨੀ. ਮੀਤ ਪ੍ਰਧਾਨ ਪ੍ਰਿਤਪਾਲ ਸਿੰਘ ਬੱਤਰਾ, ਚੇਅਰਮੈਨ ਸੰਤੋਖ ਸਿੰਘ, ਮੀਤ ਪ੍ਰਧਾਨ ਬਲਬੀਰ ਕਾਲੜਾ, ਸੁਰਿੰਦਰ ਸਿੰਘ ਖੜਬੰਦਾ, ਮੁਖਵਿੰਦਰ ਸਿੰਘ ਸਕੱਤਰ, ਭਪਿੰਦਰ ਕੌਰ ਆਦਿ ਵੱਡੀ ਗਿਣਤੀ ਵਿੱਚ ਬੀਬੀਆਂ ਅਤੇ ਹੋਰ ਇਲਾਕਾ ਨਿਵਾਸੀ ਹਾਜ਼ਰ ਸਨ ।