ਚਿਤਕਾਰਾ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਨੇ ਇਕ ਵਾਰ ਫਿਰ ਸਾਬਤ ਕਰ ਦਿੱਤਾ ਹੈ ਕਿ ਨਵੀਨਤਾ ਤੇ ਉਦਯਮਿਤਾ (ਐਂਟਰਪ੍ਰਿਨਯੋਰਸ਼ਿਪ) ਵਿਚ ਪੰਜਾਬ ਦੇ ਯੁਵਾ ਅਗੇ ਹਨ। ਯੂਨੀਵਰਸਿਟੀ ਦੇ ਐਂਟਰਪ੍ਰਿਨਯੋਰਸ਼ਿਪ 101 ਪ੍ਰੋਗਰਾਮ ਨਾਲ ਜੁੜੇ 18 ਵਿਦਿਆਰਥੀ ਸਟਾਰਟਅੱਪਸ ਨੇ ਮਾਈਕਰੋਸਾਫਟ ਦੇ ਗੁਰੁਗ੍ਰਾਮ ਦਫ਼ਤਰ ਵਿੱਚ ਆਪਣੇ ਨਵੇਂ ਤੇ ਰਚਨਾਤਮਕ ਵਿਚਾਰਾਂ ਦੀ ਪੇਸ਼ਕਾਰੀ ਕੀਤੀ।
ਇਹ ਸਮਾਗਮ ਚਿਤਕਾਰਾ ਯੂਨੀਵਰਸਿਟੀ ਦੇ ਉਸ ਦ੍ਰਿੜ ਨਿਸ਼ਚੇ ਨੂੰ ਦਰਸਾਉਂਦਾ ਹੈ, ਜਿਸ ਰਾਹੀਂ ਵਿਦਿਆਰਥੀਆਂ ਨੂੰ ਸਿਰਫ਼ ਸਿੱਖਿਆ ਨਹੀਂ, ਸਗੋਂ ਰੋਜ਼ਗਾਰ ਦੇ ਸਿਰਜਣਹਾਰ ਬਣਨ ਲਈ ਤਿਆਰ ਕੀਤਾ ਜਾਂਦਾ ਹੈ। ਇਸ ਯਾਤਰਾ ਦੀ ਸ਼ੁਰੂਆਤ ਤੋਂ ਪਹਿਲਾਂ ਵਿਦਿਆਰਥੀ ਸਥਾਪਕਾਂ ਨੇ ਚਿਤਕਾਰਾ ਯੂਨੀਵਰਸਿਟੀ ਦੀ ਪ੍ਰੋ ਚਾਂਸਲਰ ਡਾ. ਮਧੁ ਚਿਤਕਾਰਾ ਨਾਲ ਮੁਲਾਕਾਤ ਕੀਤੀ।
ਡਾ. ਮਧੁ ਚਿਤਕਾਰਾ ਨੇ ਵਿਦਿਆਰਥੀਆਂ ਨੂੰ ਹੌਂਸਲਾ ਦਿੰਦਿਆਂ ਕਿਹਾ ਕਿ , “ਚਿਤਕਾਰਾ ਯੂਨੀਵਰਸਿਟੀ ਵਿਚ ਅਸੀਂ ਮੰਨਦੇ ਹਾਂ ਕਿ ਉਦਯਮਿਤਾ ਸਿਰਫ਼ ਕਾਰੋਬਾਰ ਬਣਾਉਣ ਤੱਕ ਸੀਮਿਤ ਨਹੀਂ ਹੈ, ਇਹ ਸਮਾਜ ਵਿਚ ਸਕਾਰਾਤਮਕ ਬਦਲਾਅ ਲਿਆਉਣ ਦਾ ਸਾਧਨ ਹੈ। ਸਾਡੇ ਵਿਦਿਆਰਥੀ ਨਿਡਰ ਹੋ ਕੇ ਨਵੇਂ ਵਿਚਾਰ ਲਿਆਉਂਦੇ ਹਨ ਅਤੇ ਉਹਨਾਂ ਨੂੰ ਅਮਲ ਵਿਚ ਲਿਆ ਕੇ ਅਸਲ ਤੌਰ 'ਤੇ ਫਰਕ ਪਾਉਂਦੇ ਹਨ।
ਮੈਨੂੰ ਮਾਣ ਹੈ ਕਿ ਉਹ ਅੱਜ ਮਾਈਕਰੋਸਾਫਟ ਵਰਗੇ ਵਿਸ਼ਵ ਪੱਧਰੀ ਮੰਚ 'ਤੇ ਯੂਨੀਵਰਸਿਟੀ ਦਾ ਨਾਮ ਰੌਸ਼ਨ ਕਰ ਰਹੇ ਹਨ।” ਮਾਈਕਰੋਸਾਫਟ ਦਫ਼ਤਰ ਵਿਚ ਹੋਏ ਇਸ ਪ੍ਰੋਗਰਾਮ ਦੌਰਾਨ ਵਿਦਿਆਰਥੀ ਉਦਯਮੀਆਂ ਨੇ ਆਪਣੇ ਸਟਾਰਟਅੱਪਸ ਨੂੰ ਨਿਵੇਸ਼ਕਾਂ, ਮੈਨਟਰਾਂ ਅਤੇ ਮਾਈਕਰੋਸਾਫਟ ਲੀਡਰਸ਼ਿਪ ਟੀਮ ਦੇ ਸਾਹਮਣੇ ਪੇਸ਼ ਕੀਤਾ।
ਇਹ ਸਟਾਰਟਅੱਪਸ ਹੈਲਥਟੈਕ, ਐਡਟੈਕ, ਸਸਟੇਨੇਬਿਲਟੀ ਅਤੇ ਆਰਟੀਫ਼ੀਸ਼ਲ ਇੰਟੈਲੀਜੈਂਸ ਵਰਗੇ ਖੇਤਰਾਂ ਨਾਲ ਸੰਬੰਧਿਤ ਸਨ ਜੋਕਿ ਚਿਤਕਾਰਾ ਯੂਨੀਵਰਸਿਟੀ ਦੇ ਸਮਾਜਕ ਪ੍ਰਭਾਵ ਵਾਲੇ ਨਵੀਨਤਾ ਕੇਂਦਰਿਤ ਵਿਜ਼ਨ ਨੂੰ ਦਰਸਾਉਂਦੇ ਹਨ। ਉੱਤਮ ਪ੍ਰਦਰਸ਼ਨ ਕਰਨ ਵਾਲੀਆਂ ਟੀਮਾਂ ਵਿਚੋਂ ਇਨਦਬਾਕਸ (InTheBox), ਇਕੋਸਟੀਲਿਕਸ (Ecosteelix) ਅਤੇ ਨਵਗਤੀ (Navgati) ਨੂੰ ਸਰਵੋਤਮ ਤਿੰਨ ਸਟਾਰਟਅੱਪਸ ਦੇ ਰੂਪ ਵਿੱਚ ਚੁਣਿਆ ਗਿਆ ਅਤੇ ਉਨ੍ਹਾਂ ਨੂੰ ਨਕਦ ਇਨਾਮ ਦਿੱਤੇ ਗਏ।
ਕਈ ਹੋਰ ਟੀਮਾਂ ਨੂੰ ਵਿਸ਼ੇਸ਼ ਸਨਮਾਨ ਤੇ ਮਾਈਕਰੋਸਾਫਟ ਵੱਲੋਂ ਗਿਫ਼ਟ ਹਾਸਲ ਹੋਏ, ਜਦਕਿ ਦੋ ਸਟਾਰਟਅੱਪਸ ਨਾਲ ਨਿਵੇਸ਼ਕਾਂ ਵੱਲੋਂ ਮੈਂਟਰਸ਼ਿਪ ਅਤੇ ਸੰਭਾਵਤ ਸਹਿਯੋਗ ਦੀ ਰੁਚੀ ਜਤਾਈ ਗਈ ਜੋਕਿ ਚਿਤਕਾਰਾ ਯੂਨੀਵਰਸਿਟੀ ਦੇ ਮਜ਼ਬੂਤ ਉਦਯਮਿਤਾ ਇਕੋਸਿਸਟਮ ਦੀ ਗਵਾਹੀ ਦਿੰਦਾ ਹੈ। ਇਹ ਪਹਲ ਯੂਨੀਵਰਸਿਟੀ ਦੇ ਸੈਂਟਰ ਫਾਰ ਐਂਟਰਪ੍ਰਿਨਯੋਰਸ਼ਿਪ ਐਜੂਕੇਸ਼ਨ ਐਂਡ ਡਿਵੈਲਪਮੈਂਟ (CEED) ਦੇ ਸਹਿਯੋਗ ਨਾਲ ਕੀਤੀ ਗਈ, ਜਿਸ ਨੇ ਵਿਦਿਆਰਥੀਆਂ ਨੂੰ ਇੰਡਸਟਰੀ ਦਾ ਤਜਰਬਾ, ਨੈੱਟਵਰਕਿੰਗ ਦੇ ਮੌਕੇ ਅਤੇ ਅਨੁਭਵੀ ਨਿਵੇਸ਼ਕਾਂ ਤੋਂ ਸਿੱਧੀ ਪ੍ਰਤੀਕ੍ਰਿਆ ਪ੍ਰਦਾਨ ਕੀਤੀ।
ਚਿਤਕਾਰਾ ਯੂਨੀਵਰਸਿਟੀ ਨੇ ਇੱਕ ਵਾਰ ਫਿਰ ਸਾਬਤ ਕੀਤਾ ਹੈ ਕਿ ਇੱਥੇ ਵਿਚਾਰ ਜਨਮ ਲੈਂਦੇ ਹਨ, ਸੁਪਨੇ ਰਾਹ ਪਾਉਂਦੇ ਹਨ ਅਤੇ ਨਵੀਨਤਾ ਨੂੰ ਮੌਕਾ ਮਿਲਦਾ ਹੈ। ਯੂਨੀਵਰਸਿਟੀ ਆਪਣੇ ਵਿਦਿਆਰਥੀਆਂ ਨੂੰ ਵੱਡਾ ਸੋਚਣ, ਨਿਡਰ ਬਣਨ ਅਤੇ ਭਵਿੱਖ ਦੇ ਇਨੋਵੇਸ਼ਨ ਲੀਡਰ ਬਣਨ ਲਈ ਪ੍ਰੇਰਿਤ ਕਰਦੀ ਰਹਿੰਦੀ ਹੈ।