ਪੰਜਾਬੀ ਯੂਨੀਵਰਸਿਟੀ ਦੇ ਵੂਮੈਨ ਸਟੱਡੀਜ਼ ਸੈਂਟਰ ਵਲੋਂ ਯੂ.ਐਸ.ਏ. ਦੇ ਵੂਮੈਨ ਗਲੋਬਲ ਲੀਡਰਸ਼ਿਪ ਸੈਂਟਰ ਦੇ ਸਹਿਯੋਗ ਨਾਲ “ਮਹਿਲਾ ਸ਼ਾਂਤੀ ਅਤੇ ਸੁਰੱਖਿਆ” ਵਿਸ਼ੇ ਤੇ 2-ਰੋਜ਼ਾ ਅੰਤਰਾਸ਼ਟਰੀ ਸੈਮੀਨਾਰ ਦਾ ਆਯੋਜਨ ਅੱਜ ਇੱਥੇ ਪੰਜਾਬੀ ਯੂਨੀਵਰਸਿਟੀ ਕੈਂਪਸ ਵਿਖੇ ਕੀਤਾ ਗਿਆ।ਇਸ ਕਾਨਫਰੰਸ ਦਾ ਉਦਘਾਟਨ ਮਿਸ ਏ.ਐਫ. ਸਟੇਨਹੈਮਰ, ਰਿਜ਼ਨਲ ਪ੍ਰੋਗਰਾਮ ਡਾਇਰੈਕਟਰ ਨੇ ਕੀਤਾ।ਉਦਘਾਟਨੀ ਸੈਸ਼ਨ ਦੀ ਪ੍ਰਧਾਨਗੀ ਡਾ. ਜਸਪਾਲ ਸਿੰਘ ਵਾਈਸ ਚਾਂਸਲਰ, ਪੰਜਾਬੀ ਯੂਨੀਵਰਸਿਟੀ ਨੇ ਕੀਤੀ। ਇਸ ਮੌਕੇ ਤੇ ਡਾ. ਗੋਵਿੰਦ ਕੇਲਕਰ ਨਵੀਂ ਦਿੱਲੀ ਨੇ ਕੀ-ਨੋਟ ਭਾਸ਼ਨ ਪੜਿਆ। ਇਸ ਮੌਕੇ ਤੇ ਸ਼੍ਰੀਮਤੀ ਨੇਸਾਰਾ ਖਾਤੂਨ, ਮੁੱਖ ਪਾਰਲੀਮਾਨੀ ਸਕੱਤਰ ਨੇ, ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ।ਆਪਣੇ ਉਦਘਾਟਨੀ ਭਾਸ਼ਨ ਵਿੱਚ ਆਪਣੇ ਵਿਚਾਰ ਸਾਂਝੇ ਕਰਦਿਆ ਮਿਸ ਏ.ਐਫ. ਸਟੇਨਹੈਮਰ ਨੇ ਕਿਹਾ ਕਿ ਅੱਜ ਦੇ ਸਮੇਂ ਵਿਚ ਵਿਸ਼ਵ ਪੱਧਰ ਤੇ ਗਰੀਬੀ ਅਤੇ ਅਨਪੜਤਾ ਨੂੰ ਖਤਮ ਕਰਨ ਦੀ ਲੋੜ ਹੈ ਤਾਂ ਹੀ ਔਰਤ ਵਰਗ ਇਕ ਚੰਗਾ ਸਮਾਜ ਸਿਰਜਨ ਵਿਚ ਆਪਣੀ ਭੂਮਿਕਾ ਸਕਾਰਤਮਕ ਢੰਗ ਨਾਲ ਨਿਭਾ ਸਕਦੀ ਹੈ। ਉਨ੍ਹਾਂ ਰਾਜਨਿਤਿਕ ਨੇਤਾਵਾਂ ਦੀ ਇੱਛਾ ਸ਼ਕਤੀ ਤੇ ਵਿਅੰਗ ਕਰਦਿਆ ਕਿਹਾ ਔਰਤਾ ਦੀ ਆਜ਼ਾਦੀ ਅਤੇ ਤਰੱਕੀ ਦਾ ਰਾਜ ਨੇਤਾਵਾਂ ਦੀ ਇੱਛਾਂ ਨਾਲ ਗਹਿਰਾ ਸੰਬੰਧ ਹੈ। ਆਪਣੇ ਕੁੰਜੀਵਤ ਭਾਸ਼ਨ ਵਿਚ ਡਾ. ਗੋਵਿੰਦ ਕੇਲਕਰ ਨਵੀਂ ਦਿੱਲੀ ਨੇ ਔਰਤਾ ਨੂੰ ਜ਼ਮੀਨ ਜਾਇਦਾਦ ਦੇ ਮਾਲਿਕਾਨਾ ਹੱਕਾਂ ਦੀ ਵਕਾਲਤ ਕਰਦਿਆਂ ਕਿਹਾ ਕਿ ਔਰਤਾਂ ਨੂੰ ਅਜਿਹੀ ਹੱਕਾਂ ਨਾਲ ਔਰਤਾਂ ਪ੍ਰਤੀ ਹੋ ਰਹੇ ਜ਼ੁਲਮਾਂ ਤੋਂ ਕਾਫੀ ਨਿਜ਼ਾਤ ਮਿਲੀ ਹੈ ਕਿਉਂਕਿ ਆਰਥਿਕ ਆਜ਼ਾਦੀ ਕਿਸੇ ਵੀ ਸਮਾਜ ਦੀ ਤਰੱਕੀ ਦਾ ਮਹੱਤਵਪੂਰਨ ਅੰਗ ਹੈ।
ਉਨ੍ਹਾਂ ਅੱਗੇ ਕਿਹਾ ਜੇ ਕਰ ਔਰਤਾਂ ਨੂੰ ਉੱਚਾ ਜੀਵਨ ਪੱਧਰ ਹਾਸਿਲ ਹੋਵੇਗਾ ਤਾਂ ਹੀ ਉਹ ਪੁਰਸ਼ਾ ਨਾਲ ਕੰਧੇ ਨਾਲ ਕੰਧਾ ਮਿਲਾ ਕੇ ਫੈਸਲੇ ਲੈਣ ਵਿਚ ਨਿਪੁੰਨ ਹੋ ਸਕਣਗੀਆਂ। ਸ਼੍ਰੀਮਤੀ ਨੇਸਾਰਾ ਖਾਤੂਨ, ਮੁੱਖ ਪਾਰਲੀਮਾਨੀ ਸਕੱਤਰ ਨੇ ਭਾਰਤ ਅਤੇ ਦੂਸਰੇ ਏਸ਼ੀਆਈ ਦੇਸ਼ਾ ਵਿਚ ਔਰਤਾ ਦੀ ਸਥਿਤੀ ਬਾਰੇ ਜਾਣਕਾਰੀ ਦਿੰਦੀਆਂ ਔਰਤ ਵਰਗ ਦੀ ਤਰੱਕੀ ਲਈ ਸਹਿਯੋਗ ਦੇਣ ਦੀ ਅਪੀਲ ਕੀਤੀ।ਆਪਣੇ ਪ੍ਰਧਾਨਗੀ ਸ਼ਬਦ ਸਾਂਝੇ ਕਰਦਿਆਂ ਡਾ. ਜਸਪਾਲ ਸਿੰਘ ਵਾਈਸ ਚਾਂਸਲਰ, ਪੰਜਾਬੀ ਯੂਨੀਵਰਸਿਟੀ ਨੇ ਕਿਹਾ ਕਿ ਜੇ ਕਰ ਔਰਤਾਂ ਨੂੰ ਪੁਰਸ਼ਾ ਦੇ ਬਰਾਬਰ ਹੱਕ ਸਹੂਲਤਾ ਅਤੇ ਮਾਨ-ਸਨਮਾਨ ਪ੍ਰਾਪਤ ਹੋਵੇਗਾ ਤਾਂ ਹੀ ਉਹ ਪੁਰਸ਼ਾ ਨਾਲੋਂ ਕਿਸੇ ਵੀ ਖੇਤਰ ਵਿਚ ਪਿਛੇ ਨਹੀਂ ਰਹਿਣਗਿਆਂ ਅਤੇ ਉਨ੍ਹਾਂ ਦੀ ਫੈਸਲੇ ਲੇਣ ਦੀ ਸਮਰਥਾ ਵਿਚ ਵੀ ਬਹੁਤ ਵਾਧਾ ਹੋਵੇਗਾ। ਵਾਈਸ ਚਾਂਸਲਰ ਨੇ ਜ਼ੋਰ ਦੇ ਕੇ ਕਿਹਾ ਕਿ ਔਰਤਾ ਵਿਰੂਧ ਭੇਦ ਭਾਵ ਦੀ ਭਾਵਨਾ ਸਿਰਿ ਖਾਰਜ਼ ਕਰਨ ਦੀ ਲੋੜ ਹੈ ਅਤੇ ਔਰਤਾ ਨੂੰ ਵੱਧ ਤੋਂ ਵੱਧ ਵਿਦਿਅਕ, ਆਰਥਕ, ਸਮਾਜਿਕ, ਸੁਰੱਖਿਆ ਦੇ ਕੇ ਇਕ ਚੰਗਾ ਸਮਾਜ ਬਨਾਉਣ ਦੀ ਲੋੜ ਹੈ। ਇਸ ਮੌਕੇ ਤੇ ਵਾਈਸ ਚਾਂਸਲਰ ਵਲੋਂ ਪਿਛਲੇ ਸਾਲ ਦੀ ਕਾਨਫਰੰਸ ਦੀਆਂ ਪ੍ਰੌਸੀਡਿੰਗਸ ਨੂੰ ਪੁਸਤਕ ਰੂਪ ਵਿਚ ਰਿਲਿਜ਼ ਕੀਤਾ ਗਿਆ ਅਤੇ ਕਾਨੂੰਨ ਵਿਭਾਗ ਦੀ ਅਧਿਆਪਕ ਪ੍ਰੋ. ਮੋਨੀਕਾ ਚਾਵਲਾ ਦੁਆਰਾ ਲਿਖਿਤ ਪੁਸਤਕ ਔਰਤਾ - ਬਚਾਅ ਕਾਨੂੰਨ ਦਾ ਵੀ ਵਿਮੋਚਨ ਕੀਤਾ ਗਿਆ। ਇਸ ਤੋਂ ਪਹਿਲਾ ਆਏ ਮਹਿਮਾਨਾ ਦਾ ਸਵਾਗਤ ਕਰਦਿਆਂ ਡਾ. ਮੰਜੂ ਵਰਮਾ, ਡਾਇਰੈਕਟਰ ਵੂਮੈਨ ਸਟੱਡੀਜ਼ ਸੈਂਟਰ ਨੇ ਕਾਂਨਫਰੰਸ ਦੀ ਰੂਪਰੇਖਾ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਇਸ ਦੋ-ਰੋਜ਼ਾ ਕਾਨਫਰੰਸ ਵਿਚ ਨਾਰੀ ਵਰਗ ਨਾਲ ਸੰਬੰਧਤ ਵੱਖ-ਵੱਖ ਸਮੱਸਿਆਵਾਂ ਅਤੇ ਉਨ੍ਹਾਂ ਵਲੋਂ ਵਿਸ਼ਵ ਪੱਧਰ ਤੇ ਪਾਏ ਜਾ ਰਹੇ ਯੋਗਦਾਨ ਬਾਰੇ ਗੰਭੀਰ ਚਰਚਾਵਾਂ ਕੀਤੀਆਂ ਜਾਣਗਿਆਂ। ਡਾ. ਜੇ.ਏ.ਖਾਣ ਡੀਨ ਕਾਲਜ ਵਿਕਾਸ ਕੌਂਸਲ ਨੇ ਆਏ ਮਹਿਮਾਨਾ ਲਈ ਧੰਨਵਾਦ ਦੇ ਸ਼ਬਦ ਸਾਂਝੇ ਕੀਤੇ। ਇਸ ਮੌਕੇ ਤੇ ਵਾਈਸ ਚਾਂਸਲਰ ਵਲੋਂ ਆਏ ਮਹਿਮਾਨਾਂ ਨੂੰ ਫੁਲਕਾਰੀਆਂ ਅਤੇ ਮੋਮੈਂਟੋ ਦੇ ਕੇ ਸਨਮਾਨਿਆ ਗਿਆ।