ਪੰਜਾਬ ਕਾਂਗਰਸ ਦੇ ਜਨਰਲ ਸਕੱਤਰ ਤੇ ਧੂਰੀ ਤੋਂ ਐਮ.ਐਲ.ਏ ਅਰਵਿੰਦ ਖੰਨਾ ਦੀ ਅਗੁਵਾਈ ਹੇਠ ਅੱਜ ਸੈਂਕੜਾਂ ਕਾਂਗਰਸੀ ਵਰਕਰਾਂ ਨੇ ਅਕਾਲੀ ਭਾਜਪਾ ਸਰਕਾਰ ਵੱਲੋਂ ਧੌਖੇ ਨਾਲ ਧੂਰੀ ਬਲਾਕ ਸੰਮਤੀ ਦੀ ਪ੍ਰਧਾਂਨ ਕ੍ਰਿਸ਼ਨਾ ਦੇਵੀ ਨੂੰ ਹਟਾਏ ਜਾਣ ਨੂੰ ਲੈ ਕੇ ਸਰਕਾਰੀ ਮਨਮਰਜੀਆਂ ਖਿਲਾਫ ਪ੍ਰਦਰਸ਼ਨ ਕੀਤਾ। ਖੰਨਾ ਨੇ ਕਿਹਾ ਕਿ ਬਲਾਕ ਸੰਮਤੀ ਦੇ 15 ਮੈਂਬਰਾਂ 'ਚੋਂ 10 ਦਾ ਕਾਂਗਰਸ ਨੂੰ ਸਮਰਥਨ ਪ੍ਰਾਪਤ ਹੈ। ਮਗਰ ਫਿਰ ਵੀ ਸਰਕਾਰ ਨੇ ਕੁਝ ਮੈਂਬਰਾਂ ਦੇ ਜਾਅਲੀ ਦਸਤਖਤ ਲੈ ਕੇ ਹਟਾਉਣ ਲਈ ਐਸ.ਡੀ.ਐਮ ਸੁਨਾਮ 'ਤੇ ਦਬਾਅ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਹੈ, ਜੋ ਕਿ ਗੈਰ ਕਾਨੂੰਨੀ ਹੈ। ਐਮ.ਐਲ.ਏ ਨੇ ਕਿਹਾ ਕਿ ਕਾਂਗਰਸ ਸਿਰਫ ਇਹੋ ਚਾਹੁੰਦੀ ਹੈ ਕਿ ਐਸ.ਡੀ.ਐਮ ਨੂੰ ਸੰਮਤੀ ਮੈਂਬਰਾਂ ਦੀ ਉਚਿਤ ਤਰੀਕੇ ਨਾਲ ਮੀਟਿੰਗ ਸੱਦਣੀ ਚਾਹੀਦੀ ਹੈ। ਜੇਕਰ ਉਹ ਕ੍ਰਿਸ਼ਨਾ ਦੇਵੀ ਨੂੰ ਹਟਾਉਣਾ ਚਾਹੁੰਦੇ ਹਨ, ਤਾਂ ਇਸ ਦੌਰਾਨ ਅਵਿਸ਼ਵਾਸ ਸਬੰਧੀ ਵੋਟ ਕੀਤੀ ਜਾਣੀ ਚਾਹੀਦੀ ਹੈ। ਐਸ.ਡੀ.ਐਮ ਨੇ ਅਣਮਿੱਥੇ ਸਮੇਂ ਤੱਕ ਪਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਹਾਲਾਂਕਿ, ਕਾਂਗਰਸੀ ਵਰਕਰਾਂ ਵੱਲੋਂ ਧਰਨਾ ਲਗਾਉਣ ਤੋਂ ਬਾਅਦ ਉਸਨੂੰ ਤਰੀਖ ਐਲਾਨਣ ਲਈ ਮਜਬੂਰ ਹੋਣਾ ਪਿਆ। ਫੈਸਲਾ ਕੀਤਾ ਗਿਆ ਕਿ ਬਲਾਕ ਸੰਮਤੀ ਦੀ ਮੀਟਿੰਗ ਸੋਮਵਾਰ ਨੂੰ ਹੋਵੇਗੀ। ਖੰਨਾ ਨੇ ਕਿਹਾ ਕਿ ਸਾਡੇ ਕੋਲ ਘੱਟ ਤੋਂ ਘੱਟ ਦੱਸ ਮੈਂਬਰਾਂ ਦਾ ਸਮਰਥਨ ਹੈ ਅਤੇ ਜੇਕਰ ਅਕਾਲੀ ਸਮਝਦੇ ਹਨ ਕਿ ਉਨ੍ਹਾਂ ਕੋਲ ਬਹੁਮਤ ਹੈ, ਤਾਂ ਉਹ ਸੋਮਵਾਰ ਨੂੰ ਅਵਿਸ਼ਵਾਸ ਪ੍ਰਸਤਾਅ ਲਿਆਉਣ। ਕਾਂਗਰਸ ਕੋਈ ਮਨਮਰਜੀ ਨਹੀਂ ਚੱਲਣ ਦੇਵੇਗੀ ਤੇ ਇਸਨੂੰ ਰੋਕਣ ਲਈ ਹਰ ਕਾਨੂੰਨੀ ਤਰੀਕਾ ਅਪਣਾਏਗੀ।