ਪੰਜਾਬ ਕਾਂਗਰਸ ਨੇ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ (ਡੀਐਸਜੀਐਮਸੀ) ਚੋਣਾਂ ਦੇ ਚਲਦੇ ਆਪਣਾ ਪੂਰਾ ਬੇਸ ਚੰਡੀਗੜ੍ਹ ਤੋਂ ਦਿੱਲੀ ਲੈ ਕੇ ਜਾ ਚੁੱਕੇ ਸੱਤਾਧਾਰੀ ਸ੍ਰੋਮਣੀ ਅਕਾਲੀ 'ਤੇ ਵਰ੍ਹਦੇ ਹੋਏ ਕਿਹਾ ਹੈ ਕਿ ਇਸ ਨਾਲ ਸਰਕਾਰ ਦਾ ਕੰਮ ਰੁੱਕ ਚੁੱਕਾ ਹੈ ਅਤੇ ਪੰਜਾਬ ਸਿਵਿਲ ਸਕਤਰੇਤ ਬੰਦ ਦੀ ਸਥਿਤੀ 'ਚ ਹੈ। ਪੰਜਾਬ ਕਾਂਗਰਸ ਦੇ ਜਨਰਲ ਸਕੱਤਰ ਤੇ ਧੂਰੀ ਤੋਂ ਐਮਐਲਏ ਅਰਵਿੰਦ ਖੰਨਾ ਨੇ ਕਿਹਾ ਕਿ ਇਸ ਤੋਂ ਚੰਗਾ ਹੋਵੇਗਾ ਕਿ ਸਰਕਾਰ ਸਿਵਿਲ ਸਕਤਰੇਤ 'ਚ ਛੁੱਟੀਆਂ ਦਾ ਐਲਾਨ ਕਰ ਸਕੇ, ਤਾਂਕਿ ਘੱਟੋਂ ਘੱਟ ਪੰਜਾਬ ਭਰ ਤੋਂ ਵੱਖ ਵੱਖ ਕੰਮਾਂ ਲਈ ਉਥੇ ਆਉਣ ਵਾਲੇ ਲੋਕਾਂ ਨੂੰ ਪ੍ਰੇਸ਼ਾਨ ਹੋ ਕੇ ਵਾਪਿਸ ਨਾ ਪਰਤਣਾ ਪਵੇ। ਜਿਨ੍ਹਾਂ ਨੂੰ ਉਥੇ ਦਫਤਰਾਂ 'ਚ ਕੋਈ ਵੀ ਨਹੀਂ ਲੱਭਦਾ, ਕਿਉਂਕਿ ਸਰਕਾਰ ਮੁਅੱਤਲ ਸਥਿਤੀ 'ਚ ਪਹੁੰਚ ਚੁੱਕੀ ਹੈ। ਡੀਐਸਜੀਐਮਸੀ ਚੋਣਾਂ 'ਚ ਪ੍ਰਚਾਰ ਕਰਨ ਦੇ ਚੱਕਰ 'ਚ ਨਾ ਸਿਰਫ ਮੰਤਰੀ ਗਾਇਬ ਹਨ, ਬਲਕਿ ਪੁਲਿਸ ਤੇ ਪ੍ਰਸ਼ਾਸਨ ਦੇ ਜਿਆਦਾਤਰ ਸੀਨੀਅਰ ਅਫਸਰ ਵੀ ਉਨ੍ਹਾਂ ਦੇ ਨਾਲ ਹਨ। ਦਰਬਾਰੀਆਂ ਦੇ ਨਾਲ ਪੂਰਾ ਦਰਬਾਰ ਹੀ ਦਿੱਲੀ ਟਰਾਂਸਫਰ ਹੋ ਚੁੱਕਾ ਹੈ।
ਖੰਨਾ ਨੇ ਕਿਹਾ ਕਿ ਅਜਿਹੇ 'ਚ ਇਕ ਹੋਰ ਮਹੀਨਾ ਸਰਕਾਰੀ ਕੰਮਕਾਜ ਨਹੀਂ ਹੋਣ ਵਾਲਾ, ਕਿਉਂਕਿ ਇਸ ਤੋਂ ਬਾਅਦ ਅਕਾਲੀ ਮੰਤਰੀ ਤੇ ਅਫਸਰ ਮੋਗਾ ਜਿਮਨੀ ਚੋਣ 'ਚ ਲੱਗ ਜਾਣਗੇ ਅਤੇ ਪਿੱਛੋਂ ਦਫਤਰ ਮੁੜ ਖਾਲ੍ਹੀ ਰਹਿਣਗੇ। ਸਕਤਰੇਤ 'ਚ ਵੱਖ ਵੱਖ ਕੰਮਾਂ ਲਈ ਆਉਣ ਵਾਲੇ ਲੋਕਾਂ ਨੂੰ ਉਥੇ ਕਿਸੇ ਦੇ ਹੋਣ ਨਾ ਕਾਰਨ ਨਿਰਾਸ਼ ਹੋ ਕੇ ਵਾਪਿਸ ਜਾਣਾ ਪੈ ਰਿਹਾ ਹੈ। ਜਦਕਿ ਜਿਆਦਾਤਰ ਮੰਤਰੀ ਤੇ ਅਫਸਰ ਦਿੱਲੀ ' ਹਨ ਅਤੇ ਜਿਨ੍ਹਾਂ ਨੂੰ ਆਪਣੇ ਪਿੱਛੇ ਦਫਤਰਾਂ ਦੀ ਕੋਈ ਚਿੰਤਾ ਨਹੀਂ ਹੈ। ਇਸ ਤੋਂ ਚੰਗਾ ਹੋਵੇਗਾ ਕਿ ਪੰਜਾਬ ਸਰਕਾਰ ਸਿਵਿਲ ਸਕਤਰੇਤ 'ਚ ਛੁੱਟੀਆਂ ਦਾ ਐਲਾਨ ਕਰ ਦੇਵੇ। ਘੱਟੋਂ ਘੱਟ ਲੋਕ ਤਾਂ ਪ੍ਰੇਸ਼ਾਨ ਹੋਣ ਤੋਂ ਬੱਚ ਜਾਣਗੇ। ਖੰਨਾ ਨੇ ਸਰਕਾਰ ਨੂੰ ਲੋਕਾਂ ਪ੍ਰਤੀ ਆਪਣੀ ਜਿੰਮੇਵਾਰੀ ਨਿਭਾਉਣ ਦੀ ਅਪੀਲ ਕੀਤੀ ਹੈ, ਤਾਂਕਿ ਉਨ੍ਹਾਂ ਨੂੰ ਪ੍ਰੇਸ਼ਾਨ ਨਾ ਹੋਣਾ ਪਏ। ਉਨ੍ਹਾਂ ਨੇ ਸਰਕਾਰ ਨੂੰ ਕਿਹਾ ਕਿ ਤੁਹਾਡੀ ਜਿੰਮੇਵਾਰੀ ਸਿਰਫ ਚੋਣਾਂ ਲੜਨ ਤੇ ਜਿੱਤਣ 'ਤੇ ਹੀ ਖ਼ਤਮ ਨਹੀਂ ਹੋ ਜਾਂਦੀ। ਤੁਹਾਨੂੰ ਲੋਕਾਂ ਅਤੇ ਉਨ੍ਹਾਂ ਦੀ ਲੋੜਾਂ ਪ੍ਰਤੀ ਸੰਵੇਦਨਸ਼ੀਲ ਹੋਣਾ ਚਾਹੀਦਾ ਹੈ।