ਰਾਜ ਸਭਾ ਮੈਂਬਰ ਤੇ ਭਾਜਪਾ ਦੇ ਕੌਮੀ ਮੀਤ ਪ੍ਰਧਾਨ ਅਵਿਨਾਸ਼ ਰਾਏ ਖੰਨਾ ਵਲੋਂ 6 ਸਾਲ ਪਹਿਲਾਂ ਸ਼ੁਰੂ ਕੀਤੀ ਪਾਣੀ ਬਚਾਓ ਮੁਹਿੰਮ ਨੂੰ ਉਸ ਸਮੇਂ ਭਰਵਾਂ ਹੁੰਗਾਰਾ ਮਿਲਿਆ ਜਦੋਂ ਕੇਂਦਰੀ ਜਲ ਸੰਸਾਧਨ ਤੇ ਨਹਿਰ ਵਿਕਾਸ ਮੰਤਰੀ ਊਮਾ ਭਾਰਤੀ ਨੇ 'ਪਾਣੀ ਬਚਾਓ ਵਾਹਨ ਸਟੀਕਰ-2015' ਜਾਰੀ ਕੀਤਾ। ਖੰਨਾ ਨੇ ਕਿਹਾ ਕਿ ਇਹ ਵਿਸ਼ੇਸ ਤੌਰ 'ਤੇ ਗਰਮੀਆਂ ਵਿਚ ਪਾਣੀ ਨੂੰ ਬਚਾਉਣ ਲਈ ਲੋਕਾਂ ਨੂੰ ਪ੍ਰੇਰਿਤ ਕਰਨ ਦਾ ਚੰਗਾ ਤਰੀਕਾ ਹੈ। ਉਨ੍ਹਾਂ ਇਸ ਗੱਲ ਦੀ ਵੀ ਸਲਾਘਾ ਕੀਤੀ ਕਿ ਇਸ ਤਹਿਤ ਹੁਣ ਤੱਕ ਪੰਜਾਬ ਭਰ ਵਿਚ 10,000 ਦੇ ਲਗਭਗ ਜਾਗਰੂਕਤਾ ਪ੍ਰੋਗਰਾਮ ਕਰਵਾਏ ਜਾ ਚੁੱਕੇ ਹਨ। ਉਨ੍ਹਾਂ ਨੇ ਦਿੱਲੀ ਦੀ ਤਿਹਾਰ ਜੇਲ ਵਿਚ ਵੀ ਪਾਣੀ ਬਚਾਓ ਵਿਸ਼ੇ 'ਤੇ ਪ੍ਰੋਗਰਾਮ ਦਾ ਆਯੋਜਨ ਕਰਵਾਇਆ ਹੈ। ਉਨ੍ਹਾਂ ਨੇ ਪਾਣੀ ਦੀ ਬੱਚਤ ਅਤੇ ਪਾਣੀ ਦੇ ਮਹੱਤਵ 'ਤੇ 'ਇਕ ਸੰਕਲਪ' ਨਾਮਕ ਪੁਸਤਕ ਵੀ ਪ੍ਰਕਾਸ਼ਿਤ ਕੀਤੀ ਹੈ। ਪਾਣੀ ਨੂੰ ਬਚਾਉਣ ਦੇ ਸੁਝਾਵਾਂ ਵਾਲੀ ਇਹ ਪੁਸਤਕ ਉਨ੍ਹਾਂ ਊਮਾ ਭਾਰਤੀ, ਰਾਸ਼ਟਰਪਤੀ ਅਤੇ ਉਪ ਰਾਸ਼ਟਰਪਤੀ ਤੋਂ ਇਲਾਵਾ ਡੇਲੀਗੇਟਸ ਨੂੰ ਭੇਂਟ ਕੀਤੀ। ਖੰਨਾ ਵਲੋਂ ਹਰ ਸਾਲ ਪਾਣੀ ਬਚਾਓ ਵਿਸ਼ੇ 'ਤੇ ਪ੍ਰਸਤਾਵ, ਸਲੋਗਨ ਰਾਈਟਿੰਗ ਮੁਕਾਬਲੇ ਪੰਜਾਬ ਦੇ ਵਿਦਿਆ ਭਾਰਤੀ ਦੇ ਸਾਰੇ ਸਕੂਲਾਂ, ਬੀ. ਐਸ. ਐਫ. ਟਰੇਨਿੰਗ ਸੈਂਟਰ ਅਤੇ ਪੁਲਸ ਟਰੇਨਿਗ ਸੈਂਟਰ ਹੁਸ਼ਿਆਰਪੁਰ ਵਿਚ ਕਰਵਾਏ ਜਾਂਦੇ ਹਨ। ਇਸ ਸਾਲ ਦੇ ਹੋਏ ਮੁਕਾਬਲਿਆਂ ਦੇ ਜੇਤੂਆਂ ਨੂੰ ਗਵਰਨਰ ਪ੍ਰੋ. ਕਪਤਾਨ ਸਿੰਘ ਸੌਲੰਕੀ ਅਤੇ ਕੇਂਦਰੀ ਮੰਤਰੀ ਵਿਜੇ ਸਾਂਪਲਾ ਨੇ ਇਨਾਮ ਦਿੱਤੇ।