Web Admin

5 ਦਰਿਆ ਨਿਊਜ਼

ਭਦੌੜ , 22 Sep 2012

Last updated on: Sep 22, 2012, 00:00 IST

ਭਦੌੜ ਤੋਂ ਕਾਂਗਰਸੀ ਵਿਧਾਇਕ ਮੁਹੰਮਦ ਸਦੀਕ ਨੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ 'ਚ ਆਪਣੇ ਖ਼ਿਲਾਫ ਦਾਇਰ ਇਕ ਚੋਣ ਪਟੀਸ਼ਨ 'ਤੇ ਸਫ਼ਾਈ ਦਿੰਦੇ ਹੋਏ ਕਿਹਾ ਕਿ ਉਹ ਮੁਸਲਮਾਨ ਨਹੀਂ ਬਲਕਿ ਸਿੱਖ ਹਨ। ਸਦੀਕ ਨੇ ਕਿਹਾ ਕਿ ਉਹ ਨਾ ਤਾਂ ਕਦੇ ਮਸਜਿਦ ਗਏ ਹਨ, ਨਾ ਤਾਂ ਕੋਈ ਰੋਜ਼ਾ ਰੱਖਿਆ ਜਾਂ ਨਮਾਜ਼ ਪੜ੍ਹੀ ਹੈ। ਸਦੀਕ ਨੇ ਹਾਈਕੋਰਟ 'ਚ ਦਾਇਰ ਜਵਾਬ 'ਚ ਦੱਸਿਆ ਕਿ ਉਸ ਦੀਆਂ 3 ਲੜਕੀਆਂ ਹਨ ਜਿਨ੍ਹਾਂ ਦੇ ਨਾਂ ਨਸੀਮ ਅਖ਼ਤਰ, ਸ਼ਹਿਨਾਜ਼ ਅਖ਼ਤਰ ਅਤੇ ਜਾਵੇਦ ਅਖ਼ਤਰ ਹਨ ਅਤੇ ਇਨ੍ਹਾਂ ਤਿੰਨਾਂ ਦੇ ਵਿਆਹ ਵੀ ਉਨ੍ਹਾਂ ਨੇ ਹਿੰਦੂ ਰੀਤੀ-ਰਿਵਾਜਾਂ ਨਾਲ ਹਿੰਦੂ ਪਰਿਵਾਰਾਂ 'ਚ ਹੀ ਕੀਤੇ ਹਨ। ਸਦੀਕ ਦੇ ਅਨੁਸਾਰ ਸਾਲ 1999 'ਚ ਉਹ ਆਪਣੇ ਜੀਵਨ ਦੇ ਬੜੇ ਹੀ ਬੁਰੇ ਦੌਰ ਤੋਂ ਗੁਜ਼ਰੇ ਸਨ। ਇਸ ਦੌਰਾਨ ਉਹ ਪੂਰੀ ਤਰ੍ਹਾਂ ਨਿਰਾਸ਼ ਹੋ ਚੁੱਕੇ ਸਨ। ਮਈ 2001 ਨੂੰ ਸ. ਪ੍ਰਗਟ ਸਿੰਘ ਗਰੇਵਾਲ ਦੀ ਸਲਾਹ 'ਤੇ ਉਨ੍ਹਾਂ ਨੇ ਸੰਪਟ ਪਾਠ ਕਰਵਾਇਆ ਸੀ ਜੋ ਕਿ ਜਵੱਦੀ ਟਕਸਾਲ ਦੇ ਸੰਤ ਬਾਬਾ ਸੁੱਚਾ ਸਿੰਘ ਅਤੇ ਉਨ੍ਹਾਂ ਦੇ ਰਾਗੀ ਸਾਥੀਆਂ ਵਲੋਂ ਉਨ੍ਹਾਂ ਦੇ ਘਰ 'ਚ ਕੀਤਾ ਗਿਆ। 7 ਦਿਨ ਤੱਕ ਚੱਲੇ ਇਸ ਪਾਠ ਦੇ ਬਾਅਦ ਉਨ੍ਹਾਂ ਦੀ ਸਥਿਤੀ 'ਚ ਕਾਫ਼ੀ ਸੁਧਾਰ ਹੋਇਆ ਜਿਸ ਨਾਲ ਉਨ੍ਹਾਂ ਦਾ ਸਿੱਖ ਧਰਮ ਪ੍ਰਤੀ ਵਿਸ਼ਵਾਸ ਪੱਕਾ ਹੋ ਗਿਆ। ਇਸ ਦੇ ਬਾਅਦ 13 ਅਪ੍ਰੈਲ 2006 ਨੂੰ ਉਨ੍ਹਾਂ ਨੇ ਸਿੱਖ ਧਰਮ ਨੂੰ ਪੂਰੀ ਤਰ੍ਹਾਂ ਅਪਣਾ ਲਿਆ ਅਤੇ ਇਸ ਦੀ ਜਾਣਕਾਰੀ ਸਦੀਕ ਨੇ 4 ਜਨਵਰੀ 2007 ਨੂੰ ਸਮਾਚਾਰ ਪੱਤਰਾਂ 'ਚ ਪਬਲਿਕ ਨੋਟਿਸ ਨਾਲ ਦਿੱਤੀ ਸੀ।