ਚੌਪਾਲ ਓਟੀਟੀ ਦੀ ਨਵੀਂ ਓਰੀਜਨਲ ਵੈੱਬ ਸੀਰੀਜ਼ 'ਪ੍ਰਧਾਨ' ਰਿਲੀਜ਼ ਹੋਣ ਤੋਂ ਬਾਅਦ ਦਰਸ਼ਕਾਂ ਵਿੱਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। 18 ਜੂਨ ਨੂੰ ਰਿਲੀਜ਼ ਹੋਈ ਇਸ ਛੇ ਐਪੀਸੋਡਾਂ ਦੀ ਸੀਰੀਜ਼ ਨੇ ਵਿਦਿਆਰਥੀ ਰਾਜਨੀਤੀ, ਦੋਸਤੀ, ਸੱਤਾ ਦੀ ਲਾਲਸਾ ਅਤੇ ਨੌਜਵਾਨਾਂ ਦੀ ਸੋਚ ਨੂੰ ਬਹੁਤ ਹੀ ਦਿਲਚਸਪ ਢੰਗ ਨਾਲ ਪੇਸ਼ ਕੀਤਾ ਹੈ।ਅਮਿਤ ਪ੍ਰਸ਼ਰ ਦੇ ਨਿਰਦੇਸ਼ਨ ਅਤੇ ਵਿਵੇਕ ਸੈਣੀ ਦੀ ਲਿਖਤ ਨਾਲ ਤਿਆਰ ਹੋਈ 'ਪ੍ਰਧਾਨ' ਕਾਲਜ ਚੋਣਾਂ ਦੇ ਮਾਹੌਲ ਨੂੰ ਪਰਦੇ 'ਤੇ ਜੀਵੰਤ ਕਰਦੀ ਹੈ। ਕਹਾਣੀ ਕੁਝ ਅਜਿਹੇ ਨੌਜਵਾਨਾਂ ਦੇ ਆਲੇ-ਦੁਆਲੇ ਘੁੰਮਦੀ ਹੈ ਜੋ ਵਿਦਿਆਰਥੀ ਚੋਣਾਂ ਦੌਰਾਨ ਲੀਡਰਸ਼ਿਪ, ਮਹੱਤਵਾਕਾਂਕਸ਼ਾ, ਰਿਸ਼ਤਿਆਂ ਅਤੇ ਸੱਤਾ ਦੇ ਖੇਡ ਵਿੱਚ ਉਲਝ ਜਾਂਦੇ ਹਨ।
ਸੀਰੀਜ਼ ਇਹ ਸਵਾਲ ਵੀ ਖੜ੍ਹੇ ਕਰਦੀ ਹੈ ਕਿ ਲੀਡਰ ਬਣਨ ਦੀ ਦੌੜ ਵਿੱਚ ਇਨਸਾਨ ਕਿੰਨਾ ਬਦਲ ਜਾਂਦਾ ਹੈ? ਦੋਸਤੀ ਅਤੇ ਸੱਤਾ ਵਿੱਚੋਂ ਚੋਣ ਕਰਨ ਦੀ ਵਾਰੀ ਆਵੇ ਤਾਂ ਕਿਹੜਾ ਰਾਹ ਚੁਣਿਆ ਜਾਂਦਾ ਹੈ? ਅਤੇ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਕਿੰਨੀ ਕੀਮਤ ਚੁਕਾਉਣੀ ਪੈਂਦੀ ਹੈ?ਪ੍ਰਧਾਨ ਵਿੱਚ ਕਰਨ ਸਹਿੰਬੀ, ਆਤਿਸ਼, ਤਰਲੋਕ ਸਿੰਘ, ਸਨੀ ਕਾਹਲੋਂ, ਨਵਦੀਪ ਬਾਜਵਾ, ਪ੍ਰਿਯੰਕਾ ਖੇੜਾ ਅਤੇ ਕਰਮਨ ਕੌਰ ਮਿਗਲਾਨੀ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆ ਰਹੇ ਹਨ।
ਸਾਰੇ ਕਲਾਕਾਰਾਂ ਨੇ ਆਪਣੇ ਕਿਰਦਾਰਾਂ ਨੂੰ ਬਹੁਤ ਹੀ ਪ੍ਰਭਾਵਸ਼ਾਲੀ ਢੰਗ ਨਾਲ ਨਿਭਾਇਆ ਹੈ, ਜਿਸ ਕਾਰਨ ਕਹਾਣੀ ਹੋਰ ਵੀ ਜ਼ਿਆਦਾ ਪ੍ਰਭਾਵ ਛੱਡਦੀ ਹੈ।ਸੀਰੀਜ਼ ਬਾਰੇ ਗੱਲ ਕਰਦਿਆਂ ਨਿਰਦੇਸ਼ਕ ਅਮਿਤ ਪ੍ਰਸ਼ਰ ਨੇ ਕਿਹਾ,"‘ਪ੍ਰਧਾਨ’ ਰਾਹੀਂ ਅਸੀਂ ਨੌਜਵਾਨਾਂ ਦੀ ਉਸ ਦੁਨੀਆ ਨੂੰ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਜਿੱਥੇ ਲੀਡਰਸ਼ਿਪ, ਮਹੱਤਵਾਕਾਂਕਸ਼ਾ, ਪਛਾਣ ਅਤੇ ਰਿਸ਼ਤੇ ਇੱਕ-ਦੂਜੇ ਨਾਲ ਟਕਰਾਉਂਦੇ ਹਨ।
ਦਰਸ਼ਕਾਂ ਵੱਲੋਂ ਮਿਲ ਰਹੇ ਪਿਆਰ ਅਤੇ ਹੁੰਗਾਰੇ ਲਈ ਅਸੀਂ ਧੰਨਵਾਦੀ ਹਾਂ ਅਤੇ ਆਸ ਕਰਦੇ ਹਾਂ ਕਿ ਇਹ ਕਹਾਣੀ ਲੋਕਾਂ ਨਾਲ ਇਸੇ ਤਰ੍ਹਾਂ ਜੁੜੀ ਰਹੇਗੀ।"ਪ੍ਰਧਾਨ ਚੌਪਾਲ ਓਟੀਟੀ ਦੇ ਓਰੀਜਨਲ ਕੰਟੈਂਟ ਦੀ ਲੜੀ ਵਿੱਚ ਇੱਕ ਹੋਰ ਮਹੱਤਵਪੂਰਨ ਕਦਮ ਹੈ, ਜੋ ਪੰਜਾਬੀ ਦਰਸ਼ਕਾਂ ਲਈ ਨਵੇਂ ਅਤੇ ਵੱਖਰੇ ਵਿਸ਼ਿਆਂ ਨੂੰ ਪਰਦੇ 'ਤੇ ਲਿਆਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।'ਪ੍ਰਧਾਨ' ਹੁਣ ਸਿਰਫ਼ ਚੌਪਾਲ ਓਟੀਟੀ 'ਤੇ ਸਟ੍ਰੀਮ ਹੋ ਰਹੀ ਹੈ।