ਪੰਜਾਬ ਵਿਧਾਨਸਭਾ ਚੌਣਾ ਲਈ ਉਮੀਦਵਾਰਾਂ ਦੀ ਸੂਚੀ ਜਾਰੀ ਕਰਨ ਮਗਰੋਂ ਕਸੁੱਤੀ ਫਸੀ ਕਾਂਗਰਸ ਪਾਰਟੀ ਦੀਆਂ ਮੁਸ਼ਕਲਾਂ ਅੱਜ ਉਸ ਵੇਲੇ ਹੋਰ ਵੱਧ ਗਈਆਂ ਜਦੋਂ ਮੁਹਾਲੀ ਦੀ ਵੱਕਾਰੀ ਸੀਟ ਤੋਂ ਸੀਨੀਅਰ ਕਾਂਗਰਸੀ ਆਗੂ ਅਤੇ ਕੈਪਟਨ ਅਮਰਿੰਦਰ ਸਿੰਘ ਦੀ ਸਾਬਕਾ ਓ.ਐਸ.ਡੀ. ਬੀਬੀ ਲਖਵਿੰਦਰ ਕੌਰ ਗਰਚਾ ਨੇ ਵਰਕਰ ਮੀਟਿੰਗ ਕਰਨ ਮਗਰੋਂ ਆਜਾਦ ਚੌਣ ਲੜਨ ਦੇ ਸੰਕੇਤ ਦੇ ਦਿੱਤੇ। ਆਖਰੀ ਫੈਸਲੇ ਲਈ ਇੱਕ ਕਮੇਟੀ ਦਾ ਗਠਨ ਕਰ ਦਿੱਤਾ ਗਿਆ ਹੈ।ਮੀਟਿੰਗ ਦੌਰਾਨ ਗਰਚਾ ਸਮਰਥਕਾਂ ਵਿੱਚ ਕਾਂਗਰਸ ਪਾਰਟੀ ਪ੍ਰਤੀ ਭਾਰੀ ਰੋਸ ਵੇਖਣ ਨੂੰ ਮਿਲਿਆ। ਉਨਾਂ੍ਹ ਕਾਂਗਰਸ ਪਾਰਟੀ ਦੀ ਕਰੜੀ ਨੁਕਤਾਚੀਨੀ ਕਰਦਿਆਂ ਬੀਬੀ ਗਰਚਾ ਨੂੰ ਆਜਾਦ ਉਮੀਦਵਾਰ ਵਜੋਂ ਚੌਣ ਮੈਦਾਨ ਵਿੱਚ ਨਿਤਰੱਣ ਦੀ ਸਲਾਹ ਦਿੱਤੀ। ਇਸ ਮੌਕੇ ਤੇ ਬੋਲਦਿਆਂ ਸ੍ਰੀਮਤੀ ਗਰਚਾ ਨੇ ਕਿਹਾ ਕਿ ਟਿਕਟਾਂ ਦੀ ਵੰਡ ਦੌਰਾਨ ਲੰਮੇ ਸਮੇਂ ਤੋਂ ਪਾਰਟੀ ਲਈ ਕੰਮ ਕਰਨ ਵਾਲੇ ਆਗੂਆਂ ਦੀ ਅਣਦੇਖੀ ਕੀਤੀ ਗਈ ਹੈ। ਸਿੱਟੇ ਵਜੋਂ ਅੱਜ ਮੁਹਾਲੀ ਹੀ ਨਹੀਂ ਸਗੋਂ ਪੂਰੇ ਪੰਜਾਬ ਵਿੱਚ ਪਾਰਟੀ ਉਮੀਦਵਾਰਾਂ ਦੀ ਬਗਾਵਤ ਹੋ ਰਹੀ ਹੈ। ਉਨਾਂ੍ਹ ਕਿਹਾ ਕਿ ਔਰਤਾਂ ਨੂੰ 33 ਪ੍ਰਤੀਸ਼ਤ ਰਾਖਵਾਂਕਰਨ ਦੇਣ ਦੀ ਪੈਰਵੀ ਕਰਨ ਵਾਲੀ ਕਾਂਗਰਸ ਨੇ ਇਨਾਂ੍ਹ ਚੌਣਾਂ ਦੌਰਾਨ ਅੱਠ ਫੀਸਦੀ ਔਰਤਾਂ ਨੂੰ ਵੀ ਟਿਕਟ ਨਹੀਂ ਦਿੱਤੀ ਹੈ।
Îਮੌਜੁਦਾ ਵਿਧਾਇਕ ਬਲਬੀਰ ਸਿੰਘ ਸਿੱਧੂ ਨੂੰ ਸ਼ਰਾਬ ਮਾਫੀਆ ਅਤੇ ਲੈਂਡ ਮਾਫੀਆ ਕਰਾਰ ਦਿੰਦੇ ਹੋਏ ਉਨਾਂ੍ਹ ਕਿਹਾ ਕਿ ਸਿੱਧੂ ਨੇ ਆਪਣੇ ਕਾਰਜਕਾਲ ਦੌਰਾਨ ਪਿੰਡਾਂ ਵਿੱਚ ਕਥਿਤ ਤੌਰ ਤੇ ਕਰੌੜਾਂ ਰੁਪਏ ਦੀ ਜਮੀਨਾਂ ਤੇ ਕਬਜੇ ਕੀਤੇ ਹਨ। ਵਰਕਰ ਮੀਟਿੰਗ ਦੌਰਾਨ ਉਨਾਂ੍ਹ ਮੁਹਾਲੀ ਹਲਕੇ ਤੋਂ ਆਜਾਦ ਉਮੀਦਵਾਰ ਵਜੋਂ ਚੌਣ ਲੜਨ ਦੇ ਸੰਕੇਤ ਦਿੰਦੇ ਹੋਏ ਕਿਹਾ ਕਿ ਬਲਬੀਰ ਸਿੰਘ ਸਿੱਧੁ ਨਾਲ ਉਨਾਂ੍ਹ ਦੀ ਸਿਆਸੀ ਨਹੀਂ ਸਗੋਂ ਨਿੱਜੀ ਵਿਰੋਧਤਾ ਹੈ। ਇਸ ਲਈ ਉਹ ਕਿਸੇ ਵੀ ਹਾਲ ਵਿੱਚ ਸਿੱਧੂ ਦਾ ਸਮਰਥਨ ਨਹੀਂ ਕਰ ਸਕਦੀ। ਕਿਉਂਕੀ ਉਨਾਂ੍ਹ ਆਪਣੇ ਕਾਰਜਕਾਲ ਦੌਰਾਨ ਪਿੰਡ ਪੱਧਰ ਤੇ ਸ਼ਰਾਬ ਦੇ ਠੇਕੇ ਖੋਲ ਕੇ ਜਵਾਨੀ ਨੂੰ ਕੁਰਾਹੇ ਪਾਇਆ ਹੈ। ਸਿੱਧੂ ਵਲੋਂ ਖੋਲੇ ਗਏ ਠੇਕਿਆਂ ਕਾਰਨ ਅੱਜ ਪਿੰਡਾਂ ਵਿੱਚ ਔਰਤਾਂ ਦਾ ਜੀਣਾ ਮੁਸ਼ਕਲ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ ਬੋਲਦੇ ਹੋਏ ਮੁਹਾਲੀ ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਹਰਿੰਦਰਪਾਲ ਸਿੰਘ ਬਿੱਲਾ, ਜਿਲਾ ਯੂਥ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਪਰਮਦੀਪ ਸਿੰਘ ਬੈਦਵਾਨ, ਸਾਬਕਾ ਬਲਾੱਕ ਪ੍ਰਧਾਨ ਕੁਲਜੀਤ ਸਿੰਘ ਬੇਦੀ, ਡਾ.ਅਨਵਰ ਹੁਸੈਨ, ਰਾਮ ਆਸਰਾ ਸਨੇਟਾ, ਜਸਵਿੰਦਰ ਸਿੰਘ ਕਾਕਾ, ਪ੍ਰੋਪਰਟੀ ਡੀਲਰ ਐਸੋਸੀਏਸ਼ਨ ਦੇ ਪ੍ਰਧਾਨ ਐਚ.ਐਸ. ਧਵਨ, ਸੁਬੇਦਾਰ ਭਜਨ ਸਿੰਘ, ਡਿੰਪਲ ਸਭਰਵਾਲ ਤੋਂ ਇਲਾਵਾ ਬੀ.ਐਸ. ਤੇਜ, ਕੁਲਵਿੰਦਰ ਸਿੰਘ ਜੋਲੀ, ਕਰਨਲ ਬਚਿੱਤਰ ਸਿੰਘ ਆਦਿ ਨੇ ਬੀਬੀ ਗਰਚਾ ਨੂੰ ਇਸ ਹਲਕੇ ਤੋਂ ਆਜਾਦ ਉਮੀਦਵਾਰ ਵਜੋਂ ਚੋਣ ਲੜਨ ਦੀ ਅਪੀਲ ਕੀਤੀ।