ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਜੀਵ ਵਿਗਿਆਨ ਵਿਭਾਗ ਵੱਲੋਂ ਮਹਾਤਮਾ ਗਾਂਧੀ ਨੈਸ਼ਨਲ ਕੌਂਸਲ ਆਫ਼ ਰੂਰਲ ਐਜੂਕੇਸ਼ਨ ਐਂਡ ਰੈੱਡ ਰਿਬਨ ਕਲੱਬ ਦੇ ਅਧੀਨ ਵਿਸ਼ਵ ਵੈਟਲੈਂਡ ਦਿਵਸ-2024 ਮਨਾਇਆ ਗਿਆ ਜਿਸ ਦੌਰਾਨ ‘ਵੈੱਟਲੈਂਡਜ਼ ਐਂਡ ਹਿਊਮਨ ਵੈਲ-ਬੀਇੰਗ”’ ਵਿਸ਼ੇ ’ਤੇ ਲੇਖ ਲਿਖਣ, ਫੋਟੋਗ੍ਰਾਫੀ ਅਤੇ ਪੋਟ ਪੇਂਟਿੰਗ ਮੁਕਾਬਲੇ ਕਰਵਾਏ ਗਏ। ਡਾ: ਪਰਵਿੰਦਰ ਸਿੰਘ, ਵਾਈਸ-ਚਾਂਸਲਰ, ਰਿਆਤ ਬਾਹਰਾ ਯੂਨੀਵਰਸਿਟੀ, ਨੇ ਵੈਟਲੈਂਡਜ਼ ਦੀ ਮਹੱਤਤਾ ’ਤੇ ਚਾਨਣਾ ਪਾਇਆ ਅਤੇ ਭਾਗੀਦਾਰਾਂ ਨੂੰ ਮਾਨਵ ਕਿਰਿਆਵਾਂ ਦੁਆਰਾ ਵਿਗੜ ਰਹੇ ਵੈਟਲੈਂਡਜ਼ ਦੀ ਗੁਣਵੱਤਾ ਨੂੰ ਬਹਾਲ ਕਰਨ ਲਈ ਪ੍ਰੇਰਿਤ ਕੀਤਾ।
ਇਸ ਦੌਰਾਨ ਚਾਂਸਲਰ ਗੁਰਵਿੰਦਰ ਸਿੰਘ ਬਾਹਰਾ ਨੇ ਵਿਦਿਆਰਥੀਆਂ ਵੱਲੋਂ ਵਿੱਦਿਅਕ ਸਮਾਜਿਕ ਜ਼ਿੰਮੇਵਾਰੀ ਤਹਿਤ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਸ਼ਲਾਘਾ ਕੀਤੀ। ਸਟੂਡੈਂਟਸ ਵੈਲਫੇਅਰ ਦੀ ਡੀਨ ਡਾ: ਸਿਮਰਜੀਤ ਕੌਰ ਨੇ ਵੈਟਲੈਂਡਜ਼ ਦੀ ਸੰਭਾਲ ਦੀ ਲੋੜ ’ਤੇ ਚਾਨਣਾ ਪਾਇਆ ਅਤੇ ਵਿਦਿਆਰਥੀਆਂ ਨੂੰ ਵਾਤਾਵਰਣ ਦੇ ਮੁੱਦਿਆਂ ਵੱਲ ਧਿਆਨ ਦੇਣ ਲਈ ਪ੍ਰੇਰਿਤ ਕੀਤਾ। ਜੀਵ ਵਿਗਿਆਨ ਵਿਭਾਗ ਤੋਂ ਡਾ: ਸ਼ਾਇਨਾ ਅਤੇ ਸਬਾ ਸਆਦਤ ਨੇ ਸਮਾਗਮ ਦਾ ਸੰਚਾਲਨ ਕੀਤਾ।
ਇਸ ਦੌਰਾਨ ਕਰਵਾਏ ਗਏ ਲੇਖ ਲਿਖਣ ਮੁਕਾਬਲੇ ਦੇ ਜੇਤੂਆਂ ਵਿੱਚ ਪਹਿਲਾ ਸਥਾਨ- ਪ੍ਰਿਯਾਂਸ਼ੂ ਠਾਕੁਰ (ਬੀ.ਐਸ.ਸੀ. ਮਾਈਕਰੋਬਾਇਓਲੋਜੀ-ਤੀਜਾ ਸਾਲ), ਪੀਜੀਜੀਸੀਜੀ-42, ਚੰਡੀਗੜ੍ਹ; ਦੂਸਰਾ ਸਥਾਨ- ਈਸ਼ਾ ਦੇਵੀ, (ਐੱਮ.ਐੱਸ.ਸੀ. ਜ਼ੂਆਲੋਜੀ-ਦੂਜਾ ਸੇਮ), ਡਿਪਾਰਟਮੈਂਟ ਆਫ ਲਾਈਫ ਸਾਇੰਸਿਜ਼, ਯੂ.ਐੱਸ.ਐੱਸ., ਰਿਆਤ ਬਾਹਰਾ ਯੂਨੀਵਰਸਿਟੀ; ਤੀਸਰਾ ਸਥਾਨ- ਅਨੰਤਿਕਾ, (ਐੱਮ.ਐੱਸ.ਸੀ. ਈ.ਵੀ.ਐੱਸ.-4 ਸੇਮ), ਡਿਪਾਰਟਮੈਂਟ ਆਫ ਲਾਈਫ ਸਾਇੰਸਿਜ਼, ਯੂ.ਐੱਸ.ਐੱਸ., ਰਿਆਤ ਬਾਹਰਾ ਯੂਨੀਵਰਸਿਟੀ ; ਤਸੱਲੀ ਇਨਾਮ- ਦਾਮਿਨੀ (ਬੀ.ਐਸ.ਸੀ. ਮਾਈਕਰੋਬਾਇਓਲੋਜੀ-ਤੀਜਾ ਸਾਲ), ਪੀਜੀਜੀਸੀਜੀ-42, ਚੰਡੀਗੜ੍ਹ।
ਇਸੇ ਤਰ੍ਹਾਂ ਫੋਟੋਗ੍ਰਾਫੀ ਦੇ ਜੇਤੂਆਂ ਵਿੱਚ ਪਹਿਲੀ- ਸ਼ੰਭਵੀ (ਬੀ.ਐਸ.ਸੀ. ਫਿਜ਼ਿਕਸ ਆਨਰਜ਼) ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ; ਦੂਜਾ- ਆਤਿਫ (ਡਿਪਲੋਮਾ ਆਟੋਮੋਬਾਈਲਜ਼-4ਵਾਂ ਸੇਮ), ਪੌਲੀਟੈਕਨਿਕ, ਰਿਆਤ ਬਾਹਰਾ ਯੂਨੀਵਰਸਿਟੀ; ਤੀਸਰਾ- ਅਰਸ਼ਦੀਪ ਕੌਰ (ਐੱਮ.ਐੱਸ.ਸੀ. ਗਣਿਤ), ਗਣਿਤ ਵਿਭਾਗ, ਯੂ.ਐੱਸ.ਐੱਸ., ਰਿਆਤ ਬਾਹਰਾ ਯੂਨੀਵਰਸਿਟੀ। ਪੋਟ ਪੇਂਟਿੰਗ ਵਿੱਚ ਪਹਿਲਾ- ਪ੍ਰਥਮ ਜਿੰਦਲ ਅਤੇ ਅਨਿਕੇਤ ਗੁਲੇਰੀਆ (ਬੀ. ਫਾਰਮੇਸੀ-4 ਸੇਮ),ਰਿਆਤ ਬਾਹਰਾ ਯੂਨੀਵਰਸਿਟੀ ; 2- ਜਸ਼ਨਪ੍ਰੀਤ ਕੌਰ ਡਿਪਲੋਮਾ, ਪੌਲੀਟੈਕਨਿਕ; 3- ਸ਼ਾਜ਼ਲ ਚਿਕੋਂਡੇ ਲਾਈਫ ਸਾਇੰਸਜ਼ ਵਿਭਾਗ, ਤਸੱਲੀ ਇਨਾਮ- ਮਹਿਕ (ਬੀ. ਐਸ. ਸੀ. ਬਾਇਓਟੈਕਨਾਲੋਜੀ-ਦੂਜਾ ਸੇਮ), ਜੀਵਨ ਵਿਗਿਆਨ ਵਿਭਾਗ, ਯੂ.ਐਸ.ਐਸ.; ਡਿਪਲੋਮਾ ਸੀਐਸਈ, ਪੌਲੀਟੈਕਨਿਕ ਦੀ ਸਪਨਾ ਰਾਣੀ। ਇਨ੍ਹਾਂ ਜੇਤੂਆਂ ਨੂੰ ਵਾਈਸ-ਚਾਂਸਲਰ ਡਾ: ਪਰਵਿੰਦਰ ਸਿੰਘ ਨੇ ਵੱਖ-ਵੱਖ ਮੁਕਾਬਲਿਆਂ ਦੇ ਜੇਤੂਆਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ।