ਫਾਰਮਾਟੈਕ ਐਕਸਪੋ ਅਤੇ ਲੈਬਟੈਕ ਐਕਸਪੋ 2023 ਅੱਜ ਪਰੇਡ ਗਰਾਊਂਡ, ਸੈਕਟਰ-17, ਚੰਡੀਗੜ੍ਹ ਵਿੱਚ ਸ਼ੁਰੂ ਹੋ ਗਿਆ। 3 ਦਿਨਾਂ ਐਕਸਪੋ ਜਿਸ ਦਾ ਆਯੋਜਨ ਫਾਰਮਾਟੈਕਨੋਲੋਜੀਇੰਡੈਕਸ.ਕੌਮ ਪ੍ਰਾਇਵੇਟ ਲਿਮੀਟਡ ਦੁਆਰਾ ਇੰਜੀਨੀਅਰਿੰਗ ਐਕਸਪੋਰਟ ਪ੍ਰਮੋਸ਼ਨ ਕੌਂਸਲ ਆਫ ਇੰਡੀਆ (ਈਈਪੀਸੀ ਇੰਡੀਆ) ਦੇ ਸਹਿਯੋਗ ਨਾਲ ਕੀਤਾ ਗਿਆ ਹੈ।
ਫਾਰਮਾ ਟੈਕ ਐਕਸਪੋ ਅਤੇ ਲੈਬਟੈਕ ਐਕਸਪੋ 2023 ਫਾਰਮਾਸਿਊਟੀਕਲ ਇਨੋਵੇਸ਼ਨ ਅਤੇ ਟੈਕਨੋਲੋਜੀ ਅਤੇ ਗਿਆਨ ਨੂੰ ਸਮਰਪਿਤ ਉੱਤਰੀ ਭਾਰਤ ਦਾ ਸਭ ਤੋਂ ਵੱਡਾ ਆਯੋਜਨ ਹੈ।ਫਾਰਮਾ ਟੈਕ ਐਕਸਪੋ ਫਾਰਮਾ ਮਸ਼ੀਨਰੀ, ਫੌਰਮੂਲੇਸ਼ਨ, ਨਿਊਟਰਾਸਿਊਟੀਕਲ, ਲੈਬ, ਐਨਾਲਿਟੀਕਲ ਅਤੇ ਪੈਕੇਜਿੰਗ ਉਪਕਰਨਾਂ ਤੇ ਇੱਕ ਅੰਤਰਰਾਸ਼ਟਰੀ ਪ੍ਰਦਰਸ਼ਨੀ ਹੈ ਅਤੇ ਇਸ ਖੇਤਰ ਵਿੱਚ ਸਭ ਤੋਂ ਵੱਡਾ ਬੀ2ਬੀ ਟ੍ਰੇਡ ਸ਼ੋਅ ਹੈ, ਜਿਸ ਵਿੱਚ ਹੈਲਥਕੇਅਰ ਅਤੇ ਫਾਰਮਾ ਮਸ਼ੀਨਰੀ ਇੰਡਸਟਰੀ ਦੇ ਲੋਕ ਹਿੱਸਾ ਲੈਂਦੇ ਹਨ ਅਤੇ ਸਬੰਧਿਤ ਸੈਕਟਰਾਂ ਦੇ ਲਈ ਐਡਵਾਂਸਡ ਤਕਨੀਕਾਂ ਨਾਲ ਸਬੰਧਿਤ ਇਨੋਵੇਸ਼ਨ ਸਾਂਝੇ ਕਰਦੇ ਹਨ।
ਐਕਸਪੋ ਦੇ ਲਈ ਸਟਾਲ 9000 ਵਰਗ ਮੀਟਰ ਦੇ ਖੇਤਰ ਵਿੱਚ ਲਗਾਏ ਗਏ ਹਨ, ਜਿਸ ਵਿੱਚ 250 ਤੋਂ ਵੱਧ ਕੰਪਨੀਆਂ ਦਵਾਈਆਂ ਅਤੇ ਫਾਰਮਾਸਿਊਟੀਕਲ ਉਤਪਾਦਾਂ ਦੇ ਉਤਪਾਦਨ ਲਈ ਮਸ਼ੀਨਰੀ ਅਤੇ ਉਪਕਰਣ ਪ੍ਰਦਰਸ਼ਿਤ ਕੀਤੇ ਗਏ ਹਨ। ਇਸ ਸਾਲ ਐਕਸਪੋ ਵਿੱਚ ਉਦਯੋਗ ਦੇ ਲਗਭਗ 6,000 ਤੋਂ ਵੱਧ ਲੋਕਾਂ ਦੇ ਆਉਣ ਦੀ ਉਮੀਦ ਹੈ।
ਭਾਰਤ, ਚੀਨ, ਅਮਰੀਕਾ ਅਤੇ ਜਰਮਨੀ ਸਮੇਤ ਵੱਖ-ਵੱਖ ਦੇਸ਼ਾਂ ਦੇ ਖਰੀਦਦਾਰਾਂ ਲਈ ਫਾਰਮਾ ਉਤਪਾਦ, ਮਸ਼ੀਨਰੀ ਅਤੇ ਤਕਨੀਕੀ ਇਨੋਵੇਸ਼ਨ ਨੂੰ ਇੱਥੇ ਪ੍ਰਦਰਸ਼ਿਤ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਪਿਛਲੇ ਕੁਝ ਸਾਲਾਂ ਵਿੱਚ ਇੰਦੌਰ, ਅਹਿਮਦਾਬਾਦ, ਮੁੰਬਈ ਅਤੇ ਚੰਡੀਗੜ੍ਹ ਵਿੱਚ ਅਜਿਹੇ 13 ਆਯੋਜਨ ਕਰਵਾਏ ਜਾ ਚੁੱਕੇ ਹਨ।
60 ਪ੍ਰਤੀਸ਼ਤ ਤੋਂ ਵੱਧ ਚੰਗੀ ਤਰ੍ਹਾਂ ਨਾਲ ਵਿਕਸਿਤ ਉਦਯੋਗਿਕ ਖੇਤਰਾਂ ਦੇ ਨਾਲ, ਉੱਤਰੀ ਭਾਰਤ ਦੇਸ਼ ਦੇ ਫਾਰਮਾਸਿਊਟੀਕਲ ਕੱਚੇ ਮਾਲ ਅਤੇ ਫੌਰਮੂਲੇਸ਼ਨ ਉਤਪਾਦਾਂ ਦੇ ਉਤਪਾਦਨ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਉਂਦਾ ਹੈ। ਇਹ ਏਰੀਆ ਕੱਚੇ ਮਾਲ ਦੇ ਸਪਲਾਇਰਾਂ ਦਾ ਪ੍ਰਮੁੱਖ ਹੱਬ ਬਣ ਗਿਆ ਹੈ। ਇਹ ਫਾਰਮਾ ਪ੍ਰੋਸੈਸਿੰਗ ਮਸ਼ੀਨਰੀ, ਪੈਕੇਜਿੰਗ ਮਸ਼ੀਨਰੀ ਅਤੇ ਲੈਬ ਉਪਕਰਣਾਂ ਬੈਕਗਰਾਊਂਡ ਵੀ ਪ੍ਰਦਾਨ ਕਰਦਾ ਹੈ ਅਤੇ ਇਸਨੂੰ ਏਸ਼ੀਆ ਦਾ ਫਾਰਮਾਸਿਊਟੀਕਲ ਹੱਬ ਮੰਨਿਆ ਜਾਂਦਾ ਹੈ।
ਚੰਡੀਗੜ੍ਹ ਵਿੱਚ ਐਕਸਪੋ ਦੇ ਉਦਘਾਟਨ ਮੌਕੇ ਸ੍ਰੀ ਲਲਿਤ ਜੈਨ, ਆਈਏਐਸ, ਡਾਇਰੈਕਟਰ, ਵਾਤਾਵਰਣ, ਵਿਗਿਆਨ ਅਤੇ ਟੈਕਨੋਲੋਜੀ ਵਿਭਾਗ, ਹਿਮਾਚਲ ਪ੍ਰਦੇਸ਼ ਸ੍ਰੀ ਅਰੁਣ ਕੁਮਾਰ ਗਰੋਡੀਆ, ਚੇਅਰਮੈਨ, ਈਈਪੀਸੀ ਇੰਡੀਆ, ਸ੍ਰੀ ਮਨਮੋਹਨ ਤਨੇਜਾ, ਸਟੇਟ ਡਰੱਗਜ਼ ਕੰਟਰੋਲਰ, ਫੂਡ ਐਂਡ ਡਰੱਗਜ਼ ਐਡਮਿਨਿਸਟਰੇਸ਼ਨ, (ਐਫਡੀਏ), ਹਰਿਆਣਾ, ਸ੍ਰੀ ਸੰਜੀਵ ਗਰਗ, ਸੰਯੁਕਤ ਕਮਿਸ਼ਨਰ ਡਰੱਗਜ਼, ਪੰਜਾਬ, ਸ੍ਰੀ ਪ੍ਰਦੀਪ ਕੁਮਾਰ ਮੱਟੂ, ਸਾਬਕਾ ਜੁਆਇੰਟ ਕਮਿਸ਼ਨਰ ਡਰੱਗਜ਼, ਪੰਜਾਬ, ਡਾ. ਰਾਕੇਸ਼ ਸੂਰਜ, ਖੇਤਰੀ ਡਾਇਰੈਕਟਰ, ਈਈਪੀਸੀ ਇੰਡੀਆ, ਡਾ. ਰਾਜੇਸ਼ ਗੁਪਤਾ, ਚੇਅਰਮੈਨ, ਹਿਮਾਚਲ ਡਰੱਗ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ, ਸ਼੍ਰੀ ਰਮੇਸ਼ ਸ਼ਾਹ, ਚੇਅਰਮੈਨ, ਫਾਰਮਾਟੈਕਨੋਲੋਜੀਇੰਡੈਕਸ.ਕੌਮ ਪ੍ਰਾਇਵੇਟ ਲਿਮੀਟਡ, ਸ਼੍ਰੀ ਅਜੈ ਬੰਸਲ, ਨੈਸ਼ਨਲ ਚੇਅਰਮੈਨ, ਫਾਰਮਾ ਕਨੈਕਟ, ਆਈਐਸਐਚਆਰਏਈ, ਸ਼੍ਰੀ ਪੰਕਜ ਸਰੀਨ, ਪ੍ਰਧਾਨ, ਏਐਸਐਚਆਰਏਈ ਚੰਡੀਗੜ੍ਹ ਚੈਪਟਰ ਅਤੇ ਇੰਡਸਟਰੀ ਐਸੋਸੀਏਸ਼ੰਨਜ਼ ਨਿੱਜੀ ਸੰਸਥਾਵਾਂ ਅਤੇ ਪ੍ਰਮੁੱਖ ਕਾਰਪੋਰੇਟਸ ਦੇ ਨੁਮਾਇੰਦਿਆਂ ਨੇ ਇਸ ਇਸ ਮੌਕੇ ਹਾਜ਼ਰੀ ਭਰੀ।
ਇਸ ਮੌਕੇ ਤੇ ਬੋਲਦੇ ਹੋਏ, ਸ਼੍ਰੀ ਲਲਿਤ ਜੈਨ, ਆਈਏਐਸ ਨੇ ਕਿਹਾ ਕਿ ‘‘ਈਈਪੀਸੀ-ਭਾਰਤ (ਵਣਜ ਅਤੇ ਉਦਯੋਗ ਮੰਤਰਾਲਾ-ਭਾਰਤ ਸਰਕਾਰ) ਦੇ ਸਹਿਯੋਗ ਨਾਲ ਫਾਰਮਾਟੈਕ ਪ੍ਰਦਰਸ਼ਨੀ ਫਾਰਮਾਸਿਊਟੀਕਲ, ਸਿਹਤ ਸੰਭਾਲ ਅਤੇ ਲੈਬੋਰਟਰੀ ਉਪਕਰਣ ਨਿਰਮਾਤਾਵਾਂ ਲਈ ਨਵੇਂ ਅਤੇ ਵਧੀਆ ਖੋਜ ਕਰਨ ਲਈ ਇੱਕ ਵਧੀਆ ਪਲੇਟਫਾਰਮ ਵਜੋਂ ਕੰਮ ਕਰਦੀ ਹੈ।
ਇਸ ਤੋਂ ਇਲਾਵਾ, ਇਹ ਉਹਨਾਂ ਉੱਦਮੀਆਂ ਨੂੰ ਜੋੜਦੀ ਹੈ ਜੋ ਆਪਣੇ ਉਤਪਾਦਨ ਅਤੇ ਰੈਗੂਲੇਟਰੀ ਲੋੜਾਂ ਲਈ ਖਾਸ ਲੋੜਾਂ ਦੀ ਤਲਾਸ਼ ਕਰ ਰਹੇ ਹਨ।’’ ਉਨ੍ਹਾਂ ਨੇ ਅੱਗੇ ਕਿਹਾ, ‘‘ਜਿਹੜੇ ਲੋਕ ਆਪਣਾ ਫਾਰਮਾ, ਏਪੀਆਈ, ਮੈਡੀਕਲ ਅਤੇ ਹੈਲਥ ਉਪਕਰਣ ਉਦਯੋਗ ਸ਼ੁਰੂ ਕਰਨਾ ਚਾਹੁੰਦੇ ਹਨ, ਉਹਨਾਂ ਨੂੰ ਇਸ ਵਿੱਚ ਜਰੂਰ ਆਉਣਾ ਚਾਹੀਦਾ ਹੈ ਅਤੇ ਘਰੇਲੂ ਅਤੇ ਵਿਦੇਸ਼ੀ ਬਜ਼ਾਰ ਲਈ ਸੰਭਾਵਨਾਵਾਂ ਦੀ ਪੜਚੋਲ ਕਰਨੀ ਚਾਹੀਦੀ ਹੈ।’’
ਸ਼੍ਰੀ ਅਰੁਣ ਕੁਮਾਰ ਗਰੋਡੀਆ ਨੇ ਕਿਹਾ ਕਿ ਈਈਪੀਸੀ ਇੰਡੀਆ 67 ਸਾਲਾਂ ਦੇ ਅਰਸੇ ਦੌਰਾਨ ਭਾਰਤੀ ਇੰਜੀਨੀਅਰਿੰਗ ਨਿਰਯਾਤ ਦਾ ਚਿਹਰਾ ਰਿਹਾ ਹੈ, ਜਦੋਂ ਭਾਰਤ 1955 ਵਿੱਚ ਸਿਰਫ 10 ਮਿਲੀਅਨ ਡਾਲਰ ਦੇ ਇੰਜੀਨੀਅਰਿੰਗ ਸਮਾਨ ਦੀ ਬਰਾਮਦ ਤੋਂ 2021-22 ਵਿੱਚ 112 ਬਿਲੀਅਨ ਡਾਲਰ ਤੱਕ ਵਧ ਕੇ ਇੱਕ ਮੋਹਰੀ ਦੇਸ਼ ਬਣ ਗਿਆ ਹੈ ਅਤੇ ਕੇਂਦਰੀ ਵਣਜ ਅਤੇ ਉਦਯੋਗ ਮੰਤਰਾਲੇ ਦੁਆਰਾ ਭਾਰਤ ਵਿੱਚ ਇੱਕ ਮਾਡਲ ਈਈਪੀਸੀ ਦੇ ਤੌਰ ਉਤੇ ਮੰਨਿਆ ਜਾਂਦਾ ਹੈ।
ਸ਼੍ਰੀ ਮਨਮੋਹਨ ਤਨੇਜਾ ਨੇ ਕਿਹਾ ਕਿ ਇਹ ਸਾਡੇ ਲਈ ਰੈਗੂਲੇਟਰ ਦੇ ਤੌਰ ਤੇ ਵੱਖ-ਵੱਖ ਹਿੱਸੇਦਾਰਾਂ ਨਾਲ ਗੱਲਬਾਤ ਕਰਨ ਅਤੇ ਮਾਰਗਦਰਸ਼ਨ ਕਰਨ ਦਾ ਵਧੀਆ ਮੌਕਾ ਹੈ। ਇਸ ਐਕਸਪੋ ਨੇ ਆਯੋਜਕਾਂ ਦੀ ਸਖ਼ਤ ਮਿਹਨਤ ਨੂੰ ਦਰਸਾਇਆ, ਉਨ੍ਹਾਂ ਨੇ ਗਾਂਧੀਨਗਰ ਵਿੱਚ ਆਪਣੇ ਆਉਣ ਵਾਲੇ ਫਾਰਮਾ ਅਤੇ ਲੈਬ ਐਕਸਪੋ ਵਿੱਚ ਸਫਲਤਾ ਦੀ ਕਾਮਨਾ ਕੀਤੀ।
ਸ਼੍ਰੀ ਰਮੇਸ਼ ਸ਼ਾਹ, ਚੇਅਰਮੈਨ, ਫਾਰਮਾਟੈਕਨੋਲੋਜੀਇੰਡੈਕਸ.ਕੌਮ ਪ੍ਰਾਇਵੇਟ ਲਿਮੀਟਡ ਨੇ ਕਿਹਾ, ‘‘ਇੰਡਸਟਰੀ ਵਿੱਚ ਹਰ ਕਿਸੇ ਦੇ ਸਹਿਯੋਗ ਨਾਲ, ਅਸੀਂ ਐਕਸਪੋ ਦੌਰਾਨ ਪ੍ਰਦਰਸ਼ਨੀਆਂ ਵਿੱਚ 60 ਪ੍ਰਤੀਸ਼ਤ ਵਾਧੇ ਦੀ ਘੋਸ਼ਣਾ ਕਰਦੇ ਹੋਏ ਖੁਸ਼ ਹਾਂ। ਆਪਣੇ ਸੰਬੋਧਨ ਵਿੱਚ, ਉਨ੍ਹਾਂ ਨੇ ਇੰਜੀਨੀਅਰਿੰਗ ਐਕਸਪੋਰਟ ਪ੍ਰਮੋਸ਼ਨ ਕੌਂਸਲ ਆਫ ਇੰਡੀਆ (ਈਈਪੀਸੀ ਇੰਡੀਆ), ਹਿਮਾਚਲ ਡਰੱਗ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ (ਐਚਡੀਐਮਏ), ਅੰਬਾਲਾ ਸਾਇੰਟਿਫਿਕ ਇੰਸਟਰੂਮੈਂਟਸ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ (ਏਐਸਆਈਐਮਏ), ਡਰੱਗ ਮਾਰਕੀਟਿੰਗ ਐਂਡ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ (ਡੀਐਮਐਮਏ), ਸਮੇਤ ਸਾਰੀਆਂ ਸੰਸਥਾਵਾਂ/ਪ੍ਰਾਯੋਜਕਾਂ ਦਾ ਧੰਨਵਾਦ ਕੀਤਾ।
ਇਸ ਦੇ ਨਾਲ ਹੀ, ਦ ਇੰਡੀਅਨ ਸੋਸਾਇਟੀ ਆਫ ਹੀਟਿੰਗ, ਰੈਫ੍ਰਿਜਰੇਟਿੰਗ ਐਂਡ ਏਅਰ-ਕੰਡੀਸ਼ਨਿੰਗ ਇੰਜੀਨੀਅਰਜ਼ (ਆਈਐਸਆਰਏਈ), ਦ ਅਮਰੀਕਨ ਸੋਸਾਇਟੀ ਆਫ ਹੀਟਿੰਗ, ਰੈਫ੍ਰਿਜਰੇਟਿੰਗ ਐਂਡ ਏਅਰ-ਕੰਡੀਸ਼ਨਿੰਗ ਇੰਜੀਨੀਅਰਜ਼ (ਏਐਸਐਚਆਰਏਈ) ਅਤੇ ਹੋਰ ਇੰਡਸਟਰੀ ਐਸੋਸੀਏਸ਼ਨਾਂ ਅਤੇ ਉਦਯੋਗਿਕ ਘਰਾਣਿਆਂ ਨੇ ਵੀ ਆਪਣਾ ਪੂਰਾ ਸਹਿਯੋਗ ਦਿੱਤਾ ਹੈ।’’
12 ਅਪ੍ਰੈਲ 2023 ਨੂੰ ‘‘ ਸਿਨਰਜਿਸਟਿਕ ਗਰੋਥ ਆਫ਼ ਫਾਰਮਾ ਇੰਡਸਟਰੀ-ਡਿਵੈਲਪਮੈਂਟ ਐਂਡ ਚੈਲੇਂਜਸ’’ ਵਿਸ਼ੇ ਤੇ ਇੱਕ ਸੈਮੀਨਾਰ ਵੀ ਆਯੋਜਿਤ ਕੀਤਾ ਜਾਵੇਗਾ। ਇਸ ਸੈਮੀਨਾਰ ਦੌਰਾਨ ਮਾਹਿਰ ਅਤੇ ਉੱਘੇ ਸਰਕਾਰੀ ਵਿਭਾਗਾਂ, ਉਦਯੋਗ ਅਤੇ ਬੁਲਾਰੇ ਆਪਣੇ ਵਿਚਾਰ ਸਾਂਝੇ ਕਰਨਗੇ।