ਮੁੱਖ ਮੰਤਰੀ ਪੰਜਾਬ, ਪਰਕਾਸ਼ ਸਿੰਘ ਬਾਦਲ ਗੁਰੂ ਰਵਿਦਾਸ ਮੈਮੋਰੀਅਲ ਦਾ ਸਥਾਪਨਾ ਪੱਥਰ ਖੁਰਾਲਗੜ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿਖੇ 3 ਅਪ੍ਰੈਲ ਨੂੰ ਰੱਖਣਗੇ, ਇਹ ਜਾਣਕਾਰੀ ਸ੍ਰੀ ਸੋਹਣ ਸਿੰਘ ਠੰਡਲ, ਸੈਰ ਸਪਾਟਾ ਅਤੇ ਸਭਿਆਚਾਰਕ ਮਾਮਲੇ ਮੰਤਰੀ ਪੰਜਾਬ ਨੇ ਅਜ ਇਥੇ ਦਿੱਤੀ। ਗੁਰੂ ਰਵਿਦਾਸ ਮੈਮੋਰੀਅਲ ਫਾਊਡੇਸ਼ਨ ਦੀ ਕਾਰਜਕਾਰੀ ਕਮੇਟੀ ਦੀ ਮੀਟਿੰਗ ਦੀ ਪ੍ਧਾਨਗੀ ਕਰਦਿਆਂ , ਸ੍ਰੀ ਸੋਹਣ ਸਿੰਘ ਠੰਡਲ, ਨੇ ਦੱਸਿਆ ਕਿ ਇਹ ਇੱਕ ਯਾਦਗਾਰੀ ਫੰਕਸ਼ਨ ਹੋਵੇਗਾ ਜਿਸ ਵਿੱਚ ਰਾਜ ਭਰ ਤੋਂ ਹਜ਼ਾਰਾ ਲੋਕ ਪਹੁੰਚਨਗੇ ਅਤੇ ਇਸਦਾ ਮੁੱਖ ਅਕਰਸ਼ਨ ਸੰਤ ਸਮਾਜ ਦੀਆਂ ਉਘਿਆ਼ ਸ਼ਖ਼ਸੀਅਤਾਂ ਦੀ ਸ਼ਮੂਲੀਅਤ ਹੋਵੇਗੀ ।ਸ੍ਰੀ ਠੰਡਲ ਨੇ ਇਹ ਵੀ ਦੱਸਿਆ ਕਿ ਕਾਰਜਕਾਰੀ ਕਮੇਟੀ ਦੇ ਫੈਸਲੇ ਅਨੁਸਾਰ, ਯਾਦਗਾਰ ਦੀ ਕੰਧ ਦੀ ਉਸਾਰੀ ਸ਼ੁਰੂ ਕੀਤੀ ਗਈ ਹੈ ਅਤੇ ਜਲਦੀ ਹੀ ਯਾਦਗਾਰ ਦੀ ਉਸਾਰੀ ਲਈ ਟੈਂਡਰ ਲਗਾਏ ਜਾ ਰਹੇ ਹਨ। ਉਨਾਂ ਦੱਸਿਆ ਕਿ ਗੁਰੂ ਰਵਿਦਾਸ ਯਾਦਗਾਰ ਉਪਰ ਅੰਦਾਜ਼ਨ 110 ਕਰੋੜ ਰੁਪਏ ਦੀ ਲਾਗਤ ਆਵੇਗੀ ਅਤੇ ਇਹ ਲਗਭਗ 18 ਏਕੜ ਜ਼ਮੀਨ ਤੇ ਖੁਰਾਲਗੜ ਵਿਖੇ ਸਥਾਪਤ ਕੀਤੀ ਜਾ ਰਹੀ ।
ਇਸ ਮੌਕੇ 3। ਅਪ੍ਰੈਲ ਦੇ ਸਮਾਗਮ ਸਬੰਦੀ ਵਿਸਤਾਰਤ ਚਰਚਾ ਕੀਤੀ ਗਈ ਅਤੇ ਸਥਾਨਕ ਪ੍ਰਸ਼ਾਸਨ ਨਾਲ ਫੰਕਸ਼ਨ ਦੀ ਰੂਪ ਰੇਖਾ ਕੰਮ ਤਿਆਰ ਕਰਨ ਲਈ ਇੱਕ ਵਿਸ਼ੇਸ਼ ਮੀਟਿੰਗ ਵੀ ਨਿਰਧਾਰਤ ਕੀਤੀ ਗਈ । ਇਸ ਮੌਕੇ 'ਤੇ ਸ੍ਰੀ ਠੰਡਲ ਨੇ ਸਾਰੇ ਸਬੰਧਤ ਅਧਿਕਾਰੀਆਂ ਨੂੰ ਅੱਪੋ ਆਪਣੇ ਕੰਮ ਸੁਚਝੇ ਢੰਗ ਨਾਲ ਕਰਨ ਲਈ ਕਿਹਾ ਤਾਂ ਜੋ ਗੁਰੂ ਰਵਿਦਾਸ ਯਾਦਗਾਰ ਦੀ ਬੁਨਿਆਦ ਰੱਖਣ ਦੀ ਰਸਮ ਦੇ ਮੌਕੇ' ਤੇ ਆਯੋਜਿਤ ਸਮਾਗਮ ਨੂੰ ਇੱਕ ਯਾਦਗਾਰ ਫੰਕਸ਼ਨ ਬਣਾਇਆ ਜਾ ਸਕੇ। ਪੰਜਾਬ ਸਿਵਲ ਸਕੱਤਰੇਤ 'ਚ ਸੈਰ ਸਪਾਟਾ ਮੰਤਰੀ ਦੇ ਦਫ਼ਤਰ ਵਿਚ ਅੱਜ ਇੱਥੇ ਹੋਈ ਕਾਰਜਕਾਰੀ ਕਮੇਟੀ ਦੀ ਮੀਟਿੰਗ ਵਿੱਚ, ਸ੍ਰੀ ਸੋਮ ਪ੍ਰਕਾਸ਼, ਮੁੱਖ ਸੰਸਦੀ ਸਕੱਤਰ, ਸ੍ਰੀ ਐ.ਕੇ. ਸੰਧੂ ਪ੍ਰਮੁੱਖ ਸਕੱਤਰ ਮੁੱਖ ਮੰਤਰੀ ਪੰਜਾਬ, ਪ੍ਰਮੁੱਖ ਸਕੱਤਰ ਸੈਰ ਸਪਾਟਾ ਸ੍ਰੀਮਤੀ ਅੰਜਲੀ ਭਾਵਰਾ, ਸ੍ਰੀ ਐਨ.ਐਸ. ਰੰਧਾਵਾ, ਡਾਇਰੈਕਟਰ ਸੈਰ ਸਪਾਟਾ, ਸ੍ਰੀ ਰਾਹੁਲ ਚਾਬਾ, ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ) ਹੁਸ਼ਿਆਰਪੁਰ ਅਤੇ ਲੋਕ ਨਿਰਮਾਣ ਤੇ ਵਿਤ ਵਿਭਾਗ ਦੇ ਅਧਿਕਾਰੀਆਂ ਨੇ ਹਿੱਸਾ ਲਿਆ।