ਚਿਤਕਾਰਾ ਯੂਨਵਰਸਿਟੀ ਪੰਜਾਬ ਨੇ ਜੇਮਿਨੀ ਸਲਿਊਸ਼ਨਜ਼ ਦੇ ਨਾਲ ਇੱਕ ਸਮਝੌਤੇ(ਐਮਓਯੂ) ਉੱਤੇ ਹਸਤਾਖ਼ਰ ਕੀਤੇ ਹਨ। ਇਸ ਮੌਕੇ ਜੇਮਿਨੀ ਅੰਬੈਸਡਰ ਪ੍ਰੋਗਰਾਮ ਦੀ ਵੀ ਸ਼ੁਰੂਆਤ ਕੀਤੀ ਗਈ। ਜਿਸ ਨਾਲ ਵਿਦਿਆਰਥੀਆਂ ਨੂੰ ਤਕਨਾਲੋਜੀ ਦੇ ਖੇਤਰ ਵਿੱਚ ਬਿਹਤਰ ਮੌਕੇ ਪ੍ਰਦਾਨ ਹੋਣਗੇ। ਇਹ ਸਮਝੌਤਾ ਚਿਤਕਾਰਾ ਯੂਨੀਵਰਸਿਟੀ ਅਤੇ ਜੇਮਿਨੀ ਸਲਿਊਸ਼ਨਜ਼ ਦੇ ਵਿਚਕਾਰ ਬਿਹਤਰ ਤਾਲਮੇਲ ਦਾ ਮਰਗ ਦਰਸ਼ਨ ਕਰੇਗਾ ਅਤੇ ਉਨਾਂ ਦੇ ਹਰੇਕ ਸਰੋਤ ਦੀ ਵਧੇਰੇ ਪ੍ਰਭਾਵਸ਼ਾਲੀ ਵਰਤੋਂ ਨੂੰ ਉਤਸ਼ਾਹਿਤ ਕਰੇਗਾ।ਜੇਮਿਨੀ ਸਲਿਊਸ਼ਨਜ਼ ਦੇ ਉੱਪ ਪ੍ਰਧਾਨ ਸੌਮੇਂਦਰ ਨਾਥ ਰੇਅ ਦੀ ਹਾਜ਼ਰੀ ਵਿੱਚ ਟੈਕਨਾਲੋਜੀ ਸਲਿਊਸ਼ਨਜ਼ ਐਸੋਸੀਏਟ ਆਰਕੀਟੈਕਟ ਅਕਸ਼ੇ ਗੁਪਤਾ, ਅਸਿਸਟੈਂਟ ਵਾਈਸ ਪ੍ਰਧਾਨ ਅੰਜੂ ਸੂਰੀ, ਟੈਕਨਾਲੋਜੀ ਸਲਿਊਸ਼ਨਜ਼ ਮੈਨੇਜਰ ਰਿਚਾ ਖੱਤਰੀ, ਲੀਡ ਯੂਆਈ/ਯੂਐਕਸ ਇੰਜਨੀਅਰ ਵਿਨੀਤ ਗੁਪਤਾ ਅਤੇ ਜੇਮਿਨੀ ਸਲਿਊਸ਼ਨਜ਼ ਪ੍ਰਾਈਵੇਟ ਲਿਮਟਿਡ ਦੇ ਸਹਾਇਕ ਐਚਆਰ ਮੈਨੇਜਰ ਅਸ਼ਨਾ ਖੁਰਾਣਾ ਦੀ ਮੌਜੂਦਗੀ ਵਿੱਚ ਇਸ ਸਮਝੌਤੇ ਉੱਤੇ ਦਸਤਖ਼ਤ ਕੀਤੇ ਗਏ। ਚਿਤਕਾਰਾ ਯੂਨੀਵਰਸਿਟੀ ਵੱਲੋਂ ਕੈਰੀਅਰ ਐਂਡਵਾਸਮੈਂਟ ਸਰਵਿਸ਼ਿਜ਼ ਦੇ ਡਾਇਰੈਕਟਰ ਰੋਮਾ ਸਿੰਘ ਮੌਜੂਦ ਸਨ।ਜੇਮਿਨੀ ਸਲਿਊਸ਼ਨਜ਼ ਕੰਪਿਊਟਰ ਵਿਗਿਆਨ, ਸੂਚਨਾ ਤਕਨਾਲੋਜੀ ਆਦਿ ਸਬੰਧਿਤ ਖੇਤਰਾਂ ਅਤੇ ਬੀਟੈੱਕ ਦੇ ਖੇਤਰ ਵਿੱਚ ਵਪਾਰ ਅਤੇ ਖੋਜ ਦੇ ਵਿਕਾਸ ਲਈ ਸਰਗਰਮ ਹੈ। ਜੇਮਿਨੀ ਅੰਬੈਸਡਰ ਪ੍ਰੋਗਰਾਮ ਜੇਮਿਨੀ ਸਲਿਊਸ਼ਨਜ਼ ਦੁਆਰਾ ਇਸ ਉਦੇਸ਼ ਨਾਲ ਆਰੰਭ ਕੀਤਾ ਗਿਆ ਹੈ, ਜਿਸ ਤਹਿਤ ਅਜਿਹੇ ਵਰਕ ਫੋਰਸ ਨੂੰ ਤਿਆਰ ਕੀਤਾ ਜਾ ਸਕੇ, ਜਿਸ ਵਿੱਚ ਤਕਨਾਲੋਜੀ ਰਾਹੀਂ ਬਦਲਾਓ ਲਿਆਂਦਾ ਜਾ ਸਕੇ।
ਇਹ ਪਾਠਕ੍ਰਮ ਵਿਦਿਆਰਥੀਆਂ ਦੇ ਹੁਨਰ ਨੂੰ ਹੋਰ ਨਿਖਾਰਨ ਦੇ ਨਾਲ ਨਾਲ ਆਪਣੀ ਪੇਸ਼ੇਵਰ ਵਿਕਾਸ ਵਿੱਚ ਵੀ ਮੱਦਦ ਕਰੇਗਾ।ਅੱਜ ਹਸਤਾਖਰ ਕੀਤੇ ਸਮਝੌਤੇ ਅਨੁਸਾਰ ਚਿਤਕਾਰਾ ਯੂਨੀਵਰਸਿਟੀ ਅਤੇ ਜੇਮਿਨੀ ਸਲਿਊਸ਼ਨਜ਼ ਹੁਨਰ ਆਧਾਰਿਤ ਸਿਖਲਾਈ ਸਿੱਖਿਆ, ਪਲੇਸਮੈਂਟ, ਉਦਯੋਗਿਕ ਸਿਖਲਾਈ, ਉਦਯੋਗਿਕ ਟੂਰ ਅਤੇ ਮਾਹਿਰਾਂ ਦੇ ਲੈਕਚਰਾਂ ਦੇ ਖੇਤਰ ਵਿੱਚ ਆਪਸੀ ਸਹਿਯੋਗ ਉੱਤੇ ਕੇਂਦਰਿਤ ਕਰਨ ਵਿੱਚ ਮੱਦਦ ਕਰਨਗੇ।ਇਸ ਸਮਝੌਤੇ ਅਧੀਨ ਛੇਂਵੇ ਸਮੈਸਟਰ ਦੇ ਵਿਦਿਆਰਥੀਆਂ ਨੂੰ 30 ਦਿਨਾਂ ਦੇ ਲਈ ਬਿਨਾਂ ਕਿਸੇ ਫ਼ੀਸ ਤੋਂ ਮੁਫ਼ਤ ਸਿਖਲਾਈ ਵਿੱਚ ਸ਼ਾਮਿਲ ਹੋਣ ਦਾ ਮੌਕਾ ਮਿਲੇਗਾ। ਜਿਸ ਵਿੱਚ ਉਨਾਂ ਨੂੰ ਆਟੋਮੇਸ਼ਨ ਟੈਸਟਿੰਗ ਦੀ ਸਿਖਲਾਈ ਦਿੱਤੀ ਜਾਵੇਗੀ। ਵਿਦਿਆਰਥੀਆਂ ਨੂੰ ਅਸਲ ਸਮੇਂ ਦੇ ਪ੍ਰਾਜੈਕਟਾਂ ਉੱਤੇ ਅਸਾਈਨਮੈਂਟ ਵੀ ਮਿਲਣਗੇ, ਜਿਸ ਵਿੱਚ ਉਨਾਂ ਨੂੰ ਖ਼ੁਦ ਨੂੰ ਟੈਸਟ ਕਰਨ ਦਾ ਮੌਕਾ ਮਿਲੇਗਾ। ਸਫ਼ਲਤਾ ਪੂਰਵਕ ਪ੍ਰੀਖਿਆ ਪੂਰੀ ਕਰਨ ਮਗਰੋਂ ਵਿਦਿਆਰਥੀਆਂ ਨੂੰ ਕੰਪਨੀ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲੇਗਾ।ਚਿਤਕਾਰਾ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਨੂੰ ਇਸ ਇਕਰਾਰਨਾਮੇ ਤਹਿਤ ਹੋਣ ਵਾਲੀ ਉਦਯੋਗਿਕ ਸਿਖਲਾਈ, ਉਦਯੋਗਿਕ ਟੂਰਾਂ ਵਿੱਚ ਵੀ ਲਾਭ ਮਿਲੇਗਾ। ਜੇਮਿਨੀ ਸਲਿਊਸ਼ਨਜ਼ ਉਦਯੋਗ ਖੇਤਰ ਵਿੱਚ ਹੋਣ ਵਾਲੇ ਨਵੀਨਤਮ ਵਿਕਾਸ ਅਤੇ ਉਨਾਂ ਦੀਆਂ ਲੋੜਾਂ ਬਾਰੇ ਜਾਣਕਾਰੀ ਪ੍ਰਦਾਨ ਕਰੇਗਾ ਅਤੇ ਵਿਦਿਆਰਥੀਆਂ ਨੂੰ ਉਦਯੋਗਿਕ ਸਿਖਲਾਈ ਪ੍ਰੋਗਰਾਮ ਵਿੱਚ ਸ਼ਾਮਿਲ ਕੀਤਾ ਜਾਵੇਗਾ। ਪਾਠਕ੍ਰਮ ਰਾਹੀਂ ਵਿਦਿਆਰਥੀਆਂ ਦਾ ਆਤਮ ਵਿਸ਼ਵਾਸ ਵੀ ਵਧੇਗਾ ਅਤੇ ਇਹ ਉਨਾਂ ਦੇ ਯੂਨੀਵਰਸਿਟੀ ਦੇ ਵਿਦਿਆਰਥੀ ਜੀਵਨ ਵਿੱਚ ਵਾਸਤਵਿਕ ਉਦਯੋਗਿਕ ਕਾਰਜ ਜੀਵਨ ਵਿੱਚ ਮੱਦਦ ਕਰੇਗਾ।