ਫਾਜਿ਼ਲਕਾ ਜਿ਼ਲ੍ਹਾ ਜੋ ਕਿ ਸਾਰੀਆਂ ਗ੍ਰਾਮ ਪੰਚਾਇਤਾਂ ਵਿਚ ਸਵੱਛਤਾ ਮੁਹਿੰਮ ਤਹਿਤ ਸਾਂਝੇ ਪਖਾਨੇ (ਕਮਿਊਨਿਟੀ ਸੈਨੀਟਰੀ ਕੰਪਲੈਕਸ) ਸਥਾਪਿਤ ਕਰ ਰਿਹਾ ਹੈ, ਵੱਲੋਂ ਹੁਣ ਇਕ ਨਵੀਂ ਪਹਿਲ ਕਦਮੀ ਕਰਦਿਆਂ ਇੰਨ੍ਹਾਂ ਕਮਿਊਨਿਟੀ ਸੈਨੀਟਰੀ ਕੰਪਲੈਕਸਾਂ ਵਿਚ ਸੈਨੀਟਰੀ ਪੈਡ ਵੈਡਿੰਗ ਮਸ਼ੀਨਾ ਸਥਾਪਿਤ ਕਰ ਰਿਹਾ ਹੈ। ਇਸ ਤਹਿਤ 36 ਪਿੰਡਾਂ ਦੇ ਪਾਇਲਟ ਪ੍ਰੋਜ਼ੈਕਟ ਵਿਚੋਂ 5 ਪਿੰਡਾਂ ਵਿਚ ਇਹ ਮਸ਼ੀਨਾਂ ਸਥਾਪਿਤ ਹੋ ਗਈਆਂ ਹਨ ਅਤੇ ਬਾਕੀ ਵਿਚ ਇਹ ਕੰਮ ਜਲਦ ਕੀਤਾ ਜਾਵੇਗਾ।
ਡਿਪਟੀ ਕਮਿਸ਼ਨਰ ਡਾ: ਹਿਮਾਂਸ਼ੂ ਅਗਰਵਾਲ ਨੇ ਪ੍ਰੋਜੈਕਟ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬਲਾਕ ਫਾਜਿ਼ਲਕਾ ਦੇ ਪਿੰਡ ਨਵੀਂ ਬਸਤੀ ਸਲੇਮ ਸ਼ਾਹ, ਬਾਧਾ, ਚੋਵਾੜਿਆਂਵਾਲੀ ਅਤੇ ਕੋੜਿਆਂਵਾਲੀ, ਬਲਾਕ ਅਰਨੀ ਵਾਲਾ ਸੇਖ਼ ਸੁਭਾਨ ਦੇ ਜ਼ੌੜਕੀ ਅੰਧੇਵਾਲੀ ਵਿੱਚ ਕਮਿਊਨਿਟੀ ਸੈਨੀਟਰੀ ਕੰਪਲੈਕਸ ਦੇ ਲੇਡੀਜ਼ ਸੈਕਸ਼ਨ ਵਿੱਚ ਸੈਨੇਟਰੀ ਯੰਤਰ ਲਗਾਏ ਜਾ ਰਹੇ ਹਨ। ਇੱਕ ਸਮੇਂ ਵਿੱਚ 50-60 ਸੈਨੇਟਰੀ ਪੈਡ ਰੱਖਣ ਦੀ ਸਮਰੱਥਾ ਦੇ ਨਾਲ, ਸਵੈਚਲਿਤ ਵੈਂਡਿੰਗ ਮਸ਼ੀਨਾਂ ਨੂੰ ਲੋੜ ਪੈਣ `ਤੇ ਦੁਬਾਰਾ ਭਰਿਆ ਜਾ ਸਕਦਾ ਹੈ।
ਇੱਕ ਉਪਭੋਗਤਾ ਨੂੰ ਪੈਡ ਪ੍ਰਾਪਤ ਕਰਨ ਲਈ ਮਸ਼ੀਨ ਦੇ ਸਲਾਟ ਵਿੱਚ 5 ਰੁਪਏ ਦਾ ਸਿੱਕਾ ਪਾਉਣ ਦੀ ਲੋੜ ਹੋਵੇਗੀ। ਜੋ ਪੈਸਾ ਇਕੱਠਾ ਹੁੰਦਾ ਹੈ, ਉਸ ਦੀ ਵਰਤੋਂ ਰੀਫਿਲ ਲਈ ਨਵੇਂ ਪੈਡ ਖਰੀਦਣ ਲਈ ਕੀਤੀ ਜਾ ਸਕਦੀ ਹੈ। ਨਾਲ ਹੀ, ਮਾਹਵਾਰੀ ਦੇ ਕੂੜੇ ਦੇ ਸੁਰੱਖਿਅਤ ਨਿਪਟਾਰੇ ਲਈ ਇਨਸਿਨਰੇਟਰ ਵੀ ਲਗਾਏ ਗਏ ਹਨ।ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦਿਆਂ ਕਾਰਜਕਾਰੀ ਇੰਜਨੀਅਰ ਸ੍ਰੀ ਸ਼ਮਿੰਦਰ ਸਿੰਘ ਨੇ ਦੱਸਿਆ ਕਿ ਇਨ੍ਹਾਂ ਸੁਵਿਧਾਵਾਂ ਨੂੰ ਸਥਾਪਿਤ ਕਰਨ ਨਾਲ ਗ੍ਰਾਮ ਪੰਚਾਇਤ ਮੈਂਬਰਾਂ, ਆਂਗਣਵਾੜੀ ਅਤੇ ਆਸ਼ਾ ਵਰਕਰਾਂ ਅਤੇ ਹੋਰ ਹਿੱਸੇਦਾਰਾਂ ਨੂੰ ਵੈਂਡਿੰਗ ਮਸ਼ੀਨਾਂ ਅਤੇ ਇਨਸਿਨਰੇਟਰਾਂ ਦੀ ਵਰਤੋਂ ਬਾਰੇ ਸਿਖਲਾਈ ਦੇਣ ਦਾ ਮਹੱਤਵਪੂਰਨ ਕੰਮ ਕੀਤਾ ਗਿਆ ਹੈ।
ਪਿੰਡਾਂ ਵਿੱਚ ਮਾਹਵਾਰੀ ਸਵੱਛਤਾ ਪ੍ਰਬੰਧਨ ਬਾਰੇ ਜਾਗਰੂਕਤਾ ਕੈਂਪ ਵੀ ਲਗਾਏ ਗਏ। ਸੈਸ਼ਨਾਂ ਵਿੱਚ ਮਾਹਵਾਰੀ ਦੌਰਾਨ ਸਫਾਈ, ਮਾਹਵਾਰੀ ਨਾਲ ਜੁੜੀਆਂ ਮਿੱਥਾਂ ਅਤੇ ਵੈਂਡਿੰਗ ਮਸ਼ੀਨਾਂ ਅਤੇ ਇਨਸਿਨਰੇਟਰਾਂ ਦੀ ਸਹੀ ਵਰਤੋਂ ਬਾਰੇ ਆਮ ਜਾਗਰੂਕਤਾ ਪੇਸ਼ ਕੀਤੀ ਗਈ।ਇਸ ਪਹਿਲਕਦਮੀ ਦਾ ਸੁਆਗਤ ਕਰਦਿਆਂ ਸ੍ਰੀਮਤੀ ਡਾ. ਸਰਪੰਚ ਸਿਮਰੋ ਬਾਈ ਨੇ ਕਿਹਾ ਕਿ ਔਰਤਾਂ ਨੂੰ ਹੁਣ ਵਰਤਣ ਲਈ ਸਾਫ਼ ਪੈਡ ਅਤੇ ਵਰਤੇ ਗਏ ਪੈਡਾਂ ਨੂੰ ਸੁਰੱਖਿਅਤ ਢੰਗ ਨਾਲ ਨਿਪਟਾਉਣ ਲਈ ਜਗ੍ਹਾ ਉਪਲਬੱਧ ਹੋ ਗਈ ਹੈ।
ਦੂਜੇ ਪਾਸੇ, ਸ਼੍ਰੀਮਤੀ ਪੂਨਮ ਧੂੜੀਆ, ਆਈਈਸੀ ਮਾਹਿਰ, ਜਿਨ੍ਹਾਂ ਨੇ ਪਿੰਡ ਨਵੀਂ ਬਸਤੀ ਸਲੇਮ ਸ਼ਾਹ ਦੀਆਂ ਪੇਂਡੂ ਔਰਤਾਂ ਨਾਲ ਇੱਕ ਫੋਕਸ ਗਰੁੱਪ ਮੀਟਿੰਗ ਕੀਤੀ ਸੀ, ਨੇ ਕਿਹਾ ਕਿ ਔਰਤਾਂ ਨਵੀਆਂ ਸਥਾਪਨਾਵਾਂ ਤੋਂ ਖੁਸ਼ ਹਨ, ਹਾਲਾਂਕਿ ਇਸਦੀ ਆਦਤ ਪਾਉਣ ਵਿੱਚ ਉਨ੍ਹਾਂ ਨੂੰ ਕੁਝ ਸਮਾਂ ਲੱਗੇਗਾ।ਇਸ ਤੋਂ ਬਿਨ੍ਹਾਂ ਜਲਾਲਾਬਾਦ, ਫਾਜਿ਼਼ਲਕਾ, ਅਰਨੀਵਾਲਾ ਸ਼ੇਖ ਸੁਭਾਨ, ਅਬੋਹਰ ਅਤੇ ਖੂਈਆਂ ਸਰਵਰ ਦੇ ਸਾਰੇ 5 ਬਲਾਕਾਂ ਵਿੱਚ ਮਸ਼ੀਨਾਂ ਦੀ ਵਰਤੋਂ ਸਬੰਧੀ ਪ੍ਰਦਰਸ਼ਨੀ ਸੈਸ਼ਨ ਵੀ ਕਰਵਾਏ ਗਏ।
ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੇ ਅਬੋਹਰ ਦੇ ਕਾਰਜਕਾਰੀ ਇੰਜਨੀਅਰ ਸ੍ਰੀ ਅਮ੍ਰਿਤਪਾਲ ਸਿੰਘ ਭੱਠਲ ਨੇ ਦੱਸਿਆ ਕਿ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ, ਪੰਜਾਬ (ਡਬਲਯੂ.ਐੱਸ.ਐੱਸ.) ਸਵੱਛ ਭਾਰਤ ਮਿਸ਼ਨ (ਗ੍ਰਾਮੀਣ) ਫੇਜ਼-2 ਦੇ ਵੱਖ-ਵੱਖ ਹਿੱਸਿਆਂ ਬਾਰੇ ਪੇਂਡੂ ਲੋਕਾਂ ਤੱਕ ਪਹੁੰਚਣ ਅਤੇ ਲੋੜੀਂਦੀ ਜਾਣਕਾਰੀ ਦਾ ਪ੍ਰਸਾਰ ਕਰਨ ਲਈ ਲਗਾਤਾਰ ਯਤਨ ਕਰ ਰਿਹਾ ਹੈ। ਮਾਹਵਾਰੀ ਸਫਾਈ ਪ੍ਰਬੰਧਨ ਸਵੱਛ ਭਾਰਤ ਮਿਸ਼ਨ (ਗ੍ਰਾਮੀਣ) ਦਾ ਇੱਕ ਅਨਿੱਖੜਵਾਂ ਅੰਗ ਹੈ।
ਉਨ੍ਹਾਂ ਨੇ ਕਿਹਾ ਕਿ ਨੇ ਰਾਜ ਭਰ ਵਿੱਚ 1852 ਕਮਿਊਨਿਟੀ ਸੈਨੇਟਰੀ ਕੰਪਲੈਕਸਾਂ ਦੀ ਉਸਾਰੀ ਲਈ ਫੰਡ ਅਲਾਟ ਕੀਤੇ ਹਨ। ਗ੍ਰਾਮ ਪੰਚਾਇਤਾਂ ਦੇ ਨਾਲ-ਨਾਲ ਜਿ਼਼ਲ੍ਹਾ ਸੈਨੀਟੇਸ਼ਨ ਟੀਮਾਂ ਨੇ ਸਰਗਰਮ ਸ਼ਮੂਲੀਅਤ ਕੀਤੀ ਅਤੇ ਨਵੇਂ ਵਿਚਾਰ ਪੇਸ਼ ਕੀਤੇ, ਵੱਖ-ਵੱਖ ਤਰ੍ਹਾਂ ਦੇ ਕਮਿਊਨਿਟੀ ਸੈਨੇਟਰੀ ਕੰਪਲੈਕਸਾਂ ਦਾ ਨਿਰਮਾਣ ਕੀਤਾ ਅਤੇ ਉਨ੍ਹਾਂ ਨੂੰ ਸੁੰਦਰ ਬਣਾਇਆ। ਸਵੱਛ ਭਾਰਤ ਮਿਸ਼ਨ (ਗ੍ਰਾਮੀਣ) ਅਤੇ 15ਵੇਂ ਵਿੱਤ ਕਮਿਸ਼ਨ ਦੇ ਫੰਡ ਸਵੱਛ ਭਾਰਤ ਮਿਸ਼ਨ (ਗ੍ਰਾਮੀਣ) ਦਿਸ਼ਾ-ਨਿਰਦੇਸ਼ਾਂ ਦੇ ਤਹਿਤ ਲਾਜ਼ਮੀ ਤੌਰ `ਤੇ ਕ੍ਰਮਵਾਰ 2.10 ਲੱਖ ਅਤੇ 0.90 ਲੱਖ ਰੁਪਏ ਦੀ ਵਰਤੋਂ ਇੰਲ੍ਹਾਂ ਦੇ ਨਿਰਮਾਣ ਤੇ ਕੀਤੀ ਜਾ ਰਹੀ ਹੈ। ਕਮਿਊਨਿਟੀ ਸੈਨੀਟਰੀ ਕੰਪਲੈਕਸ ਪਿੰਡਾਂ ਵਿੱਚ ਸਵੱਛਤਾ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨਗੇ ਅਤੇ ਫਲੋਟਿੰਗ/ਪ੍ਰਵਾਸੀ ਆਬਾਦੀ, ਵੱਡੀ ਸੰਗਤ ਆਦਿ ਦੀਆਂ ਸਵੱਛਤਾ ਲੋੜਾਂ ਨੂੰ ਵੀ ਪੂਰਾ ਕਰਨਗੇ।