ਹਰਿਆਣਾ ਸਰਕਾਰ ਨੇ ਤੁਰੰਤ ਪ੍ਰਭਾਵ ਨਾਲ ਚਾਰ ਆਈਏਐਸ ਅਧਿਕਾਰਿਆਂ ਦੇ ਤਬਾਦਲੇ ਅਤੇ ਨਿਯੁਕਤੀ ਆਦੇਸ਼ ਜਾਰੀ ਕੀਤੇ ਹਨ। ਡਾ. ਰਾਜਾ ਸ਼ੇਖਰ ਵੁੰਡਰੂ, ਜੋ ਮੌਜ਼ੂਦਾ ਵਿੱਚ ਮੱਛੀ ਪਾਲਨ ਵਿਭਾਗ ਅਤੇ ਟ੍ਰਾਂਸਪੋਰਟ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਦੇ ਅਹੁਦੇ 'ਤੇ ਹਨ, ਨੂੰ ਖੁਰਾਕ, ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ ਦਾ ਵਧੀਕ ਮੁੱਖ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ। ਉਹ ਟ੍ਰਾਂਸਪੋਰਟ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਵੀ ਰਹਿਣਗੇ।
ਸ੍ਰੀ ਡੀ. ਸੁਰੇਸ਼, ਜੋ ਮੌਜ਼ੂਦਾ ਵਿੱਚ ਹਰਿਆਣਾ ਭਵਨ, ਨਵੀਂ ਦਿੱਲੀ ਵਿੱਚ ਰੇਜਿਡੇਂਟ ਕਮੀਸ਼ਨਰ ਅਤੇ ਖੁਰਾਕ, ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ ਦੇ ਪ੍ਰਧਾਨ ਸਕੱਤਰ ਦੇ ਅਹੁਦੇ 'ਤੇ ਹਨ, ਨੂੰ ਹਰਿਆਣਾ ਭਵਨ, ਨਵੀਂ ਦਿੱਲੀ ਵਿੱਚ ਰੇਜਿਡੇਂਟ ਕਮੀਸ਼ਨਰ ਅਤੇ ਮੱਛੀ ਪਾਲਨ ਵਿਭਾਗ ਦਾ ਪ੍ਰਧਾਨ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ। ਥਾਣੇਸਰ ਦੇ ਉਪ-ਮੰਡਲ ਅਧਿਕਾਰੀ ( ਸਿਵਲ ) ਸ੍ਰੀ ਸ਼ਾਸ਼ਵਤ ਸਾਂਗਵਾਨ ਨੂੰ ਸ੍ਰੀ ਜੈਦੀਪ ਕੁਮਾਰ ਦੀ ਥਾਂ 'ਤੇ ਸਵੱਛ ਭਾਰਤ ਮਿਸ਼ਨ ( ਸ਼ਹਿਰੀ ) ਦਾ ਮਿਸ਼ਨ ਡਾਇਰੇਕਟਰ ਲਗਾਇਆ ਗਿਆ ਹੈ।
ਸ੍ਰੀ ਜੈਦੀਪ ਕੁਮਾਰ ਦੇ ਨਿਯੁਕਤੀ ਆਦੇਸ਼ ਬਾਅਦ ਵਿੱਚ ਜਾਰੀ ਕੀਤੇ ਜਾਣਗੇ। ਸਵੱਛ ਭਾਰਤ ਮਿਸ਼ਨ ( ਸ਼ਹਿਰੀ ) ਦੇ ਮਿਸ਼ਨ ਡਾਇਰੇਕਟਰ ਦੇ ਕਾਰਜਭਾਰ ਤੋਂ ਮੁਕਤ ਹੋਣ ਤੋਂ ਬਾਅਦ ਉਹ ਆਪਣੀ ਜੁਆਇਨਿੰਗ ਰਿਪੋਰਟ ਮੁੱਖ ਸਕੱਤਰ ਦਫ਼ਤਰ ਵਿੱਚ ਪੇਸ਼ ਕਰਨਗੇ।