ਕਿਸਾਨ ਸੰਘਰਸ਼ ਕਮੇਟੀ ਪੰਜਾਬ ਦੀ ਅਗਵਾਈ ਹੇਠ ਅਮਰਕੋਟ ਦੀ ਦਾਣਾ ਮੰਡੀ ਵਿੱਚ ਕਿਸਾਨਾਂ ਦਾ ਵਿਸ਼ਾਲ ਇਕੱਠ ਕੀਤਾ ਗਿਆ। ਇਸ ਇਕੱਠ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਕਿਸਾਨ ਸ਼ਾਮਲ ਹੋਏ।ਕਿਸਾਨਾਂ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਸੰਯੁਕਤ ਕਿਸਾਨ ਮੋਰਚੇ ਦੇ ਆਗੂ ਅਤੇ ਕਿਸਾਨ ਸੰਘਰਸ਼ ਕਮੇਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਕੰਵਲਪ੍ਰੀਤ ਸਿੰਘ ਪੰਨੂ ਨੇ ਕਿਹਾ ਕਿ ਮੋਦੀ ਸਰਕਾਰ ਨੇ ਜੋ ਕਾਲੇ ਕਾਨੂੰਨ ਲਿਆਂਦੇ ਹਨ, ਉਹ ਇਕੱਲੇ ਕਿਸਾਨਾਂ ਨੂੰ ਹੀ ਤਬਾਹ ਨਹੀਂ ਕਰਨਗੇ ਸਗੋਂ ਦੇਸ਼ ਦੇ ਹਰ ਵਰਗ ਨੂੰ ਢਾਹ ਲਾਉਣਗੇ।ਉਹਨਾਂ ਕਿਹਾ ਕਿ ਇਹ ਕਾਲੇ ਕਾਨੂੰਨ ਖੇਤੀ ਨਾਲ ਜੁੜੇ ਸਾਰੇ ਕਿੱਤਿਆਂ ਨੂੰ ਖ਼ਤਮ ਕਰ ਦੇਣਗੇ ਅਤੇ ਕਰੋੜਾਂ ਗ਼ਰੀਬ ਲੋਕ ਭੁੱਖਮਰੀ ਦਾ ਸ਼ਿਕਾਰ ਹੋਣਗੇ। ਉਹਨਾਂ ਕਿਹਾ ਕਿ ਸਾਡੀਆਂ ਜ਼ਮੀਨਾਂ ਤੇ ਅਡਾਨੀ, ਅੰਬਾਨੀ ਅਤੇ ਬਿਲ ਗੇਟਸ ਵਰਗੇ ਲੋਕ ਕਾਬਜ਼ ਹੋ ਜਾਣਗੇ ਅਤੇ ਅਸੀਂ ਮਾਲਕੀ ਹੱਕ ਗੁਆ ਕੇ ਆਪਣੀਆਂ ਹੀ ਜ਼ਮੀਨਾਂ ਵਿੱਚ ਮਜ਼ਦੂਰੀ ਕਰਨ ਲਈ ਮਜਬੂਰ ਹੋਵਾਂਗੇ।ਇਸ ਮੌਕੇ ਪ੍ਰਧਾਨ ਕੰਵਲਪ੍ਰੀਤ ਸਿੰਘ ਪੰਨੂ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਪਰਿਵਾਰਾਂ ਸਮੇਤ ਦਿੱਲੀ ਬਾਰਡਰਾਂ ਤੇ ਚੱਲ ਰਹੇ ਅੰਦੋਲਨ ਵਿਚ ਸ਼ਾਮਲ ਹੋਣ ਤਾਂ ਕਿ ਮੋਦੀ ਸਰਕਾਰ ਤੇ ਦਬਾਅ ਪਾ ਕੇ ਕਾਲੇ ਕਾਨੂੰਨ ਰੱਦ ਕਰਵਾਏ ਜਾ ਸਕਣ। ਇਸ ਮੌਕੇ ਉਹਨਾਂ ਨੇ ਸਿਆਸੀ ਪਾਰਟੀਆਂ ਨੂੰ ਵੀ ਅਪੀਲ ਕੀਤੀ ਕਿ ਪੰਜਾਬ ਵਿੱਚ ਵੋਟਾਂ ਦੀ ਰਾਜਨੀਤੀ ਨਾ ਕੀਤੀ ਜਾਵੇ ਅਤੇ ਕਿਸਾਨ ਅੰਦੋਲਨ ਦਾ ਸਾਥ ਦਿੱਤਾ ਜਾਵੇ। ਰੈਲੀ ਵਿੱਚ ਪਹੁੰਚੇ ਡਾ. ਸਵੈਮਾਣ ਨੇ ਵਿਸ਼ਾਲ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਇਹ ਕਿਸਾਨ ਅੰਦੋਲਨ ਸੰਸਾਰ ਦਾ ਇਕ ਨੰਬਰ ਦਾ ਅੰਦੋਲਨ ਬਣ ਗਿਆ ਹੈ।
ਉਹਨਾਂ ਕਿਹਾ ਕਿ ਪੰਜਾਬ ਵਿੱਚੋਂ ਉੱਠਿਆ ਇਹ ਤੂਫ਼ਾਨ ਮੋਦੀ ਅਤੇ ਉਸਦੇ ਕਾਰਪੋਰੇਟ ਮਿੱਤਰਾਂ ਨੂੰ ਦੇਸ਼ ਵਿੱਚੋਂ ਬਾਹਰ ਧੱਕ ਦੇਵੇਗਾ।ਇਸ ਭਾਰੀ ਇਕੱਠ ਵਿੱਚ ਪਹੁੰਚੀ ਸੋਨੀਆ ਮਾਨ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਇਹ ਆਜ਼ਾਦੀ ਦੀ ਦੂਸਰੀ ਲੜਾਈ ਹੈ। ਉਹਨਾਂ ਕਿਹਾ ਕਿ ਇਸ ਅੰਦੋਲਨ ਵਿਚ ਔਰਤਾਂ ਦਾ ਬਹੁਤ ਵੱਡਾ ਯੋਗਦਾਨ ਹੈ ਅਤੇ ਜਿਸ ਅੰਦੋਲਨ ਵਿੱਚ ਔਰਤਾਂ ਸ਼ਾਮਲ ਹੋ ਜਾਣ ਉਸ ਦੀ ਸਫਲਤਾ ਪੱਕੀ ਹੈ।ਇਸ ਮੌਕੇ ਇਕੱਠ ਨੂੰ ਸੰਬੋਧਨ ਕਰਨ ਵਾਲਿਆਂ ਵਿੱਚ ਰਜਵੰਤ ਕੌਰ ਪੰਨੂ, ਜਥੇਬੰਦੀ ਦੇ ਜਨਰਲ ਸਕੱਤਰ ਹਰਵਿੰਦਰ ਸਿੰਘ ਹੈਪੀ ਗਿੱਲ, ਤਰਸੇਮ ਸਿੰਘ ਭਗਵਾਨਪੁਰ, ਵਿਵੇਕ ਸਿੰਘ ਝੰਜੋਟੀ, ਗੁਰਪ੍ਰੀਤ ਸਿੰਘ ਕੋਹਾਲੀ, ਰਾਜਵੰਤ ਸਿੰਘ ਵਡਾਲਾ, ਇੰਦਰਜੀਤ ਸਿੰਘ ਸੰਧੂ, ਸਤਬੀਰ ਸਿੰਘ ਨੰਦਪੁਰ, ਦਿਲਬਾਗ ਸਿੰਘ ਵਰ੍ਹਿਆਂ, ਜਸਪਾਲ ਸਿੰਘ ਕਿਰਤੋਵਾਲ, ਸਲਵਿੰਦਰ ਸਿੰਘ ਸਾਬਕਾ ਸਰਪੰਚ ਪੱਧਰੀ ਕਲਾਂ, ਗੁਰਭੇਜ ਸਿੰਘ ਗਿੱਲ, ਵੀਰਪਾਲ ਸਿੰਘ ਪੱਧਰੀ ਕਲਾਂ, ਗੁਰਦੇਵ ਸਿੰਘ ਪੱਧਰੀ ਕਲਾਂ, ਜਗਮੀਤ ਸਿੰਘ ਰਾਮੂਵਾਲ, ਕੁਲਦੀਪ ਸਿੰਘ ਅਮੀਸ਼ਾਹ, ਗੁਰਚੇਤ ਸਿੰਘ ਮਾੜੀ ਸਮਰਾ, ਜੁਗਰਾਜ ਸਿੰਘ ਮੱਧਰ, ਭੋਲਾ ਸਿੰਘ ਛਿਛਰੇਵਾਲ, ਲਵਪ੍ਰੀਤ ਸਿੰਘ ਢੋਲਣ, ਗੁਰਲਾਲ ਸਿੰਘ, ਫੁੁਲਜੰਟ ਸਿੰਘ, ਗੁੁਰਬੀਰ ਸਿੰਘ ਮਹਿਮੂਦਪੁਰ, ਬਲਵਿੰਦਰ ਸਿੰਘ ਦੋਧੀ ਚੱਕ ਸਿਕੰਦਰ, ਅਮਨਦੀਪ ਸਿੰਘ ਹੈਪੀ ਜੌਹਲ, ਸਾਹਬ ਸਿੰਘ ਮਾਣੋਚਾਹਲ, ਪਵਿੱਤਰ ਸਿੰਘ ਮੁਹਾਵਾ, ਗੁਰਤਾਜ ਸਿੰਘ ਰਾਮ ਤੀਰਥ, ਗੁਰਲਾਲ ਸਿੰਘ ਮਾੜੀ ਸੰਤਪੁਰਾ, ਕੁਲਵੰਤ ਸਿੰਘ ਚੌਧਰੀਵਾਲਾ, ਜਿਲਾ ਪ੍ਰਧਾਨ ਗੁਰਦੇਵ ਸਿੰਘ ਵਰਪਾਲ, ਡਾ ਸਤਿੰਦਰ ਸਿੰਘ ਕਿਲਾ ਜੀਵਨ ਸਿੰਘ, ਬਿੰਦਰ ਸਿੰਘ ਸਰਪੰਚ ਦਰਗਾਪੁਰ, ਹਰਦੇਵ ਸਿੰਘ ਖੱਬੇ, ਅਮਰਜੀਤ ਸਿੰਘ ਸਭਰਾ ਵੀ ਸ਼ਾਮਲ ਸਨ।