ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (ਐੱਲ. ਪੀ. ਯੂ.) ਦੇ ਯੁਵਾ ਮਾਮਲਿਆਂ ਦੇ ਵਿਭਾਗ ਨੇ ਅੱਜ ਸ਼ਾਂਤੀ ਦੇਵੀ ਮਿੱਤਲ ਆਡੀਟੋਰੀਅਮ ਵਿਖੇ 'ਮਹਿਲਾ ਸਸ਼ਕਤੀਕਰਨ ਸੰਮੇਲਨ-2022' ਦਾ ਆਯੋਜਨ ਕੀਤਾ, ਜਿੱਥੇ ਰਾਸ਼ਟਰੀ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਸ੍ਰੀਮਤੀ ਰੇਖਾ ਸ਼ਰਮਾ ਨੇ ਹਜ਼ਾਰਾਂ ਵਿਦਿਆਰਥਣਾਂ ਅਤੇ ਮਹਿਲਾ ਸਟਾਫ ਨਾਲ ਗੱਲਬਾਤ ਕੀਤੀ। ਸ਼੍ਰੀਮਤੀ ਸ਼ਰਮਾ ਨੇ ਸਾਰੀਆਂ ਐਲਪੀਯੂ ਅਤੇ ਭਾਰਤੀ ਔਰਤਾਂ ਨੂੰ ਇੱਕ ਚੰਗਾ ਜੀਵਨ ਜਿਉਣ ਲਈ ਸਮਾਜਿਕ, ਰਾਜਨੀਤਿਕ ਅਤੇ ਵਿੱਤੀ ਤੌਰ 'ਤੇ ਸਸ਼ਕਤ ਹੋਣ ਦਾ ਸੱਦਾ ਦਿੱਤਾ।ਗੱਲਬਾਤ ਕਰਦੇ ਹੋਏ, ਚੇਅਰਪਰਸਨ ਸ਼੍ਰੀਮਤੀ ਸ਼ਰਮਾ ਨੇ ਸਾਰੀਆਂ ਔਰਤਾਂ ਨੂੰ ਉਹਨਾਂ ਦੇ ਕੰਮਾਂ ਵਿੱਚ ਜਿਕਰਯੋਗ ਮੁਕਾਮ ਹਾਸਿਲ ਕਰਕੇ ਸਮਾਜਿਕ ਤੌਰ 'ਤੇ ਸਸ਼ਕਤ ਦੇਖਣ ਦੀ ਇੱਛਾ ਜ਼ਾਹਰ ਕੀਤੀ। ਸ਼੍ਰੀਮਤੀ ਸ਼ਰਮਾ ਨੇ ਐਲਪੀਯੂ ਦੀਆਂ ਔਰਤਾਂ ਨੂੰ ਉਨ੍ਹਾਂ ਦੀਆਂ ਵੱਖ-ਵੱਖ ਪ੍ਰਾਪਤੀਆਂ ਲਈ ਦੂਜਿਆਂ ਦੁਆਰਾ ਧਿਆਨ ਵਿੱਚ ਲਿਆਉਣ ਲਈ ਜਾਗਰੂਕ ਕੀਤਾ। ਵਰਤਮਾਨ ਉਹਨਾਂ ਲਈ ਵੱਡੇ ਸੁਪਨਿਆਂ ਦੀ ਕਲਪਨਾ ਨਾਲ ਉੱਚੀ ਉਡਾਣ ਭਰਨ ਦਾ ਹੈ। ਉਹ ਇਹ ਵੀ ਚਾਹੁੰਦੀ ਹਨ ਕਿ ਮਹਿਲਾਵਾਂ ਨੌਕਰੀ ਕਰ ਕੇ ਜਾਂ ਕਾਰੋਬਾਰਾਂ ਦੀ ਮਾਲਕ ਬਣ ਕੇ ਆਪਣੇ ਖਰਚੇ ਝੱਲਣ ਦੇ ਯੋਗ ਹੋਣ। ਇਸ ਦੇ ਲਈ ਔਰਤਾਂ ਨੂੰ ਸਿੱਖਿਆ, ਸਾਧਨ ਅਤੇ ਮੌਕੇ ਹੋਣੇ ਚਾਹੀਦੇ ਹਨ। ਇਸ ਨਾਲ ਦੇਸ਼ ਦੀ ਜੀਡੀਪੀ ਨੂੰ ਵੀ ਵੱਡਾ ਹੁਲਾਰਾ ਮਿਲ ਸਕਦਾ ਹੈ।
ਇਸ ਤੋਂ ਇਲਾਵਾ, ਸ਼੍ਰੀਮਤੀ ਸ਼ਰਮਾ ਇਹ ਵੀ ਚਾਹੁੰਦੀ ਹੈ ਕਿ ਔਰਤਾਂ ਆਪਣੇ ਆਲੇ-ਦੁਆਲੇ ਚੰਗਾ ਵਾਪਰਦਾ ਨਾ ਦੇਖ ਕੇ ਵਿਰਲਾਪ ਕਰਨ ਦੀ ਬਜਾਏ ਖੁਦ ਬਦਲਾਅ ਅਤੇ ਕਾਨੂੰਨ ਨਿਰਮਾਤਾ ਬਣਨ। ਉਨ੍ਹਾਂ ਕੋਲ ਇਸ ਬਾਰੇ ਸੋਚਣ, ਫੈਸਲਾ ਕਰਨ ਅਤੇ ਲਾਗੂ ਕਰਨ ਦੀ ਸ਼ਕਤੀ ਹੋਣੀ ਚਾਹੀਦੀ ਹੈ। ਵੋਟਿੰਗ ਅਤੇ ਵੋਟ ਦੇ ਅਧਿਕਾਰਾਂ ਬਾਰੇ ਜਾਗਰੂਕ ਕਰਦੇ ਹੋਏ, ਉੰਨਾਂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਮਰਦ ਔਰਤਾਂ ਨੂੰ ਵੋਟ ਪਾਉਣ ਅਤੇ ਸਿਸਟਮ ਨੂੰ ਚਲਾਉਣ ਲਈ ਚੁਣਨ । ਜੇਕਰ ਉਹ ਢੁਕਵੇਂ ਢੰਗ ਨਾਲ ਘਰ ਚਲਾਉਂਦਿਆਂ ਹਨ, ਤਾਂ ਉਹ ਰਾਸ਼ਟਰੀ/ਰਾਜ ਇਕਾਈਆਂ ਅਤੇ ਸੰਸਥਾਵਾਂ ਤੇ ਵੀ ਸ਼ਾਸਨ ਕਰ ਸਕਦਿਆਂ ਹਨ।ਇੱਥੇ, ਸ਼੍ਰੀਮਤੀ ਸ਼ਰਮਾ ਨੇ ਉਜਾਗਰ ਕੀਤਾ ਕਿ ਅਜਿਹੇ ਸਸ਼ਕਤੀਕਰਨ ਨਾਲ; ਭਾਰਤ ਤੇਜ਼ੀ ਨਾਲ ਬਦਲ ਰਿਹਾ ਹੈ, ਅਤੇ ਜਲਦੀ ਹੀ ਵਿਸ਼ਵ ਦੀ ਇੱਕ ਮਹਾਂਸ਼ਕਤੀ ਵਜੋਂ ਗਿਣਿਆ ਜਾਵੇਗਾ। ਭਾਰਤ ਨੇ ਕੋਵਿਡ-19 ਮਹਾਂਮਾਰੀ ਨੂੰ ਵਿਸ਼ਵ ਵਿੱਚ ਸਭ ਤੋਂ ਪਹਿਲਾਂ ਕੇਵਲ ਪੁਰਸ਼ਾਂ ਅਤੇ ਔਰਤਾਂ ਦੇ ਬਰਾਬਰ ਦੇ ਸਾਂਝੇ ਯਤਨਾਂ ਕਾਰਨ ਕਾਬੂ ਕੀਤਾ। ਇਸ ਮੌਕੇ 'ਤੇ ਸ਼੍ਰੀਮਤੀ ਸ਼ਰਮਾ ਨੇ ਐਲਪੀਯੂ ਵਿਖੇ ਸੈਂਕੜੇ ਮਹਿਲਾ ਵਲੰਟੀਅਰਾਂ ਨੂੰ ਸਮਾਜ ਵਿੱਚ ਇੱਕ ਫਰਕ ਲਿਆਉਣ ਲਈ ਉਨ੍ਹਾਂ ਦੀ ਸ਼ਾਨਦਾਰ ਵਚਨਬੱਧਤਾ ਲਈ ਸਨਮਾਨਿਤ ਵੀ ਕੀਤਾ। ਇਨ੍ਹਾਂ ਸਾਰਿਆਂ ਨੇ ਵੱਖ-ਵੱਖ ਸਮਾਜਕ ਤੌਰ 'ਤੇ ਲਾਭਦਾਇਕ ਪ੍ਰੋਜੈਕਟਾਂ ਵਿੱਚ ਹਿੱਸਾ ਲਿਆ ਸੀ।
ਸ਼੍ਰੀਮਤੀ ਸ਼ਰਮਾ ਨੇ ਐਲਪੀਯੂ ਪ੍ਰਬੰਧਨ ਨੂੰ ਇਹ ਵੀ ਭਰੋਸਾ ਦਿੱਤਾ ਕਿ ਉੰਨਾਂ ਦੇ ਕਮਿਸ਼ਨ ਨਾਲ ਸਬੰਧਤ ਪ੍ਰੋਜੈਕਟਾਂ ਅਤੇ ਐਲਪੀਯੂ ਵਿਚਾਲੇ ਭਵਿੱਖ ਵਿੱਚ ਵੀ ਮਿਲ ਕੇ ਕੰਮ ਕਰਨਾ ਜਾਰੀ ਰੱਖਣਗੇ।'ਸਮਿਟ' ਦੀ ਪ੍ਰਧਾਨਗੀ ਐਲਪੀਯੂ ਦੇ ਚਾਂਸਲਰ ਸ਼੍ਰੀ ਅਸ਼ੋਕ ਮਿੱਤਲ ਨੇ ਕੀਤੀ। ਉਚੇਚੇ ਮਹਿਮਾਨ ਦਾ ਸੁਆਗਤ ਕਰਦੇ ਹੋਏ, ਉਨ੍ਹਾਂ ਨੇ ਸ਼੍ਰੀਮਤੀ ਸ਼ਰਮਾ ਨੂੰ ਕਮਿਸ਼ਨ ਦੀ ਚੇਅਰ 'ਤੇ ਹੋਣ ਕਾਰਨ ਕੀਤੇ ਗਏ ਸ਼ਾਨਦਾਰ ਕੰਮਾਂ ਲਈ ਇੱਕ ਬਦਲਾਅ ਨਿਰਮਾਤਾ ਅਤੇ ਸ਼ਕਤੀਸ਼ਾਲੀ ਮਹਿਲਾ ਵਜੋਂ ਜਾਣੂ ਕਰਵਾਇਆ। ਮਿਸਟਰ ਮਿੱਤਲ ਨੇ ਮਹਿਮਾਨ ਨੂੰ ਇਹ ਵੀ ਨੋਟ ਕਰਵਾਇਆ ਕਿ ਐਲਪੀਯੂ ਦੀਆਂ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਔਰਤਾਂ ਉੱਦਮਤਾ, ਕਾਰਪੋਰੇਟ ਨੌਕਰੀਆਂ, ਸਮਾਜਿਕ ਜਾਗਰੂਕਤਾ ਅਤੇ ਓਲੰਪਿਕ ਵਰਗੀਆਂ ਖੇਡਾਂ ਸਮੇਤ ਆਪੋ-ਆਪਣੇ ਖੇਤਰਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀਆਂ ਹਨ। ਉੰਨਾਂ ਨੇ ਇਹ ਵੀ ਉਮੀਦ ਜਤਾਈ ਕਿ ਸ਼੍ਰੀਮਤੀ ਸ਼ਰਮਾ ਕੈਂਪਸ ਵਿੱਚ ਹੋਰ ਮਹਿਲਾ-ਅਨੁਕੂਲ ਪ੍ਰੋਜੈਕਟਾਂ ਨੂੰ ਅੱਗੇ ਵੀ ਲਾਂਚ ਕਰਨ ਵਿੱਚ ਐਲਪੀਯੂ ਦਾ ਮਾਰਗਦਰਸ਼ਨ ਕਰਨਾ ਜਾਰੀ ਰੱਖੇਗੀ। ਸ਼੍ਰੀ ਮਿੱਤਲ ਦੇ ਨਾਲ ਪ੍ਰੋ-ਚਾਂਸਲਰ ਸ਼੍ਰੀਮਤੀ ਰਸ਼ਮੀ ਮਿੱਤਲ ਅਤੇ ਪ੍ਰੋ-ਵਾਈਸ-ਚਾਂਸਲਰ ਪ੍ਰੋ.ਡਾ. ਸੰਜੇ ਮੋਦੀ ਵੀ ਮੌਜੂਦ ਸਨ।