ਅਮਰ ਸ਼ਹੀਦ ਬਾਬਾ ਅਜੀਤ ਸਿੰਘ ਜੁਝਾਰ ਸਿੰਘ ਮੈਮੋਰੀਅਲ (ਆਟੋਨੋਮਸ) ਕਾਲਜ ਆਫ ਫਾਰਮੇਸੀ, ਬੇਲਾ (ਰੋਪੜ) ਵਿਖੇ ਮਿਤੀ 25/09/2022 ਨੂੰ ਵਿਸ਼ਵ ਫਾਰਮਾਸਿਸਟ ਦਿਵਸ ਮਨਾਇਆ ਗਿਆ। ਹਰੇਕ ਸਾਲ ਵਾਂਗ ਇਸ ਸਾਲ ਵੀ ਸੰਸਥਾ ਵਿਖੇ ਫਾਰਮਾਸਿਸਟ ਦਿਵਸ ਨੂੰ ਬੜੇ ਹੀ ਉਤਸਾਹ ਨਾਲ ਮਨਾਇਆ ਗਿਆ।ਇਸ ਸਾਲ ਦੀ ਥੀਮ “ ਫਾਰਮੇਸੀ ਵਿੱਕ ਸਿਹਤਮੰਦ ਸੰਸਾਰ ਲਈ ਕਰਵਾਈ ਵਿੱਚ ਇੱਕਜੁੱਟ ਹੈ” ਦੇ ਤਹਿਤ ਕਾਲਜ ਦੇ ਸਟਾਫ ਅਤੇ ਵਿਦਿਆਰਥੀ ਵੱਲੋਂ ਇੱਕ ਜਾਗਰੂਕ ਰੈਲੀ ਕਾਲਜ ਕੱਢੀ ਗਈ ਹੈ।
ਇਸ ਰੈਲੀ ਨੂੰ ਕਾਲਜ ਦੇ ਡਾਇਰੈਕਟਰ ਡਾ. ਸੈਲਸ਼ ਸ਼ਰਮਾ, ਡਾ. ਅਜੈ ਸਿੰਘ ਕੁਸ਼ਵਾਂਹ ਮੁੱਖੀ ਫਾਰਮਾਕੋਲੋਜੀ ਅਤੇ ਡਾ. ਮੋਨਿਕਾ ਗੁਪਤਾ ਮੁੱਖੀ ਫਾਰਮਾਸਿਊਟੀਕਲ ਕਮਿਸਟਰੀ ਵੱਲੋ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ।ਰੈਲੀ ਕਾਲਜ ਤੋ ਸ਼ੁਰੂ ਹੋਕੇ ਪਿੰਡ ਬੇਲਾ ਦੇ ਬਜਾਰ ਵਿੱਚੋ ਹੰੁਦੀ ਹੋਈ ਵਾਪਸ ਕਾਲਜ ਵਿੱਖੇ ਸਮਾਪਤ ਹੋਈ।ਬਾਅਦ ਵਿੱਚ ਵਿਦਿਆਰਥੀਆਂ ਦੇ ਲੇਖ, ਭਾਸ਼ਣ,ਪੋਸਟਰ ਅਤੇ ਕੁਇਜ਼ ਦੇ ਮੁਕਾਬਲੇ ਕਰਵਾਏ ਗਏ।
ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਕਰਦਿਆਂ ਕਾਲਜ ਦੇ ਡਾਇਰੈਕਟਰ ਡਾ. ਸੈਲੇਸ਼ ਸ਼ਰਮਾ ਨੇ ਇਸ ਦਿਨ ਦੇ ਇਤਿਹਾਸ `ਤੇ ਰੌਸ਼ਨੀ ਪਾਉਂਦਿਆ ਦੱਸਿਆ ਕਿ 2012 ਵਿੱਚ ਇਸ ਦਿਨ ਇੰਟਰਨੈਸ਼ਨਲ ਫੈਡਰੇਸ਼ਨ ਆਫ ਫਾਰਮਾਸਿਸਟ ਦਾ ਗਠਨ ਕੀਤਾ ਗਿਆ ਸੀ, ਇਸ ਕਰਕੇ ਅੱਜ ਦੇ ਦਿਨ ਇਹ ਦਿਵਸ ਮਨਾਇਆ ਜਾਂਦਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਸਮੇਂ ਇਸ ਫੈਡਰੇਸ਼ਨ ਨਾਲ 132 ਸੰਸਥਾਵਾਂ ਅਤੇ 30 ਲੱਖ ਤੋਂ ਜਿਆਦਾ ਲੋਕ ਜੁੜੇ ਹੋਏ ਹਨ, ਜੋ ਕਿ ਸਿਹਤ ਸਬੰਧੀ ਸੇਵਾਵਾਂ ਪ੍ਰਦਾਨ ਕਰ ਰਹੇ ਹਨ।
ਡਾ. ਸ਼ਰਮਾ ਨੇ ਕਿਹਾ ਅੱਜ ਦੇ ਸਮੇਂ ਵਿੱਚ ਫਾਰਮਾਸਿਸਟ ਆਪਣੇ ਖੇਤਰ ਵਿੱਚ ਇਕ ਅਹਿਮ ਰੋਲ ਨਿਭਾ ਰਹੇ ਹਨ।ਜਿਵੇਂ ਕਿ ਪਿਛਲੇ ਲੰਬੇਂ ਸਮੇਂ ਤੋ ਕੋਰੋਨਾ ਮਹਾਂਮਾਰੀ ਤੋਂ ਬਚਣ ਲਈ ਫਾਰਮਾਸਿਸਟ ਨੇ ਫਰੰਟਲਾਈਨ ਵਰਕਰ ਦੇ ਰੂਪ ਵਿੱਚ ਆਪਣਾ ਅਮਿਹ ਯੋਗਦਾਨ ਪਾਇਆ ਹੈ।ਇਸ ਦੇ ਨਾਲ-ਨਾਲ ਅਜੋਕੇ ਸਮੇਂ ਵਿੱਚ ਨਵੀਆਂ ਦਵਾਈਆਂ, ਨਵੇਂ ਡਿਵਾਈਸ ਨੂੰ ਮਰੀਜ਼ਾ ਤੱਕ ਸਹੀਂ ਸਮੇਂ ਅਤੇ ਸਹੀਂ ਮਾਤਰਾ ਤੱਕ ਪਹੁਚਾੳਣ ਦੇ ਨਾਲ ਦਵਾਈਆ ਵੇਚਣ, ਆਯਾਤ-ਨਿਰਯਾਤ ਅਤੇ ਨਵੀ ਟੈਕਨੋਲੋਜੀ ਦੁਆਰਾ ਦਵਾਈਆਂ ਬਣਾਉਣ ਦੀ ਜਿੰਮੇਵਾਰੀ ਵੀ ਫਾਰਮਾਸਿਸਟ ਦੀ ਹੈ।
ਇਸ ਸਾਰੇ ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਲਈ ਡਾ. ਰਾਹੂਲ ਸ਼ਰਮਾ, ਡਾ. ਨੀਲਮ ਸ਼ਰਮਾ, ਅਸਿ. ਪ੍ਰੋ. ਹਰਸਿਮਰਨ ਸਿੰਘ ਜਟਾਣਾ, ਨੋਇਲ, ਨਮਿਤਾ ਸੈਣੀ, ਸੰਦੀਪ ਕੌਰ ਅਤੇ ਰਮਨਦੀਪ ਨੇ ਬੜੇ ਹੀ ਸੁਚੱਜੇ ਢੰਗ ਨਾਲ ਆਪਣੀ ਡਿਉਟੀ ਨਿਭਾਈ।