ਕੰਟੀਨੇਂਟਲ ਗਰੁੱਪ ਆਫ ਇੰਸਟੀਚਿਊਟ (ਸੀਜੀਆਈ) ਨੇ ਅੱਜ ਇੱਥੇ ਆਪਣਾ ਸਾਲਾਨਾ ਐਨੂਅਲ ਡੇ ਫੰਕਸ਼ਨ-2016 ਮਨਾਇਆ। ਇਸ ਮੌਕੇ 'ਤੇ ਮੁੱਖ ਮਹਿਮਾਨ ਰਹੇ ਪੰਜਾਬ ਅਤੇ ਹਰਿਆਣਾ ਦੇ ਰਾਜਪਾਲ ਪ੍ਰੋ. ਕਪਤਾਨ ਸਿੰਘ ਸੌਲੰਕੀ। ਖਾਸ ਮਹਿਮਾਨਾਂ ਦੀ ਸੂਚੀ ਵਿਚ ਪੰਜਾਬ ਅਤੇ ਹਰਿਆਣਾ ਦੇ ਸਾਬਕਾ ਰਾਜਪਾਲ ਜਨਰਲ (ਰਿਟਾਇਰਡ) ਬੀ. ਕੇ. ਐਨ. ਛਿੱਬੜ, ਪੰਜਾਬ ਸਰਕਾਰ ਦੇ ਸਹਾਇਕ ਮੀਡੀਆ ਸਲਾਹਕਾਰ ਵਿਨੀਤ ਜੋਸ਼ੀ, ਕੈਨੇਡਾ ਅਤੇ ਸਸਕੇਚਵਾਨ ਸਥਿਤ ਸਸਕੇਚਵਾਨ ਪੋਲੀਟੈਕਨਿਕ ਦੇ ਡੀਨ ਪ੍ਰੋ. ਮਾਈਕਲ ਵੈਨ ਗ੍ਰੋਂਡੇਲ, ਸੀਜੀਆਈ ਦੇ ਐਡਾਈਵਰੀ ਬੋਰਡ ਦੇ ਮੈਂਬਰ ਲੈਫ. ਜਨਰਲ (ਰਿਟਾਇਰਡ) ਕੇ. ਐਸ. ਮਾਨ ਅਤੇ ਸੀਜੀਆਈ ਦੇ ਬਾਕੀ ਪ੍ਰਮੁੱਖ ਬੋਰਡ ਆਫ ਡਾਇਰੈਕਟਸ ਸਾਮਿਲ ਸਨ। ਸਵਾਗਤੀ ਭਾਸ਼ਣ ਵਿਚ ਸੀਜੀਆਈ ਦੇ ਪ੍ਰੈਜੀਡੈਂਟ ਅਤੇ ਚੇਅਰਮੈਨ-ਕਮ-ਮੈਨੇਜਿੰਗ ਡਾਇਰੈਕਟਰ ਲੈਫ. ਕਰਨਲ (ਰਿਟਾਇਰਡ) ਬੀ. ਐਸ. ਸੰਧੂ ਨੇ ਸਾਰੇ ਮਹਿਮਾਨਾਂ ਦੇ ਪ੍ਰਤੀ ਧੰਨਵਾਦ ਪ੍ਰਗਟ ਕੀਤਾ। ਉਨ੍ਹਾਂ ਕਿਹਾ, 'ਤੁਹਾਡੇ ਸਾਰਿਆਂ ਦਾ ਅੱਜ ਇੱਥੇ ਹੋਣਾ ਸਾਡੇ ਲਈ ਬੇਹੱਦ ਮਾਣ ਵਾਲੀ ਗੱਲ ਹੈ। ਤੁਸੀਂ ਇਸ ਸੈਲੀਬ੍ਰੇਸ਼ਨ ਨੂੰ ਹੋਰ ਵੀ ਵੱਡਾ ਬਣਾ ਦਿੱਤਾ ਹੈ ਅਤੇ ਅਸੀਂ ਲੋਕ ਪੂਰੇ ਜੋਸ਼ ਨਾਲ ਸਫਲਤਾ ਦੀਆਂ ਪੌੜੀਆਂ ਇੰਝ ਹੀ ਚੜ੍ਹਦੇ ਰਹਿਣ ਦੀ ਕਾਮਨਾ ਕਰਦੇ ਹਾਂ।'
ਮੁਖ ਮਹਿਮਾਨ ਪ੍ਰੋ. ਸੋਲੰਕੀ ਨੇ ਕਿਹਾ, 'ਸਿੱਖਿਆ ਸਭ ਤੋਂ ਵੱਡਾ ਅਤੇ ਸਭ ਤੋਂ ਮਹੱਤਵਪੂਰਨ ਤੋਹਫਾ ਹੈ ਜੋ ਕਿਸੇ ਨੂੰ ਦਿੱਤਾ ਜਾ ਸਕਦਾ ਹੈ। ਮੈਨੂੰ ਇਸ ਗਰੁੱਪ 'ਤੇ ਮਾਣ ਹੈ ਜਿਸ ਨੇ ਇਨਾਂ ਸਾਲਾਂ ਵਿਚ ਬੇਹੱਦ ਵਿਕਾਸ ਕੀਤਾ ਹੈ ਅਤੇ ਸੂਬੇ ਦੀ ਪੇਂਡੂ ਜਨ ਸੰਖਿਆ ਤੱਕ ਵਿਸ਼ਵ-ਪੱਧਰ ਦੀ ਸਿੱਖਿਆ ਨੂੰ ਪਹੁੰਚਾਇਆ ਹੈ। ਸੀਜੀਆਈ ਸਰਹੱਦਾਂ ਦੇ ਪਾਰ ਜਾਣ ਵਾਲੇ ਤੁਹਾਡੇ ਸੁਪਨਿਆਂ ਨੂੰ ਪੂਰਾ ਕਰਦਾ ਹੈ ਜੋ ਆਪਣੇ ਆਪ ਵਿਚ ਬੇਹੱਦ ਨੇਕ ਕੰਮ ਹੈ।' ਸੀਜੀਆਈ ਦੇ ਐਗਜੀਕਿਊਟਿਵ ਡਾਇਰੈਕਟਰ ਬ੍ਰਿਗੇਡੀਅਰ (ਡਾ.) ਜੇ. ਕੇ. ਝਾਅ ਅਤੇ ਕੰਟੀਨੇਂਟਲ ਇੰਸਟੀਚਿਊਟ ਆਫ ਇੰਟਰਨੇਸ਼ਨਲ ਸਟੱਡੀਜ਼ ਦੀ ਪਿੰਰਸੀਪਲ ਅਮਨਦੀਪ ਪਾਹਵਾ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਨੂੰ ਗਰੁੱਪ ਦੀਆਂ ਵੱਖ-ਵੱਖ ਕਾਮਯਾਬੀਆਂ ਤੋਂ ਜਾਣੂ ਕਰਵਾਇਆ।ਕੰਟੀਨੇਂਟਲ ਗਰੁੱਪ ਆਫ ਹਾਇਰ ਸਟੱਡੀਜ਼ ਦੇ ਪ੍ਰਿੰਸੀਪਲ ਡਾ. ਮਨਿੰਦਰਜੀਤ ਸਿੰਘ ਪਾਬਲਾ ਅਤੇ ਕੰਟੀਨੇਂਟਲ ਇੰਸਟੀਚਿਊਟ ਆਫ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਦੇ ਪ੍ਰਿੰਸੀਪਲ ਡਾ. ਰਾਜਾ ਸਿੰਘ ਖੇਲਾ ਵੀ ਇਸ ਮੌਕੇ 'ਤੇ ਮੌਜੂਦ ਰਹੇ। ਯੂਨੀਵਰਸਿਟੀ ਤੋਂ ਮੈਰਿਟ ਹਾਸਲ ਕਰਨ ਵਾਲੇ ਵਿਦਿਆਰਥੀਆਂ ਅਤੇ ਫੈਕਲਟੀ ਅਤੇ ਸਟਾਫ ਮੈਂਬਰਸ ਦੇ ਲਈ ਸਨਮਾਨ ਸਮਾਰੋਹ ਵੀ ਹੋਇਆ। ਸੱਭਿਆਚਾਰਕ ਪ੍ਰੋਗਰਾਮ, ਗਿੱਧਾ, ਭੰਗੜਾ ਅਤੇ ਬਾਕੀ ਪ੍ਰਫਾਰਮੈਂਸ ਨੇ ਜਸ਼ਨ ਵਿਚ ਚਾਰ ਚੰਨ ਲਗਾ ਦਿੱਤੇ। ਮਿਸ ਮਨਦੀਪ ਕੌਰ (ਸੀ. ਆਈ. ਆਈ. ਐਸ.), ਮਿਸ ਸ਼ਿਖਾ ਸੋਤਾ (ਸੀ. ਸੀ. ਐਚ. ਐਸ.). ਸ੍ਰੀ ਗੌਰਵ ਸਚਦੇਵਾ ਤੇ ਸ਼੍ਰੀ ਸੁਖਜਿੰਦਰ ਸਿੰਘ (ਸੀ. ਆਈ. ਈ. ਟੀ.) ਨੂੰ ਇਸ ਸਾਲ ਦੇ ਬੈਸਟ ਫੈਕਲਟੀ ਦੇ ਤੌਰ 'ਤੇ ਚੁਣਿਆ ਗਿਆ ਜਦਕਿ ਜਗਬੀਰ ਸਿੰਘ (ਸੀ. ਆਈ. ਆਈ. ਐਸ.), ਅਮਨਪ੍ਰੀਤ ਕੌਰ (ਸੀ. ਸੀ. ਐਚ. ਸੀ.) ਤੇ ਨਵਦੀਪ ਸੀਮਾ (ਸੀ. ਆਈ. ਈ. ਟੀ.) ਸਾਰੇ ਇਸ ਸਾਲ ਦੇ ਆਊਟ ਸਟੈਂਡਿੰਗ ਫੈਕਲਟੀ ਰਹੇ। ਗਰੁੱਪ ਦੇ ਲਈ ਵੱਡਮੁੱਲਾ ਯੋਗਦਾਨ ਪਾਉਣ ਦੇ ਬਦਲੇ ਬੈਸਟ ਸਟਾਫ ਦੇ ਤੌਰ 'ਤੇ ਅਰਵਿੰਦਰਪ੍ਰੀਤ ਸਿੰਘ ਨੂੰ ਸਨਮਾਨਿਤ ਕੀਤਾ ਗਿਆ। ਉੱਧਰ ਵਿਦਿਆਰਥੀਆਂ ਵਿਚ ਹਰਪ੍ਰੀਤ ਕੌਰ (ਸੀ. ਸੀ. ਐਚ. ਸੀ.) ਪੰਜਾਬੀ ਯੂਨੀਵਰਸਿਟੀ ਵਿਚ ਫੈਸ਼ਨ ਟੈਕਨਾਲੋਜੀ ਵਿਚ ਗੋਲਡ ਮੈਡਲਿਸਟ, ਪੰਜਾਬੀ ਯੂਨਵਰਸਿਟੀ ਵਿਚ ਪਾਵਰ ਲਿਫਟਿੰਗ ਵਿਚ ਇੰਟਰ ਕਾਲਜ ਵਿਚ ਗੋਲਡ ਮੈਡਲਿਸਟ ਸੁਨੀਲ ਕੁਮਾਰ, ਸਨੀ ਦੇਵਗਨ ਨੂੰ ਐਨ. ਸੀ. ਸੀ. ਦਾ ਬੈਸਟ ਕੈਡੇਟ, ਤਨਮਯ ਪਾਠਕ, ਅਭਿਜੀਤ ਸਿੰਘ ਭੁੱਲਰ (ਸੀ. ਆਈ. ਆਈ. ਐਸ.), ਰੇਣੂ ਬਾਲਾ (ਸੀ. ਆਈ. ਈ. ਟੀ.) ਤੇ ਪਵਨਪ੍ਰੀਤ ਕੌਰ (ਕੰਟੀਨੇਂਟਲ ਸਕੂਲ) ਨੂੰ ਇਸ ਸਾਲ ਦੇ ਬੈਸਟ ਸਟੂਡੈਂਟਸ ਦੇ ਤੌਰ 'ਤੇ ਚੁਣਿਆ ਗਿਆ।