ਨਿਰੰਕਾਰੀ ਯੂਥ ਫੋਰਮ ਦੇ ਖੇਡਾਂ ਦਾ ਸ਼ੁਭ ਆਰੰਭ ਹਿਮਾਚਲ ਪ੍ਰਦੇਸ਼ ਦੇ ਸੁਹਾਵਨੇ ਸਥਾਨ ਢਾਲਪੁਰ ਮੈਦਾਨ ਵਿੱਚ ਪਰਮ ਸਤਿਕਾਰਯੋਗ ਨਿਰੰਕਾਰੀ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਅਤੇ ਸਤਿਕਾਰਯੋਗ ਨਿਰੰਕਾਰੀ ਰਾਜਪਿਤਾ ਰਮਿਤ ਜੀ ਦੀ ਪਾਵਨ ਹਜੂਰੀ ਵਿੱਚ ਹੋਇਆ। ਇਹ ਸਮਾਗਮ ਨਿਰੰਕਾਰੀ ਯੂਥ ਫੋਰਮ ਜੰਮੂ-ਕਸ਼ਮੀਰ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਸਾਂਝੇ ਸਹਿਯੋਗ ਨਾਲ ਆਯੋਜਿਤ ਕੀਤਾ ਗਿਆ, ਜਿਸ ਨੇ ਖੇਤਰੀ ਸੀਮਾਵਾਂ ਤੋਂ ਉੱਪਰ ਉੱਠ ਕੇ ਏਕਤਤਵ ਦੀ ਸੁੰਦਰ ਮਿਸਾਲ ਪੇਸ਼ ਕੀਤੀ।
ਇਸ ਮੌਕੇ ਸੇਵਾ ਦਲ ਚੰਡੀਗੜ੍ਹ, ਪੰਚਕੂਲਾ, ਮੋਹਾਲੀ ਤੋਂ ਸੇਵਾ ਲਈ ਗਏ। ਇਸ ਤਿੰਨ ਦਿਨਾਂ ਦੇ ਸਮਾਗਮ ਵਿੱਚ ਹਜ਼ਾਰਾਂ ਸ਼ਰਧਾਲੂਆਂ ਨੇ ਭਾਗ ਲਿਆ। ਯੂਥ ਫੋਰਮ ਦੀ ਸ਼ੁਰੂਆਤ ਸਤਿਗੁਰੂ ਦੇ ਪਾਵਨ ਕਰਕਮਲਾਂ ਨਾਲ ਝੰਡਾ ਲਹਿਰਾਉਣ ਅਤੇ ਮਸ਼ਾਲ ਪ੍ਰਜਵਲਨ ਨਾਲ ਹੋਈ, ਜਿਸ ਨਾਲ ਸਾਰੇ ਮਾਹੌਲ ਵਿੱਚ ਉਤਸ਼ਾਹ, ਊਰਜਾ ਅਤੇ ਆਤਮਿਕ ਪ੍ਰੇਰਣਾ ਦੀ ਲਹਿਰ ਦੌੜ ਪਈ। ਯੁਵਾਵਾਂ ਦਾ ਜੋਸ਼, ਅਨੁਸ਼ਾਸਨ ਅਤੇ ਸਮਰਪਣ ਇੰਨਾ ਪ੍ਰਭਾਵਸ਼ਾਲੀ ਸੀ ਕਿ “ਸ਼ਾਬਾਸ਼" ਦੇ ਸਵਰ ਸਾਰੇ ਮੈਦਾਨ ਵਿੱਚ ਗੂੰਜ ਉੱਠੇ।
ਸਤਿਗੁਰੂ ਮਾਤਾ ਜੀ ਨੇ ਆਪਣੇ ਪਵਿੱਤਰ ਪ੍ਰਵਚਨਾਂ ਵਿੱਚ ਫਰਮਾਇਆ ਕਿ ਇਹ ਖੇਡਾਂ ਸਿਰਫ਼ ਸਰੀਰਕ ਤਾਕਤ ਵਧਾਉਣ ਦਾ ਸਾਧਨ ਨਹੀਂ, ਸਗੋਂ "ਨ੍ਰਿਤਯ-ਵਯਾਮ" ਦੇ ਭਾਵ ਨਾਲ ਆਪਣੇ ਸ਼ਰੀਰ ਨੂੰ ਨਿਰੰਕਾਰ ਦੀ ਸੇਵਾ ਵਿੱਚ ਸਮਰਪਿਤ ਕਰਨ ਦਾ ਪਵਿੱਤਰ ਮੌਕਾ ਹੈ । ਉਨ੍ਹਾਂ ਇਹ ਵੀ ਕਿਹਾ ਕਿ ਦਾਤਾਰ ਦੀ ਕਿਰਪਾ ਨਾਲ ਪੂਰੇ ਸਮਾਗਮ ਵਿੱਚ ਬੇਹਤਰੀਨ ਸਹਿਯੋਗ ਅਤੇ ਇਕਜੁੱਟਤਾ ਵੇਖਣ ਨੂੰ ਮਿਲੀ, ਭਾਵੇਂ ਕੁਝ ਖੇਡਾਂ ਹਾਲਾਤਾਂ ਕਰਕੇ ਮੁਲਤਵੀ ਕਰਨੀ ਪਈਆਂ।
ਇਸ ਸਮਾਗਮ ਦੀ ਖਾਸ ਮਹੱਤਤਾ ਇਸ ਗੱਲ ਨੂੰ ਪੁਖਤਾ ਕਰਦੀ ਹੈ ਕਿ ਯੁਵਾਵਾਂ ਨੂੰ ਆਤਮਿਕਤਾ, ਅਨੁਸ਼ਾਸਨ, ਸੇਵਾ ਅਤੇ ਏਕਤਤਵ ਦੇ ਮੂਲ ਨਾਲ ਜੋੜਦਾ ਹੈ। ਇਹ ਇਕ ਬਹੁ-ਸੱਭਿਆਚਾਰਕ ਅਤੇ ਬਹੁਭਾਸ਼ੀ ਮੰਚ ਹੈ, ਜਿੱਥੇ "ਬੇਰੰਗ ਵਿੱਚ ਅਨੇਕ ਰੰਗ" ਦੀ ਭਾਵਨਾ ਸਾਕਾਰ ਹੁੰਦੀ ਹੈ ਅਰਥਾਤ ਵੱਖਰਾਪਣ ਵਿੱਚ ਏਕਤਾ ਦਾ ਜੀਵੰਤ ਰੂਪ ਕਾਰਜਕ੍ਰਮ ਦੌਰਾਨ ਟੀਮਵਰਕ ਅਤੇ ਸਾਂਝੇਪਣ ਦਾ ਮਜ਼ਬੂਤ ਸੰਦੇਸ਼ ਦਿੱਤਾ ਗਿਆ ਕਿ ਅਸਲੀ ਜਿੱਤ ਉਹੀ ਹੈ ਜਿਸ ਵਿੱਚ ਸਭ ਨੂੰ ਨਾਲ ਲੈ ਕੇ ਅੱਗੇ ਵਧਿਆ ਜਾਵੇ। ਨਾਲ ਹੀ ਯੁਵਾਵਾਂ ਨੂੰ ਪ੍ਰੇਰਿਤ ਕੀਤਾ ਗਿਆ ਕਿ ਉਹ ਤਨ, ਮਨ ਅਤੇ ਧਨ ਨਾਲ ਸੇਵਾ ਭਾਵ ਬਣਾਈ ਰੱਖਣ ਅਤੇ ਨਿਰੰਕਾਰੀ ਸਿੱਖਿਆਵਾਂ ਨੂੰ ਆਪਣੀ ਜ਼ਿੰਦਗੀ ਵਿੱਚ ਅਪਣਾ ਕੇ ਉਸਨੂੰ ਸਾਰਥਕ ਅਤੇ ਕਾਮਯਾਬ ਬਣਾਉਣ।