ਗ੍ਰਹਿ ਰਾਜ ਮੰਤਰੀ ਨਿਤਿਆਨੰਦ ਰਾਏ ਨੇ ਚੰਡੀਗੜ੍ਹ ਨੂੰ ਮਿੰਨੀ ਭਾਰਤ ਦਾ ਦਰਜਾ ਦਿੰਦਿਆਂ ਕਿਹਾ ਕਿ ਇਸ ਸ਼ਹਿਰ ਵਿਚ ਦੇਸ਼ ਦੇ ਹਰ ਸੂਬੇ ਦੇ ਲੋਕ ਰਹਿੰਦੇ ਹਨ, ਜਿਨ੍ਹਾਂ ਨੂੰ ਭਾਜਪਾ ਨੇ ਨਾ ਕੇਵਲ ਬਰਾਬਰ ਸਤਿਕਾਰ ਦਿੱਤਾ ਬਲਕਿ ਸਰਕਾਰ ਦੀਆਂ ਯੋਜਨਾਵਾਂ ਦਾ ਲਾਭ ਪਹੁੰਚਾਉਣ ਦਾ ਵੀ ਯਤਨ ਕੀਤਾ ਹੈ। ਨਿਤਿਆਨੰਦ ਰਾਏ ਐਤਵਾਰ ਨੂੰ ਚੰਡੀਗੜ੍ਹ ਵਿਚ ਭਾਜਪਾ ਉਮੀਦਵਾਰਾਂ ਦੇ ਸਮਰਥਨ ਵਿਚ ਚੋਣ ਪ੍ਰਚਾਰ ਕਰ ਰਹੇ ਸਨ। ਉਨ੍ਹਾਂ ਵਾਰਡ ਨੰ. 20 ਤੋਂ ਉਮੀਦਵਾਰ ਦੇਵੀ ਸਿੰਘ ਦੇ ਸਮਰਥਨ ਵਿਚ ਬਹਲਾਣਾ, ਵਾਰਡ ਨੰ. 19 ਤੋਂ ਯੋਗੀਤਾ ਵਿੱਕੀ ਸ਼ੇਰਾ ਦੇ ਸਮਰਥਨ ਵਿਚ ਰਾਮ ਦਰਬਾਰ ਕਾਲੋਨੀ ਅਤੇ ਵਾਰਡ ਨੰ. 32 ਤੋਂ ਜਸਮਨਪ੍ਰੀਤ ਸਿੰਘ ਦੇ ਸਮਰਥਨ ਵਿਚ ਸੈਕਟਰ 51 ਵਿਖੇ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ ਕਿ ਇਹ ਚੋਣਾਂ ਰਾਜਨੀਤਿਕ ਮੁੱਦਿਆਂ ਦੇ ਲਈ ਵਿਅਕਤੀਗਤ ਚੋਣ ਦੀਆਂ ਚੋਣਾਂ ਹਨ ਕਿਉਂਕਿ ਇਥੇ ਦੂਰੋ ਦੂਰੋ ਵਸੇ ਲੋਕਾਂ ਨੇ ਹਮੇਸ਼ਾ ਆਪਸੀ ਭਾਈਚਾਰੇ ਦਾ ਸੰਦੇਸ਼ ਦਿੱਤਾ ਹੈ।
ਕੋਰੋਨਾ ਕਾਲ ਵਿਚ ਜਦੋਂ ਦੇਸ਼ ਦੇ ਹਸਪਤਾਲਾਂ ਵਿਚ ਭੀੜ ਦੀਆਂ ਖ਼ਬਰਾਂ ਆ ਰਹੀਆਂ ਸਨ ਤਾਂ ਚੰਡੀਗੜ੍ਹ ਨੇ ਨ ਕੇਵਲ ਆਪਣੀਆਂ ਜਰੂਰਤਾਂ ਪੂਰੀਆਂ ਕੀਤੀਆਂ ਬਲਕਿ ਦਿੱਲੀ ਤੱਕ ਦੇ ਲੋਕ ਵੀ ਇਥੇ ਇਲਾਜ ਲਈ ਆਏ। ਉਨ੍ਹਾਂ ਕਿਹਾ ਕਿ ਚੰਡੀਗੜ੍ਹ ਸ਼ਹਿਰ ਪੂਰਵਾਚਲੀਆਂ ਦੇ ਬਲਬੂਤੇ ’ਤੇ ਹੀ ਬਣਿਆ ਹੈ। ਸ਼ਹਿਰ ਦੀਆਂ ਵੱਡੀਆਂ ਵੱਡੀਆਂ ਇਮਾਰਤਾਂ ਦੇ ਬਨਣ ਵਿਚ ਪੂਰਵਾਚਲੀਆਂ ਦੀ ਮਿਹਨਤ ਦਾ ਪਸੀਨਾ ਹੈ। ਸਹੀ ਮਾਇਨੇ ਵਿਚ ਚੰਡੀਗੜ੍ਹ ਦੀ ਨੀਹ ਪੂਰਵਾਚਲੀਆਂ ਨੇ ਹੀ ਰੱਖੀ ਹੈ। ਗ੍ਰਹਿ ਰਾਜ ਮੰਤਰੀ ਨੇ ਕਿਹਾ ਕਿ ਭਾਜਪਾ ਨੇ ਹਮੇਸ਼ਾ ਇਸ ਭਾਈਚਾਰੇ ਨੂੰ ਮਜਬੂਤ ਕਰਨ ਦਾ ਯਤਨ ਕੀਤਾ ਹੈ। ਇਨ੍ਹਾਂ ਚੋਣਾਂ ਵਿਚ ਭਾਜਪਾ ਉਮਦੀਵਾਰਾਂ ਨੂੰ ਜਿਤਾਉਣ ਦੀ ਅਪੀਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸ਼ਹਿਰ ਵਾਸੀ ਵਿਕਾਸ ਦੇ ਨਾਮ ’ਤੇ ਭਾਜਪਾ ਨੂੰ ਵੋਟ ਦੇਣ। ਇਸ ਮੌਕੇ ਸਮਾਗਮ ਪ੍ਰਬੰਧਕ ਅਮਿਤ ਜਿੰਦਲ, ਵਾਰਡ ਪ੍ਰਧਾਨ ਵਿਨੋਦ ਕੁਮਾਰ ਚੌਹਾਨ, ਬਜਿੰਦਰ ਸੂਦ, ਤਜਿੰਦਰ ਹੁੰਦਲ, ਪ੍ਰਦੀਪ ਸ਼ਰਮਾ, ਰਾਜਿੰਦਰ ਜੋਸ਼ਲ ਸਮੇਤ ਕਈ ਆਗੂ ਹਾਜ਼ਰ ਸਨ।