ਅਵੱਲ ਅੱਲ੍ਹਾ ਨੂਰ ਉਪਾਇਆ, ਕੁਦਰਤ ਕੇ ਸਭ ਬੰਦੈ
ਏਕ ਨੂਰ ਤੇ ਸਭ ਜਗ ਉਪਜੇਆ
ਕਉਨ ਭਲੇ ਕਉ ਮੰਦੇ।
ਇਹਨਾਂ ਗੱਲਾਂ ਦਾ ਪ੍ਰਗਟਾਵਾ ਉਦੋਂ ਕੀਤਾ ਗਿਆ ਜਦੋਂ ਰਾਜਿੰਦਰ ਸਿੰਘ ਨੰਬਰਦਾਰ ਜੋ ਕਿ ਵਾਰਡ ਨੰਬਰ 6 ਦੇ ਮਿਊਸਪਲ ਕੌਂਸਲਰ ਹਨ, ਦੇ ਘਰ ਖਰੜ ਮਿਊਸਪਲ ਕਮੇਟੀ ਦੇ ਸਾਰੇ ਕੌਂਸਲਰਾਂ ਪਹੁੰਚੇ ਸਨ ਰਾਜਿੰਦਰ ਸਿੰਘ ਦੇ ਘਰ ਪਹੁੰਚਣ ਦਾ ਕਾਰਨ ਇਹ ਸੀ ਕਿ ਪਿਛਲੇ ਮਈ ਮਹੀਨੇ ਵਿੱਚ ਵਾਲਮੀਕ ਸਮਾਜ ਦੇ ਵਾਲਮੀਕ ਤੀਰਥ ਅੰਮ੍ਰਿਤਸਰ ਦੇ ਸਰਪ੍ਰਸਤ ਸੰਤ ਬਾਬਾ ਨਛੱਤਰ ਦਾਸ ਸ਼ੇਰਗਿੱਲ ਵੱਲੋਂ ਸਮੂਹ ਸੰਤ ਸਮਾਜ ਦੇ ਨਾਲ ਰਾਜਿੰਦਰ ਸਿੰਘ ਨੰਬਰਦਾਰ ਦੇ ਘਰ ਪਹੁੰਚੇ ਸਨ ।
ਸੰਤਾਂ ਵੱਲੋਂ ਰਾਜਿੰਦਰ ਸਿੰਘ ਦੀ ਸਮਾਜ ਸੇਵਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪੂਰੀ ਜਾਂਚ ਪੜਤਾਲ ਤੋਂ ਬਾਅਦ ਰਾਜਿੰਦਰ ਸਿੰਘ ਨੂੰ ਇੱਕ ਜਿੰਮੇਵਾਰੀ ਸੋਂਪੀ ਗਈ ਕਿ ਲੋਕ ਸੇਵਾ ਦੇ ਨਾਲ ਨਾਲ ਆਪਣੇ ਵਾਲਮੀਕ ਸਮਾਜ ਦੀ ਸੇਵਾ ਕਰਨ ਲਈ ਗੁਰੂ ਗਿਆਨ ਨਾਥ ਵਾਲਮੀਕ ਧਰਮ ਸਮਾਜ ਦੇ (ਪੋਲੀਟੀਕਲ ਵਿੰਗ) ਪੰਜਾਬ ਦਾ ਪ੍ਰਧਾਨ ਲਗਾਇਆ ਜਾਂਦਾ ਹੈ। ਅੱਜ ਖਰੜ ਦੇ ਮਿਊਸਪਲ ਕੌਂਸਲਰ ਰਾਜਿੰਦਰ ਸਿੰਘ ਨੂੰ ਪੰਜਾਬ ਪ੍ਰਧਾਨ ਬਣਨ ਦੀ ਖੁਸ਼ੀ ਵਿੱਚ ਉਹਨਾ ਦੇ ਗ੍ਰਹਿ ਵਿਖੇ ਪਹੁੰਚੇ ਸਨ ।
ਸਾਰਿਆਂ ਮਿਊਸਪਲ ਕੌਂਸਲਰਾਂ ਵੱਲੋਂ ਰਾਜਿੰਦਰ ਸਿੰਘ ਨੂੰ ਸਿਰੋਪਾਓ ਪਾ ਕੇ ਮਾਨ ਸਤਿਕਾਰ ਕੀਤਾ ਗਿਆ ਅਤੇ ਖੁਸ਼ੀ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਬਹੁਤ ਮਾਨ ਵਾਲੀ ਗੱਲ ਹੈ ਕਿ ਵਾਲਮੀਕ ਸਮਾਜ ਦੇ ਸਭ ਤੋਂ ਉੱਚੇ ਤੀਰਥ ਵੱਲੋਂ ਸਾਡੇ ਖਰੜ ਸ਼ਹਿਰ ਦੇ ਐਮ.ਸੀ. ਸਾਥੀ ਨੂੰ ਪੰਜਾਬ ਪ੍ਰਧਾਨ ਲਗਾਇਆ ਗਿਆ ਹੈ । ਸਾਰੇ ਮਿਊਸਪਲ ਕੌਂਸਲਰਾਂ ਵੱਲੋਂ ਰਾਜਿੰਦਰ ਸਿੰਘ ਨੂੰ ਵਿਸ਼ਵਾਸ਼ ਦਿਵਾਇਆ ਗਿਆ ਕਿ ਉਹ ਸਾਰੇ ਰਾਜਿੰਦਰ ਸਿੰਘ ਦੇ ਨਾਲ ਮੋਢੇ ਨਾਲ ਮੋਢਾ ਜੋੜਕੇ ਇਸ ਧਰਮ ਦੇ ਕੰਮ ਵਿੱਚ ਸਾਥ ਦੇਣਗੇ ਅਤੇ ਜਦੋਂ ਵੀ ਰਾਜਿੰਦਰ ਸਿੰਘ ਨੂੰ ਓਹਨਾਂ ਦੀ ਲੋੜ ਹੋਵੇ ਉਹ ਹਮੇਸ਼ਾ ਰਾਜਿੰਦਰ ਸਿੰਘ ਦੀ ਪਿੱਠ ਦੇ ਪਿੱਛੇ ਖੜੇ ਰਹਿਣਗੇ ।
ਨਵ ਨਿਯੁਕਤ ਪੰਜਾਬ ਪ੍ਰਧਾਨ ਵੱਲੋਂ ਆਪਣੇ ਸਾਥੀ ਕੌਂਸਲਰਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਜਿਵੇਂ ਬਾਣੀ ਵਿੱਚ ਲਿਖਿਆ ਹੈ ਕਿ ਅਵੱਲ ਅੱਲ੍ਹਾ ਨੂਰ ਉਪਾਇਆ, ਕੁਦਰਤ ਕੇ ਸਭ ਬੰਦੈ ਏਕ ਨੂਰ ਤੇ ਸਭ ਜਗ ਉਪਜੇਆ ਕਉਨ ਭਲੇ ਕਉ ਮੰਦੇ।ਉਸ ਦੀ ਮਸਾਲ ਅੱਜ ਖਰੜ ਦੇ ਕੌਂਸਲਰਾਂ ਵੱਲੋਂ ਦਿੱਤੀ ਗਈ ਹੈ ਕਿਉਂਕਿ ਇੱਕ ਛੋਟੇ ਜਿਹੇ ਐਸ.ਸੀ. ਸਮਾਜ ਨਾਲ ਸੰਬਧਤ ਕੌਂਸਲਰ ਦੇ ਘਰ ਸਾਰੇ ਕੌਂਸਲਰਾਂ ਵੱਲੋਂ ਪਹੁੰਚਕੇ ਐਨਾ ਪਿਆਰ ਤੇ ਸਤਿਕਾਰ ਦੇਣਾ ਰਾਜਿੰਦਰ ਸਿੰਘ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ।
ਖਰੜ ਦੇ ਕੌਂਸਲਰਾਂ ਦੀ ਸੋਚ ਜੇਕਰ ਸਾਰਾ ਪੰਜਾਬ ਅਖਤਿਆਰ ਕਰ ਲਵੇ ਤਾਂ ਛੂਤ ਛਾਤ ਦੀ ਬਿਮਾਰੀ ਪੰਜਾਬ ਵਿੱਚੋਂ ਬਿਲਕੁਲ ਖਤਮ ਹੋ ਸਕਦੀ ਹੈ ਪਰ ਇਸਦੇ ਨਾਲ ਤਸਵੀਰ ਦਾ ਦੂਜਾ ਪਾਸਾ ਵੀ ਹੈ ਕਿ ਪੰਜਾਬ ਵਿੱਚ ਹਾਲੇ ਵੀ ਕੁਝ ਮੰਦ ਬੁੱਧੀ ਇਨਸਾਨ ਇਹੋ ਜਿਹੇ ਹਨ ਜਿਹੜੇ ਲੋਕ ਐਸ.ਸੀ. ਸਮਾਜ ਦੇ ਲੋਕਾਂ ਨਾਲ ਵਿਤਕਰਾ ਅਤੇ ਭੇਦ ਭਾਵ ਕਰਦੇ ਹਨ । ਐਸ.ਸੀ. ਸਮਾਜ ਨੂੰ ਨੀਵਾਂ ਵਿਖਾਉਣ ਖਾਤਿਰ ਅਤੇ ਆਪਣੇ ਆਪ ਨੂੰ ਰੱਬ ਸਮਝ ਕੇ ਕੋਜੀਆਂ ਹਰਕਤਾਂ ਕਰਦੇ ਰਹਿੰਦੇ ਹਨ ।
ਜਿਸਦੀ ਮਿਸਾਲ ਇਹ ਹੈ ਕਿ ਪਿੱਛੇ ਦਿਨੇ ਸੰਗਰੂਰ ਵਿੱਚ ਐਸ.ਸੀ. ਸਮਾਜ ਦੇ 2 ਯੁਵਕਾਂ ਨੂੰ ਬਹੁਤ ਜਿਆਦਾ ਕੁੱਟਿਆ ਮਾਰਿਆ ਗਿਆ ਅਤੇ ਜਾਤੀ ਸੂਚਕ ਅਪਸ਼ਬਦ ਵੀ ਬੋਲੇ ਗਏ ਹਨ ਸੋ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਦੀ ਨਿੰਦਾ ਕਰਦੇ ਹੋਏ ਰਾਜਿੰਦਰ ਸਿੰਘ ਨੇ ਕਿਹਾ ਕਿ ਇਹੋ ਜਿਹੇ ਚੰਦ ਲੋਕ ਪੰਜਾਬ ਦੀ ਅਮਨ ਸ਼ਾਂਤੀ ਭੰਗ ਕਰ ਰਹੇ ਹਨ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਬੰਦ ਹੋਣੀਆਂ ਚਾਹੀਦੀਆਂ ਹਨ।
ਨਵ ਨਿਯੁਕਤ ਪ੍ਰਧਾਨ ਵੱਲੋਂ ਸਭ ਕੌਂਸਲਰਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਹ ਹਮੇਸ਼ਾ ਆਪਣੇ ਕੌਂਸਲਰ ਸਾਥੀਆਂ ਦੇ ਨਾਲ ਮਿਲਕੇ ਖਰੜ ਦੇ ਵਿਕਾਸ ਅਤੇ ਵਾਲਮੀਕ ਸਮਾਜ ਦੀ ਤਰੱਕੀ ਅਤੇ ਖੁਸ਼ਹਾਲੀ ਲਈ ਦਿਨ ਰਾਤ ਕੰਮ ਕਰਦੇ ਰਹਿਣਗੇ। ਅੱਜ ਦੇ ਪ੍ਰੋਗਰਾਮ ਵਿੱਚ ਖਰੜ ਦੇ ਮਿਊਸਪਲ ਕਮੇਟੀ ਦੇ 26 ਕੌਂਸਲਰਾਂ ਵਿੱਚੋਂ ਕੁਝ ਕੌਂਸਲਰਾਂ ਨੂੰ ਜਰੂਰੀ ਕੰਮ ਪੈਣ ਕਾਰਣ ਨਹੀਂ ਪਹੁੰਚ ਸਕੇ ਇਹਨਾਂ ਤੋਂ ਇਲਾਵਾ ਕੁਝ 20 ਕੌਂਸਲਰਾਂ ਨੇ ਇਸ ਪ੍ਰੋਗਰਾਮ ਵਿੱਚ ਸ਼ਿਰਕਤ ਕੀਤੀ।