ਪੂਰੇ ਦੇਸ਼ ਦੇ ਨਾਲ-ਨਾਲ ਪੰਜਾਬ ਅੰਦਰ ਚਲ ਰਹੇ ਮੈਂਬਰਸ਼ਿਪ ਅਭਿਆਨ ਦੌਰਾਨ ਭਾਰਤੀ ਜਨਤਾ ਪਾਰਟੀ ਸਮਾਜ ਦੇ ਹਰ ਵਰਗ ਅਤੇ ਹਰ ਖੇਤਰ ਦੇ ਨਾਗਰਿਕਾਂ ਨਾਲ ਰਾਬਤਾ ਕਾਇਮ ਕਰੇਗੀ ਤਾਂ ਜੋ ਪਾਰਟੀ ਦੇ ਕੇਂਦਰੀ ਨੇਤਾਵਾਂ ਵੱਲੋਂ ਭਾਜਪਾ ਨੂੰ ਦੁਨੀਆ ਦਾ ਸਭ ਤੋਂ ਵੱਡਾ ਸਿਆਸੀ ਸੰਗਠਨ ਬਨਾਉਣ ਦੇ ਉਲੀਕੇ ਟੀਚੇ ਵਿਚ ਪੰਜਾਬ ਵੱਲੋਂ ਸਭਤੋਂ ਜਿਆਦਾ ਸਹਿਯੋਗ ਕੀਤਾ ਜਾ ਸਕੇ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਭਾਜਪਾ ਦੇ ਪੰਜਾਬ ਪ੍ਰਧਾਨ ਸ਼੍ਰੀ ਕਮਲ ਸ਼ਰਮਾ ਨੇ ਇਕ ਪ੍ਰੈਸ ਬਿਆਨ ਵਿਚ ਕੀਤਾ। ਉਨ੍ਹਾਂ ਨੇ ਪਾਰਟੀ ਦੇ ਸਾਰੇ ਮੋਰਚਿਆਂ ਨੂੰ ਇਸ ਕੰਮ ਵਿਚ ਲਗਾਉਂਦੇ ਹੋਏ ਉਨ੍ਹਾਂ ਨੂੰ ਮਹੀਨਾਵਾਰ ਪ੍ਰੋਗਰਾਮ ਦਿੱਤਾ ਜਿਸ ਅਨੁਸਾਰ 5 ਦਸੰਬਰ ਖੇਤਰਵਾਰ ਅਭਿਆਨ ਚਲਾ ਕੇ 31 ਦਸੰਬਰ ਤੀਕ ਇਹ ਟੀਚਾ ਹਾਸਿਲ ਕੀਤਾ ਜਾ ਸਕੇ।ਪ੍ਰੈਸ ਬਿਆਨ ਵਿਚ ਭਾਜਪਾ ਦੇ ਪੰਜਾਬ ਪ੍ਰਧਾਨ ਸ਼੍ਰੀ ਕਮਲ ਸ਼ਰਮਾ ਨੇ ਦੱਸਿਆ ਕਿ 5 ਤੋਂ 7 ਦਸੰਬਰ ਤੀਕ ਪਾਰਟੀ ਦੀ ਜਿਲਾ, ਮੰਡਲ ਪੱਧਰ ਦੀ ਟੀਮ ਅਤੇ ਕੌਂਸਲਰ ਨਗਰ ਨਿਗਮਾਂ ਅੰਦਰ ਮੈਂਬਰਸ਼ਿਪ ਕੈਂਪ ਲਗਾਉਣਗੇ। 8 ਦਸੰਬਰ ਨੂੰ ਭਾਜਪਾ ਲੀਗਲ ਸੈਲ ਅਤੇ ਮਾਨਵ ਅਧਿਕਾਰ ਸੈਲ ਜਿਲਾ ਅਦਾਲਤਾਂ ਅੰਦਰ ਇਸ ਤਰ੍ਹਾਂ ਦੇ ਕੈਂਪ ਲਗਾਉਣਗੇ। 9 ਤੋਂ 11 ਦਸੰਬਰ ਤੀਕ ਭਾਜਪਾ ਮਹਿਲਾ ਮੋਰਚਾ ਧਾਰਮਿਕ ਸਥਾਨਾਂ ਦੇ ਬਾਹਰ, ਉਦਯੋਗ ਅਤੇ ਪਰਵਾਸੀ ਸੈਲ ਫੋਕਲ ਪੁਆਇੰਟਾਂ ਅਤੇ ਇੰਡਸਟ੍ਰੀਅਲ ਏਰੀਏ ਵਿਚ ਕੈਂਪ ਲਗਾਏਗਾ। 12 ਤੋਂ 14 ਦਸੰਬਰ ਤੀਕ ਪਾਰਟੀ ਦੀ ਜਿਲਾ ਇਕਾਈ, ਮੰਡਲ ਇਕਾਈ ਅਤੇ ਕੌਂਸਲਰ ਨਗਰ ਕੌਂਸਲਾਂ ਦੇ ਵਾਰਡਾਂ ਵਿੱਚ ਮੈਂਬਰਸ਼ਿਪ ਅਭਿਆਨ ਚਲਾਉਣਗੇ। ਲੋਕਲ ਬਾਡੀ ਸੈਲ ਨਗਰ ਕੌਂਸਲਾਂ ਦੇ ਦਫਤਰਾਂ ਦੇ ਬਾਹਰ ਮੈਂਬਰਸ਼ਿਪ ਕੈਂਪ ਲਗਾਏਗਾ।
15 ਤੋਂ 17 ਦਸੰਬਰ ਤੀਕ ਭਾਰਤੀ ਜਨਤਾ ਯੂਵਾ ਮੋਰਚਾ ਕਾਲਜਾਂ, ਸਪੋਰਟਸ ਸੈਲ ਜਿਮਨੇਜਿਅਮ ਅਤੇ ਖੇਡ ਮੈਦਾਨਾਂ ਦੇ ਬਾਹਰ ਮੈਂਬਰਸ਼ਿਪ ਕੈਂਪ ਲਗਾਉਣਗੇ।ਭਾਜਪਾ ਪ੍ਰਧਾਨ ਸ਼੍ਰੀ ਕਮਲ ਸ਼ਰਮਾ ਨੇ ਦੱਸਿਆ ਕਿ ਭਾਜਪਾ ਵਿਉਪਾਰ ਸੈਲ 18 ਤੋਂ 20 ਦਸੰਬਰ ਤੀਕ ਬਜਾਰਾਂ ਵਿਚ ਅਤੇ ਆੜਤੀ ਸੈਲ ਦਾਨਾ ਮੰਡੀਆਂ ਵਿਚ ਮੈਂਬਰਸ਼ਿਪ ਅਭਿਆਨ ਚਲਾਏਗਾ। 22 ਦਸੰਬਰ ਨੂੰ ਟ੍ਰਾਂਸਪੋਰਟ ਸੈਲ ਬਸ ਅੱਡਿਆਂ, ਰੇਲਵੇ ਸਟੇਸ਼ਨਾਂ ਦੇ ਬਾਹਰ, 23 ਦਸੰਬਰ ਨੂੰ ਮੈਡੀਕਲ ਸੈਲ ਅਤੇ ਐਨਜੀਓ ਸੈਲ ਅਸਪਤਾਲਾਂ, ਲੈਬੋਰਟਰੀਆਂ, ਨਰਸਿੰਗ ਹੋਮਾਂ ਦੇ ਸਾਹਮਣੇ, 24 ਦਸੰਬਰ ਨੂੰ ਸੀਨੀਅਰ ਸਿਟੀਜਨ ਸੈਲ ਅਤੇ ਐਕਸ ਸਰਵਿਸਮੈਨ ਸੈਲ ਪਾਰਕਾਂ ਵਿਚ ਇਸ ਤਰ੍ਹਾਂ ਦੇ ਕੈਂਪਾਂ ਦਾ ਆਯੋਜਨ ਕਰੇਗਾ। ਮੁਸਲਮਾਨ ਅਤੇ ਇਸਾਈ ਭਾਈਚਾਰੇ ਨੂੰ ਪਾਰਟੀ ਨਾਲ ਜੋੜਨ ਲਈ ਘੱਟਗਿਣਤੀ ਮੋਰਚਾ 25 ਤੋਂ 29 ਦਸੰਬਰ ਤੀਕ ਅਭਿਆਨ ਚਲਾਏਗਾ। 26 ਤੋਂ 28 ਦਸੰਬਰ ਤੀਕ ਐਸਸੀ ਮੋਰਚਾ, ਬੀਸੀ ਸੈਲ, ਝੁੱਗੀ ਝੋਂਪੜੀ ਸੈਲ, ਵਿਮੁਕਤ ਜਾਤੀ ਸੈਲ ਇਨ੍ਹਾਂ ਤਬਕਿਆਂ ਵਿਚ ਮੈਂਬਰਸ਼ਿਪ ਅਭਿਆਨ ਚਲਾਏਗਾ। 30 ਦਸੰਬਰ ਨੂੰ ਪ੍ਰੋਫੇਸ਼ਨਲਜ਼ ਲਈ ਸੀਏ ਸੈਲ ਅਤੇ ਬੁੱਧੀਜੀਵੀ ਪ੍ਰਕੋਸ਼ਟ ਮੈਂਬਰਸ਼ਿਪ ਅਭਿਆਨ ਚਲਾਉਣਗੇ। 31 ਦਸੰਬਰ ਨੂੰ ਭਾਜਪਾ ਦੀ ਜਿਲਾ ਟੀਮ, ਮੰਡਲ ਟੀਮ, ਸਾਰੇ ਮੋਰਚੇ ਮਿਲ ਕੇ ਸ਼ਹਿਰਾਂ ਦੇ ਚੁਰਸਤਿਆਂ ਤੇ ਕੈਂਪ ਲਗਾ ਕੇ ਲੋਕਾਂ ਨੂੰ ਪਾਰਟੀ ਨਾਲ ਜੋੜਨਗੇ। ਉਨ੍ਹਾਂ ਦਸਿਆ ਕਿ ਮੈਂਬਰਸ਼ਿਪ ਅਭਿਆਨ ਲਈ ਜਰੂਰੀ ਨਿਰਦੇਸ਼ ਪਹਿਲਾਂ ਹੀ ਜਾਰੀ ਕਰ ਦਿਤੇ ਗਏ ਹਨ ਅਤੇ ਪੰਜਾਬ ਅੰਦਰ ਚਲ ਰਹੇ ਇਸ ਅਭਿਆਨ ਨੂੰ ਬਹੁਤ ਹੀ ਉਤਸ਼ਾਹਜਨਕ ਹੁਲਾਰਾ ਮਿਲ ਰਿਹਾ ਹੈ।