ਸ੍ਰੋਮਣੀ ਅਕਾਲੀ ਦਲ ਸਿਰਫ ਨਤੀਜਿਆਂ ਦੀ ਰਾਜਨੀਤੀ ਕਰਦਾ ਹੈ, ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਮੌਕੇ ਕੀਤੇ ਵਾਅਦੇ ਹਰ ਹਾਲ ਪੂਰੇ ਕੀਤੇ ਗਏ ਅਤੇ ਇਸ ਵਾਰ ਕੀਤੇ ਵਾਅਦੇ ਵੀ ਪੂਰੇ ਕੀਤੇ ਜਾਣਗੇ । ਇਹਨਾਂ ਸਬਦਾਂ ਦਾ ਪ੍ਰਗਟਾਵਾ ਸ੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਅਤੇ ਹਲਕਾ ਮੁਹਾਲੀ ਤੋਂ ਪਾਰਟੀ ਉਮੀਦਵਾਰ ਬਲਵੰਤ ਸਿੰਘ ਰਾਮੂੰਵਾਲੀਆ ਨੇ ਅੱਜ ਇਥੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕੀਤਾ।ਬਲਵੰਤ ਸਿੰਘ ਰਾਮੂੰਵਾਲੀਆ ਨੇ ਕਿਹਾ ਕਿ ਕਾਂਗਰਸ ਸਿਰਫ ਭੱਵਿਖੀ ਹਾਰ ਤੋਂ ਬੋਖਲਾਹਟ ਵਿਚ ਆ ਕੇ ਲਗਾਤਾਰ ਵਿਰੋਧੀ ਬਿਆਨਬਾਜੀ ਕਰ ਰਹੀ ਹੈ ਅਤੇ ਉਹਨਾਂ ਨੂੰ ਅਕਾਲੀ ਦਲ ਦੇ ਚੋਣ ਮੇਨੀਫੇਸਟੋ ਵਿਚੋਂ ਪੰਜਾਬ ਵਾਸੀਆਂ ਦੇ ਵਧੀਆ ਭੱਵਿਖ ਲਈ ਉਲੀਕੀਆ ਯੋਜਨਾਵਾਂ ਅਤੇ ਸੰਕਲਪ ਨਜਰ ਨਹੀਂ ਆ ਰਹੇ। ਦਰਅਸਲ ਕਾਂਗਰਸ ਪੰਜਾਬ ਅੰਦਰ ਹੋ ਰਿਹਾ ਵਿਕਾਸ ਜਰ ਨਹੀਂ ਪਾ ਰਹੀ ਅਤੇ ਆਪਣੇ ਵਜੂਦ ਨੂੰ ਬਚਾਉਣ ਲ ਮੋਚੇ ਸਮਝੇ ਬੋਲ ਰਹੀ ਹੈ। ਸ: ਬਲਵੰਤ ਸਿੰਘ ਰਾਮੂੰਵਾਲੀਆ ਨੇ ਕਿਹਾ ਕਿ ਸ੍ਰੋਮਣੀ ਅਕਾਲੀ ਦਲ ਦੇ ਹੱਥਾਂ ਵਿਚ ਸਮੂਹ ਪੰਜਾਬੀਆਂ ਦਾ ਭਵਿਖ ਸੁਰੱਖਿਅਤ ਹੈ ਸ: ਬਾਦਲ ਦੀ ਅਗਵਾਈ ਵਿਚ ਪਾਰਟੀ ਨੇ ਪੰਜਾਬ ਨੂੰ ਵਿਕਾਸ ਦੀਆਂ ਲੀਹਾਂ ਤੇ ਲਿਆਂਦਾ ਅਤੇ ਪੰਜਾਬ ਵਾਸੀਆਂ ਨਾਲ ਕੀਤੇ ਹਰ ਵਾਅਦੇ ਨੂੰ ਪੂਰਾ ਕੀਤਾ ਸ: ਰਾਮੂੰਵਾਲੀਆ ਨੇ ਕਿਹਾ ਕਿ ਚੋਣ ਮਨੋਰਥ ਕਿਸੇ ਪਾਰਟੀ ਦੀਆਂ ਭਵਿਖੀ ਯੋਜਨਾਵਾਂ ਦਾ ਖਾਕਾ ਹੁੰਦੇ ਹਨ। ਉਹਨਾਂ ਨੂੰ ਪੂਰਾ ਕਰਨਾ ਪਾਰਟੀ ਦਾ ਫਰਜ ਹੁੰਦਾ ਹੈ, ਇਹ ਫਰਜ ਸ੍ਰੋਮਣੀ ਅਕਾਲੀ ਦਲ ਨੇ ਪੂਰਾ ਹੀ ਨਹੀਂ ਕੀਤਾ ਸਗੋਂ ਉਸ ਤੋਂ ਵੀ ਵਧ ਕੇ ਯੋਜਨਾਵਾਂ ਨੂੰ ਸਿਰੇ ਚਾੜਿਆ।
ਰਾਮੂੰਵਾਲੀਆ ਨੇ ਕਿਹਾ ਕਿ ਇਸ ਵਾਰ ਦੇ ਚੋਣ ਮਨੋਰਥ ਪੱਤਰ ਵਿਚ ਕੀਤੇ ਵਾਅਦੇ ਹਰ ਹਾਲ ਪੂਰੇ ਕੀਤੇ ਜਾਣਗੇ। ਜਿਨ੍ਹਾਂ ਵਿਚੋਂ ਅਹਿਮ ਕਿਸਾਨਾਂ ਲਈ ਪ੍ਰਾਵੀਡੈਂਟ ਫੰਡ ਯੋਜਨਾ, 10 ਲੱਖ ਬੇਰੁਜਗਾਰਾਂ ਨੋਜਵਾਨਾਂ ਨੂੰ ਰੋਜਗਾਰ , 16 ਲੱਖ ਨੀਲੇ ਕਾਰਡ ਪਾਰਕਾਂ ਨੂੰ ਮਿਲੇਗਾ, 1 ਰੁਪਏ ਕਿਲੋ ਆਟਾ, ਮੋਹਾਲੀ , ਲੁਧਿਆਣਾ, ਅੰਮ੍ਰਿਤਸਰ ਨੂੰ ਆਈ.ਟੀ ਹੱਬ ਵਜੋਂ ਵਿਕਸਤ ਕਰਨ, ਵਿਧਵਾ ਪੇਨਸਨ ਦੀ ਰਾਸੀ 600 ਰੁਪਏ ਕਰਨਾ, ਨਗਰ ਨਿਗਮ ਅਤੇ ਨਗਰ ਪਾਲਿਕਾਵਾਂ ਵਿਚ ਨਾਗਰਿਕਾਂ ਨੂੰ 100 ਫੀਸਦੀ ਜਲ ਸਪਲਾਈ ਅਤੇ ਸੀਵਰੇਜ ਦੀ ਸਹੂਲਤ ਮਿਲੇਗੀ ਆਦਿ ਅਨੇਕਾਂ ਹੀ ਸਰਵਪੱਖੀ ਵਿਕਾਸ ਯੋਜਨਾਵਾਂ ਨੂੰ ਹਰ ਹਾਲ ਪੂਰਾ ਕੀਤਾ ਜਾਵੇਗਾ। ਸ: ਰਾਮੂੰਵਾਲੀਆ ਨੇ ਕਿਹਾ ਕਿ ਤੀਜਾ ਮੋਰਚਾ ਸਿਰਫ ਰਾਜਨੀਤੀ ਵਿਚ ਹੋਂਦ ਬਚਾਕੇ ਰੱਖਣ ਵਾਲਿਆਂ ਦਾ ਹੀ ਮੋਰਚਾ ਹੈ। ਤੀਜਾ ਮੋਰਚੇ ਦਾ ਪੰਜਾਬ ਵਿਚ ਕੋਈ ਵਜੂਦ ਨਹੀਂ । ਸ: ਰਾਮੂੰਵਾਲੀਆ ਨੇ ਕਿਹਾ ਕਿ ਉਹਨਾਂ ਦੀ ਸਭ ਤੋਂ ਅਜਿਹਾ ਸਿਧਾਂਤ ਸਮਾਜਿਕ ਰਾਜਨੀਤੀ ਹੈ ਸਮਾਜ ਦੀ ਭਲਾਈ ਲਈ ਉਹ ਹਮੇਸ਼ਾ ਤਤਪਰ ਰਹਿਣਗੇ ਸ: ਰਾਮੂੰਵਾਲੀਆ ਨੇ ਕਿਹਾ ਕਿ ਪੰਜਾਬ ਦੇ ਸਰਵਪੱਖੀ ਵਿਕਾਸ ਲਈ ਸ੍ਰੋਮਣੀ ਅਕਾਲੀ ਦਲ ਹੀ ਸਹੀਂ ਪਾਰਟੀ ਹੈ। ਕਾਂਗਰਸ ਦੇਸ ਵਿਚ ਸਭ ਤੋਂ ਵੱਧ ਰਾਜ ਕਰਨ ਦੇ ਬਾਵਜੂਦ ਦੇਸ ਵਿਚ ਗਰੀਬੀ, ਅਨਪੜਤਾ, ਭੁਖਮਾਰੀ ਅਤੇ ਮਹਿੰਗਾਈ ਬੇਰੁਜਗਾਰੀ ਖਤਮ ਕਰਨ ਵਿਚ ਅਸਫਲ ਰਹੀ ਹੈ। ਗੈਰ ਕਾਂਗਰਸੀ ਸਰਕਾਰਾਂ ਵਾਲੇ ਸੂਬੇ ਹੀ ਅੱਜ ਦੇਸ ਅੰਦਰ ਸਭ ਤੋਂ ਵੱਧ ਤਰੱਕੀ ਕਰ ਰਹੇ ਹਨ।