ਪੰਜਾਬੀ ਯੂਨੀਵਰਸਿਟੀ ਦੇ ਮਹਾਰਿਸ਼ੀ ਵਾਲਮੀਕਿ ਚੈਅਰ ਵਲੋਂ ਵਿਸ਼ਵ ਰਮਾਇਣਾ ਤੇ ਵਾਲਮੀਕਿ ਰਮਾਇਣ ਦੇ ਪ੍ਰਭਾਵ ਵਿਸ਼ੇ ਤੇ ਇਕ-ਰੋਜ਼ਾ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ, ਜਿਸ ਦੀ ਪ੍ਰਧਾਨਗੀ ਪੰਜਾਬੀ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਡਾ. ਜਸਪਾਲ ਸਿੰਘ ਨੇ ਕੀਤੀ। ਇਸ ਮੌਕੇ ਤੇ ਸੰਮਪੂਰਨਾਨੰਦ ਸੰਸ੍ਰਕਿਤ ਵਿਸ਼ਵ ਵਿਦਿਆਲਾ ਦੇ ਸਾਬਕਾ ਉਪ ਕੁਲਪਤੀ ਡਾ. ਅਭਿਰਾਜ ਰਜਿੰਦਰ ਮਿਸ਼ਰ ਨੇ ਮਹਾਰਿਸ਼ੀ ਵਾਲਮੀਕਿ ਦੇ ਜੀਵਨ ਅਤੇ ਉਨ੍ਹਾਂ ਦੁਆਰਾ ਰਚਿਤ ਮਹਾਕਾਵ 'ਰਮਾਇਣ' ਬਾਰੇ ਵਿਸਤਾਰਪੂਰਵਕ ਜਾਣਕਾਰੀ ਦਿੰਦਿਆ ਕਿਹਾ ਕਿ ਰਮਾਇਣ ਇਕ ਅਜਿਹਾ ਗ੍ਰੰਥ ਹੈ। ਜਿਸ ਨਾਲ ਸਾਡੀਆ ਧਾਰਮਿਕ ਸਮਾਜਿਕ ਅਤੇ ਰਾਜਨੀਤਿਕ ਪ੍ਰਵਰਿਤੀਆ ਨੂੰ ਛੋਹ ਮਿਲਦੀ ਹੈ ਅਤੇ ਇਸਨੇ ਅੱਜ ਦੇ ਯੂਗ ਵਿਚ ਵੀ ਆਪਣੀ ਮਹਾਨਤਾ ਕਾਇਮ ਰੱਖੀ ਹੈ। ਅੱਜ ਦੇ ਸਮਾਰੋਹ ਵਿਚ ਡਾ. ਰਾਜੇਸ਼ਵਰ ਮਿਸ਼ਰ ਪ੍ਰੋ. ਸੰਸਕ੍ਰਿਤ ਵਿਭਾਗ, ਕੁਰਕਸ਼ੇਤਰਾ ਯੂਨੀਵਰਸਿਟੀ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ।ਡਾ. ਇੰਦਰ ਮੋਹਨ ਸਿੰਘ ਕੋ-ਆਡੀਨੇਟਰ ਮਹਾਰਿਸ਼ੀ ਵਾਲਮਿਕੀ ਚੇਅਰ ਨੇ ਆਏ ਮਹਿਮਾਨਾ ਦਾ ਸਵਾਗਤ ਕਰਦਿਆ ਰਮਾਇਣ ਦੇ ਮੁੱਖ ਸ੍ਰੋਤਾ ਬਾਰੇ ਗੱਲ ਕੀਤੀ। ਡਾ. ਜੋਧ ਸਿੰਘ ਮੁੱਖੀ ਸਿੱਖ ਇਨਸਾਈਕਲੋਪਿਡੀਆ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ।