ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ ਅਧੀਨ ਪੰਜਾਬ ਸਰਕਾਰ ਵੱਲੋਂ ਰਾਜ ਦੇ ਲੋਕਾਂ ਦੀ ਸਰਕਾਰੀ ਸਕੀਮਾਂ ਵਿੱਚ 100 ਫੀਸਦੀ ਵਿੱਤੀ ਸ਼ਮੂਲੀਅਤ ਯਕੀਨੀ ਬਨਾਉਣ ਲਈ 29,17,334 ਬੈਂਕ ਖਾਤੇ ਖੋਲੇ ਗਏ ਹਨ ਜਿਸ ਲਈ ਵੱਖ ਵੱਖ ਬੈਂਕਾਂ ਵੱਲੋਂ 23412 ਕੈਪ ਲਗਾਏ ਗਏ ਸਨ ਤਾਂ ਜੋ ਉਨ੍ਹਾਂ ਸਾਰੇ ਘਰਾ ਦੇ ਬੈਂਕ ਖਾਤੇ ਖੋਲ੍ਹੇ ਜਾ ਸਕਣ ਜਿਨ੍ਹਾਂ ਦੇ ਖਾਤੇ ਕਿਸੇ ਵੀ ਬੈਂਕ ਵਿੱਚ ਨਹੀ ਸਨ। ਇਸ ਵਿਲੱਖਣ ਅਤੇ ਬੇਮਿਸਾਲ ਯਤਨ ਸਦਕਾ ਪੰਜਾਬ ਦੇਸ਼ ਦਾ ਤੀਸਰਾ ਅਜਿਹਾ ਸੂਬਾ ਬਣ ਗਿਆ ਹੈ ਜਿਸ ਨੇ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ 100 ਫੀਸਦੀ ਖਾਤੇ ਖੋਲ੍ਹਣ ਦਾ ਟੀਚਾ ਹਾਂਸਲ ਕਰ ਲਿਆ ।ਵਿਗਿਆਨ ਭਵਨ ਨਵੀਂ ਦਿੱਲੀ ਵਿਖੇ ਅੰਤਰ ਰਾਸ਼ਟਰੀ ਆਰਥਿਕ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਦੇ ਵਿੱਤ ਮੰਤਰੀ ਸ਼੍ਰੀ ਪਰਮਿੰਦਰ ਸਿੰਘ ਢੀਂਡਸਾ ਨੇ ਉਕਤ ਜਾਣਕਾਰੀ ਦਿੱਤੀ ।
ਸ਼੍ਰੀ ਢੀਂਡਸਾ ਨੇ ਕਿਹਾ ਕਿ ਭਾਰਤ ਦੇ ਕੇਂਦਰੀ ਬਜਟ 2015-16 ਦੋਰਾਨ ਜਨ ਧਨ ਯੋਜਨਾ-ਅਧਾਰ-ਮੋਬਾਈਲ ਨੰਬਰ ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਸੀ ਤਾਂ ਜੋ ਭਾਰਤੀ ਲੋਕਾਂ ਦੇ ਜੀਵਨ ਪੱਧਰ ਨੂੰ ਸੁਧਾਰਿਆ ਜਾ ਸਕੇ । ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਸਾਰੇ ਨਾਗਰਿਕਾਂ ਵੱਡੇ ਪੱਧਰ ਤੇ ਸਰਕਕਾਰ ਵੱਲੋਂ ਦਿੱਤੇ ਜਾਂਦੇ ਵਿੱਤੀ ਲਾਭ ਸਿੱਧੇ ਤੋਰ ਤੇ ਦੇਣ ਲਈ ਨੂੰ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ ਦਾ ਅਗਾਜ 28 ਅਗਸਤ 2014 ਨੂੰ ਕੀਤਾ ਗਿਆ ਸੀ ।ਮੋਬਾਈਲ ਨੰਬਰ ਅਤੇ ਅਧਾਰ ਕਾਰਡ ਨਾਲ ਬੈਂਕ ਖਾਤੇ ਨੂੰ ਜੋੜ ਕੇ ਸਰਕਾਰ ਨੇ ਵਿੱਤੀ ਲਾਭ ਸਿੱਧੇ ਲਾਭਪਾਤਰ ਨੂੰ ਬੈਂਕ ਖਾਤੇ ਰਾਹੀ ਦੇਣ ਦਾ ਫੈਸਲਾ ਕੀਤਾ ਸੀ ਤਾਂ ਜੋ ਸਾਰੇ ਵਿਚੋਲਿਆ ਨੁੰ ਇਸ ਵਿੱਚੋਂ ਲਾਂਭੇ ਕੀਤਾ ਸਕੇ। ਉਨ੍ਹਾਂ ਕਿਹਾ ਕਿ ਵਿੱਤੀ ਵੰਡ ਨੂੰ ਕੈਸਲੈਸ ਤਰੀਕੇ ਨਾਲ ਨੇਪਰੇ ਚਾੜਿਆ ਗਿਆ ।ਸੂਚਨਾ ਕ੍ਰਾਤੀ ਦੇ ਸਦਕੇ ਦੂਰ ਦੁਰਾਡੇ ਦੇ ਇਲਾਕਿਆਂ ਵਿੱਚ ਵਸਦੇ ਲੋਕਾਂ ਨੂੰ ਵੀ ਆਰਥਿਕ ਤੋਰ ਤੇ ਮੁੱਖਧਾਰਾ ਵਿੱਚ ਲਿਆਉਣ ਵਿੱਚ ਮਦਦ ਮਿਲੀ ਹੈ ।
ਵਿੱਤੀ ਮੰਤਰੀ ਨੇ ਕਿਹਾ ਕਿ ਪੰਜਾਬ ਰਾਜ ਵਿੱਚ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ ਦਾ ਅਗਾਜ 28 ਅਗਸਤ 2014 ਨੂੰ ਮੁੱਖ ਮੰਤਰੀ ਪੰਜਾਬ ਵੱਲੋਂਕੀਤਾ ਗਿਆ ਸੀ ।ਉਨ੍ਹਾਂ ਕਿਹਾ ਕਿ ਇਸ ਸਕੀਮ ਅਧੀਨ ਹਰ ਖਾਤਾ ਧਾਰਕ ਨੂੰ ਇਕ ਲ਼ੱਖ ਦਾ ਐਕਸੀਡੈਂਟਲ ਇੰਸ਼ੋਰੈਸ਼ ਦੇਣ ਤੋਂ ਇਲਾਵਾ 30 ਹਜਾਰ ਦਾ ਲਾÂਫਿ ਇੰਸੋਰੈਂਸ ਵੀ ਦਿੱਤਾ ਜਾਂਦਾ ਹੈ ਅਤੇ ਡੇਬਿਟ ਕਾਰਡ ਵੀ ਦਿੱਤਾ ਜਾਂਦਾ ਹੈ । ਉਨ੍ਹਾਂ ਕਿਹਾ ਸੂਬੇ ਦੇ 54,76,724 ਘਰਾਂ ਦੇ ਬੈਕ ਖਾਤੇ ਖੋਲ੍ਹਣ ਲਈ ਰਾਜ ਸਰਕਾਰ ਦੀ ਮਦਦ ਨਾਲ ਬੈਂਕਾਂ ਵੱਲੋਂ ਆਪਣੇ ਆਪਣੇ ਮਿਲੇ ਹੋਏ ਘਰ- ਘਰ ਜਾ ਕੇ ਸਰਵੇਖਣ ਕੀਤਾ ਗਿਆ ਸੀ ਅਤੇ ਸਰਵੇ ਅਤੇ ਬੈਂਕ ਖਾਤੇ ਖੋਲ੍ਹਣ ਦੀ ਇਸ ਕਾਰਵਾਈ ਦੇ ਕੰਮ ਦੀ ਨਿਗਰਾਨੀ ਲਈ ਮਿਸ਼ਨ ਡਾਇਰੈਕਟਰ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ ਦੀ ਅਗਵਾਈ ਹੇਠ ਰਾਜ ਦੇ ਸਾਰੇ ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰਾਂ ਅਤੇ ਜ਼ਿਲਾ੍ਹ ਮੈਨੇਜਰਾਂ ਦੀ ਵੀਡੀਉ ਕਾਨਫਰਸਿੰਗ ਰਾਹੀ ਹਰ ਹਫਤੇ ਮੀਟਿੰਗ ਕੀਤੀ ਜਾਂਦੀ ਸੀ।ਸ਼੍ਰੀ ਢੀਂਡਸਾ ਨੇ ਕਿਹਾ ਕਿ ਸੂਬੇ ਦੇ ਉਨ੍ਹਾਂ ਬੀ.ਪੀ.ਐਲ ਪਰਿਵਾਰਾਂ ਨੂੰ 2.16 ਕਰੋੜ ਰਾਸ਼ੀ ਇੰਸੈਟਿਵ ਵੱਜੋਂ ਜਾਰੀ ਕਰ ਦਿੱਤੀ ਗਈ ਹੈ ਜਿਨ੍ਹਾਂ ਨੇ ਮੁਹਿੰਮ ਦੋਰਾਨ ਆਪਣੇ ਅਧਾਰ ਕਾਰਡ ਬਣਵਾਏ ਅਤੇ ਫਿਰ ਇਨ੍ਹਾਂ ਨੂੰ ਆਪਣੇ ਬੈਂਕ ਖਾਤਿਆਂ ਨਾਲ ਵੀ ਜੋੜ ਦਿੱਤੇ । ਉਨ੍ਹਾਂ ਕਿਹਾ ਕਿ ਸਰਵੇ ਦੋਰਾਨ ਇਹ ਗੱਲ ਸਾਹਮਣੇ ਆਈ ਕਿ ਪੰਜਾਬ ਰਾਜ ਵਿੱਚ ਪਹਿਲਾਂ ਤੋਂ ਹੀ 4573463 ਘਰਾਂ ਦੇ ਬੈਂਕ ਖਾਤੇ ਬਣੇ ਹੋਏ ਸਨ ਸਿਰਫ 863524 ਨਵੇਂ ਹੀ ਖਾਤੇ ਖੋਲ੍ਹਣੇ ਪਏ ਸਨ । ਜਿਸ ਸਦਕੇ ਪੰਜਾਬ ਦੇਸ਼ ਦਾ ਤੀਸਰਾ ਅਜਿਹਾ ਸੂਬਾ ਬਣ ਗਿਆ ਜਿਸ ਨੇ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ ਅਧੀਨ ਸਾਰੇ ਘਰਾਂ ਦੇ ਬੈਂਕ ਖੋਲ਼੍ਹ ਦਿੱਤੇ ਹਨ।