ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਸੰਜੀਵ ਵਿਸ਼ਿਸ਼ਟ ਦੀ ਚੋਣ ਮੁਹਿੰਮ ਵਿਚ ਬੀ ਜੇ ਪੀ ਪੰਜਾਬ ਦੇ ਇੰਚਾਰਜ ਦੁਸ਼ਯੰਤ ਕੁਮਾਰ ਗੌਤਮ ਅਤੇ ਸੁਭਾਸ਼ ਸ਼ਰਮਾ, ਮਹਾ ਮੰਤਰੀ ਭਾਜਪਾ, ਪੰਜਾਬ ਪਾਰਟੀ ਮੈਂਬਰਾਂ ਅਤੇ ਮੋਹਾਲੀ ਨਿਵਾਸੀਆਂ ਨਾਲ ਗੱਲਬਾਤ ਕਰਨ ਲਈ ਪਹੁੰਚੇ । ਇਸ ਮੌਕੇ ਤੇ ਹਾਜ਼ਰ ਇਕੱਠ ਨਾਲ ਗੱਲਬਾਤ ਕਰਦੇ ਹੋਏ ਦੁਸ਼ਯੰਤ ਗੌਤਮ ਨੇ ਕਿਹਾ ਕਿ ਪੰਜਾਬ ਚੋਣਾਂ ਵਿਚ ਭਾਜਪਾ ਦਾ ਮੁੱਦਾ ਸੂਬੇ ਦਾ ਵਿਕਾਸ ਅਤੇ ਦੇਸ਼ ਦੀ ਸੁਰੱਖਿਆ ਹੀ ਅਹਿਮ ਮੁੱਦਾ ਹੈ। ਗੌਤਮ ਨੇ ਕਿਹਾ ਕਿ ਪੰਜਾਬ ਦੀ 600 ਕਿੱਲੋਮੀਟਰ ਦੇ ਕਰੀਬ ਸਰਹੱਦ ਪਾਕਿਸਤਾਨ ਨਾਲ ਲੱਗਦੀ ਹੈ। ਜਿਸ ਤਰਾਂ ਨਾਲ ਕਾਂਗਰਸ ਦੇ ਰਾਜ ਵਿਚ ਲਗਾਤਾਰ ਪਾਕਿਸਤਾਨ ਦੀਆਂ ਏਜੰਸੀਆਂ ਪੰਜਾਬ ਦਾ ਮਾਹੌਲ ਖ਼ਰਾਬ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ । ਉਸ ਨਾਲ ਦੇਸ਼ ਦੀ ਸੁਰੱਖਿਆ ਲਈ ਪੰਜਾਬ ਵਿਚ ਸਥਾਈ ਅਤੇ ਮਜ਼ਬੂਤ ਸਰਕਾਰ ਦਾ ਹੋਣਾ ਜ਼ਰੂਰੀ ਹੈ। ਜੇਕਰ ਕੇਂਦਰ ਵਾਂਗ ਪੰਜਾਬ ਵਿਚ ਵੀ ਭਾਜਪਾ ਸਰਕਾਰ ਆਉਂਦੀ ਹੈ ਤਾਂ ਪੰਜਾਬ ਨੂੰ ਡਬਲ ਇੰਜਨ ਵਾਲੀ ਸਰਕਾਰ ਮਿਲ ਜਾਵੇਗੀ।ਗੌਤਮ ਨੇ ਪੰਜਾਬ ਵਿਚ ਭਾਜਪਾ ਸਰਕਾਰ ਆਉਣ ਤੇ ਸੂਬੇ ਵਿਚੋਂ ਮਾਫ਼ੀਆ ਰਾਜ ਖ਼ਤਮ ਕਰਨ ਦੀ ਗੱਲ ਵੀ ਕਹੀ। ਦੁਸ਼ਯੰਤ ਗੌਤਮ ਦੇ ਕਿਹਾ ਕਿ ਆਰਥਿਕ ਰੂਪ ਵਿਚ ਪੰਜਾਬ ਦੀ ਹਾਲਤ ਬਦਤਰ ਹੁੰਦੀ ਜਾ ਰਹੀ ਹੈ। ਤਿੰਨ ਲੱਖ ਕਰੋ ਰੁਪਏ ਦੇ ਬੋਝ ਥੱਲੇ ਪੰਜਾਬ ਵਿਚ ਮਾਫ਼ੀਆ ਦਾ ਰਾਹ ਚਲਦਾ ਹੈ ਜਿਨ੍ਹਾਂ ਵਿਚ ਲੈਂਡ ਮਾਫ਼ੀਆ, ਰੇਤ ਮਾਫ਼ੀਆ ਅਤੇ ਡਰੱਗ ਮਾਫ਼ੀਆ ਪ੍ਰਮੁੱਖ ਹਨ। ਜਿਨ੍ਹਾਂ ਦੀ ਸਰਪ੍ਰਸਤੀ ਕਾਂਗਰਸ ਦੇ ਲੀਡਰ ਕਰ ਰਹੇ ਹਨ। ਇਨਾ ਸਭ ਤੋਂ ਮੁਕਤੀ ਅਤੇ ਆਰਥਿਕ ਰੂਪ ਵਿਚ ਪਛੜ ਰਹੇ ਪੰਜਾਬ ਦਾ ਸਹੀ ਵਿਕਾਸ ਪੰਜਾਬ ਵਿਚ ਭਾਜਪਾ ਦੀ ਸਰਕਾਰ ਆਉਣ ਤੇ ਹੀ ਕੀਤਾ ਜਾ ਸਕਦਾ ਹੈ।
ਗੌਤਮ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਪੰਜਾਬ ਨਾਲ ਖ਼ਾਸ ਲਗਾਓ ਦੱਸਦੇ ਹੋਏ ਨਰਿੰਦਰ ਮੋਦੀ ਵੱਲੋਂ ਪੰਜਾਬ ਦੀ ਭਲਾਈ ਲਈ ਕੀਤੇ ਗਏ ਕੰਮਾਂ ਦੀ ਵੀ ਜਾਣਕਾਰੀ ਸਾਂਝੀ ਕੀਤੀ। ਇਸ ਸਿਲਸਿਲੇ ਵਿਚ ਚਾਰ ਸ਼ਹਿਜ਼ਾਦਿਆਂ ਦੀ ਸ਼ਹਾਦਤ ਦੀ ਯਾਦ ਵਿਚ 26 ਦਸੰਬਰ ਨੂੰ ਵੀਰ ਬਾਲ ਦਿਵਸ ਘੋਸ਼ਿਤ ਕਰਨਾ, ਸ਼੍ਰੀ ਹਰਮਿੰਦਰ ਸਾਹਿਬ ਨੂੰ ਵਿਦੇਸ਼ੀ ਦਾਨ ਹਾਸਿਲ ਕਰਨ ਲਈ ਐਫ ਸੀ ਆਰ ਏ ਦੀ ਮਨਜ਼ੂਰੀ ਦੇਣ, ਗੁਰਦੁਆਰਿਆਂ ਵਿਚ ਚੱਲਣ ਵਾਲੇ ਲੰਗਰ ਨੂੰ ਜੀ ਐੱਸ ਟੀ ਤੋਂ ਮੁਕਤ ਕਰਨਾ, ਕਰਤਾਰਪੁਰ ਕੈਰੀਡੋਰ ਬਣਾਉਣ, ਜੱਲਿਆਂਵਾਲਾ ਬਾਗ ਦੇ ਬਿਹਤਰੀਨ ਨਿਰਮਾਣ ਕਰਨ ਅਤੇ ਗੁਰੁ ਗੋਬਿੰਦ ਸਿੰਘ ਜੀ ਦੇ 350 ਸਾਲਾ ਪ੍ਰਕਾਸ਼ ਉਤਸਵ ਮਨਾਉਣ ਦਾ ਹਵਾਲਾ ਦਿਤਾ।ਕਾਂਗਰਸ ਪਾਰਟੀ ਦੇ ਵਰ੍ਹਦੇ ਹੋਏ ਗੌਤਮ ਨੇ ਕਿਹਾ ਕਿ ਪਿਛਲੇ ਪੰਜ ਸਾਲਾਂ ਵਿਚ ਕਾਂਗਰਸ ਦੇ ਰਾਜ ਵਿਚ ਪੰਜਾਬ ਦੀ ਹਾਲਤ ਬਹੁਤ ਖ਼ਰਾਬ ਹੋ ਗਈ ਹੈ। ਜਦ ਕਿ ਸਰਕਾਰ ਵੀ ਗੁੰਡਾ ਰਾਜ ਦੇ ਸਹਾਰੇ ਚੱਲ ਰਹੀ ਹੈ, ਕਿਉਂਕਿ ਇਸ ਸਾਰੇ ਲੀਡਰ ਗੁੰਡਾਗਰਦੀ ਦੇ ਸਰਪ੍ਰਸਤ ਹਨ। ਮੋਹਾਲੀ ਦੇ ਕਾਂਗਰਸੀ ਐਮ ਐਲ ਏ ਬਲਬੀਰ ਸਿੰਘ ਸਿੱਧੂ ਅਤੇ ਉਸ ਦੇ ਭਰਾ ਵੱਲੋਂ ਪਿੰਡਾਂ ਦੀਆਂ ਸ਼ਾਮਲਾਟ ਜ਼ਮੀਨਾਂ ਤੇ ਕੀਤੇ ਕਬਜ਼ਿਆਂ ਦੀ ਜਾਣਕਾਰੀ ਕਿਸੇ ਤੋਂ ਲੁਕੀ ਨਹੀਂ ਹੈ। ਇਸ ਲਈ ਭਾਜਪਾ ਦੀ ਸਰਕਾਰ ਬਣਨ ਤੇ ਇਨ੍ਹਾਂ ਜ਼ਮੀਨਾਂ ਸਬੰਧੀ ਇਕ ਕਾਨੂੰਨ ਲਿਆਂਦਾ ਜਾਵੇਗਾ, ਜਿਸ ਕਾਨੂੰਨ ਅਨੁਸਾਰ ਇਨ੍ਹਾਂ ਜ਼ਮੀਨਾਂ ਦੀ ਵਰਤੋਂ ਸਿਰਫ਼ ਸਬੰਧਿਤ ਪਿੰਡਾਂ ਦੇ ਭਲਾਈ ਦੇ ਕੰਮਾਂ ਲਈ ਹੀ ਹੋ ਸਕੇਗਾ।ਕਾਂਗਰਸੀ ਆਪਸ ਵਿਚ ਕੁਰਸੀ ਦੀ ਲੜਾਈ ਲਈ ਗੁਥਮ- ਗੁੱਥਾਂ ਹੋ ਰਹੇ ਹਨ। ਆਉਣ ਵਾਲੇ ਦਿਨਾ ਵਿਚ ਇਹ ਲੜਾਈ ਹੋਰ ਵੀ ਰੋਚਕ ਹੋ ਜਾਵੇਗੀ।ਆਮ ਆਦਮੀ ਪਾਰਟੀ ਬਾਰੇ ਚਰਚਾ ਕਰਦੇ ਹੋਏ ਗੌਤਮ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਪੰਜਾਬ ਚੋਣਾਂ ਵਿਚ ਹਿੱਸਾ ਸਿਰਫ਼ ਰਾਸ਼ਟਰੀ ਪਾਰਟੀ ਦਾ ਸੁਪਨਾ ਵੇਖਦੇ ਹੋਏ ਲੈ ਰਹੀ ਹੈ। ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੀ ਪੰਜਾਬ ਸਬੰਧੀ ਸੋਚ ਹੁਣ ਕਿਸੇ ਤੋਂ ਲੁਕੀ ਨਹੀ ਹੈ । ਸਭ ਨੂੰ ਅੱਜ ਪਤਾ ਹੈ ਕਿ ਆਪ ਨੇ ਸਾਰੀਆਂ ਸੀਟਾਂ ਧਨਾਢਾਂ ਨੂੰ ਵੇਚੀਆਂ ਹਨ। ਦਿੱਲੀ ਵਿਚ ਪੂਰੀ ਤਰਾਂ ਫੈਲ ਦਿੱਲੀ ਮਾਡਲ ਕੇਜਰੀਵਾਲ ਦਾ ਪੂਰੀ ਤਰਾਂ ਭਰਮਾਉਣ ਵਾਲਾ ਮਾਡਲ ਹੈ, ਜਿਸ ਤੋਂ ਪੰਜਾਬ ਦੇ ਨਿਵਾਸੀ ਪੂਰੀ ਤਰਾਂ ਜਾਣਕਾਰ ਹੋ ਚੁੱਕੇ ਹਨ। ਇਹੀ ਕਾਰਨ ਹੈ ਕਿ ਮੋਹਾਲੀ ਸੀਟ ਤੇ ਵੀ ਕੌਂਸਲਰ ਤੱਕ ਦੀ ਸੀਟ ਹਾਰ ਜਾਣ ਵਾਲਾ ਅਤੇ ਲਗਾਤਾਰ ਪਾਰਟੀਆਂ ਬਦਲਣ ਵਾਲਾ ਧਨਾਢ ਉਮੀਦਵਾਰ ਅੱਜ ਰੁਪਏ ਦੇ ਸਿਰ ਤੇ ਆਮ ਆਦਮੀ ਪਾਰਟੀ ਵੱਲੋਂ ਐਮ ਐਲ ਏ ਦੀ ਚੋਣ ਲੜ ਰਿਹਾ ਹੈ। ਇਸ ਮੌਕੇ ਤੇ ਸੁਭਾਸ਼ ਸ਼ਰਮਾ, ਮਹਾ ਮੰਤਰੀ ਭਾਜਪਾ, ਪੰਜਾਬ ਨੇ ਵੀ ਹਾਜ਼ਰ ਇਕੱਠ ਨਾਲ ਅਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਭਾਜਪਾ ਉਮੀਦਵਾਰ ਸੰਜੀਵ ਵਿਸ਼ਿਸ਼ਟ ਨੂੰ ਵੱਧ ਤੋਂ ਵੱਧ ਵੋਟਾਂ ਨਾਲ ਜਿਤਾਉਣ ਦੀ ਅਪੀਲ ਕੀਤੀ।