ਚੰਡੀਗੜ੍ਹ ਇੰਜੀਨੀਅਰਿੰਗ ਕਾਲਜ (ਸੀਈਸੀ) ਦੇ ਸੀਐਸਈ ਵਿਭਾਗ, ਸੀਜੀਸੀ ਲਾਂਡਰਾਂ ਵੱਲੋਂ ਕੈਂਪਸ ਵਿਖੇ ‘ਰੀਸੈਂਟ ਟ੍ਰੈਂਡਜ਼ ਐਂਡ ਰਿਸਰਚ ਆਨ ਕਲਾਉਡ ਕੰਪਿਊਟਿੰਗ ਐਂਡ ਸਰਵਿਸਜ਼’ ਵਿਸ਼ੇ ਸੰਬੰਧੀ ਇੱਕ ਹਫ਼ਤਾ ਭਰ ਚੱਲਣ ਵਾਲੇ ਏਆਈਸੀਟੀਈ ਸਪਾਂਸਰਡ ਫੈਕਲਟੀ ਡਿਵੈਲਪਮੈਂਟ ਪ੍ਰੋਗਰਾਮ (ਐਫਡੀਪੀ) ਦਾ ਆਯੋਜਨ ਕੀਤਾ ਗਿਆ।
ਇਸ ਪ੍ਰੋਗਰਾਮ ਦਾ ਉਦੇਸ਼ ਭਾਗੀਦਾਰਾਂ ਨੂੰ ਕਲਾਉਡ ਕੰਪਿਊਟਿੰਗ ਵਿੱਚ ਨਵੀਨਤਮ ਤਰੱਕੀਆਂ, ਪ੍ਰੈਕਟੀਕਲ ਐਪਲੀਕੇਸ਼ਨਾਂ ਅਤੇ ਰਿਸਰਚ ਦਿਸ਼ਾਵਾਂ ਦੀ ਪੜਚੋਲ ਕਰਨ ਲਈ ਇੱਕ ਪ੍ਰਮੁੱਖ ਮੰਚ ਪ੍ਰਦਾਨ ਕਰਨਾ ਸੀ। ਇਸ ਐਫਡੀਪੀ ਵਿੱਚ ਅਕਾਦਮਿਕ, ਉਦਯੋਗ ਅਤੇ ਸਰਕਾਰੀ ਸੰਸਥਾਵਾਂ ਦੇ ਉੱਘੇ ਬੁਲਾਰਿਆਂ ਨੇ ਹਿੱਸਾ ਲਿਆ ਜਿਨ੍ਹਾਂ ਨੇ ਅਤਿਆਧੁਨਿਕ ਵਿਸ਼ਆਂ ਉੱਤੇ ਆਪਣੇ ਅਨੁਭਵ ਮੁਹਾਰਤ ਸਾਂਝੇ ਕੀਤੇ।
ਐਨਆਈਟੀਟੀਟੀਆਰ ਚੰਡੀਗੜ੍ਹ ਤੋਂ ਡਾ.ਮਾਲਾ ਕਾਲਰਾ ਨੇ ਕਲਾਉਡ ਕੰਪਿਊਟਿੰਗ ਅਤੇ ਏਡਬਲਿਉਐਸ ਕਲਾਉਡ ਬਾਰੇ ਸੰਖੇਪ ਜਾਣਕਾਰੀ ਸੰਬੰਧੀ ਇੱਕ ਸੂਝਵਾਨ ਸੈਸ਼ਨ ਪੇਸ਼ ਕੀਤਾ। ਪੰਜਾਬ ਇੰਜੀਨੀਅਰਿੰਗ ਕਾਲਜ, ਚੰਡੀਗੜ੍ਹ ਤੋਂ ਡਾ.ਸਤਨਾਮ ਕੌਰ ਨੇ ਏਆਈ ਹੱਲਾਂ ਲਈ ਕਲਾਉਡ ਪਲੇਟਫਾਰਮਾਂ ਦੇ ਉਪਯੋਗ ਸੰਬੰਧੀ ਗੱਲ ਕੀਤੀ।
ਦੱਖਣੀ ਏਸ਼ੀਆ ਵਿਖੇ ਤਕਨੀਕੀ ਪ੍ਰੋਗਰਾਮ ਮੈਨੇਜਰ ਸ਼੍ਰੀਮਤੀ ਅਕਾਂਕਸ਼ਾ ਰਾਏ ਸ਼ਰਮਾ ਨੇ ਭਾਗੀਦਾਰਾਂ ਨੂੰ ਏਡਬਲਿਉਐਸ ਸਿਖਲਾਈ, ਸਰਟੀਫਿਕੇਸ਼ਨ ਅਤੇ ਅਕੈਡਮੀ ਕੋਰਸਾਂ ਨਾਲ ਜਾਣੂ ਕਰਵਾਇਆ। ਨੀਤੀ ਆਯੋਗ ਵਿਖੇ ਸੀਨੀਅਰ ਕਲਾਉਡ ਇੰਜੀਨੀਅਰ ਸ਼੍ਰੀ ਅਮਨ ਗੁਪਤਾ ਨੇ ਕਲਾਉਡ ਕੰਪਿਊਟਿੰਗ, ਏਡਬਲਿਉ ਆਈਏਐਮ, ਅਤੇ ਜਨਰੇਟਿਵ ਏਆਈ ਸੰਬੰਧੀ ਸੈਸ਼ਨ ਪੇਸ਼ ਕੀਤੇ।
ਮੋਹਾਲੀ ਦੇ ਟੈਕ ਸਲਿਊਸ਼ਨਜ਼ ਤੋਂ ਸ਼੍ਰੀ ਅਮਿਤ ਜੈਨ ਨੇ ਵਰਚੁਅਲ ਪ੍ਰਾਈਵੇਟ ਕਲਾਉਡ, ਕਲਾਉਡ ਸਟੋਰੇਜ ਅਤੇ ਕਲਾਉਡ9 ਆਈਡੀਈ ’ਤੇ ਇੱਕ ਸੈਸ਼ਨ ਦਾ ਸੰਚਾਲਨ ਕੀਤਾ। ਨੀਤੀ ਆਯੋਗ ਵਿਖੇ ਇਨੋਵੇਟ ਸਕਿੱਲਜ਼ ਦੇ ਸੰਸਥਾਪਕ ਅਤੇ ਮੈਂਟਰ ਆਫ ਚੇਂਜ ਸ਼੍ਰੀ ਅਜੈ ਗੋਦਾਰਾ ਨੇ ਕਈ ਪਲੇਟਫਾਰਮਾਂ ਤੇ ਆਈਓਟੀ ਕਲਾਉਡ ਐਪਲੀਕੇਸ਼ਨ ਵਿਕਾਸ ਬਾਰੇ ਆਪਣਾ ਧਿਆਨ ਕੇਂਦਰਿਤ ਕੀਤਾ।
ਰੁੜਕੀ ਦੇ ਨੈਸ਼ਨਲ ਇੰਸਟੀਚਿਊਟ ਆਫ਼ ਹਾਈਡ੍ਰੋਲੋਜੀ ਵਿਖੇ ਵਿਗਆਨੀ-ਈ ਡਾ.ਲਕਸ਼ਮੀ ਨਾਰਾਇਣ ਠਾਕੁਰਾਲ ਨੇ ਹਾਈਡ੍ਰੋਲੋਜਿਕ ਮਾਡਲੰਿਗ ਅਤੇ ਵਾਟਰ ਰਿਸੋਰਸ ਮੈਨੇਜਮੈਂਟ ਲਈ ਕਲਾਉਡ ਕੰਪਿਊਟਿੰਗ ਸੰਬੰਧੀ ਗੱਲ ਕੀਤੀ। ਸੀ-ਡੀਏਸੀ ਮੋਹਾਲੀ ਦੀ ਇੱਕ ਉਦਯੋਗਿਕ ਫੇਰੀ ਨੇ ਭਾਗੀਦਾਰਾਂ ਨੂੰ ਉੱਨਤ ਕੰਪਿਊਟਿੰਗ, ਏਆਈ, ਸਾਈਬਰ ਸੁਰੱਖਿਆ ਅਤੇ ਸਵਦੇਸ਼ੀ ਕਲਾਉਡ ਨਵੀਨਤਾਵਾਂ ਦਾ ਅਨੁਭਵ ਦਿੱਤਾ।
ਐਨਆਈਟੀਟੀਆਰ ਚੰਡੀਗੜ੍ਹ ਤੋਂ ਡਾ.ਮੀਨਾਕਸ਼ੀ ਸੂਦ ਨੇ ਪਾਠਕ੍ਰਮ ਵਿਕਾਸ ਅਤੇ ਐਨਈਪੀ 2020 ਲਾਗੂ ਕਰਨ ਸੰਬੰਧੀ ਚਰਚਾ ਕੀਤੀ, ਜਦ ਕਿ ਐਲਟੀਆਈਮਾਈਂਡਟਰੀ ਟੈਕਨਾਲੋਜੀ, ਨੋਇਡਾ ਤੋਂ ਸ਼੍ਰੀ ਮਨਦੀਪ ਮੇਹਨ ਨੇ ਆਈਡੀਐਮਸੀ ਕਲਾਉਡ ਟੂਲਸ, ਇਲਾਸਟਿਕ ਲੋਡ ਬੈਲੇਂਸਰ, ਕਲਾਉਡਵਾਚ ਅਤੇ ਕਲਾਉਡਟ੍ਰੇਲ ਸੇਵਾਵਾਂ ਬਾਰੇ ਪੇਸ਼ਕਾਰੀ ਕੀਤੀ।
ਪ੍ਰੋਗਰਾਮ ਵਿੱਚ ਤਕਨੀਕੀ ਸੈਸ਼ਨਾਂ ਦੇ ਨਾਲ-ਨਾਲ ਪ੍ਰੈਕਟੀਕਲ ਪ੍ਰਦਰਸ਼ਨ (ਡੈਮੋਨਸਟ੍ਰੇਸ਼ਨ) ਵੀ ਸ਼ਾਮਲ ਸਨ ਜਿਸ ਨਾਲ ਭਾਗੀਦਾਰਾਂ ਨੂੰ ਏਡਬਲਯੂਐਸ ਪਲੇਟਫਾਰਮ, ਜਨਰੇਟਿਵ ਏਆਈ, ਆਈਓਟੀ, ਹਾਈਡ੍ਰੋਲੋਜਿਕ ਮਾਡਲੰਿਗ ਅਤੇ ਕਲਾਉਡ ਤਕਨਾਲੋਜੀ ਦੇ ਅੰਤਰ ਅਨੁਸ਼ਾਸਨੀ ਐਪਲੀਕੇਸ਼ਨਾਂ ਦਾ ਕੀਮਤੀ ਅਨੁਭਵ ਪ੍ਰਦਾਨ ਕੀਤਾ ਗਿਆ।
ਫੈਕਲਟੀ ਮੈਂਬਰਾਂ ਨੇ ਇਸ ਖੇਤਰ ਵਿੱਚ ਅਰਥਪੂਰਨ ਪ੍ਰੋਜੈਕਟਾਂ ਅਤੇ ਖੋਜ ਦੀ ਅਗਵਾਈ ਕਰਨ ਲਈ ਵਿਹਾਰਕ ਸਿੱਖਣ ਦੇ ਤਜਰਬੇ, ਉਦਯੋਗ ਅਭਿਆਸਾਂ ਅਤੇ ਰਣਨੀਤੀਆਂ ਵਿੱਚ ਸੂਝ ਪ੍ਰਾਪਤ ਕੀਤੀ। ਸਮਾਪਤੀ ਸੈਸ਼ਨ ਦੌਰਾਨ ਸੀਜੀਸੀ ਲਾਂਡਰਾਂ ਦੇ ਕੈਂਪਸ ਡਾਇਰੈਕਟਰ ਡਾ.ਰਾਜਦੀਪ ਸਿੰਘ ਨੇ ਪ੍ਰਬੰਧਕਾਂ ਅਤੇ ਭਾਗੀਦਾਰਾਂ ਨੂੰ ਵਧਾਈ ਦਿੱਤੀ ਅਤੇ ਐਫਡੀਪੀ ਦੇ ਸਫਲ ਆਯੋਜਨ ਵਿੱਚ ਉਨ੍ਹਾਂ ਦੀ ਅਗਵਾਈ ਲਈ ਸਾਰਿਆਂ ਦੀ ਪ੍ਰਸ਼ੰਸਾ ਕੀਤੀ।
ਇਸ ਦੌਰਾਨ ਉਨ੍ਹਾਂ ਨੇ ਉੱਭਰ ਰਹੀਆਂ ਤਕਨਾਲੋਜੀਆਂ ਵਿੱਚ ਨਿਰੰਤਰ ਖੋਜ ਅਤੇ ਵਿਕਾਸ ਦੀ ਮਹੱਤਤਾ ਤੇ ਜ਼ੋਰ ਦਿੱਤਾ। ਅੰਤ ਵਿੱਚ ਡਾ.ਸੁਖਪ੍ਰੀਤ ਕੌਰ ਵੱਲੋਂ ਧੰਨਵਾਦ ਦਾ ਮਤਾ ਪੇਸ਼ ਕੀਤਾ ਗਿਆ ਜਿਨ੍ਹਾਂ ਨੇ ਏਆਈਸੀਟੀਈ, ਏਟੀਏਐਲ ਸੈੱਲ, ਵਿਸ਼ੇਸ਼ ਬੁਲਾਰਿਆਂ ਅਤੇ ਭਾਗੀਦਾਰਾਂ ਦਾ ਐਫਡੀਪੀ ਨੂੰ ਸਫਲ ਬਣਾਉਣ ਲਈ ਧੰਨਵਾਦ ਕੀਤਾ।