ਚੰਡੀਗੜ੍ਹ ਕਾਲਜ ਆਫ ਫਾਰਮਸੀ, ਸੀਜੀਸੀ ਲਾਂਡਰਾ ਵਿਖੇ “ਮਨੁੱਖੀ ਬਿਮਾਰੀਆਂ ਨਾਲ ਨਜਿੱਠਣ ਵਿੱਚ ਚੁਣੌਤੀਆਂ: ਇੱਕ ਨਵਾਂ ਦ੍ਰਿਸ਼ਟੀਕੋਣ“ ਵਿਸ਼ੇ ਤੇ ਪੰਜ ਰੋਜ਼ਾ ਫੈਕਲਟੀ ਡਿਵੈਲਪਮੈਂਟ ਪ੍ਰੋਗਰਾਮ(ਐਫਡੀਪੀ) ਦਾ ਆਯੋਜਨ ਕੀਤਾ ਗਿਆ। ਇਸ ਪ੍ਰੋਗਰਾਮ ਦੇ ਉਦਘਾਟਨੀ ਸੈਸ਼ਨ ਮੌਕੇ ਫਾਰਮਸੀ ਅਤੇ ਬਾਇਓਟੈਕਨਾਲੋਜੀ ਵਿਭਾਗਾਂ ਦੇ 50 ਤੋਂ ਵੱਧ ਫੈਕਲਟੀ ਮੈਂਬਰਾਂ ਨੇ ਸ਼ਮੂਲੀਅਤ ਕੀਤੀ।
ਐਫਡੀਪੀ ਦਾ ਮੁੱਖ ਉਦੇਸ਼ ਸੈਸ਼ਨ ਵਿੱਚ ਹਿੱਸਾ ਲੈਣ ਵਾਲੇ ਫੈਕਲਟੀ ਮੈਂਬਰਾਂ ਨੂੰ ਅਧਿਆਪਨ ਦੇ ਤਰੀਕਿਆਂ ਦੇ ਨਾਲ ਨਾਲ ਮਨੁੱਖੀ ਬਿਮਾਰੀਆਂ ਦਾ ਇਲਾਜ ਕਰਨ ਦੀਆਂ ਨਵੀਂਆਂ ਕਾਢਾਂ ਅਤੇ ਉਪਚਾਰਕ ਰਣਨੀਤੀਆਂ ਬਾਰੇ ਜਾਣੂ ਕਰਵਾਉਣਾ ਸੀ।ਇਸ ਤੋਂ ਇਲਾਵਾ ਇਹ ਪ੍ਰੋਗਰਾਮ ਛੂਤ ਦੀਆਂ ਬਿਮਾਰੀਆਂ ਮੈਟਾਬੋਲਿਕ ਡਿਸਓਡਰ ਵਾਲੇ ਪਾਥੋਜੀਨੇਸਿਸ ਪੈਥੋਫਿਜ਼ੀਓਲੋਜੀ ਦੇ ਇਲਾਜ ਲਈ ਵੱਖ ਵੱਖ ਤੌਰ ਤਰੀਕਿਆਂ ਬਾਰੇ ਜਾਣੂ ਕਰਵਾਉਣ ਅਤੇ ਇਨ੍ਹਾਂ ਬਿਮਾਰੀਆਂ ਪ੍ਰਤੀ ਸਮਝ ਨੂੰ ਵਧਾਉਣ ਵਿੱਚ ਵੀ ਲਾਹੇਵੰਦ ਸਾਬਿਤ ਹੋਇਆ।
ਐਫਡੀਪੀ ਸੈਸ਼ਨ ਦੌਰਾਨ ਬੁਲਾਏ ਮੁੱਖ ਬੁਲਾਰਿਆਂ ਅਤੇ ਉਦਯੋਗਿਕ ਮਾਹਰਾਂ ਵੱਲੋਂ ਇਸ ਵਿਸ਼ੇ ਸੰਬੰਧੀ ਆਪਣੇ ਵੱਖ-ਵੱਖ ਵਿਚਾਰ ਸਾਂਝੇ ਕੀਤੇ ਗਏ। ਇਨ੍ਹਾਂ ਵਿੱਚ ਡਾ.ਇਪਸੀਤਾ ਰਾਏ, ਐੱਨਆਈਪੀਈਆਰ ਮੋਹਾਲੀ, ਡਾ.ਮਨੋਜ ਕੁਮਾਰ, ਸੀਨੀਅਰ ਪ੍ਰਿੰਸੀਪਲ ਸਾਇੰਟਿਸਟ, ਇੰਸਟੀਚਿਊਟ ਆਫ ਮਾਈਕ੍ਰੋਬਾਇਲ ਟੈਕਨਾਲੋਜੀ (ਸੀਐੱਸਆਈਆਰ) ਯੂਨਿਟ ਚੰਡੀਗੜ੍ਹ, ਡਾ.ਧਰਮਵੀਰ, ਈਐੱਨਟੀ ਮਾਹਰ, ਪੀਆਈਐੱਮਈਆਰ ਚੰਡੀਗੜ੍ਹ, ਬਾਇਓਫਾਰਮਾਸਿਊਟਿਕਸ ਅਤੇ ਫਾਰਮਾਕੋਕਾਇਨੇਟਿਕਸ, ਕਾਲਜ ਆਫ ਫਾਰਮਸੀ, ਹਾਵਰਡ ਯੂਨੀਵਰਸਿਟੀ, ਵਸ਼ਿੰਗਟਨ ਡੀਸੀ ਦੇ ਪ੍ਰੋਫੈਸਰ ਡਾ ਕ੍ਰਿਸ਼ਨ ਕੁਮਾਰ, ਡਾ ਅਮ੍ਰਿੰਤਿੰਦਰ ਕੌਰ ਗ੍ਰੀਸੀਅਨ ਹਸਪਤਾਲ, ਸ੍ਰੀ ਕਰੁਣ ਕਟਾਰੀਆਂ, ਮੈਨੇਜਰ ਕਵਾਲਟੀ ਐਸ਼ੌਰੰਸ, ਡਾ.ਰੇਡੀਜ਼ ਲੈਬੋਰੇਟੀਜ਼, ਚੰਡੀਗੜ੍ਹ ਆਦਿ ਨੇ ਹਾਜ਼ਰੀ ਲਗਾਈ।