ਪੰਜਾਬੀ ਯੂਨੀਵਰਸਿਟੀ ਦੇ ਸਪੋਰਟਸ ਸਾਇੰਸ ਵਿਭਾਗ ਵਲੋਂ ਯੂਨੀਵਰਸਿਟੀ ਦੇ ਸਾਇੰਸ ਆਡੀਟੋਰਿਅਮ ਵਿਚ 'ਸਿਹਤ ਤੰਦਰੂਸਤੀ ਅਤੇ ਖੇਡ ਤਕਨੀਕਾ' ਵਿਸ਼ੇ ਤੇ ਰਾਸ਼ਟਰੀ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਜਿਸ ਦੀ ਪ੍ਰਧਾਨਗੀ ਪੰਜਾਬੀ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਡਾ. ਜਸਪਾਲ ਸਿੰਘ ਨੇ ਕੀਤੀ। ਆਪਣੇ ਪ੍ਰਧਾਨਗੀ ਸ਼ਬਦ ਸਾਂਝੇ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਾਡੀਆਂ ਪ੍ਰੰਪਰਾਵਾ ਦਾ ਸਾਡੀ ਸੇਹਤ ਤੰਦਰੂਸਤੀ ਨਾਲ ਗਹਿਰਾ ਸੰਬੰਧ ਹੈ। ਜੇਕਰ ਅਸੀ ਆਪਣੀਆਂ ਪ੍ਰੰਪਰਾਵਾ ਨਾਲ ਥੋੜਾ ਬਹੁਤ ਵੀ ਜੂੜੇ ਹੋਏ ਹਾਂ ਤਾ ਅਸੀ ਇਕ ਚੰਗਾ ਨਿਰੋਗ ਜੀਵਨ ਗੁਜ਼ਾਰ ਕਰ ਸਕਦੇ ਹਾਂ। ਇਕ ਚੰਗੇ ਮਨੁੰਖ ਨਾਲ ਹੀ ਇਕ ਚੰਗੇਰੇ ਸਮਾਜ ਦੀ ਸਿਰਜਨਾ ਹੁੰਦੀ ਹੈ। ਡਾ. ਜਸਪਾਲ ਸਿੰਘ ਨੇ ਨੌਜਵਾਨਾ ਨੂੰ ਸਾਦਾ ਜੀਵਨ ਅਤੇ ਉਚੇਰੀ ਸੋਚ ਦਾ ਨਾਅਰਾ ਦਿੰਦੀਆਂ ਉਨ੍ਹਾਂ ਨੂੰ ਇਕ ਚੰਗਾ ਅਤੇ ਨਿਗਰ ਸਮਾਜ ਬਣਾਉਣ ਦੀ ਪ੍ਰੇਰਣਾ ਕੀਤੀ। ਇਸ ਮੌਕੇ ਤੇ ਗੁਰੁ ਨਾਨਕ ਦੇਵ ਯੂਨੀਵਰਸਿਟੀ ਤੋਂ ਆਏ ਡੀਨ ਫਕੇਲਟੀ ਆਫ ਸਪੋਰਟਸ ਮੈਡੀਸਨ ਡਾ. ਜਸਪਾਲ ਸਿੰਘ ਸੰਧੂ ਨੇ ਆਪਣੇ ਕੁੰਜੀ ਵੱਤ ਭਾਸ਼ਨ ਵਿਚ ਰੀਡ ਦੀ ਹੱਡੀ ਦੇ ਅਤੇ ਹੋਰ ਬਿਮਾਰੀਆਂ ਬਾਰੇ ਵਿਸਤਾਰ ਪੂਰਵਕ ਜਾਣਕਾਰੀ ਦਿੰਦੀਆ ਠੀਕ ਤਰੀਕੇ ਨਾਲ ਬੈਠਣ, ਸੋਣ ਅਤੇ ਚੱਲਣ-ਫਿਰਨ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਆਪਣੇ ਭਾਸ਼ਣ ਵਿਚ ਖਿਡਾਰਿਆਂ ਨੂੰ ਵਿਸ਼ੇਸ਼ਕਰ ਅਤੇ ਆਮ ਲੋਕਾਂ ਨੂੰ ਵੱਖ-ਵੱਖ ਦਰਪੇਸ਼ ਸਮੱਸਿਆਵਾਂ ਅਤੇ ਇਨ੍ਹਾਂ ਦੇ ਨਿਵਾਰਨ ਬਾਰੇ ਚਾਨਣ ਪਾਇਆ।ਉਨ੍ਹਾਂ ਦੱਸਿਆ ਕਿ ਅੱਜ ਦੇ ਸਮੇ ਵਿਚ ਖੇਡ ਜਗਤ ਵਿਚ ਉੱਚੇ ਮੁਕਾਮਾ ਤੇ ਪੁੱਜਣ ਲਈ ਖੇਡ ਤਕਨੀਕਾ ਨੂੰ ਅਪਣਾਉਣਾ ਅਤਿ ਜ਼ਰੂਰੀ ਹੋ ਗਿਆ ਹੈ, ਤਾ ਹੀ ਵਿਸ਼ਵ ਪੱਧਰ ਦੇ ਖਿਡਾਰਿਆਂ ਦੇ ਹਾਣੀ ਹੋ ਸਕਾਂਗੇ। ਇਸ ਤੋਂ ਪਹਿਲਾ ਵਿਭਾਗ ਦੇ ਮੁੱਖੀ ਡਾ. ਪਰਮਵੀਰ ਸਿੰਘ ਨੇ ਆਏ ਮਹਿਮਾਨਾ ਦਾ ਸਵਾਗਤ ਕਰਦਿਆਂ ਅੱਜ ਦੇ ਸੈਮੀਨਾਰ ਦੇ ਵਿਸ਼ੇ ਬਾਰੇ ਜਾਣਕਾਰੀ ਦਿੱਤੀ। ਇਸ ਮੌਕੇ ਤੇ ਵਾਈਸ-ਚਾਂਸਲਰ ਵਲੋਂ ਵਿਭਾਗੀ ਜਰਨਲ ਦਾ ਵੀ ਵਿਮੋਚਨ ਕੀਤਾ ਗਿਆ ਅਤੇ ਆਏ ਮਹਿਮਾਨਾ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕੀਤੇ ਗਏ।