ਕੁੜੀਆਂ ਦਾ ਰੁਤਬਾ ਕਿਸੇ ਪੱਖੋਂ ਵੀ ਮੁੰਡਿਆਂ ਨਾਲੋਂ ਘਟ ਨਹੀ ਅਤੇ ਭਰੂਣ ਹੱਤਿਆ ਖ਼ਿਲਾਫ਼ ਜਾਗਰੂਕ ਹੋਏ ਅੱਜ ਸਮਾਜ ਮੁੰਡਿਆਂ ਦੇ ਨਾਲ ਨਾਲ ਕੁੜੀਆਂ ਦੀ ਲੋਹੜੀ ਮਨਾਕੇ ਵਧਿਆ ਕਾਰਜ ਕਰ ਰਹੇ ਹਨ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਬੀਤੀ ਰਾਤ ਮੋਹਾਲੀ ਪ੍ਰੈਸ ਕਲੱਬ ਵੱਲੋਂ ਚਸ਼ਮੇਸ਼ਾਹੀ ਰਿਜੋਰਟ 'ਚ 6ਵਾਂ ਧੀਆਂ ਦੀ ਲੋਹੜੀ ਦਾ ਮੇਲਾ ਕਰਵਾਉਣ ਵੇਲੇ ਮੁਖ ਮਹਿਮਾਨ ਵੱਜੋਂ ਪੁੱਜੇ ਪੰਜਾਬ ਦੇ ਸਿੱਖਿਆ ਮੰਤਰੀ ਡਾ ਦਲਜੀਤ ਸਿੰਘ ਚੀਮਾਂ ਵੱਲੋਂ ਕੀਤਾ। ਉਨ੍ਹਾਂ ਕਿਹਾ ਕਿ ਲਗਾਤਾਰ ਕੁੜੀਆਂ ਦੀ ਘਟ ਰਹੀ ਗਿਣਤੀ ਤੋਂ ਸਰਕਾਰ ਵੀ ਚਿੰਤਤ ਸੀ ਪਰ ਹੁਣ ਸਮਾਜ 'ਚ ਲਿਆਂਦੀ ਜਾਗਰਿਤੀ ਕਾਰਨ ਕੁੜੀਆਂ ਮੁੰਡਿਆਂ ਦਾ ਅਨੁਪਾਤ ਠੀਕ ਹੋ ਰਿਹਾ ਹੈ। ਡਾ ਚੀਮਾਂ ਨੇ ਮੋਹਾਲੀ ਪ੍ਰੈਸ ਕਲੱਬ ਵੱਲੋਂ ਲਗਾਤਾਰ ਛੇਵੀਂ ਵਾਰ ਕੁੜੀਆਂ ਦੀ ਮਨਾਈ ਜਾ ਰਹੀ ਲੋਹੜੀ ਦੀ ਪ੍ਰਸੰਸਾ ਕਰਦਿਆਂ ਕਿਹਾ ਕਿ ਪੱਤਰਕਾਰ ਅਖ਼ਬਾਰਾਂ 'ਚ ਕਾਲਮ ਲਿਖਕੇ ਸਮਾਜਿਕ ਸਮਾਗਮ ਕਰਦੇ ਵੀ ਅਪਣਾ ਯੋਗਦਾਨ ਪਾ ਰਹੇ ਹਨ ਉਨ੍ਹਾਂ ਮੋਹਾਲੀ ਪ੍ਰੈਸ ਕਲੱਬ ਨੂੰ 5 ਲੱਖ ਰੁਪਏ ਦੀ ਗਰਾਂਟ ਦੇਣ ਦਾ ਵੀ ਐਲਾਨ ਕੀਤਾ। ਇਸ ਮੌਕੇ ਆਨੰਦਪੁਰ ਸਾਹਿਬ ਤੋਂ ਮੈਂਬਰ ਪਾਰਲੀਮੈਂਟ ਪ੍ਰੋ. ਪ੍ਰੇਮ ਸਿੰਘ ਚੰਦੂਮਾਜਰਾ ਨੇ ਕਿਹਾ ਕਿ ਔਰਤਾਂ ਮਰਦਾਂ ਨਾਲੋਂ ਅੱਗੇ ਹੋਕੇ ਕੰਮ ਕਰ ਰਹੀਆਂ ਹਨ। ਉਨਾਂਹ ਕਿਹਾ ਕਿ ਗੁਰੂ ਸਾਹਿਬ ਨੇ ਔਰਤਾਂ ਦੀ ਵਡਿਆਈ ਕਰਦਿਆਂ ਕਿਹਾ ' ਸੋ ਕਿਊ ਮੰਦਾ ਆਖੀਏ ਜਿਤੁ ਜੰਮੇਂ ਰਾਜ਼ਨ'।ਮੋਹਾਲੀ ਪ੍ਰੈਸ ਕਲੱਬ ਦੇ ਪ੍ਰਧਾਨ ਸੁਖਦੇਵ ਸਿੰਘ ਪਟਵਾਰੀ ਨੇ ਕਿਹਾ ਮੋਹਾਲੀ ਪ੍ਰੈਸ ਕਲੱਬ ਸੁਰੂ ਤੋਂ ਹੀ ਪੱਤਰਕਾਰਤਾ ਦੇ ਨਾਲ ਨਾਲ ਸਮਾਜਿਕ ਕੰਮਾਂ ਖੇਡਾਂ, ਸਿਹਤ ਤੇ ਹੋਰ ਲੋਕ ਭਲਾਈ ਕੰਮਾਂ 'ਚ ਅਪਣਾ ਯੋਗਦਾਨ ਪਾ ਰਿਹਾ ਹੈ।
ਇਸ ਮੇਲੇ 'ਚ ਸੱਭਿਆਚਾਰ ਸਭ ਤੋਂ ਵੱਧ ਖਿੱਚ ਦਾ ਕੇਂਦਰ ਅੰਤਰਰਾਸ਼ਟਰੀ ਪੰਜਾਬੀ ਗਾਇਕ, ਸਤਵਿੰਦਰ ਬੱਗਾ, ਅਨਮੋਲਗਗਨ ਮਾਨ, ਅਤੇ ਕਰਮਜੀਤ ਅਨਮੋਲ ਵੱਲੋਂ ਪੇਸ਼ ਕੀਤੇ ਅਪਣੇ ਯਾਦਗਾਰ ਗੀਤ ਪੇਸ਼ ਕਰਕੇ ਮੇਲੇ ਨੂੰ ਸਿਖਰਾਂ ਤਾ ਪਹੁੰਚਾ ਦਿਤਾ। ਪ੍ਰੋਗਰਾਮ ਦਾ ਆਗਾਜ਼ ਉਭਰ ਰਹੇ ਗਾਇਕ ਹਰਿੰਦਰ ਹਰ ਨੇ ਅਪਣੀ ਦਮਦਾਰ ਅਵਾਜ਼ 'ਚ ਧਾਰਮਿਕ ਗੀਤ ਅਤੇ ਅਪਣਾ ਆਉਣ ਵਾਲੇ ਟਰੈਕ ਚੋ 'ਕਾਲੀ ਓੜੀ' ਪੇਸ਼ ਕਰਕੇ ਕੀਤਾ। ਉੱਘੇ ਗਾਇਕ ਸਤਵਿੰਦਰ ਬੁੱਗਾ ਨੇ ਅਪਣੇ ਸਦਾ ਬਹਾਰ ਗੀਤ 'ਤੂਤਾਂ ਵਾਲਾ ਖੂਹ ਦੋਸਤੋ', ਜੁਗਨੀ ਤੇ ਸੱਲਾ ਪੇਸ਼ ਕਰਕੇ ਸਰੋਤਿਆਂ ਨੂੰ ਨੱਚਣ ਲਾ ਦਿਤਾ।ਅੱਜ ਕੱਲ ਵੱਖ ਵੱਖ ਟੀਵੀ ਚੈਨਲਾਂ ਤੇ ਛਾਈ ਨੌਜਵਾਨਾਂ ਦੀ ਪਸੰਦ ਗਾਇਕਾ ਅਨਮੋਲਗਗਨ ਮਾਨ, ਜੱਟ ਦਾ ਬੁਲਟ ਮਾਰੇ ਬੜ੍ਹਕਾਂ, ਦਿਲੀ ਤੱਕ ਤਾਰਾਂ ਖੜਕਾ ਦੇ ਮਿੱਤਰਾ, ਛਕੀਨ ਜੱਟ, ਪਤੰਦਰ ਅਤੇ ਵੈਲੀ ਗੀਤ ਪੇਸ਼ ਕਰਕੇ ਅਪਣੀ ਗਾਇਕੀ ਦਾ ਲੋਹਾ ਮਨਾਇਆ। ਨੌਜਵਾਨਾਂ ਦੇ ਦਿਲਾਂ ਦੀ ਧੜਕਣ ਗਾਇਕ ਅਤੇ ਹੱਸ ਰੱਸ ਕਲਾਕਾਰ ਕਰਮਜੀਤ ਅਨਮੋਲ ਨੇ ਅਪਣੀ ਦਮਦਾਰ ਅਵਾਜ਼ ਵਿੱਚ ' ਯਾਰਾ ਓ ਯਾਰਾ' ਪੇਸ਼ ਕਰਕੇ ਲੋਕਾਂ ਨੂੰ ਕੀਲ ਲਿਆ। ਇਸ ਤੋਂ ਇਲਾਵਾ ਗਾਇਕਾ ਕਿਰਨ ਕੌਰ, ਅਤੇ ਗੁਰਦੀਪ ਘੁਮਾਣ ਨੇ ਵੀ ਅਪਣੀ ਹਾਜ਼ਰੀ ਲਗਵਾਈ ।ਇਸ ਮੌਕੇ ਮੋਹਾਲੀ ਪ੍ਰੈਸ ਕਲੱਬ ਵੱਲੋਂ ਅਪਣੇ ਮੈਂਬਰਾਂ ਨਾਲ ਸਬੰਧਿਤ ਪਰਿਵਾਰਾਂ 'ਚ ਪਿਛਲੇ ਸਾਲ ਪੈਦਾ ਹੋਈਆਂ ਬੱਚੀਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।
ਇਸ ਮੌਕੇ ਡਾ ਚੀਮਾ ਨੇ ਹਾਜ਼ਰ ਬੱਚੀਆਂ ਦੇ ਨਾਲ ਮਿਲਕੇ ਲੋਹੜੀ ਬਾਲਣ ਦੀ ਰਸਮ ਅਦਾ ਕੀਤੀ ਅਤੇ ਪਰੇਮ ਸਿੰਘ ਚੰਦੂਮਾਜਰਾ ਨੇ ਮੋਹਾਲੀ ਪ੍ਰੈਸ ਕਲੱਬ ਦਾ ਸਾਲ 2016 ਦਾ ਕਲੰਡਰ ਰਲੀਜ਼ ਕੀਤਾ। ਇਸ ਮੌਕੇ ਐਸ.ਡੀ ਐਮ ਮੋਹਾਲੀ ਲਖਵੀਰ ਸਿੰਘ ਨੇ ਅਪਣੀ ਕਲਮ ਤੋਂ ਧੀਆਂ ਲਈ ਲਿਖੀ ਕਵਿਤਾ ਪੇਸ਼ ਕੀਤਾ। ਡਾ ਦਲਜੀਤ ਸਿੰਘ ਚੀਮਾ ਅਤੇ ਪ੍ਰੋ.ਪਰੇਮ ਸਿੰਘ ਚੰਦੂਮਾਜਰਾ ਵੱਲੋਂ, ਅਨਮੋਲਗਗਨ ਮਾਨ, ਸਤਵਿੰਦਰ ਬੁੱਗਾ, ਕਰਮਜੀਤ ਅਨਮੋਲ, ਹਰਿੰਦਰ ਹਰ, ਕਿਰਨ ਕੌਰ, ਬਲਜੀਤ ਸਿੰਘ ਕੁੰਭੜਾ, ਐਸ.ਡੀ.ਐਮ ਲਖਵੀਰ ਸਿੰਘ, ਸੰਜੀਵ ਵਸਿਸਟ, ਕੌਸਲਰ ਗੁਰਮੀਤ ਸਿੰਘ ਵਾਲੀਆ, ਅਸ਼ੋਕ ਗੋਇਲ, ਦਰਸ਼ਨ ਸਿੰਘ ਸ਼ਿਵਜੋਤ, ਚਰਨਜੀਤ ਸਿੰਘ ਵਾਲੀਆ ਆਦਿ ਨੂੰ ਮੋਮੈਂਟੋ ਦੇ ਕੇ ਸਨਮਾਨ ਕੀਤਾ। ਮੇਲੇ ਵਿੱਚ ਪੱਤਰਕਾਰ ਤੇ ਉਨਾਂ ਦੇ ਪਰਿਵਾਰਾਂ ਨੇ ਮੇਲੇ ਦਾ ਖੂਬ ਆਨੰਦ ਮਾਣਇਆ। ਇਸ ਮੌਕੇ ਗੁਰਜੀਤ ਸਿੰਘ ਬਿੱਲਾ, ਗੁਰਦੀਪ ਸਿੰਘ ਬੈਨੀਪਾਲ, ਰਣਜੀਤ ਰਾਣਾ, ਹਰਬੰਸ ਬਾਗੜੀ, ਵਿਕੀ ਘਾਰੂ, ਬਲਜੀਤ ਮਰਵਾਹਾ, ਜਸਵਿੰਦਰ ਰੁਪਾਲ, ਗੁਰਮੀਤ ਸ਼ਾਹੀ, ਭੁਪਿੰਦਰ ਬੱਬਰ, ਇੰਦਰ ਸਿੰਘ, ਜਗਤਾਰ ਸਿੰਘ ਭੁੱਲਰ, ਯੋਧਾ ਸਿੰਘ ਮਾਨ, ਅਮਰਜੀਤ ਸਿੰਘ , ਅਰੂਣ ਨਾਭਾ, ਸੁਖਵਿੰਦਰ ਸ਼ਾਨ, ਮਨਜੀਤ ਟਿਵਾਣਾ, ਜਸਵੀਰ ਜੱਸੀ, ਕੁਲਵਿੰਦਰ ਬਾਵਾ, ਕੁਲਦੀਪ ਸਿੰਘ, ਰਜੀਵ ਤਨੇਜਾ, ਨੇਹਾ ਵਰਮਾਂ, ਬਲਜਿੰਦਰ ਢਿਲੋਂ, ਮਨਪ੍ਰੀਤ ਕੌਰ ਅਤੇ ਨਾਹਰ ਸਿੰਘ ਧਾਲੀਵਾਲ ਆਦਿ ਹਾਜ਼ਰ ਸਨ।