ਚਿਤਕਾਰਾ ਯੂਨੀਵਰਸਿਟੀ ਪੰਜਾਬ ਨੇ ਸੀਬੀਐਸਈ ਦੇ ਸਹਿਯੋਗ ਨਾਲ ਟਰਾਈਸਿਟੀ ਦੇ ਵੱਖ-ਵੱਖ 50 ਸਕੂਲਾਂ ਦੇ ਪ੍ਰਿੰਸੀਪਲਾਂ ਲਈ ਇੱਕ ਵਿਸਤ੍ਰਿਤ ਅਤੇ ਗਿਆਨ ਭਰਪੂਰ ਵਿਸ਼ੇਸ਼ ਦੌਰਾ(ਐਕਸਪੋਜ਼ਰ ਵਿਜ਼ਿਟ) ਆਯੋਜਿਤ ਕੀਤਾ। ਦੋ ਦਿਨ ਚੱਲੇ ਇਸ ਵਕਾਰੀ ਸਮਾਗਮ ਦਾ ਆਯੋਜਨ ਸੀਬੀਐਸਈ ਦੇ ਡਾਇਰੈਕਟਰ ਡਾ: ਵਿਸ਼ਵਜੀਤ ਸਾਹਾ ਦੇ ਵਿਸ਼ੇਸ਼ ਮਾਰਗ ਦਰਸ਼ਨ ਦੀ ਅਗਵਾਈ ਹੇਠ ਕੀਤਾ ਗਿਆ, ਜਿਸ ਵਿੱਚ ਡੂੰਘੀ ਵਿੱਦਿਅਕ ਖੋਜ ਲਈ ਟਰਾਈਸਿਟੀ ਖੇਤਰ ਦੇ ਪ੍ਰਿੰਸੀਪਲਾਂ, ਅਤੇ ਵਿਸ਼ੇਸ਼ ਸਿੱਖਿਅਕਾਂ ਨੇ ਹਿੱਸਾ ਲਿਆ। ਇਸ ਸਮਾਗਮ ਨੂੰ ਸਕਿਲ ਐਜੂਕੇਸ਼ਨ ਵਿਭਾਗ, ਸੀਬੀਐਸਈ, ਡਿਪਟੀ ਸੈਕਟਰੀ ਸ਼੍ਰੀਮਤੀ ਨੀਤੀ ਸ਼ੰਕਰ ਸ਼ਰਮਾ ਦਾ ਵੱਡਮੁੱਲਾ ਸਹਿਯੋਗ ਮਿਲਿਆ, ਜਿਨ੍ਹਾਂ ਨੇ ਸਮਾਗਮ ਦੀ ਸਫ਼ਲਤਾ ਨੂੰ ਯਕੀਨੀ ਬਣਾਉਣ ਲਈ ਚਿਤਕਾਰਾ ਯੂਨੀਵਰਸਿਟੀ ਨਾਲ ਤਾਲਮੇਲ ਕਰਕੇ ਅਹਿਮ ਭੂਮਿਕਾ ਨਿਭਾਈ।
ਸੀਬੀਐਸਈ ਐਕਸਪੋਜ਼ਰ ਵਿਜ਼ਿਟ ਦਾ ਮੁੱਖ ਉਦੇਸ਼ ਸਾਰੇ ਪ੍ਰਿੰਸੀਪਲਾਂ ਅਤੇ ਵਿਦਿਅਕਾਂ ਨੂੰ ਭਾਰਤ ਭਰ ਵਿੱਚ ਉੱਤਮਤਾ ਦੀਆਂ ਸੰਸਥਾਵਾਂ ਬਾਰੇ ਜਾਗਰੂਕ ਕਰਨਾ ਅਤੇ ਇਨ੍ਹਾਂ ਦੇ ਏਕੀਕਰਨ ਲਈ ਸਹਿਯੋਗ ਨੂੰ ਉਤਸ਼ਾਹਤ ਕਰਨਾ ਸੀ। ਐਕਸਪੋਜ਼ਰ ਵਿਜ਼ਿਟ ਨੇ ਸਾਰੇ ਸਕੂਲ ਪ੍ਰਿੰਸੀਪਲਾਂ ਨੂੰ ਇੰਟਰਐਕਟਿਵ ਸਿੱਖਣ ਤੋਂ ਜਾਣੂ ਕਰਾਇਆ। ਉਨ੍ਹਾਂ ਨੂੰ ਵਿਭਿੰਨ ਵਿਦਿਅਕ ਵਾਤਾਵਰਣ ਸਬੰਧੀ ਜਾਣਕਾਰੀ ਦਿੱਤੀ ਅਤੇ ਸਮਾਜਿਕ ਪ੍ਰਭਾਵ ਵਧਾਉਣ ਦੇ ਨਾਲ ਨਾਲ ਵਿੱਦਿਅਕ ਖੇਤਰ ਵਿੱਚ ਨਵੀਨਤਮ ਅਭਿਆਸਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ। ਇਹ ਸੀਬੀਐਸਈ ਐਕਸਪੋਜ਼ਰ ਵਿਜ਼ਿਟ ਕੌਮੀ ਸਿੱਖਿਆ ਨੀਤੀ 2020 ਅਤੇ ਐਸਡੀਜੀ ਵਿੱਚ ਦਰਸਾਈਆਂ ਇੱਛਾਵਾਂ ਨੂੰ ਸਾਕਾਰ ਕਰਨ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਣ ਕਦਮ ਸੀ। ਇਹ ਨੀਤੀ ਛੇਵੀਂ ਕਲਾਸ ਤੋਂ ਵੋਕੇਸ਼ਨਲ(ਹੁਨਰ) ਸਿੱਖਿਆ ਨੂੰ ਮੁੱਖ ਧਾਰਾ ਦੇ ਪਾਠਕ੍ਰਮ ਵਿੱਚ ਸ਼ਾਮਿਲ ਕਰਕੇ ਸਿੱਖਿਆ ਦਾ ਏਕੀਕਰਨ ਕਰਨ ਉੱਤੇ ਜ਼ੋਰ ਦਿੰਦੀ ਹੈ।
ਸਮਾਗਮ ਦੀ ਸ਼ੁਰੂਆਤ ਚਿਤਕਾਰਾ ਯੂਨੀਵਰਸਿਟੀ ਦੀ ਪ੍ਰੋ ਚਾਂਸਲਰ ਡਾ: ਮਧੂ ਚਿਤਕਾਰਾ ਦੁਆਰਾ ਦਿੱਤੇ ਮੁੱਖ ਭਾਸ਼ਣ ਨਾਲ ਹੋਈ, ਜਿਸ ਵਿੱਚ ਉਨ੍ਹਾਂ ਇਸ ਐਕਸਪੋਜ਼ਰ ਵਿਜ਼ਿਟ ਦੇ ਵਿਦਿਅਕ ਲੈਂਡਸਕੇਪ ’ਤੇ ਪੈਣ ਵਾਲੇ ਮਹੱਤਵਪੂਰਨ ਪ੍ਰਭਾਵ ਉੱਤੇ ਜ਼ੋਰ ਦਿੱਤਾ। ਇਸ ਤੋਂ ਬਾਅਦ ਆਪਣੇ ਸੰਬੋਧਨ ਵਿੱਚ ਸ੍ਰੀ ਸੰਧੀਰ ਸ਼ਰਮਾ ਨੇ ਦਰਸ਼ਕਾਂ ਨੂੰ ਚਿਤਕਾਰਾ ਬਿਜ਼ਨਸ ਸਕੂਲ ਦੁਆਰਾ ਪੇਸ਼ ਕੀਤੀਆਂ ਗਈਆਂ ਸਹੂਲਤਾਂ ਅਤੇ ਪ੍ਰੋਗਰਾਮਾਂ ਬਾਰੇ ਸੰਖੇਪ ਜਾਣਕਾਰੀ ਦਿੱਤੀ।ਇਸ ਤੋਂ ਇਲਾਵਾ ਪਹਿਲੇ ਅਤੇ ਦੂਜੇ ਦਿਨ ਸੀ.ਬੀ.ਐਸ.ਈ ਐਕਸਪੋਜ਼ਰ ਵਿਜ਼ਿਟ ਵਿੱਚ ਸ਼ਾਮਿਲ ਸਾਰੇ 50 ਪ੍ਰਿੰਸੀਪਲਾਂ ਅਤੇ ਹੋਰ ਮਹਿਮਾਨਾਂ ਨੂੰ ਚਿਤਕਾਰਾ ਯੂਨੀਵਰਸਿਟੀ ਦੇ ਵੱਖ-ਵੱਖ ਅਤਿ-ਆਧੁਨਿਕ ਵਿਭਾਗਾਂ ਅਤੇ ਸਹੂਲਤਾਂ ਦਾ ਦੌਰਾ ਕਰਾਇਆ ਗਿਆ। ਸੀਬੀਐਸਈ ਐਕਸਪੋਜ਼ਰ ਵਿਜ਼ਿਟ ਦੇ ਦੂਜੇ ਦਿਨ ਆਕਰਸ਼ਣ ਭਰੇ ਸੈਸ਼ਨਾਂ ਦੀ ਇੱਕ ਲਡ਼ੀ ਪੇਸ਼ ਕੀਤੀ ਗਈ।
ਚਿਤਕਾਰਾ ਬਿਜ਼ਨਸ ਸਕੂਲ ਦੀ ਡੀਨ ਡਾ ਰਸ਼ਮੀ ਅਗਰਵਾਲ ਨੇ ਜਾਣਕਾਰੀ ਭਰਪੂਰ ਚਰਚਾ ਨਾਲ ਦਿਨ ਦੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਨੈਸ਼ਨਲ ਕ੍ਰੈਡਿਟ ਫਰੇਮਵਰਕ (ਐਨਸੀਆਰਐਫ਼) ਅਤੇ ਐਨਈਪੀ 2020 ਦੁਆਰਾ ਬਹੁ-ਅਨੁਸ਼ਾਸਨੀ ਹੁਨਰ ਨੂੰ ਲਾਗੂ ਕਰਨ ਸਬੰਧੀ ਚਰਚਾ ਕੀਤੀ। ਇਸ ਉਪਰੰਤ ਚਿਤਕਾਰਾ ਕਾਲਜ ਆਫ਼ ਐਜੂਕੇਸ਼ਨ ਦੀ ਅਸਿਸਟੈਂਟ ਡੀਨ ਡਾ: ਪਾਰੁਲ ਸੂਦ ਨੇ ਐਨਈਪੀ 2020 ਅਤੇ ਐਸਡੀਜੀ ਨਾਲ ਇਕਸਾਰ ਹੁੰਦੇ ਹੋਏ, ਅਧਿਆਪਕ ਸਿੱਖਿਆ ਦੇ ਲੈਂਡਸਕੇਪ ਸਬੰਧੀ ਕੀਮਤੀ ਵਿਚਾਰ ਪੇਸ਼ ਕੀਤੇ। ਅੰਤ ਵਿੱਚ ਸੀਸੀਈ ਦੀ ਡੀਨ ਡਾ ਸੰਗੀਤਾ ਪੰਤ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ।ਐਕਸਪੋਜ਼ਰ ਵਿਜ਼ਿਟ ਦੀ ਸਮਾਪਤੀ ’ਤੇ ਚਿਤਕਾਰਾ ਯੂਨੀਵਰਸਿਟੀ ਦੀ ਪ੍ਰੋ-ਚਾਂਸਲਰ ਡਾ: ਮਧੂ ਚਿਤਕਾਰਾ ਨੇ ਫੇਰੀ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਉਨ੍ਹਾਂ ਕਿਹਾ, ‘‘ਇਸ ਵਿਆਪਕ ਸੀਬੀਐਸਈ ਐਕਸਪੋਜ਼ਰ ਵਿਜ਼ਿਟ ਦੇ ਅੰਤ ਵਿੱਚ, ਮੈਂ ਇਸ ਗੱਲ ਤੋਂ ਬਹੁਤ ਪ੍ਰਭਾਵਿਤ ਹਾਂ, ਕਿ ਕਿਵੇਂ ਇਸ ਪਹਿਲਕਦਮੀ ਨੇ ਉੱਚ ਸਿੱਖਿਆ ਅਤੇ ਸਕੂਲੀ ਸਿੱਖਿਆ ਦੇ ਵਿਚਕਾਰ ਦੇ ਪਾਡ਼ੇ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਪੂਰਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਆਉਣ ਵਾਲੀਆਂ ਪੀਡ਼੍ਹੀਆਂ ਦੀ ਸੰਭਾਵਨਾ ਨੂੰ ਤਰਾਸ਼ਣ ਲਈ ਸਿੱਖਿਅਕਾਂ ਨੂੰ ਤਿਆਰ ਕਰਨਾ ਅਤੇ ਹੁਨਰ ਵਧਾਉਣ ’ਤੇ ਫੋਕਸ ਕਰਨਾ ਬੇਹੱਦ ਮਹੱਤਵਪੂਰਣ ਹੈ। ਸੀਬੀਐਸਈ ਦੇ ਸਹਿਯੋਗ ਨਾਲ ਇਸ ਪਰਿਵਰਤਨਸ਼ੀਲ ਦੌਰੇ ਦੀ ਮੇਜ਼ਬਾਨੀ ਕਰਨ ਦਾ ਮੌਕਾ ਦੇਣ ਲਈ ਚਿਤਕਾਰਾ ਯੂਨੀਵਰਸਿਟੀ ਤਹਿ ਦਿਲੋਂ ਧੰਨਵਾਦੀ ਹੈ, ਇਸ ਨੇ ਨਾ ਸਿਰਫ਼ ਸਾਡੀ ਵਿੱਦਿਅਕ ਸਮਰੱਥਾ ਨੂੰ ਹੀ ਅਮੀਰ ਬਣਾਇਆ ਹੈ ਸਗੋਂ ਸਿੱਖਿਆ ਵਿੱਚ ਉੱਤਮਤਾ ਨੂੰ ਉਤਸ਼ਾਹਤ ਕਰਨ ਲਈ ਸਾਡੀ ਵਚਨਬੱਧਤਾ ਦੀ ਵੀ ਪੁਸ਼ਟੀ ਕੀਤੀ।”ਚਿਤਕਾਰਾ ਇੰਟਰਨੈਸ਼ਨਲ ਸਕੂਲਾਂ ਦੀ ਡਾਇਰੈਕਟਰ ਡਾ: ਨਿਯਾਤੀ ਚਿਤਕਾਰਾ ਨੇ ਆਖਿਆ, ‘‘ਚਿਤਕਾਰਾ ਯੂਨੀਵਰਸਿਟੀ ਅਤੇ ਸੀਬੀਐਸਈ ਨੂੰ ਇਸ ਸ਼ਾਨਦਾਰ ਮੌਕੇ ਲਈ ਮੈਂ ਤਹਿ ਦਿਲੋਂ ਧੰਨਵਾਦ ਕਰਦੀ ਹਾਂ। ਚਿਤਕਾਰਾ ਇੰਟਰਨੈਸ਼ਨਲ ਦੇ ਡਾਇਰੈਕਟਰ ਵਜੋਂ ਮੈਨੂੰ ਇਸ ਭਰਪੂਰ ਅਨੁਭਵ ਦਾ ਹਿੱਸਾ ਬਣਨ ’ਤੇ ਮਾਣ ਹੈ। ਅਸੀਂ ਸੀਆਈਐਸ ਤੇ, ਨਵੀਨਤਾ ਅਤੇ ਹੁਨਰ ਵਿਕਾਸ ਦੇ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਨ ਦੇ ਸੀਬੀਐਸਈ ਦੇ ਦ੍ਰਿਸ਼ਟੀਕੋਣ ਨਾਲ ਮਿਲ ਕੇ ਇਕ ਸਾਰ ਕੰਮ ਕਰ ਰਹੇ ਹਾਂ। ਸਾਡੇ ਸਕੂਲ ਵਿੱਚ, ਸਾਡੇ ਸਮਰਪਿਤ ਵੋਕੇਸ਼ਨਲ ਦਸਤੇ ਇਸ ਵਚਨਬੱਧਤਾ ਦਾ ਪ੍ਰਮਾਣ ਹਨ, ਜੋ ਸੀਬੀਐਸਈ ਦੇ ਨੇਕ ਉਦੇਸ਼ ਨੂੰ ਸਾਕਾਰ ਕਰਨ ਲਈ ਸਰਗਰਮੀ ਨਾਲ ਕੰਮ ਕਰ ਰਹੇ ਹਨ ਅਤੇ ਨਵੀਨਤਾਕਾਰੀ ਅਤੇ ਹੁਨਰਮੰਦ ਵਿਅਕਤੀਆਂ ਦੀ ਇੱਕ ਪੀਡ਼੍ਹੀ ਨੂੰ ਪ੍ਰੇਰਿਤ ਕਰ ਰਹੇ ਹਨ।”
ਇਸ ਮੌਕੇ ਇੱਕ ਹਾਜ਼ਰ ਪ੍ਰਿੰਸੀਪਲ ਨੇ ਇਹ ਕਹਿ ਕੇ ਡੂੰਘੀ ਪ੍ਰਸ਼ੰਸਾ ਪ੍ਰਗਟ ਕੀਤੀ, ‘‘ਸੀਬੀਐਸਈ ਐਕਸਪੋਜ਼ਰ ਵਿਜ਼ਿਟ ਵਿੱਚ ਭਾਗ ਲੈਣਾ ਸਿੱਖਣ ਅਤੇ ਪ੍ਰੇਰਨਾ ਦੀ ਇੱਕ ਸ਼ਾਨਦਾਰ ਯਾਤਰਾ ਰਹੀ ਹੈ। ਇਸ ਤੋਂ ਇਲਾਵਾ, ਮੈਂ ਆਪਣਾ ਸਿੱਖਿਆ ਵਿੱਚ ਨਵੀਨਤਾ ਅਤੇ ਉੱਤਮਤਾ ਲਈ ਦਰਵਾਜ਼ੇ ਖੋਲ੍ਹਣ ਲਈ ਚਿਤਕਾਰਾ ਯੂਨੀਵਰਸਿਟੀ ਦਾ ਧੰਨਵਾਦ ਕਰਦਾ ਹਾਂ। ਇਸ ਦਾ ਤਜਰਬਾ ਸਾਡੇ ਅਧਿਆਪਨ ਅਭਿਆਸਾਂ ਨੂੰ ਉੱਚਾ ਚੁੱਕਣ ਲਈ ਸੱਚਮੁੱਚ ਗਿਆਨ ਭਰਪੂਰ ਰਿਹਾ ਹੈ, ਅਤੇ ਮੈਂ ਆਪਣੇ ਸਕੂਲ ਲਈ ਨਵੇਂ ਜਨੂੰਨ ਨਾਲ ਵਾਪਸ ਆਵਾਂਗਾ। ਸੀਬੀਐਸਈ ਦੇ ਦ੍ਰਿਸ਼ਟੀਕੋਣ ਨੇ ਵਿਦਿਅਕ ਭਾਈਚਾਰੇ ਵਿੱਚ ਉੱਜਲ ਭਵਿੱਖ ਲਈ ਇੱਕ ਚਿੰਗਾਰੀ ਜਗਾਈ ਹੈ ਅਤੇ ਅਸੀਂ ਖੋਜੀ ਪਹੁੰਚਾਂ ਨੂੰ ਲਾਗੂ ਕਰਨ ਅਤੇ ਆਪਣੇ ਵਿਦਿਆਰਥੀਆਂ ਦੇ ਹੁਨਰਾਂ ਦਾ ਪਾਲਣ ਪੋਸ਼ਣ ਕਰਨ ਲਈ ਤਿਆਰ ਹਾਂ।”ਇਸ ਮੌਕੇ ਚਿਤਕਾਰਾ ਯੂਨੀਵਰਸਿਟੀ ਦੇ ਪੰਜਾਬ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਪ੍ਰੋ-ਚਾਂਸਲਰ ਡਾ: ਮਧੂ ਚਿਤਕਾਰਾ, ਚਿਤਕਾਰਾ ਇੰਟਰਨੈਸ਼ਨਲ ਦੇ ਡਾਇਰੈਕਟਰ ਡਾ ਨਿਯਾਤੀ ਚਿਤਕਾਰਾ ਵੀ ਹਾਜ਼ਰ ਸਨ। ਇਸ ਮੌਕੇ ਚਿਤਕਾਰਾ ਯੂਨੀਵਰਸਿਟੀ ਪੰਜਾਬ ਅਤੇ ਹਿਮਾਚਲ ਪ੍ਰਦੇਸ਼ ਦੀ ਚਾਂਸਲਰ ਡਾ ਅਰਚਨਾ ਮੰਤਰੀ, ਚਿਤਕਾਰਾ ਯੂਨੀਵਰਸਿਟੀ, ਪੰਜਾਬ ਦੇ ਰਜਿਸਟਰਾਰ ਡਾ.ਐਸ.ਸੀ. ਸ਼ਰਮਾ ਅਤੇ ਚਿਤਕਾਰਾ ਬਿਜ਼ਨਸ ਸਕੂਲ ਦੇ ਐਚਓਡੀ ਸ਼੍ਰੀ ਸੰਧੀਰ ਸ਼ਰਮਾ ਹਾਜ਼ਰ ਸਨ।