Web Admin

5 ਦਰਿਆ ਨਿਊਜ਼ (ਅਜੈ ਪਾਹਵਾ)

ਲੁਧਿਆਣਾ , 11 Apr 2014

Last updated on: Apr 11, 2014, 00:00 IST

ਲੋਕ ਸਭਾ ਹਲਕਾ ਲੁਧਿਆਣਾ ਤੋ ਆਜ਼ਾਦ ਉਮੀਦਵਾਰ ਵਜ਼ੋ ਚੋਣ ਲੜ ਰਹੇ ਸਿਮਰਜੀਤ ਸਿੰਘ ਬੈਂਸ ਦੇ ਹੱਕ ਵਿੱਚ ਚੋਣ ਪ੍ਰਚਾਰ ਕਰਨ ਲਈ ਉਹਨਾਂ ਦੇ ਭਰਾ ਅਤੇ ਵਿਧਾਇਕ ਬਲਵਿੰਦਰ ਸਿੰਘ ਬੈਂਸ ਨੇ ਅੱਜ ਹਲਕਾ ਗਿੱਲ ਦੇ ਪਿੰਡ ਡੇਹਲੋ ਵਿਖੇ ਮੁੱਖ ਚੋਣ ਦਫਤਰ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਵਿਸ਼ਾਲ ਇਕੱਠ ਨੂੰ ਸੰਬੋਧਨ ਕਰਦਿਆਂ ਸ. ਸਿਮਰਜੀਤ ਸਿੰਘ ਬੈਂਸ ਨੇ ਕਿਹਾ ਕਿ ਮੇਰੇ ਕੰਮ ਰੁਕਵਾਉਣ ਸਬੰਧੀ ਧਮਕਾਉਣ ਵਾਲਾ ਭਾਸ਼ਨ ਦੇਣ ਵਾਲੇ ਅਕਾਲੀ ਉਮੀਦਵਾਰ ਸ਼ਾਇਦ ਇਹ ਨਹੀ ਜਾਣਦੇ ਕਿ ਮੈਂ ਕਦੇ ਆਪਣਾ ਕੰਮ ਨਹੀ ਕਰਵਾਇਆ ਸਗੋ ਮੈਂ ਤਾਂ ਲੋਕਾਂ ਦੇ ਕੰਮ ਕਰਵਾਉਦਾ ਹਾਂ ਅਤੇ ਲੋਕਾਂ ਦੇ ਕੰਮ ਬੰਦ ਕਰਵਾਉਣ ਦੀ ਗੱਲ ਕਰਨ ਵਾਲੇ ਅਕਾਲੀ ਉਮੀਦਵਾਰ ਕਿਹੜੇ ਮੂੰਹ ਨਾਲ ਲੋਕਾਂ ਤੋ ਵੋਟਾਂ ਮੰਗ ਰਹੇ ਹਨ ਅਤੇ ਕਿਹੜੇ ਮੂੰਹ ਨਾਲ ਨਤੀਜੇ ਪਹਿਲਾਂ ਹੀ ਆਪਣੀ ਜਿੱਤ ਦੀ ਭਵਿੱਖ ਵਾਣੀ ਕਰ ਰਹੇ ਹਨ। ਆਪਣੇ ਹੀ ਅੰਦਾਜ ਵਿੱਚ ਮੁਸਕੁਰਾ ਕੇ ਅਕਾਲੀ ਉਮੀਦਵਾਰ ਤੇ ਟਿੱਪਣੀ ਕਰਦਿਆਂ ਸ. ਬੈਂਸ ਨੇ ਕਿਹਾ ਕਿ ਉਹਨਾਂ ਦੀ ਤੈਅ ਹਾਰ ਵੇਖਕੇ ਤਾਂ ਅਕਾਲੀ ਦਲ ਸਰਪ੍ਰਸਤ ਲੁਧਿਆਣਾ ਤੋ ਉਮੀਦਵਾਰ ਬਦਲਣ ਵਾਲੇ ਵਿਚਾਰ ਵੀ ਕਰ ਚੁੱਕੇ ਹਨ। ਇਸ ਮੌਕੇ ਇਲਾਕਾ ਨਿਵਾਸੀਆਂ ਵੱਲੋ ਸ. ਬੈਂਸ ਦੀ ਹਮਾਇਤ ਦੇ ਐਲਾਨ ਕਰਨ ਬਾਅਦ ਸਨਮਾਨਿਤ ਕੀਤਾ ਗਿਆ। ਮੀਟਿੰਗ ਵਿੱਚ ਵੱਡੀ ਗਿਣਤੀ 'ਚ ਲਾਗਲੇ ਇਲਾਕਿਆਂ ਦੇ ਪਤਵੰਤੇ ਸੱਜਣ ਤੇ ਵੱਡੀ ਗਿਣਤੀ 'ਚ ਸਮਰਥਕ ਹਾਜ਼ਿਰ ਸਨ।