ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵੱਲੋਂ ਸੂਬੇ ਵਿੱਚ ਮੁੜ ਖੇਡ ਸੱਭਿਆਚਾਰ ਪੈਦਾ ਕਰਨ ਅਤੇ ਸੂਬੇ ਵਿੱਚ ਖਿਡਾਰੀਆਂ ਦੀ ਪ੍ਰਤਿਭਾ ਉਭਾਰਨ ਲਈ ਖੇਡ ਵਿਭਾਗ ਵੱਲੋਂ ਕਰਵਾਈਆਂ ਜਾ ਰਹੀਆਂ ‘ਖੇਡਾਂ ਵਤਨ ਪੰਜਾਬ ਦੀਆਂ’ 2022 ਤਹਿਤ ਵੱਖ ਵੱਖ ਉਮਰ ਵਰਗਾਂ ਦੇ ਰਾਜ ਪੱਧਰੀ ਖੇਡ ਮੁਕਾਬਲੇ ਗੇਮ ਵਾਲੀਬਾਲ ਅਤੇ ਕੁਸਤੀ (ਲੜਕੇ-ਲੜਕੀਆਂ) ਮਿਤੀ 22-10-2022 ਤੱਕ ਨਹਿਰੂ ਸਟੇਡੀਅਮ, ਫਰੀਦਕੋਟ ਵਿਖੇ ਸਫਲਤਾਪੂਰਵਕ ਚੱਲ ਰਹੇ ਹਨ। ਇਹ ਜਾਣਕਾਰੀ ਸ. ਪਰਮਿੰਦਰ ਸਿੰਘ ਸਿੱਧੂ, ਜਿਲ੍ਹਾ ਖੇਡ ਅਫਸਰ ਫਰੀਦਕੋਟ ਨੇ ਦਿੱਤੀ।
ਅੱਜ ਹੋਏ ਖੇਡ ਮੁਕਾਬਲਿਆਂ ਦੇ ਨਤੀਜਿਆਂ ਬਾਰੇ ਜਾਣਕਾਰੀ ਦਿੰਦੇ ਉਨ੍ਹਾਂ ਕਿਹਾ ਕਿ 35 ਕਿਲੋ ਭਾਰ ਵਰਗ ਵਿੱਚ ਮਲਹਾਰ ਨਾਹਰ ਅੰਮ੍ਰਿਤਸਰ ਨੇ ਪਹਿਲਾ, ਰੂਪਨਗਰ ਦੇ ਮੋਹਿਤ ਨੇ ਦੂਜਾ, ਜਪਜੋਤ ਸਿੰਘ ਮਾਨਸਾ ਨੇ ਤੀਜਾ ਅਤੇ ਗੁਰਨੂਰ ਸਿੰਘ ਫਿਰੋਜਪੁਰ ਦੇ ਖਿਡਾਰੀਆ ਨੇ ਚੋਥਾ ਸਥਾਨ ਹਾਸਿਲ ਕੀਤਾ। 38 ਕਿਲੋ ਭਾਰ ਵਰਗ ਵਿੱਚ ਜਸ਼ਮਨਦੀਪ ਸਿੰਘ ਮੋਹਾਲੀ ਨੇ ਪਹਿਲਾ ਸਥਾਨ, ਲਵਪ੍ਰੀਤ ਸਿੰਘ ਸੰਗਰੂਰ ਨੇ ਦੂਜਾ ਸਥਾਨ, ਰਣਬੀਰ ਸਭਰਵਾਲ ਅੰਮ੍ਰਿਤਸਰ ਨੇ ਤੀਜਾ ਅਤੇ ਅਫਤਾਬ ਸਿੰਘ ਰੂਪਨਗਰ ਨੇ ਚੋਥਾ ਸਥਾਨ ਹਾਸਿਲ ਕੀਤਾ।
41 ਕਿਲੋ ਭਾਰ ਵਰਗ ਵਿੱਚ ਸਲੀਮ ਅੰਮ੍ਰਿਤਸਰ ਨੇ ਪਹਿਲਾ ਅਤੇ ਯੁਵਰਾਜ ਸਿੰਘ ਪਟਿਆਲਾ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। 44 ਕਿਲੋ ਭਾਰ ਵਰਗ ਵਿੱਚ ਅਮਨਜੋਤ ਸਿੰਘ ਰੋਪੜ ਨੇ ਪਹਿਲਾ, ਜ਼ਸਕਰਨਪ੍ਰੀਤ ਸਿੰਘ ਮੋਹਾਲੀ ਨੇ ਦੂਜਾ ਸਥਾਨ ਹਾਸਿਲ ਕੀਤਾ।48 ਕਿਲੋ ਭਾਰ ਵਰਗ ਵਿੱਚ ਹਰਜਸ਼ਨ ਸਿੰਘ ਫਰੀਦਕੋਟ ਨੇ ਪਹਿਲਾ ਸਥਾਨ, ਪਰਦੀਪ ਸਿੰਘ ਮਾਨਸਾ ਨੇ ਦੂਜਾ ਸਥਾਨ ਹਾਸਿਲ ਕੀਤਾ।
52 ਕਿਲੋ ਭਾਰ ਵਰਗ ਵਿੱਚ ਅਕਾਸ਼ਦੀਪ ਸਿੰਘ ਰੋਪੜ ਨੇ ਪਹਿਲਾ ਸਥਾਨ, ਜਗਜੀਤ ਸਿੰਘ ਲੁਧਿਆਣਾ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। 57 ਕਿਲੋ ਵਿੱਚ ਸ਼ਿਵਪ੍ਰਤਾਪ ਸਿੰਘ ਮੋਹਾਲੀ ਨੇ ਪਹਿਲਾ ਸਥਾਨ ਅਤੇ ਪ੍ਰਭਜੋਤ ਸਿੰਘ ਪਠਾਨਕੋਟ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਇਸ ਤੋ ਇਲਾਵਾ ਕੁਸ਼ਤੀ ਅੰ-17, 21 ਅਤੇ 21-40 ਉਮਰ ਵਰਗ ਦੇ ਖਿਡਾਰੀਆਂ ਦੇ ਖੇਡ ਮੁਕਾਬਲੇ ਚੱਲ ਰਹੇ ਹਨ ।
ਵਾਲੀਬਾਲ ਲੜਕੇ 21 ਤੋ 40 ਉਮਰ ਵਰਗ ਵਿੱਚ ਪਹਿਲੇ ਰਾਉਂਡ ਵਿੱਚ ਸੰਗਰੂਰ ਅਤੇ ਹੁਸ਼ਿਆਰਪੁਰ ਵਿੱਚ ਮੁਕਾਬਲਾ ਹੋਇਆ,ਜਿਸ ਵਿੱਚ ਹੁਸ਼ਿਆਰਪੁਰ 2-0 ਨਾਲ ਜੇਤੂ ਰਿਹਾ।ਦੂਜਾ ਮੈਚ ਫਰੀਦਕੋਟ ਅਤੇ ਪਠਾਨਕੋਟ ਵਿੱਚਕਾਰ ਹੋਇਆ,ਜਿਸ ਵਿੱਚ ਫਰੀਦਕੋਟ ਜਿਲ੍ਹਾ 2-0 ਨਾਲ ਜੇਤੂ ਰਿਹਾ।ਤੀਜਾ ਮੈਚ ਗੁਰਦਾਸਪੁਰ ਅਤੇ ਨਵਾਂ ਸ਼ਹਿਰ ਦੀ ਟੀਮ ਵਿੱਚ ਹੋਇਆ।ਜਿਸ ਵਿੱਚ ਗੁਰਦਾਸਪੁਰ ਦੀ ਟੀਮ ਜੇਤੂ ਰਹੀ। ਤਰਨਤਾਰਨ ਅਤੇ ਫਾਜ਼ਿਲਕਾ ਦੇ ਮੈਚ ਵਿੱਚ ਤਰਨਤਾਰਨ 2-0 ਨਾਲ ਜੇਤੂ ਰਿਹਾ। ਫਿਰੋਜਪੁਰ ਅਤੇ ਮਾਨਸਾ ਦੇ ਮੈਚ ਵਿੱਚ ਫਿਰੋਜਪੁਰ ਦੀ ਟੀਮ ਜੇਤੂ ਰਹੀ। ਰੂਪਨਗਰ ਅਤੇ ਅੰਮ੍ਰਿਤਸਰ ਦੇ ਮੈਚ ਵਿੱਚ ਅੰਮ੍ਰਿਤਸਰ 2-0 ਨਾਲ ਜੇਤੂ ਰਿਹਾ।