ਰੇਤ ਮਾਫੇਆ ਖਿਲਾਫ ਬੈਸ ਭਰਾਵਾ ਵਲੋ ਗਠਿਤ ਟੀਮ ਇਨਸਾਫ ਵੱਲੋ ਸੱਤਿਆਗ੍ਰਹਿ ਦੇ ਨਾਂ ਤੇ ਵਿੰਢੀ ਮੁਹਿੰਮ ਨੂੰ ਪੰਜਾਬ ਦੇ ਸਮੂਚੇ ਪਿੰਡਾ ਅਤੇ ਸ਼ਹਿਰਾ 'ਤੋ ਮਿਲ ਰਹੇ ਹੁੰਗਾਰੇ ਨੇ ਵਿਰੋਧੀ ਪਾਰਟੀਆਂ ਨੂੰ ਭਾਜੜਾਂ ਪਾ ਦਿੱਤੀਆਂ ਹਨ। ਜਿੱਥੇ ਪੰਜਾਬ ਵਾਸੀਆਂ ਵੱਲੋ ਮਿਲ ਰਹੇ ਭਰਵੇਂ ਹੁੰਗਾਰੇ ਨੇ ਬੈਂਸ ਭਰਾਵਾਂ ਅਤੇ ਟੀਮ ਇਨਸਾਫ ਦੇ ਹੌਸਲੇ ਬੁਲੰਦ ਕੀਤੇ ਉੱਥੇ ਵਿਦੇਸ਼ਾਂ ਵਿੱਚ ਬੈਠੇ ਪੰਜਾਬੀਆਂ ਵੱਲੋ ਬੈਂਸ ਭਰਾਵਾਂ ਦੇ ਇਸ ਕ੍ਰਾਂਤੀਕਾਰੀ ਕਦਮ ਨੂੰ ਦਿੱਤੇ ਪਿਆਰ ਅਤੇ ਹੌਸਲੇ ਨੇ ਪੰਜਾਬ ਦੀ ਸੱਤਾਧਿਰ ਸ਼੍ਰੋਮਣੀ ਅਕਾਲੀ ਦਲ ਅਤੇ ਖਾਸਕਰਕੇ ਬਾਦਲ ਪਰਿਵਾਰ ਦੇ ਮੱਥੇ ਤੇ ਸ਼ਿਕਨ ਜਰੂਰ ਲਿਆ ਦਿੱਤੀ ਹੈ। ਬੈਂਸ ਭਰਾਵਾਂ ਅਤੇ ਟੀਮ ਇਨਸਾਫ ਨੂੰ ਮਿਲ ਰਿਹਾ ਬੇਤਹਾਸ਼ਾ ਪਿਆਰ ਇੱਕ ਵਾਰ ਫਿਰ ਭਾਂਬੜ ਬਣ ਕੇ ਮਾਫੀਆ ਰਾਜ ਅਤੇ ਬਾਦਲ ਪਰਿਵਾਰ ਦੀਆਂ ਜੜਾਂ ਹਿਲਾ ਸਕਦਾ ਹੈ। ਆਪਣੇ ਟੀਮ ਵਰਕ ਅਤੇ ਪੰਜਾਬੀਆਂ ਦੇ ਦਿਲਾਂ ਵਿੱਚ ਅਲੱਗ ਪਹਿਚਾਨ ਰੱਖਣ ਵਾਲੇ ਬੈਂਸ ਭਰਾਵਾਂ ਦੇ ਕਾਫਿਲੇ ਵਿੱਚ ਦਿਨ ਦੋਗੁਣਾ ਅਤੇ ਰਾਤ ਚੋਗੁਣਾ ਵਾਧਾ ਹੋ ਰਿਹਾ ਹੈ। ਜਿਕਰਯੋਗ ਹੈ ਕਿ ਇਸ ਤੋ ਪਹਿਲਾ ਵਿਧਾਨ ਸਭਾ ਦੀਆ ਚੋਣਾ ਵਿਚ ਬੈਸ ਭਰਾਵਾ ਨੇ ਆਜਾਦ ਚੋਣ ਜਿਤ ਕੇ ਪੰਜਾਬ ਸਰਕਾਰ ਦੇ ਮੁਖੀ ਬਾਦਲ ਪਰਿਵਾਰ ਅਤੇ ਕਾਂਗਰਸ ਪਾਰਟੀ ਦੇ ਉਮੀਦਵਾਰਾਂ ਨੂੰ ਬੁਰੀ ਤਰਾਂਹ ਪਟਖਨੀ ਦਿੱਤੀ।
ਬੈਂਸ ਭਰਾਵਾਂ ਦੀ ਆਜ਼ਾਦ ਉਮੀਦਵਾਰ ਵਜ਼ੋ ਇਸ ਇੱਕ ਤਰਫੀ ਜਿੱਤ ਨੇ ਵਿਰੋਧੀ ਪਾਰਟੀ ਹਾਕਮਾਂ ਦੇ ਦੰਦ ਖੱਟੇ ਕਰ ਦਿੱਤੇ। ਅਕਾਲੀ ਦਲ ਨਾਲ ਬੈਂਸ ਭਰਾਵਾਂ ਦਾ 36 ਦਾ ਆਂਕੜਾ ਸਿਰਫ ਇੱਥੇ ਤੱਕ ਹੀ ਸੀਮਿਤ ਨਾਂ ਰਿਹਾ ਬਲਕਿ ਲੋਕ ਸਭਾ ਚੋਣਾਂ ਵਿੱਚ ਵਿਧਾਇਕ ਸਿਮਰਜੀਤ ਸਿੰਘ ਬੈਸ ਨੇ ਆਜਾਦ ਚੋਣ ਲੜ ਕੇ ਮੋਦੀ ਦੇ ਨਾਂ ਦੀ ਹਨੇਰੀ ਅਤੇ ਆਮ ਆਦਮੀ ਪਾਰਟੀ ਦੇ ਚੱਲ ਰਹੇ ਵਾਵਰੋਲੇ ਉਲਟ ਰਿਕਾਰਡ 2 ਲੱਖ 10 ਹਜ਼ਾਰ ਵੋਟਾਂ ਪ੍ਰਾਪਤ ਕੀਤੀਆਂ ਜੋ ਸਿੱਧੇ ਤੌਰ ਤੇ ਅਕਾਲੀ ਉਮੀਦਵਾਰ ਦੀ ਹਾਰ ਦਾ ਕਾਰਨ ਬਣਿਆ। ਲੋਕ ਸਭਾ ਚੋਣਾਂ ਬਾਅਦ ਵਿਧਾਨਸਭਾ ਇਜਲਾਸਾਂ ਦੌਰਾਨ ਵਿਰੋਧੀ ਧਿਰ ਵਜ਼ੋ ਬਾਦਲ ਸਰਕਾਰ ਨੂੰ ਸਵਾਲਾਂ ਦੇ ਘੇਰੇ 'ਚ ਉਲਝਾ ਕੇ ਰੱਖ ਦੇਣ ਵਾਲੇ ਬੈਂਸ ਭਰਾਵਾਂ ਨੇ ਹੁਣ ਟੀਮ ਇਨਸਾਫ ਦੇ ਨਾਂ ਤੇ ਸੱਤਿਆਗ੍ਰਹਿ ਦਾ ਐਲਾਨ ਕਰ ਮੁੜ ਪੰਜਾਬ ਦੀ ਸਿਆਸਤ ਵਿੱਚ ਭੂਚਾਲ ਲਿਆ ਕੇ ਰੱਖ ਦਿੱਤਾ ਹੈ। ਆਗਾਮੀ 20 ਅਪ੍ਰੈਲ ਦਿਨ ਸੋਮਵਾਰ ਨੂੰ ਬੈਂਸ ਭਰਾਵਾਂ ਵੱਲੋ ਰੇਤ ਮਾਫੀਆ ਖਿਲਾਫ ਜਾ ਕੇ ਰੇਤਾ ਭਰਣ ਅਤੇ ਲੋੜਵੰਦਾਂ ਨੂੰ ਮੁਫਤ 'ਚ ਵੰਡਨ ਦੀਆਂ ਤਿਆਰੀਆਂ ਨੇ ਕਿਤੇ ਨਾ ਕਿਤੇ ਪੰਜਾਬ ਵਿਧਾਨ ਸਭਾ 2017 ਚੋਣਾਂ ਵਿੱਚ ਕਿਸੇ ਵੱਡੇ ਉਲਟਫੇਰ ਦੇ ਸੰਕੇਤ ਜਰੂਰ ਦੇ ਦਿੱਤੇ ਹਨ। ਜੇਕਰ ਟੀਮ ਇਨਸਾਫ ਦਾ ਸੱਤਿਆਗ੍ਰਹਿ ਇਸੇ ਤਰਾਂਹ ਲੋਕਾਂ ਦੇ ਦਿਲਾਂ ਤੱਕ ਪਹੁੰਚਦਾ ਰਿਹਾ ਤਾਂ Îਿਫਰ ਪੰਜਾਬ ਦੀਆਂ ਰਵਾਇਤੀ ਪਾਰਟੀਆਂ ਇਕੱਠੀਆਂ ਹੋ ਕੇ ਵੀ ਵਿਧਾਨ ਸਭਾ ਅੰਦਰ ਵਿਰੋਧੀ ਧਿਰ ਦੀ ਦਾਅਵੇਦਾਰੀ ਨਹੀ ਪੇਸ਼ ਕਰ ਸਕਣਗੀਆਂ।