ਗੁਰਦੁਆਰਾ ਸ਼੍ਰੀ ਭੱਠਾ ਸਾਹਿਬ ਰੋਪੜ ਵਿਖੇ ਗੱਤਕਾ ਐਸੋਸੀਏਸ਼ਨ ਜ਼ਿਲ੍ਹਾ ਰੂਪਨਗਰ ਵੱਲੋਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਹਿਯੋਗ ਨਾਲ ਵੱਖ-ਵੱਖ ਉਮਰ ਵਰਗ ਦੇ ਲੜਕੇ ਤੇ ਲੜਕੀਆਂ ਦੇ ਗੱਤਕਾ ਮੁਕਾਬਲੇ ਕਰਵਾਏ ਗਏ ਜਿਸ ਵਿੱਚ 200 ਦੇ ਲਗਭਗ ਗੱਤਕੇਬਾਜਾ਼ ਨੇ ਭਾਗ ਲਿਆ।
14 ਸਾਲ ਉਮਰ ਵਰਗ ਵਿੱਚ ਕੁੜੀਆਂ ਦੀ ਸਿੰਗਲ ਸੋਟੀ ਟੀਮ ਈਵੈਂਟ ਵਿਚ ਘਨੌਲੀ ਦੀ ਟੀਮ ਨੇ ਪਹਿਲਾ ਸਥਾਨ, ਚਮਕੌਰ ਸਾਹਿਬ ਟੀਮ ਨੇ ਦੂਜਾ ਸਥਾਨ, ਵਿਅਕਤੀ ਗਤ ਮੁਕਾਬਲੇ ਵਿਚ ਅੰਮ੍ਰਿਤ ਕੌਰ ਨੇ ਪਹਿਲਾ ਸਥਾਨ, ਲੜਕਿਆਂ ਵਿਚੋਂ ਮੋਰਿੰਡਾ ਟੀਮ ਪਹਿਲਾਂ ਸਥਾਨ, ਘਨੌਲੀ ਟੀਮ ਨੇ ਦੂਜਾ ਸਥਾਨ, ਵਿਅਕਤੀ ਗਤ ਸਿੰਗਲ ਸੋਟੀ ਮੁਕਾਬਲੇ ਵਿਚ ਜਸ਼ਨਜੋਤ ਸਿੰਘ ਨੇ ਪਹਿਲਾ ਸਥਾਨ,ਫਰੀ ਸੋਟੀ ਵਿੱਚ ਗੁਰਕੀਰਤ ਸਿੰਘ ਨੇ ਪਹਿਲਾ ਸਥਾਨ,ਫਰੀ ਸੋਟੀ ਟੀਮ ਈਵੈਂਟ ਵਿਚ ਮੋਰਿੰਡਾ ਟੀਮ ਨੇ ਪਹਿਲਾ ਸਥਾਨ,17 ਸਾਲਾ ਉਮਰ ਵਰਗ ਵਿੱਚ ਲੜਕੀਆਂ ਦੇ ਸਿੰਗਲ ਸੋਟੀ ਵਿਅਕਤੀਗਤ ਮੁਕਾਬਲੇ ਵਿਚ ਹਰਪ੍ਰੀਤ ਕੌਰ ਨੇ ਪਹਿਲਾ,ਮਨਕੀਰਤ ਕੌਰ ਨੇ ਦੂਜਾ ਸਥਾਨ, ਟੀਮ ਈਵੈਂਟ ਵਿਚ ਲੋਦੀਮਾਜਰਾ ਟੀਮ ਨੇ ਪਹਿਲਾ ਸਥਾਨ,ਫਰੀ ਸੋਟੀ ਵਿਅਕਤੀਗਤ ਮੁਕਾਬਲੇ ਵਿਚ ਇਸ਼ਪ੍ਰੀਤ ਕੌਰ ਨੇ ਪਹਿਲਾ, ਟੀਮ ਈਵੈਂਟ ਵਿਚ ਅਕਾਲ ਅਕੈਡਮੀ ਨੇ ਪਹਿਲਾ ਸਥਾਨ, ਟੀਮ ਈਵੈਂਟ ਵਿਚ ਲੜਕਿਆਂ ਦੀ ਰੋਪੜ ਟੀਮ ਨੇ ਪਹਿਲਾ ਵਿਅਕਤੀ ਗਤ ਵਿਚ ਸੂਰਿਆ ਨੇ ਪਹਿਲਾ ਫਰੀ ਸੋਟੀ ਵਿਅਕਤੀਗਤ ਮੁਕਾਬਲੇ ਵਿਚ ਗੁਰਜੋਤ ਸਿੰਘ ਨੇ ਪਹਿਲਾ ਸਥਾਨ, ਟੀਮ ਈਵੈਂਟ ਵਿਚ ਮੋਰਿੰਡਾ ਟੀਮ ਨੇ ਪਹਿਲਾ, ਖੁਆਸਪੁਰਾ ਨੇ ਦੂਜਾ ਤੇ ਲੋਦੀਮਾਜਰਾ ਨੇ ਤੀਜਾ ਸਥਾਨ,19 ਸਾਲਾ ਉਮਰ ਵਰਗ ਦੇ ਫਰੀ ਸੋਟੀ ਟੀਮ ਈਵੈਂਟ ਵਿਚ ਭਰਤਗੜ ਨੇ ਪਹਿਲਾ ਸਥਾਨ,22 ਸਾਲਾਂ ਉਮਰ ਵਰਗ ਦੇ ਲੜਕਿਆਂ ਦੇ ਸਿੰਗਲ ਸੋਟੀ ਟੀਮ ਈਵੈਂਟ ਵਿਚ ਮੋਰਿੰਡਾ ਟੀਮ ਨੇ ਪਹਿਲਾ ਸਥਾਨ, ਵਿਅਕਤੀਗਤ ਮੁਕਾਬਲੇ ਵਿਚ ਜਸਕਰਨ ਸਿੰਘ ਨੇ ਪਹਿਲਾ ਸਥਾਨ,25ਸਾਲਾ ਉਮਰ ਵਰਗ ਦੇ ਸਿੰਗਲ ਸੋਟੀ ਵਿਅਕਤੀਗਤ ਮੁਕਾਬਲੇ ਵਿਚ ਸਾਗਰ ਸਿੰਘ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ।
ਮੁਕਾਬਲਿਆਂ ਦੀ ਸ਼ੁਰੂਆਤ ਕਰਨ ਤੋਂ ਪਹਿਲਾਂ ਐਨ.ਜੀ.ਏ.ਆਈ. ਕੋਚ ਹਰਵਿੰਦਰ ਸਿੰਘ ਵੱਲੋਂ ਬੱਚਿਆਂ ਨੂੰ ਸਹੁੰ ਚੁਕਾਈ ਗਈ ਕਿ ਉਹ ਗੱਤਕਾ ਖੇਡ ਨੂੰ ਪੂਰੀ ਇਮਾਨਦਾਰੀ ਤੇ ਖੇਡ ਭਾਵਨਾ ਨਾਲ ਖੇਡਣਗੇ। ਉਪਰੰਤ ਐਸ ਜੀ ਪੀ ਸੀ ਮੈਂਬਰ ਸ ਪਰਮਜੀਤ ਸਿੰਘ ਲੱਖੇਵਾਲ ਜੀ ਤੇ ਮੈਨੇਜਰ ਸ ਜਸਵੀਰ ਸਿੰਘ ਜੀ ਨੇ ਖੇਡ ਮੁਕਾਬਲੇ ਸ਼ੁਰੂ ਕਰਨ ਲਈ ਬੱਚਿਆਂ ਨੂੰ ਅਸ਼ੀਰਵਾਦ ਦਿੱਤਾ।
ਮੁਕਾਬਲਿਆਂ ਨੂੰ ਪੂਰੀ ਪਾਰਦਰਸ਼ਤਾ ਨਾਲ ਨੇਪਰੇ ਚਾੜ੍ਹਨ ਲਈ ਐਨ.ਜੀ.ਏ.ਆਈ. ਚੀਫ਼ ਕੋਚ ਹਰਵਿੰਦਰ ਸਿੰਘ ਆਪਣੀ ਪੂਰੀ ਟੀਮ ਜਿਸ ਵਿੱਚ ਸ਼ੈਰੀ ਸਿੰਘ ਭਾਂਬਰੀ, ਹਰਸਿਮਰਨ ਸਿੰਘ, ਜਸ਼ਨਦੀਪ ਸਿੰਘ ਹਵੇਲੀ, ਅਨਮੋਲ ਪ੍ਰੀਤ ਕੌਰ ਤੇ ਗੁਰਨਾਮ ਸਿੰਘ ਆਦਿ ਸਮੇਤ ਪਹੁੰਚੇ ਹੋਏ ਸਨ। ਮੁੱਖ ਮਹਿਮਾਨ ਐਸ ਜੀ ਪੀ ਸੀ ਮੈਂਬਰ ਸ ਪਰਮਜੀਤ ਸਿੰਘ ਲੱਖੇਵਾਲ ਜੀ ਤੇ ਵਿਸ਼ੇਸ਼ ਮਹਿਮਾਨ ਸਾਬਕਾ ਬਲਾਕ ਸੰਮਤੀ ਚੇਅਰਮੈਨ ਸ ਨਰਿੰਦਰ ਸਿੰਘ ਮਾਵੀ ਜੀ ਨੇ ਜੇਤੂਆਂ ਨੂੰ ਸਰਟੀਫਿਕੇਟ ਤੇ ਤਗਮੇ ਨਾਲ ਸਨਮਾਨਿਤ ਕੀਤਾ।
ਗੁਰਦੁਆਰਾ ਸ੍ਰੀ ਭੱਠਾ ਸਾਹਿਬ ਰੋਪੜ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਬੱਚਿਆਂ ਲਈ ਕੀਤੇ ਪਾਣੀ,ਚਾਹ ਪਕੌੜੇ ਤੇ ਲੰਗਰ ਦੇ ਸ਼ਾਨਦਾਰ ਪ੍ਰਬੰਧਾਂ ਲਈ ਗੱਤਕਾ ਐਸੋਸੀਏਸ਼ਨ ਜ਼ਿਲ੍ਹਾ ਰੂਪਨਗਰ ਦੀ ਸਮੁੱਚੀ ਟੀਮ ਵਲੋਂ ਧੰਨਵਾਦ ਕੀਤਾ ਗਿਆ। ਗੱਤਕਾ ਐਸੋਸੀਏਸ਼ਨ ਜ਼ਿਲ੍ਹਾ ਰੂਪਨਗਰ ਵੱਲੋਂ ਐਸ ਜੀ ਪੀ ਸੀ ਮੈਂਬਰ ਸ ਪਰਮਜੀਤ ਸਿੰਘ ਲੱਖੇਵਾਲ, ਨਰਿੰਦਰ ਸਿੰਘ ਮਾਵੀ,ਰੋੜਮਾਜਰਾ ਦੇ ਸਰਪੰਚ, ਆਰ ਟੀਵੀ ਤੋਂ ਬੱਗਾ ਜੀ, ਜਗਦੀਪ ਸਿੰਘ ਥਲੀ, ਸਵਰਨਜੀਤ ਸਿੰਘ ਬਹਾਦਰ ਪੁਰ, ਸਾਰੇ ਰੈਫਰੀ ਸਾਹਿਬਾਨਾਂ ਮੈਨੇਜਰ ਸ ਜਸਵੀਰ ਸਿੰਘ ਜੀ, ਮੋਹਨ ਸਿੰਘ ਡਾਂਗੀ ਆਦਿ ਨੂੰ ਸਨਮਾਨਿਤ ਕੀਤਾ ਗਿਆ।
ਇਨ੍ਹਾਂ ਮੁਕਾਬਲਿਆਂ ਲਈ ਦਿੱਤੇ ਗਏ ਵਿਸ਼ੇਸ਼ ਸਹਿਯੋਗ ਲਈ ਸ. ਬਘੇਲ ਸਿੰਘ ਜੀ ਦਾ ਐਸੋਸੀਏਸ਼ਨ ਵੱਲੋਂ ਧੰਨਵਾਦ ਕੀਤਾ ਜਾਂਦਾ ਹੈ।ਇਸ ਮੌਕੇ ਤੇ ਗੱਤਕਾ ਐਸੋਸੀਏਸ਼ਨ ਜ਼ਿਲ੍ਹਾ ਰੂਪਨਗਰ ਦੀ ਸਮੁੱਚੀ ਟੀਮ ਤੋਂ ਇਲਾਵਾ ਗੱਤਕਾ ਖਿਡਾਰੀਆਂ ਨਾਲ ਆਏ ਹੋਏ ਮਾਤਾ ਪਿਤਾ, ਕੁਲਦੀਪ ਸਿੰਘ ਭਾਗੋਵਾਲ, ਸੂਬੇਦਾਰ ਅਵਤਾਰ ਸਿੰਘ, ਕਰਮਜੀਤ ਸਿੰਘ ਘਨੌਲੀ, ਕੋਆਰਡੀਨੇਟਰ ਬੀਬੀ ਜਸਵਿੰਦਰ ਕੌਰ, ਅੰਮ੍ਰਿਤ ਪਾਲ ਸਿੰਘ ਭਰਤਗੜ੍ਹ, ਮਹਾਂ ਸਿੰਘ ਤੇ ਇਲਾਕੇ ਦੇ ਪਤਵੰਤੇ ਸੱਜਣ ਵੀ ਹਾਜਰ ਸਨ।