ਜਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਫਤਹਿਗੜ੍ਹ ਸਾਹਿਬ ਵਲੋਂ ਸ੍ਰੀ ਮਨਜਿੰਦਰ ਸਿੰਘ, ਮੈਂਬਰ ਸਕੱਤਰ, ਪੰਜਾਬ ਰਾਜ ਕਾਨੂੰਨੀ ਸੇਵਾਵਾਂ ਅਥਾਰਟੀ ਅਤੇ ਸ੍ਰੀ ਅਰੁਣ ਗੁਪਤਾ, ਜਿਲ੍ਹਾ ਅਤੇ ਸੈਸ਼ਨਜ਼ ਜੱਜ ਕਮ ਚੇਅਰਮੈਨ ਜਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਫਤਹਿਗੜ੍ਹ ਸਾਹਿਬ ਦੀ ਯੋਗ ਅਗਵਾਈ ਹੇਠ ਅੱਜ ਨਵੀਂ ਜਿਲ੍ਹਾ ਜੇਲ ਨਾਭਾ ਵਿਖੇ ਇੱਕ ਵੱਖਰੀ ਪਹਿਲ ਕਰਦਿਆਂ ਜੇਲ ਵਿੱਚ ਬੰਦ ਔਰਤਾਂ ਲਈ ਉਹਨਾਂ ਦੀ ਜੇਲ ਅਤੇ ਜੇਲ ਤੋਂ ਰਿਹਾਈ ਤੋਂ ਬਾਅਦ ਤੇ ਸਮੇਂ ਦੋਰਾਨ ਉਹਨਾਂ ਅਤੇ ਉਹਨਾਂ ਦੇ ਪਰਿਵਾਰ ਦੀ ਰੋਜ਼ੀ ਰੋਟੀ ਅਤੇ ਰੋਜ਼ਾਨਾ ਦੀ ਉਪਜੀਵਕਾ ਲਈ ''ਸਹਜ ਫੁਲਕਾਰੀ'' ਨਾਂ ਦੀ ਇੱਕ ਨਿਵੇਕਲੀ ਪਹਿਲ ਕਦਮੀ ਕਰਦਿਆਂ ਨਵੀਂ ਜਿਲ੍ਹਾ ਜੇਲ ਵਿੱਚ ਬੰਦੀ ਔਰਤਾਂ ਲਈ ਸਲਾਈ, ਕਢਾਈ ਅਤੇ ਫੁਲਕਾਰੀ ਕੱਢਣ ਦੀ ਟਰੇਨਿੰਗ ਸੁਰੂ ਕਰਵਾਈ ਗਈ ਜਿਸ ਵਿੱਚ ਕਿ 30-40 ਔਰਤਾਂ ਨੂੰ 2-3 ਮਹੀਨੇ ਦੀ ਸਿਖਲਾਈ ਦੇ ਕੇ ਉਹਨਾਂ ਨੂੰ ਉਹਨਾਂ ਦੇ ਪੈਰਾਂ ਤੇ ਖੜਾ ਕੀਤਾ ਜਾਵੇਗਾ ਤਾਂ ਜੋ ਉਹ ਜੇਲ ਵਿੱਚ ਬੰਦੀ ਦੋਰਾਨ ਅਤੇ ਰਿਹਾਈ ਤੋਂ ਬਾਅਦ ਵੀ ਇਸ ਸਿੱਖੇ ਹੋਏ ਕੰਮ ਤੋਂ ਆਪਣੀ ਉਪਜੀਵਕਾ, ਰੋਜੀ ਰੋਟੀ ਵਧੀਆ ਤਰੀਕੇ ਨਾਲ ਚਲਾ ਸਕਣ ਅਤੇ ਆਤਮ ਨਿਰਭਰ ਹੋ ਸਕਣ।
ਇਸ ਪ੍ਰੌਗਰਾਮ ਵਿੱਚ ਇਹਨਾਂ ਬੰਦੀ ਔਰਤਾਂ ਲਈ 2 ਅਧਿਆਪਕਾਂਵਾਂ ਦਾ ਪ੍ਰਬੰਧ ਕੀਤਾ ਗਿਆ ਅਤੇ ਲੋੜੀਂਦਾ ਸਮਾਨ ਵੀ ਮੁਹੱਈਆ ਕਰਵਾਇਆ ਗਿਆ। ਸ੍ਰੀਮਤੀ ਮਨਪ੍ਰੀਤ ਕੌਰ ਸਕੱਤਰ ਜਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਨੇ ਦੱਸਿਆ ਕਿ ''ਸਹਜ ਫੁਲਕਾਰੀ'' ਦੇ ਇਸ ਪਹਿਲਕਦਮੀ ਵਿੱਚ ਬੰਦੀ ਔਰਤਾਂ ਨੂੰ ਆਤਮ ਨਿਰਭਰ ਕਰਨ ਦੇ ਨਾਲ ਇਸ ਗੱਲ ਦਾ ਵੀ ਉਚੇਚਾ ਪ੍ਰਬੰਧ ਕੀਤਾ ਗਿਆ ਹੈ ਕਿ ਉਹਨਾਂ ਵੱਲੋਂ ਆਪਣੇ ਹੱਥੀਂ ਤਿਆਰ ਕੀਤਾ ਸਲਾਈ, ਕਢਾਈ ਅਤੇ ਫੁਲਕਾਰੀ ਦਾ ਸਮਾਨ ਬਾਜਾਰ ਵਿੱਚ ਵਿਕਰੀ ਲਈ ਆ ਸਕੇ ਕਿਉਂਕਿ ਫੁਲਕਾਰੀ ਅਤੇ ਕਢਾਈ ਦੇ ਕੰਮ ਦੀ ਉੱਤਰੀ ਭਾਰਤ ਸਮੇਤ ਵਿਦੇਸ਼ਾਂ ਵਿੱਚ ਬਹੁਤ ਮੰਗ ਹੈ। ਸ੍ਰੀਮਤੀ ਮਨਪ੍ਰੀਤ ਕੌਰ ਨੇ ਇਸ ਮੋਕੇ ਇਹ ਵੀ ਦੱਸਿਆ ਕਿ ਇਸ ਨਿਵੇਕਲੀ ਪਹਿਲਕਦਮੀ ਦਾ ਮਕਸਦ ਇਹ ਸੁਨਿਸ਼ਚਿਤ ਕਰਨਾ ਹੈ ਬੰਦੀ ਔਰਤਾਂ ਇਸ ਦੋਰ ਨੂੰ ਸਜਾ ਦੇ ਤੌਰ ਤੇ ਨਾ ਲੈਕੇ ਇਸ ਨੂੰ ਸੁਧਾਰ ਦੇ ਤੌਰ ਤੇ ਲੈਣ ਤਾਂ ਕਿ ਉਹਨਾਂ ਦੀ ਜਿੰਦਗੀ ਵਿੱਚ ਨਵਾਂ ਦੌਰ ਸੁਰੂ ਹੋ ਸਕੇ।
ਇਹ ਟਰੇਨਿੰਗ ਮਾਸਟਰ ਟਰੇਨਰ ਮੈਡਮ ਰੇਖਾ ਮਾਨ, ਕੌਮੀ ਐਵਾਰਡੀ ਦੀ ਦੇਖ ਰੇਖ ਵਿੱਚ ਹੋਵੇਗੀ। ਇਸ ਪਹਿਲਕਦਮੀ ਵਿੱਚ ਰੋਟਰੀ ਕਲੱਬ ਪਟਿਆਲਾ ਰੋਏਲ ਅਤੇ ਸ਼੍ਰੀ ਸ਼ਨੀ ਦੇਵ ਮੰਦਰ ਪ੍ਰਬੰਧਕ ਕਮੇਟੀ ਦਾ ਵੀ ਯੋਗਦਾਨ ਹੈ। ਇਸ ਮੌਕੇ ਸ੍ਰੀ ਰਮਨਦੀਪ ਸਿੰਘ ਭੰਗੂ, ਸੁਪਰਡੈਂਟ, ਨਵੀਂ ਜਿਲ੍ਹਾ ਜੇਲ, ਨਾਭਾ, ਸ੍ਰੀ ਹਰਪ੍ਰੀਤ ਸਿੰਘ ਕਾਰਜਕਾਰੀ ਉੱਪ ਸੁਪਰਡੈਂਟ, ਸ੍ਰੀ ਪੁਨੀਤ ਗਰਮ, ਸਹਾਇਕ ਸੁਪਰਡੈਂਟ, ਸ੍ਰੀ ਰਾਹੁਲ ਚੋਧਰੀ, ਸਹਾਇਕ ਸੁਪਰਡੈਂਟ, ਸ੍ਰੀਮਤ ਹਰਵਿੰਦਰ ਕੌਰ, ਸਕੱਤਰ, ਰੌਟਰੀ ਕਲੱਬ ਪਟਿਆਲਾ ਰੋਇਲ, ਡਾ. ਇੰਦਰਪ੍ਰੀਤ ਸਿੰਘ, ਇੰਜ. ਫੂਲ ਚੰਦ, ਅਤੇ ਸ੍ਰੀ ਓਮ ਪ੍ਰਕਾਸ਼, ਪ੍ਰਧਾਨ ਸ਼੍ਰੀ ਸ਼ਨੀ ਦੇਵ ਮੰਦਿਰ ਪ੍ਰਬੰਧਕ ਕਮੇਟੀ ਨਾਭਾ ਵੀ ਇਸ ਮੌਕੇ ਹਾਜਰ ਸਨ ਅਤੇ ਇਸ ਯੋਜਨਾ ਦੇ ਉਦੇਸ਼ਾਂ ਤੇ ਮੰਤਵਾਂ ਉੱਤੇ ਚਾਨਣਾ ਪਾਇਆ।