ਗੁਰਪ੍ਰੀਤ ਸਿੰਘ ਭੁੱਲਰ, ਆਈ.ਪੀ.ਐਸ, ਜਿਲਾ ਪੁਲਿਸ ਮੁੱਖੀ ਐਸ.ਏ.ਐਸ.ਨਗਰ ਨੇ ਦੱਸਿਆ ਹੈ ਕਿ ਖੁਫੀਆ ਇਤਲਾਹ ਦੇ ਆਧਾਰ ਪਰ ਮੁਕੱਦਮਾ ਨੰਬਰ 60 ਮਿਤੀ 19.03.2015 ਅ/ਧ 379,380,382, 411 ਹਿੰ:ਦੰ: ਥਾਣਾ ਸੋਹਾਣਾ ਬਰਖਿਲਾਫ ਦੋਸ਼ੀ (1) ਮਨਿੰਦਰ ਸਿੰਘ ਪੁੱਤਰ ਤਰਲੋਚਨ ਸਿੰਘ ਕੌਮ ਕੰਬੋਜ ਵਾਸੀ ਦੁਰਾਲੀ, (2) ਸੁਰਿੰਦਰ ਸਿੰਘ ਉਰਫ ਹੈਪੀ ਪੁੱਤਰ ਲਖਵਿੰਦਰ ਸਿੰਘ ਕੌਮ ਗਿਰ ਵਾਸੀ ਪਿੰਡ ਗੋਬਿੰਦਗੜ੍ਹ, (3) ਨੀਰਜ ਸ਼ਰਮਾ ਪੁੱਤਰ ਬਲਵਿੰਦਰ ਕੁਮਾਰ ਸ਼ਰਮਾ ਕੌਮ ਪੰਡਿਤ ਵਾਸੀ ਪਿੰਡ ਚਡਿਆਲਾ (4) ਅਮਰਿੰਦਰ ਸਿੰਘ ਉਰਫ ਲਾਡੀ ਪੁੱਤਰ ਗੁਰਚਰਨ ਸਿੰਘ ਕੌਮ ਜੱਟ ਵਾਸੀ ਲਾਂਡਰਾ ਦੇ ਦਰਜ ਰਜਿਸਟਰ ਹੋਇਆ ਸੀ। ਇਸ ਮੁਕੱਦਮਾ ਦੀ ਤਫਤੀਸ ਇੰਸਪੈਕਟਰ ਗੁਰਚਰਨ ਸਿੰਘ ਇੰਚਾਰਜ ਸੀ.ਆਈ.ਏ.ਸਟਾਫ ਮੋਹਾਲੀ ਵਲੋਂ ਸਮੇਤ ਆਪਣੀ ਟੀਮ ਦੇ ਸੁਚੱਜੇ ਢੰਗ ਨਾਲ ਕਰਦਿਆਂ ਮੁਕੱਦਮਾ ਦੇ ਦੋਸ਼ੀਆਂ ਨੂੰ ਕਾਬੂ ਕਰਕੇ ਗ੍ਰਿਫਤਰ ਕੀਤਾ ਗਿਆ, ਜਿਨ੍ਹਾਂ ਦੀ ਮੁੱਢਲੀ ਪੁੱਛਗਿੱਛ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਇਹ ਦੋਸ਼ੀ ਥਾਣਾ ਸੋਹਾਣਾ ਦੇ ਇਲਾਕਾ ਵਿਚੋਂ ਮਿਤੀ 09.03.2015 ਨੂੰ ਐਕਸਿਸ ਬੈਂਕ ਦੀ ਕੈਸ਼ ਵੈੱਨ ਲੁੱਟਣ ਵਾਲੇ ਗਿਰੋਹ ਦਾ ਹੀ ਅਲੱਗ ਹੋਇਆ ਇੱਕ ਹਿੱਸਾ ਹੈ, ਜਿਸ ਦਾ ਮੋਹਰੀ ਦੋਸੀ ਗੁਰਜੰਟ ਸਿੰਘ ਉਰਫ ਜੰਟਾ ਵਾਸੀ ਗੋਬਿੰਦਗੜ੍ਹ ਥਾਣਾ ਸੋਹਾਣਾ ਹੈ, ਇਹਨਾਂ ਦੋਸੀਆਂ ਦੀ ਪੁੱਛਗਿੱਛ ਤੋਂ ਹੇਠ ਲਿਖੇ ਅਨੁਸਾਰ ਵਾਰਦਾਤ ਟਰੇਸ ਹੋਈਆਂ ਹਨ:-
1. ਅਰਸਾ ਕਰੀਬ ਤਿੰਨ ਸਾਲ ਪਹਿਲਾਂ ਇਹਨਾਂ ਦੋਸ਼ੀਆਂ ਵਿੱਚੋਂ (1) ਨੀਰਜ ਸ਼ਰਮਾ ਪੁੱਤਰ ਬਲਵਿੰਦਰ ਕੁਮਾਰ ਸ਼ਰਮਾ ਕੌਮ ਪੰਡਿਤ ਵਾਸੀ ਪਿੰਡ ਚਡਿਆਲਾ (2) ਅਮਰਿੰਦਰ ਸਿੰਘ ਉਰਫ ਲਾਡੀ ਪੁੱਤਰ ਗੁਰਚਰਨ ਸਿੰਘ ਕੌਮ ਜੱਟ ਵਾਸੀ ਲਾਂਡਰਾ ਨੇ ਮੋਹਾਲੀ ਵਿਖੇ ਨਵੇਂ ਬਣ ਰਹੇ ਸੈਕਟਰਾਂ ਤੋਂ ਦੋ ਜਨਰੇਟਰ ਸੈਟ ਚੋਰੀ ਕੀਤੇ ਸਨ, ਜਿਨ੍ਹਾਂ ਨੂੰ ਇਨ੍ਹਾਂ ਦੋਸ਼ੀਆਨ ਦੀ ਨਿਸ਼ਾਨ ਦੇਹੀ ਪਰ ਬ੍ਰਾਮਦ ਕੀਤਾ ਜਾ ਚੁੱਕਾ ਹੈ।
2.ਇਹਨਾਂ ਦੋਸ਼ੀਆਂ ਵਿੱਚੋਂ ਅਮਰਿੰਦਰ ਸਿੰਘ ਉਰਫ ਲਾਡੀ ਪੁੱਤਰ ਗੁਰਚਰਨ ਸਿੰਘ ਕੌਮ ਜੱਟ ਵਾਸੀ ਲਾਂਡਰਾ ਵੱਲੋਂ ਮੋਹਾਲੀ ਵਿਖੇ ਖੋਹ ਕੀਤੀ ਗਈ ਸੋਨੇ ਦੀ ਚੇਨ ਵੀਂ ਇਸ ਦੀ ਨਿਸ਼ਾਨ ਦੇਹੀ ਪਰ ਬ੍ਰਾਮਦ ਕੀਤੀ ਜਾ ਚੁੱਕੀ ਹੈ। ਮੁਕੱਦਮਾ ਦੀ ਤਫਤੀਸ਼ ਜਾਰੀ ਹੈ।
ਇਸੇ ਤਰਾਂਹ ਵੱਖ-ਵੱਖ ਥਾਣਿਆ ਦੇ ਹੋਰ ਮੁਕੱਦਮਿਆ ਨੂੰ ਟਰੇਸ ਕਰਨ ਵਿੱਚ ਜਿਲ੍ਹਾ ਐਸ.ਏ.ਐਸ.ਨਗਰ ਦੀ ਪੁਲਿਸ ਨੇ ਸਫਲਤਾ ਹਾਸਲ ਕੀਤੀ ਹੈ:-
ਥਾਣਾ ਸਿਟੀ ਖਰੜ:-
ਥਾਣਾ ਸਿਟੀ ਖਰੜ ਅਤੇ ਸੀ.ਆਈ.ਏ ਸਟਾਫ ਮੋਹਾਲੀ ਦੀ ਪੁਲਿਸ ਨੇ ਮੁਕੱਦਮਾ ਨੰਬਰ 45 ਮਿਤੀ 26.03.15 ਅ/ਧ 379,380,454,457 ਹਿੰ:ਦੰ:ਥਾਣਾ ਸਿਟੀ ਖਰੜ ਜੋ ਕਿ ਮੁਖੱਬਰ ਖਾਸ ਦੀ ਇਤਲਾਹ ਪਰ ਦਰਜ ਕੀਤਾ ਗਿਆ ਸੀ, ਨੂੰ ਟਰੇਸ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਜਿਸ ਵਿੱਚ ਦੋਸ਼ੀ (1) ਅਮਨਦੀਪ ਕੁਮਾਰ ਪੁੱਤਰ ਜਗਦੀਸ਼ ਕੁਮਾਰ ਕੌਮ ਪੰਡਿਤ ਉਮਰ ਕਰੀਬ 23 ਸਾਲ ਵਾਸੀ ਪਿੰਡ ਘੰਨੌਰੀ ਥਾਣਾ ਮੋਰਿੰਡਾ ਜਿਲ੍ਹਾ ਰੂਪਨਗਰ (2) ਸੁਰਿੰਦਰ ਸਿੰਘ ਪੁੱਤਰ ਕੇਸਰ ਸਿੰਘ ਕੌਮ ਮਹਿਰਾ ਉਮਰ ਕਰੀਬ 19 ਸਾਲ ਵਾਸੀ ਪਿੰਡ ਘੰਨੌਰੀ ਥਾਣਾ ਮੋਰਿੰਡਾ ਜਿਲ੍ਹਾ ਰੂਪਨਗਰ, ਇਹ ਦੋਵੇ ਦੋਸ਼ੀ ਹੋਰ ਕੋਈ ਕੰਮ ਨਹੀਂ ਕਰਦੇ ਵੇਹਲੇ ਹਨ , ਨੂੰ ਗ੍ਰਿਫਤਾਰ ਕਰਕੇ ਇਹਨਾਂ ਪਾਸੋ ਇੱਕ ਮੋਟਰ ਸਾਈਕਲ ਮਾਰਕਾ ਬਜਾਜ ਪਲਟੀਨਾ ਰੰਗ ਕਾਲਾ ਜਿਸ ਤੇ ਇਹਨਾਂ ਨੇ ਜਾਲੀ ਨੰਬਰ ਪਲੇਟ ਪੀ.ਬੀ-65-ਐਲ-5160 ਲਗਾਈ ਹੋਈ ਸੀ ਅਤੇ 12 ਚੋਰੀ ਕੀਤੇ ਗਏ ਸਲੰਡਰ ਬ੍ਰਾਮਦ ਕੀਤੇ ਜਾ ਚੁੱਕੇ ਹਨ। ਮੁਕੱਦਮਾ ਦੀ ਤਫਤੀਸ਼ ਜਾਰੀ ਹੈ।
ਥਾਣਾ ਨਵਾਂਗਰਾਉ-
ਥਾਣਾ ਨਵਾਂਗਰਾਉਂ ਅਤੇ ਸੀ.ਆਈ.ਏ. ਸਟਾਫ ਮੋਹਾਲੀ ਦੀ ਪੁਲਿਸ ਨੇ ਮੁਕੱਦਮਾ ਨੰਬਰ 18 ਮਿਤੀ 27.03.15 ਅ/ਧ379 ਹਿੰ:ਦੰ: ਨਵਾਂਗਰਾਉਂ ਨੂੰ ਟਰੇਸ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਜਿਸ ਵਿੱਚ ਦੋਸ਼ੀ ਮਨਜੀਤ ਸਿੰਘ ਪੁੱਤਰ ਮੇਹਰ ਸਿੰਘ ਉਮਰ ਕਰੀਬ 20 ਸਾਲ ਵਾਸੀ ਗੜਵਾਲ ਥਾਣਾ ਬੜੌਦਾ ਜਿਲ੍ਹਾ ਸੋਨੀਪਤ ਹਾਲ ਵਾਸੀ ਮਕਾਨ ਨੰਬਰ39/2,ਆਦਰਸ਼ ਨਗਰ,ਨਵਾਂਗਰਾਉਂ ਨੂੰ ਗ੍ਰਿਫਤਾਰ ਕਰਕੇ ਇਸ ਪਾਸੋ ਦੋ ਚੋਰੀ ਕੀਤੇ ਮੋਟਰ ਸਾਈਕਲ ਮਾਰਕਾ ਹੀਰੋ ਸਪਲੈਂਡਰ ਬ੍ਰਾਮਦ ਹੋ ਚੁੱਕੇ ਹਨ ਅਤੇ ਇੱਕ ਹੋਰ ਜਾਹਮਾ ਮੋਟਰ ਸਾਇਕਲ ਜੋ ਕਿ ਇਹ ਮੰਨ ਰਿਹਾਂ ਹੈ ਬ੍ਰਾਮਦ ਹੋਣਾ ਬਾਕੀ ਹੈ। ਮੁਕੱਦਮਾ ਦੀ ਤਫਤੀਸ਼ ਜਾਰੀ ਹੈ।
ਥਾਣਾ ਸੋਹਾਣਾ:-
ਥਾਣਾ ਸੋਹਾਣਾ ਅਤੇ ਸੀ.ਆਈ.ਏ. ਸਟਾਫ ਮੋਹਾਲੀ ਦੀ ਪੁਲਿਸ ਵੱਲੋਂ ਮੁੱਖਬਰ ਖਾਸ ਦੀ ਇਤਲਾਹ ਪਰ ਦੋਂ ਦੋਸ਼ੀਆਂ (1) ਭੁਪਿੰਦਰ ਸਿੰਘ ਉਰਫ ਭਿੰਦੀ ਪੁੱਤਰ ਦਿਲਬਾਰ ਸਿੰਘ ਕੌਮ ਹਰੀਜਨ ਉਮਰ ਕਰੀਬ 19 ਸਾਲ ਵਾਸੀ ਪਿੰਡ ਬਡਾਲੀ ਅਤੇ (2) ਸਿਮਰਨਜੋਤ ਸਿੰਘ ਉਰਫ ਸੀਮਾ ਪੁੱਤਰ ਕੁਲਵਿੰਦਰ ਸਿੰਘ ਕੌਮ ਹਰੀਜਨ ਉਮਰ ਕਰੀਬ 17 ਸਾਲ ਵਾਸੀ ਪਿੰਡ ਬਡਾਲੀ ਨੂੰ ਚੋਰੀ ਕੀਤੀਆਂ ਬਿਜਲੀ ਦੀਆਂ ਕਾਪਰ ਤਾਰਾਂ ਜਿਹਨਾ ਦਾ ਵਜਨ ਸਾਡੇ ਸੱਤ-ਸਾਡੇ ਸੱਤ ਕਿਲੋ ਕੁੱਲ 15 ਕਿਲੋ ਹੈ ਸਮੇਤ ਇਹਨਾਂ ਦੇ ਪਲਾਸਟਿਕ ਕਵਰ ਗ੍ਰਿਫਤਾਰ ਕਰਕੇ ਇਹਨਾਂ ਵਿਰੁੱਧ ਮੁਕੱਦਮਾ ਨੰਬਰ 67 ਮਿਤੀ 29.03.15 ਅ/ਧ 379 ਹਿੰ:ਦੰ: ਥਾਣਾ ਸੋਹਾਣਾ ਦਰਜ ਕੀਤਾ ਗਿਆ।