ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਅੱਜ ਅਹਿਮਦਾਬਾਦ, ਗੁਜਰਾਤ ਵਿੱਚ ਵਿਸ਼ਵ ਉਮੀਆ ਫਾਊਂਡੇਸ਼ਨ ਦੁਆਰਾ ਆਯੋਜਿਤ ‘ਯੁਵਾ ਬਿਜਨਸ ਮਹਾ ਸੰਮੇਲਨ-2025’ ਨੂੰ ਸੰਬੋਧਨ ਕੀਤਾ। ਇਸ ਮੌਕੇ ‘ਤੇ ਗੁਜਰਾਤ ਦੇ ਮੁੱਖ ਮੰਤਰੀ ਸ਼੍ਰੀ ਭੂਪੇਂਦਰ ਪਟੇਲ ਸਮੇਤ ਕਈ ਪਤਵੰਤੇ ਮੌਜੂਦ ਸਨ। ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਨੇ ਕਿਹਾ ਕਿ ਵਿਸ਼ਵ ਉਮੀਆ ਫਾਊਂਡੇਸ਼ਨ ਦੁਆਰਾ ਆਯੋਜਿਤ ਯੁਵਾ ਬਿਜਨਸ ਮਹਾ ਸੰਮੇਲਨ-2025 ਵਿੱਚ ਕਰੀਬ 15 ਹਜ਼ਾਰ ਨੌਜਵਾਨ ਇਕੱਠੇ ਹੋਏ ਹਨ।
ਉਨ੍ਹਾਂ ਨੇ ਕਿਹਾ ਕਿ ਅੱਜ ਇੱਥੇ ਵਿਸ਼ਵ ਉਮੀਆ ਫਾਊਂਡੇਸ਼ਨ ਦੇ ਇੱਕ ਐਪ ਦਾ ਵੀ ਉਦਘਾਟਨ ਹੋਇਆ ਹੈ, ਜਿਸ ਦੇ ਰਾਹੀਂ ਗੁਜਰਾਤ ਸਰਕਾਰ ਨੇ ਬੇਹੱਦ ਪ੍ਰੋਫੈਸ਼ਨਲ ਤਰੀਕੇ ਨਾਲ ਪਾਟੀਦਾਰ ਸਮਾਜ ਦੇ ਨੌਜਵਾਨਾਂ ਲਈ ਬਿਜਨਸ ਦੀ ਸੁਰੱਖਿਆ, ਪ੍ਰਮੋਸ਼ਨ ਅਤੇ ਵਾਧੇ ਦੇ ਲਈ ਸਾਰੀਆਂ ਜ਼ਰੂਰਤਾਂ ਪੂਰੀ ਕਰਨ ਦਾ ਯਤਨ ਕੀਤਾ ਹੈ। ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਅੱਜ ਦੇ ਯੁੱਗ ਵਿੱਚ ਇਨਫਾਰਮੇਸ਼ਨ ਬਹੁਤ ਵੱਡੀ ਤਾਕਤ ਹੈ।
ਉਨ੍ਹਾਂ ਨੇ ਕਿਹਾ ਕਿ ਬੇਸ਼ੱਕ ਮਨ ਵਿੱਚ ਉਮੰਗ, ਉਤਸ਼ਾਹ ਅਤੇ ਸਮਰੱਥਾ ਹੋਵੇ, ਲੇਕਿਨ ਜੇਕਰ ਮਾਰਗਦਰਸ਼ਨ ਨਾ ਹੋਵੇ ਤਾਂ ਬਹੁਤ ਦਿੱਕਤਾਂ ਹੁੰਦੀਆਂ ਹਨ। ਅੱਜ ਇਸ ਪ੍ਰੋਗਰਾਮ ਵਿੱਚ ਸਮਾਜ ਇਕੱਠਾ ਹੋਇਆ ਹੈ, ਸਮਾਜ ਦੀ ਸਿੱਖਿਆ ਦੀ ਚਿੰਤਾ ਕਰਨ ਵਾਲਾ ਸੰਗਠਨ ਵੀ ਮੌਜੂਦ ਹੈ ਅਤੇ ਗੁਜਰਾਤ ਅਤੇ ਦੇਸ਼ ਦੇ ਅਰਥਤੰਤਰ ਨੂੰ ਗਤੀ ਦੇਣ ਦਾ ਉਦੇਸ਼ ਵੀ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਮਾਂ ਉਮੀਆ ਦਾ ਮੰਦਿਰ ਸਨਾਤਨ ਧਰਮ ਦਾ ਅਜਿਹਾ ਕੇਂਦਰ ਬਣਨ ਵਾਲਾ ਹੈ, ਜਿਸ ਨੇ ਸੱਭਿਆਚਾਰ ਨੂੰ ਵੀ ਜ਼ਮੀਨ ‘ਤੇ ਉਤਾਰਿਆ ਹੈ।
ਇੱਕ ਹੀ ਸਥਾਨ ‘ਤੇ ਸਮਾਜ, ਸਿੱਖਿਆ, ਅਰਥਵਿਵਸਥਾ ਅਤੇ ਸੱਭਿਆਚਾਰ ਦਾ ਸੁੰਦਰ ਤਾਲਮੇਲ ਦੇਖਣ ਨੂੰ ਮਿਲ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਇਸ ਪ੍ਰੋਗਰਾਮ ਰਾਹੀਂ ਨੌਜਵਾਨਾਂ ਨੂੰ ਤਕਨੀਕੀ ਐਕਸਪੋਜ਼ਰ ਦਾ ਮੌਕਾ ਮਿਲੇਗਾ। ਅੱਜ ਲਾਂਚ ਹੋਏ ਐਪ ਰਾਹੀਂ ਕਲਾਇੰਟ, ਮੈਂਟੋਰ, ਕਰੀਅਰ, ਮੌਕੇ ਅਤੇ ਮਾਰਕਿਟ ਦਰਮਿਆਨ ਸਿੱਧਾ ਸੰਪਰਕ ਹੋ ਜਾਵੇਗਾ। ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਨੇ ਕਿਹਾ ਕਿ ਉਮੀਆ ਫਾਊਂਡੇਸ਼ਨ ਦੀ ਸਥਾਪਨਾ 16 ਦਸੰਬਰ, 2016 ਨੂੰ ਹੋਈ ਸੀ ਅਤੇ ਤਦ ਤੋਂ ਅੱਜ ਤੱਕ ਨਿਰੰਤਰ ਇਸ ਦਾ ਕੰਮ ਅੱਗੇ ਵਧਿਆ ਹੈ।
ਉਮੀਆ ਫਾਊਂਡੇਸ਼ਨ ਨੇ ਮਾਂ ਉਮੀਆ ਦੇ ਪ੍ਰਤੀ ਗੁਜਰਾਤ ਅਤੇ ਗੁਜਰਾਤ ਦੇ ਬਾਹਰ ਸਾਰੇ ਲੋਕਾਂ ਵਿੱਚ ਅਸੀਮ ਸ਼ਰਧਾ ਜਗਾਉਣ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਪਾਟੀਦਾਰ ਸਮਾਜ ਅਤੇ ਪੂਰੇ ਗੁਜਰਾਤ ਨੂੰ ਮਾਂ ਉਮੀਆ ਦੇ ਤਹਿਤ ਇਕੱਠੇ ਹੋ ਕੇ ਸਨਾਤਨ ਧਰਮ ਦੀ ਮਜ਼ਬੂਤ ਵਿਰਾਸਤ ਅਤੇ ਸ਼ਾਖਾ ਬਣਾਉਣ ਲਈ ਉਮੀਆ ਫਾਊਂਡੇਸ਼ਨ ਨੇ ਬਹੁਤ ਸੁੰਦਰ ਕੰਮ ਕੀਤਾ ਹੈ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਫਾਊਂਡੇਸ਼ਨ ਨੇ ਸੈਂਕੜੇ ਨੌਜਵਾਨਾਂ ਨੂੰ ਸਕੌਲਰਸ਼ਿਪ ਦੇ ਕੇ ਉੱਚ ਸਿੱਖਿਆ ਅਤੇ ਉੱਜਵਲ ਭਵਿੱਖ ਵੱਲ ਅੱਗੇ ਵਧਾਉਣ, ਵਿਕਾਸ ਅਤੇ ਕੁਦਰਤ ਦੇ ਸੰਤੁਲਨ ਲਈ ਰੁੱਖ ਲਗਾਉਣਾ ਪ੍ਰੋਗਰਾਮ ਚਲਾਉਣ ਅਤੇ ਸਮਾਜ ਨੂੰ ਇੱਕ ਧਾਗੇ ਵਿੱਚ ਬੰਨ੍ਹਣ ਲਈ ਪ੍ਰਸ਼ੰਸਾਯੋਗ ਪੁਰਸ਼ਾਰਥ ਕੀਤਾ ਹੈ।
ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦੀ ਅਗਵਾਈ ਵਿੱਚ 2014 ਤੋਂ 2025 ਤੱਕ ਦੇਸ਼ ਨੇ ਆਰਥਿਕ ਵਿਕਾਸ ਦੇ ਖੇਤਰ ਵਿੱਚ ਲੰਬੀ ਛਾਲ ਲਗਾਈ ਹੈ। ਪ੍ਰਧਾਨ ਮੰਤਰੀ ਮੋਦੀ ਜੀ ਨੇ ਦੇਸ਼ ਦੇ ਨੌਜਵਾਨਾਂ ਲਈ ਢੇਰ ਸਾਰੇ ਮੌਕੇ ਉਪਲਬਧ ਕਰਵਾਏ ਹਨ। ਉਨ੍ਹਾਂ ਨੇ ਕਿਹਾ ਕਿ 2014 ਵਿੱਚ ਜਦੋਂ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਨੇ ਦੇਸ਼ ਦੀ ਅਗਵਾਈ ਸੰਭਾਲੀ ਉਸ ਸਮੇਂ ਅਸੀਂ ਵਿਸ਼ਵ ਦੀ 11ਵੀਂ ਸਭ ਤੋਂ ਵੱਡੀ ਅਰਥਵਿਵਸਥਾ ਸੀ, ਅਤੇ 2014 ਤੋਂ 2025 ਦੇ 11 ਵਰ੍ਹਿਆਂ ਵਿੱਚ ਅਸੀਂ 11ਵੇਂ ਤੋਂ ਵਿਸ਼ਵ ਦੀ ਚੌਥੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਗਏ ਹਾਂ।
ਸ਼੍ਰੀ ਸ਼ਾਹ ਨੇ ਵਿਸ਼ਵਾਸ ਵਿਅਕਤ ਕੀਤਾ ਕਿ 2027 ਤੱਕ ਅਸੀਂ ਦੁਨੀਆ ਦੀ ਤੀਸਰੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਜਾਵਾਂਗੇ। ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਨੇ ਨੌਜਵਾਨਾਂ ਦੇ ਵਿਕਾਸ ਲਈ ਸਟਾਰਟਅੱਪਸ ਇੰਡੀਆ, ਸਟੈਂਡ ਅੱਪ ਇੰਡੀਆ, ਮੁਦਰਾ ਯੋਜਨਾ, ਵੋਕਲ ਫੋਰ ਲੋਕਲ ਅਤੇ ਲੋਕਲ ਫੋਰ ਗਲੋਬਲ ਤੱਕ ਦੀ ਚੇਨ ਤਿਆਰ ਕੀਤੀ ਹੈ।
ਸ਼੍ਰੀ ਸ਼ਾਹ ਨੇ ਕਿਹਾ ਕਿ 2014 ਵਿੱਚ ਪੂਰੇ ਦੇਸ਼ ਵਿੱਚ ਸਟਾਰਟਅੱਪਸ ਦੀ ਸੰਖਿਆ 500 ਸੀ, ਅੱਜ ਇਹ 2 ਲੱਖ 6 ਹਜ਼ਾਰ ਹੋ ਚੁੱਕੀ ਹੈ। ਇਨ੍ਹਾਂ 2.06 ਲੱਖ ਸਟਾਰਟਅੱਪਸ ਰਾਹੀਂ ਅੱਜ 18 ਲੱਖ ਸਥਾਈ ਰੁਜ਼ਗਾਰ ਦਾ ਸਿਰਜਣ ਹੋਇਆ ਅਤੇ ਲੱਖਾਂ ਲੋਕਾਂ ਨੂੰ ਅਸਥਾਈ ਰੁਜ਼ਗਾਰ ਮਿਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ 2014 ਵਿੱਚ 500 ਵਿੱਚੋਂ ਚਾਰ ਯੂਨੀਕੌਰਨ ਸਟਾਰਟਅੱਪਸ ਭਾਰਤ ਵਿੱਚ ਸਨ, ਅੱਜ ਦੇਸ਼ ਵਿੱਚ 120 ਯੂਨੀਕੋਰਨ ਸਟਾਰਟਅੱਪਸ ਹਨ।
ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ 2047 ਵਿੱਚ ਜਦੋਂ ਦੇਸ਼ ਦੀ ਆਜ਼ਾਦੀ ਦਾ ਸ਼ਤਾਬਦੀ ਉਤਸਵ ਮਨਾਇਆ ਜਾਵੇ ਤਦ ਪੂਰੇ ਵਿਸ਼ਵ ਵਿੱਚ ਭਾਰਤ ਨੰਬਰ ਇੱਕ ‘ਤੇ ਹੋਵੇ। ਅਜਿਹੇ ਭਾਰਤ ਦੀ ਰਚਨਾ ਕਰਨ ਲਈ ਦੋ ਬਹੁਤ ਮਹੱਤਵਪੂਰਨ ਮੁੱਦੇ ਹਨ- ਪਹਿਲਾਂ ਆਤਮਨਿਰਭਰ ਭਾਰਤ ਅਤੇ ਦੂਸਰਾ ਸਵਦੇਸ਼ੀ ਦਾ ਸੱਦਾ। ਜੇਕਰ ਅਸੀਂ ਇਨ੍ਹਾਂ ਨੂੰ ਪੂਰਾ ਕਰ ਲਿਆ ਤਾਂ ਸਾਨੂੰ ਦੁਨੀਆ ਵਿੱਚ ਹਰ ਖੇਤਰ ਵਿੱਚ ਨੰਬਰ ਇੱਕ ‘ਤੇ ਪਹੁੰਚਣ ਤੋਂ ਕੋਈ ਨਹੀਂ ਰੋਕ ਸਕਦਾ। ਉਨ੍ਹਾਂ ਨੇ ਕਿਹਾ ਕਿ ਦੁਨੀਆ ਭਰ ਵਿੱਚ ਭਾਰਤ ਦੇ ਉਤਪਾਦਾਂ ਦਾ ਨਿਰਯਾਤ ਹੋਵੇ ਅਤੇ ਭਾਰਤ ਦੇਸ਼ ਵਿੱਚ ਬਣੀਆਂ ਚੀਜ਼ਾਂ ਦੀ ਵਰਤੋਂ ਕਰੇ ਤਾਂ ਭਾਰਤ ਨੂੰ ਆਤਮਨਿਰਭਰ ਬਣਾਉਣ ਦੀ ਦਿਸ਼ਾ ਵਿੱਚ ਬਹੁਤ ਫਾਇਦਾ ਹੋਵੇਗਾ।