ਸ਼ਹੀਦ-ਏ-ਆਜਮ ਸ.ਭਗਤ ਸਿੰਘ ਫੁੱਟਬਾਲ ਟੂਰਨਾਮੈਟ ਕਮੇਟੀ ਗੜ੍ਹਸ਼ੰਕਰ ਵਲੋ ਪ੍ਰਧਾਨ ਜਸਵੀਰ ਸਿੰਘ ਰਾਏ ਐਡਵੋਕੇਟ ਦੀ ਅਗਵਾਈ 'ਚ ਬਣਾਈ ਸ਼ਹੀਦ ਭਗਤ ਸਿੰਘ ਫੁੱਟਬਾਲ ਕੱਲਬ ਨੂੰ ਉਘੇ ਸਮਾਜ ਸੇਵੀ ਅਤੇ ਕਾਗਰਸ ਪਾਰਟੀ ਦੇ ਸੂਬਾਈ ਆਗੂ ਅਸ਼ੋਕ ਕੁਮਾਰ ਨਾਨੋਵਾਲ ਨੇ ਆਪਣੇ ਵਲੋ ੧੧ ਹਜਾਰ ਰੁਪਏ ਮੁੱਲ ਦੀਆ ਵਰਦੀਆ ਭੇਟ ਕੀਤੀਆ। ਇਥੋ ਦੇ ਸਰਕਾਰੀ ਸੀਨੀਅਰ ਸੰਕੇਡਰੀ ਸਕੂਲ ਦੇ ਖੇਡ ਮੈਦਾਨ ਖਿਡਾਰੀਆ ਨੂੰ ਵਰਦੀਆ ਭੇਟ ਕਰਨ ਤੋ ਬਾਅਦ ਅਸ਼ੋਕ ਕੁਮਾਰ ਨਾਨੋਵਾਲ ਨੇ ਇਸ ਕਾਰਜ ਲਈ ਟੂਰਨਾਮੈਟ ਕਮੇਟੀ ਨੂੰ ਵਧਾਈ ਦਿੰਦਿਆ ਕਿਹਾ ਕਿ ਨੌਜਵਾਨ ਵਰਗ ਨੂੰ ਮਾੜੀਆ ਕੁਰੀਤੀਆ ਤੋ ਦੂਰ ਰੱਖਣ ਲਈ ਇਸ ਤਰਾਂ ਦੇ ਉਪਰਾਲੇ ਅਤਿ ਜਰੂਰੀ ਹਨ। ਉਹਨਾ ਨੇ ਟੂਰਨਾਮੈਟ ਕਮੇਟੀ ਨੂੰ ਅੱਗੇ ਤੋ ਵੀ ਇਸ ਤਰਾ ਦੇ ਨੇਕ ਕੰਮਾ ਲਈ ਹਰ ਸੰਭਵ ਸਹਾਇਤਾ ਦੇਣ ਦਾ ਵਿਸ਼ਵਾਸ਼ ਦਵਾਇਆ।
ਇਸ ਮੌਕੇ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਜਸਵੀਰ ਸਿੰਘ ਰਾਏ ਨੇ ਅਸ਼ੋਕ ਕੁਮਾਰ ਨਾਨੋਵਾਲ ਦਾ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ। ਇਥੇ ਦਸਣਯੋਗ ਹੈ ਕਿ ਵਾਈ.ਐਫ.ਸੀ ਫੁੱਟਬਾਲ ਕੱਲਬ ਰੁੜਕਾਂ ਕਲਾਂ ਅਤੇ ਗੁਰਮੰਗਲ ਦਾਸ ਸੋਨੀ ਦੇ ਸਹਿਯੋਗ ਨਾਲ ੧ ਅਪ੍ਰੈਲ ੨੦੧੫ ਤੋ ਸ਼ਹੀਦ ਭਗਤ ਸਿੰਘ ਫੁੱਟਬਾਲ ਕੱਲਬ ਗੜ੍ਹਸ਼ੰਕਰ ਵਲੋ ਅੰਡਰ ੧੪ ਸਾਲ ਉਮਰ ਦੇ ਖਿਡਾਰੀਆ ਦੀ ਵਿਸ਼ੇਸ਼ ਫੁੱਟਬਾਲ ਟ੍ਰੇਨਿੰਗ ਸ਼ੁਰੂ ਕੀਤੀ ਗਈ ਹੈ ਅਤੇ ਇਹਨਾਂ ਖਿਡਾਰੀਆ ਨੂੰ ਸਮੇ-ਸਮੇ ਤੇ ਵਿਦੇਸ਼ੀ ਕੋਚ ਵੀ ਟ੍ਰੇਨਿੰਗ ਦੇਣ ਲਈ ਪਹੁੰਚ ਰਹੇ ਹਨ। ਇਸ ਮੌਕੇ ਅਸ਼ੋਕ ਕੁਮਾਰ ਨਾਨੋਵਾਲ, ਕਮੇਟੀ ਪ੍ਰਧਾਨ ਜਸਵੀਰ ਸਿੰਘ ਰਾਏ ਤੋ ਇਲਾਵਾ ਉਪ ਪ੍ਰਧਾਨ ਰਜਿੰਦਰ ਛਾਬੜਾਂ, ਜਰਨਲ ਸਕੱਤਰ ਸਤਨਾਮ ਸਿੰਘ ਪਾਰੋਵਾਲ, ਕਮਲਜੀਤ ਸਿੰਘ ਬੈਸ, ਮਨਜੀਤ ਸਿੰਘ ਸੰਘਾ, ਕੋਚ ਮਨਜੀਤ ਸਿੰਘ, ਕੇਵਲ ਸਿੰਘ ਗੋਲੀਆ, ਕੋਚ ਸੁਨੀਲ ਕੁਮਾਰ ਗੋਲਡੀ, ਅਸ਼ੋਕ ਪਰਾਸ਼ਰ ਆਦਿ ਹਾਜਰ ਸਨ।