ਵਿਸ਼ਵ ਹਾਰਟ ਦਿਵਸ ਮੌਕੇ ਬਾਇਓਟੈਕਨਾਲੋਜੀ ਵਿਭਾਗ (ਸੀਸੀਟੀ), ਸੀਜੀਸੀ ਲਾਂਡਰਾਂ ਵੱਲੋਂ ਆਈਵੀ ਹਸਪਤਾਲ ਮੋਹਾਲੀ ਦੇ ਸਹਿਯੋਗ ਨਾਲ ਇੱਕ ਵਿਸ਼ੇਸ਼ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ।ਦੁਨੀਆ ਭਰ ਵਿੱਚ ਹਰੇਕ ਸਾਲ ਮਨਾਏ ਜਾਂਦੇ ਇਸ ਵਿਸ਼ੇਸ਼ ਪ੍ਰੋਗਰਾਮ ਦਾ ਮੁੱਖ ਮਕਸਦ ਦਿਲ ਦੀ ਬਿਮਾਰੀ ਜਾਂ ਕਾਰਡੀਓਵੈਸਕੁਲਰ ਬਿਮਾਰੀ ਨੂੰ ਰੋਕਣ ਅਤੇ ਕੰਟਰੋਲ ਕਰਨ ਲਈ ਲੋਕਾਂ ਨੂੰ ਜਾਗਰੂਕ ਕਰਨਾ ਹੈ।
ਸੀਜੀਸੀ ਵਿਖੇ ਕਰਵਾਏ ਇਸ ਖਾਸ ਪ੍ਰੋਗਰਾਮ ਦਾ ਉਦਘਾਟਨ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਆਈਵੀ ਹਸਪਤਾਲ ਮੋਹਾਲੀ ਦੇ ਡਾਇਰੈਕਟਰ, ਕਾਰਡੀਓ ਵੈਸਕੁਲਰ, ਐਂਡੋਵੈਸਕੁਲਰ ਐਂਡ ਥੋਰਾਸਿਕ ਸਾਇੰਸਜ਼ ਡਾ.ਹਰਿੰਦਰ ਬੇਦੀ ਵੱਲੋਂ ਡਾ. ਪੀਐਨ ਹਰੀਕੇਸ਼ਾ, ਕੈਂਪਸ ਡਾਇਰੈਕਟਰ, ਸੀਜੀਸੀ ਲਾਂਡਰਾ, ਖੁਰਾਕ ਅਤੇ ਪੋਸ਼ਣ ਵਿਭਾਗ ਦੀ ਡਾਇਟੀਸ਼ੀਅਨ ਦੀਪਸ਼ਿਖਾ, ਅਤੇ ਡਾ.ਸਿਮਰਨ, ਆਈਵੀ ਹਸਪਤਾਲ ਮੋਹਾਲੀ ਆਦਿ ਦੀ ਮੌਜੂਦਗੀ ਵਿੱਚ ਕੀਤਾ ਗਿਆ।
ਆਪਣੇ ਦਿਲ ਦੀ ਦੇਖਭਾਲ ਕਰਨ ਬਾਰੇ ਇੱਕ ਦਿਲਚਸਪ ਸੈਸ਼ਨ ਦੇ ਜ਼ਰੀਏ, ਬੀਟੀਂਗ ਹਾਰਟ ਸਰਜਰੀ ਦੇ ਖੇਤਰ ਦੀ ਮੋਢੀ ਅਤੇ ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਹਾਰਟ ਸਰਜਨ, ਡਾ. ਬੇਦੀ ਨੇ ਹਾਜ਼ਰੀਨ ਨੂੰ “ਦਿਲ ਦੇ ਸਮਾਰਟ ਬਣਨ ਅਤੇ ਹਰੇਕ ਪਹਿਲੂ ਵਿੱਚ ਸੰਜਮ, ਹੌਂਸਲਾ ਰੱਖਦਿਆਂ ਇੱਕ ਸਰਗਰਮ ਜੀਵਨ ਸ਼ੈਲੀ ਅਪਣਾਉਣ ਦੀ ਅਪੀਲ ਕੀਤੀ।
ਜ਼ਿਕਰਯੋਗ ਹੈ ਭਾਰਤ ਵਿੱਚ ਖਾਸ ਤੌਰ ’ਤੇ ਨੌਜਵਾਨ ਬੱਚਿਆਂ ਵਿੱਚ ਦਿਲ ਦੀਆਂ ਬਿਮਾਰੀਆਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ ਡਾ.ਬੇਦੀ ਨੇ ਇਹ ਬਿਮਾਰੀ ਹੋਣ ਦੀਆਂ ਉਨ੍ਹਾਂ ਪ੍ਰਮੁੱਖ ਆਦਤਾਂ ਅਤੇ ਲਾਈਫ ਸਟਾਈਲ ਪ੍ਰੈਕਟਿਸ ’ਤੇ ਚਾਨਣਾ ਪਾਇਆ ਜਿਨਾਂ੍ਹ ਨੂੰ ਜੇਕਰ ਜੀਵਨ ਵਿੱਚ ਸੁਚੱਜੇ ਢੰਗ ਨਾਲ ਸ਼ਾਮਲ ਕੀਤਾ ਜਾਵੇ, ਤਾਂ ਹਾਰਟ ਦੀ ਤੰਦਰੁਸਤੀ ਨੂੰ ਬਰਕਰਾਰ ਰੱਖਿਆ ਜਾ ਸਕਦਾ ਹੈ।
ਇਨ੍ਹਾਂ ਆਦਤਾਂ ਵਿੱਚੋਂ ਤਣਾਅ ਦੇ ਪੱਧਰ ਦਾ ਪ੍ਰਬੰਧਨ, ਸਾਧਾਰਨ ਚੀਜ਼ਾਂ ਵਿੱਚ ਖੁਸ਼ੀ ਲੱਭਣਾ, ਸਿਹਤਮੰਦ ਅਤੇ ਸੁਚੇਤ ਤੌਰ ’ਤੇ ਹੱਸਣਾ, ਸਰੀਰਕ ਗਤੀਵਿਧੀਆਂ ਜਿਵੇਂ ਕਿ ਯੋਗਾ ਅਤੇ ਸਾਲ ਵਿੱਚ ਇੱਕ ਵਾਰ ਦਿਲ ਦੀ ਜਾਂਚ ਕਰਵਾਉਣਾ ਆਦਿ ਸ਼ਾਮਲ ਹੈ। ਉਨ੍ਹਾਂ ਨੇ ਸਾਰਿਆਂ ਨੂੰ ਆਪਣੇ ਨਜ਼ਦੀਕੀ ਦੋਸਤਾਂ ਨਾਲ ਸਮਾਂ ਬਿਤਾਉਣ ਦੀ ਵੀ ਅਪੀਲ ਕੀਤੀ ਜੋ ਕਿ ਇੱਕ ਅਧਿਐਨ ਅਨੁਸਾਰ, ਤਣਾਅ ਨੂੰ ਘਟਾਉਣ ਦਾ ਸਭ ਤੋਂ ਪੱਕਾ ਤਰੀਕਾ ਹੈ।
ਇਸ ਉਪਰੰਤ, ਡਾਇਟੀਸ਼ੀਅਨ ਦੀਪਸ਼ਿਖਾ ਨੇ ਸੰਤੁਲਿਤ ਅਤੇ ਸਿਹਤਮੰਦ ਖੁਰਾਕ ਦੀ ਮਹੱਤਤਾ ਨੂੰ ਦਰਸਾਉਂਦੇ ਹੋਏ ਇੱਕ ਵਿਸ਼ੇਸ਼ ਭਾਸ਼ਣ ਦਾ ਆਯੋਜਨ ਕੀਤਾ, ਜਿਸ ਦੀ ਜੇਕਰ ਪਾਲਣਾ ਕੀਤੀ ਜਾਵੇ ਤਾਂ ਦਿਲ ਦੀਆਂ ਬਿਮਾਰੀਆਂ ਨੂੰ ਰੋਕਣ ਵਿੱਚ ਬਹੁਤ ਮਦਦ ਮਿਲ ਸਕਦੀ ਹੈ। ਉਨ੍ਹਾਂ ਨੇ ਸਰਕੇਡੀਅਨ ਰਿਦਮ, ਜੋ ਕਿ ਸਾਡੇ ਸਰੀਰ ਦੇ 24 ਘੰਟਿਆਂ ਵਿੱਚ ਸੌਣ ਅਤੇ ਜਾਗਣ ਦਾ ਪੈਟਰਨ ਹੈ, ਦੀ ਭੂਮਿਕਾ ’ਤੇ ਚਾਨਣਾ ਪਾਇਆ ਅਤੇ ਇਸ ਪੈਟਰਨ ਦੇ ਸਹੀ ਹੋਣ ਨਾਲ ਦਿਲ ਦੇ ਸਿਹਤਮੰਦ ਹੋਣ ਸੰਬੰਧੀ ਚੰਗੀ ਤਰ੍ਹਾਂ ਜਾਣੂ ਕਰਵਾਇਆ।
ਉਨ੍ਹਾਂ ਨੇ ਹਾਜ਼ਰੀਨ ਨੂੰ ਜੰਕ ਫੂਡ ਅਤੇ ਫੇਡ ਡਾਈਟਿੰਗ ਦੀ ਵਰਤੋਂ ਘਟਾਉਣ, ਨਿਯਮਤ ਭੋਜਨ ਦੇ ਪੱਖ ਵਿੱਚ, ਰੋਜ਼ਾਨਾ ਦਰਮਿਆਨੀ ਕਸਰਤ ਕਰਨ ਤੋਂ ਇਲਾਵਾ ਵਧੇਰੇ ਫਲ, ਮੇਵੇ ਅਤੇ ਪਾਣੀ ਪੀਣ ਲਈ ਵੀ ਪ੍ਰੇਰਿਤ ਕੀਤਾ।ਅੰਤ ਵਿੱਚ ਵਿਸ਼ਵ ਹਾਰਟ ਦਿਵਸ ਦੇ ਜਸ਼ਨਾਂ ਦੀ ਸਮਾਪਤੀ ਇੱਕ ਮੈਡੀਕਲ ਕੈਂਪ ਦੇ ਨਾਲ ਹੋਈ ਜਿਸ ਉਪਰੰਤ ਸੀਜੀਸੀ ਦੇ ਵਿਿਦਆਰਥੀਆਂ ਵੱਲੋਂ ਇੱਕ ਹੈਲਥੀ ਹਾਰਟ ਅਵੇਅਰਨੈੱਸ ਤੇ ਰੈਲੀ ਕੱਢੀ ਗਈ।