ਕੇਂਦਰ ਸਰਕਾਰ ਵੱਲੋਂ ਅਤਿਵਾਦ ਦੇ ਦੋਰ ਸਮੇਂ ਵਿਦੇਸ਼ੀ ਮੁਲਕਾਂ ਵਿੱਚ ਵਸੇ ਕੁਝ ਸਿੱਖਾਂ ਦੀ ਭਾਰਤ ਆਮਦ ਨੂੰ ਰੋਕਣ ਲਈ ਬਣਾਈ ਗਈ ਕਾਲੀ ਸੂਚੀ ਵਿੱਚੋ ਕੁਝ ਸਿੱਖਾ ਦੇ ਨਾਮ ਕੱਟਣ ਦਾ ਸਰਦਾਰ ਸੋਹਣ ਸਿੰਘ ਠੰਡਲ, ਸੈਰ ਸਪਾਟਾ ਮੰਤਰੀ ਪੰਜਾਬ ਨੇ ਸੁਆਗਤ ਕੀਤਾ ਹੈ ।ਅੱਜ ਇੱਥੇ ਜਾਰੀ ਬਿਆਨ ਵਿੱਚ ਉਨ੍ਹ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਇਸ ਗੱਲ ਦੀ ਕੇਂਦਰ ਸਰਕਾਰ ਅੱਗੇ ਕਈ ਚਿਰ੍ਹਾਂ ਤੋ ਮੰਗ ਕਰ ਰਹਿਆ ਸੀ ਕਿ ਇਸ ਸੂਚੀ ਦੀ ਸੋਧ ਕੀਤੀ ਜਾਣੀ ਚਾਹੀਂਦੀ ਹੈ ਤਾਂ ਜੋ ਅੱਤਵਾਦ ਦੇ ਝੰਬੇ ਵਿਦੇਸ਼ਾ ਵਿੱਚ ਵਸੇ ਸਿੱਖ ਵੀ ਮੁੜ ਵਤਨੀ ਫੇਰਾ ਪਾ ਸਕਣ ।ਸਰਦਾਰ ਠੰਡਲ ਨੇ ਕਿਹਾ ਕਿ ਮੁੱਖ ਮੰਤਰੀ ਸਰਦਾਰ ਪਰਕਾਸ਼ ਸਿੰਘ ਬਾਦਲ ਅਤੇ ਉੱਪ ਮੁੱਖ ਮੰਤਰੀ ਪੰਜਾਬ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਇਸ ਮੁੱਦੇ ਨੂੰ ਜੋਰਦਾਰ ਤਰੀਕੇ ਨਾਲ ਹਰ ਪਲੇਟਫਾਰਮ ਤੇ ਚੁੱਕਿਆ ਜਿਸਦੇ ਨਤੀਜੇ ਵਜੋਂ ਮੋਦੀ ਸਰਕਾਰ ਵੱਲੋਂ ਇਹ ਕਦਮ ਚੁੱਕਿਆ ਗਿਆ ਹੈ ਜਿਸ ਰਾਹੀ ਨਿਰਦੋਸ਼ ਸਿੱਖਾ ਦੇ ਨਾਮ ਇਸ ਵਿੱਚੋਂ ਕੱਟਣ ਨੁੰ ਹਰੀ ਝੰਡੀ ਮਿਲ ਸਕੀ ਹੈ ।ਊਨ੍ਹਾਂ ਕਿਹਾ ਕਿ ਭਾਰਤ ਸਰਕਾਰ ਦੇ ਇਸ ਕਦਮ ਸਦਕੇ ਦੁਨੀਆ ਭਰ ਵਿੱਚ ਵਸੇ ਸਿੱਖਾਂ ਦੇ ਮਨਾਂ ਵਿੱਚ ਭਾਰਤ ਸਰਕਾਰ ਪ੍ਰਤੀ ਵਿਸ਼ਵਾਸ਼ ਵਧੇਗਾ।