ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਅਤੇ ਪੰਜਾਬ ਦੇ ਕੈਬਿਨਟ ਮੰਤਰੀ ਬਿਕਰਮ ਸਿੰਘ ਮਜੀਠਿਆ ਨੇ ਅੱਜ ਪੰਜਾਬ ਯੂਨੀਵਰਿਸਟੀ ਕੈਂਪਸ ਵਿਖੇ ਸਟੂਡੈਂਟਸ ਆਰਗੇਨਾਈਜੇਸ਼ਨ ਆਫ ਇੰਡੀਆ (ਐਸ.ਓ.ਆਈ) ਵਲੋ ਆਯੋਜਿਤ ਇਕ 'ਆਈਸਿਆ' ਪ੍ਰੋਗਰਾਮ ਦੋਰਾਨ ਨਸ਼ਿਆਂ ਵਿਰੁੱਧ ਜਾਗਰੂਕਤਾ ਮੁਹਿੰਮ ਸ਼ੁਰੂ ਕੀਤੀ। ਇਸੇ ਦੌਰਾਨ ਐਸ.ਓ.ਆਈ ਨੂੰ ਹੋਰ ਵੀ ਬਲ ਮਿਲਿਆ ਜਦੋਂ ਪੂਸੂ ਅਤੇ ਸੋਪੂ ਦੇ 14 ਮੁੱਖ ਆਗੂ ਜਿਨ੍ਹਾਂ ਵਿਚ ਸਿਮਰਨ ਢਿਲੋਂ, ਯਾਦਵਿੰਦਰ ਧਾਲੀਵਾਲ, ਵਿੱਕੀ ਮਿਢੋਖੈਰਾ ਅਤੇ ਰੋਬਿਨ ਬਰਾੜ ਮਜੀਠਿਆ ਦੀ ਮੌਜੂਦਗੀ ਵਿਚ ਐਸ.ਓ.ਆਈ ਵਿਚ ਸ਼ਾਮਲ ਹੋਏ।ਇਸ ਮੌਕੇ ਬੋਲਦੇ ਹੋਏ ਸ. ਮਜੀਠਿਆ ਨੇ ਕਿਹਾ ਕਿ ਦੇਸ਼ ਦੇ ਨੌਜਵਾਨ ਦੇਸ਼ ਦੇ ਭਵਿੱਖ ਵਿਕਾਸ ਅਤੇ ਪ੍ਰਗਤੀ ਲਈ ਰੀੜ ਦੀ ਹੱਡੀ ਹਨ ਅਤੇ ਸਾਡੇ ਦੇਸ਼ ਦੀ 40ਫੀਸਦੀ ਅਬਾਦੀ 13 ਤੋ 35 ਸਾਲਾਂ ਦੇ ਉਮਰ ਗਰੁੱਪ ਦੀ ਹੈ।ਉਨ੍ਹਾਂ ਕਿਹਾ ਕਿ ਨੌਜਵਾਨਾ ਦੀ ਤਾਕਤ ਉਨ੍ਹਾਂ ਦੇ ਇਰਾਦੇ ਅਤੇ ਹੋਂਸਲੇ ਦੀ ਵਰਤੋਂ ਦੇਸ਼ ਨੂੰ ਦਰਪੇਸ਼ ਸਮੱਸਿਆਵਾਂ ਅਤੇ ਚੁਣੋਤੀਆਂ ਦੇ ਹੱਲ ਲਈ ਕੀਤੀ ਜਾਣੀ ਚਾਹੀਦੀ ਹੈ।
ਐਸ ਓ ਆਈ ਵਿਚ ਪੂਸੂ ਅਤੇ ਸੋਪੂ ਆਗੂਆਂ ਦਾ ਸਵਾਗਤ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਵਿਦਿਆਰਥੀਆਂ ਦਾ ਰਾਜਨੀਤੀ ਵਿਚ ਯੋਗਦਾਨ ਬਹੁਤ ਹੀ ਮਹੱਤਵਪੁਰਨ ਹੈ ਕਿਊਜੋ ਲੋਕਤੰਤਰ ਨੂੰ ਚੋਣ ਪ੍ਰਕ੍ਰਿਆ ਵਿਚ ਜਨਤਾ ਦੇ ਭਰਵੇਂ ਹੁੰਗਾਰੇ ਨਾਲ ਹੀ ਮਜਬੂਤ ਕੀਤਾ ਜਾ ਸਕਦਾ ਹੈ ਉਨ੍ਹਾਂ ਕਿਹਾ ਕਿ ਨਵੇਂ ਵਿਚਾਰਾਂ ਦੇ ਧਾਰਣੀ ਅਤੇ ਕੁਝ ਕਰ ਰੱਖਣ ਦੀ ਸਮਰੱਥਾ ਵਾਲੇ ਵਿਦਿਆਰਥੀ ਹੀ ਭਵਿੱਖ ਜਾਂ ਚੁਣੋਤੀਆਂ ਨੂੰ ਸਵੀਕਾਰ ਕਰ ਸਕਦੇ ਹਨ। ਉਨ੍ਹਾਂ ਵਿਸ਼ਵਾਸ਼ ਜਿਤਾਇਆ ਕਿ ਵਧੀਆ ਵਿਦਿਅਕ ਪਿਛੋਕੜ ਵਾਲੇ ਬੱਚੇ ਹੀ ਕਿਸੇ ਸਿਆਸੀ ਢਾਂਚੇ ਨੂੰ ਕਾਇਮ ਕਰਨ ਸਕਦੇ ਹਨ ਅਤੇ ਆਪਣੇ ਦੇਸ਼ ਵਾਸੀਆਂ ਦੇ ਸੁਪਨਿਆਂ ਨੂੰ ਸਾਕਾਰ ਕਰ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਨੇ ਹਮੇਸ਼ਾਂ ਹੀ ਨੌਜਵਾਨਾ ਨੂੰ ਪ੍ਰਤੀਨਿਧਤਾ ਦਿੱਤੀ ਹੈ। ਇਹ ਪ੍ਰਤੀਨਿਧਤਾ ਕੇਵਲ ਲੋਕਲ ਬਾਡੀਜ ਦੀਆਂ ਜਾਂ ਫਿਰ ਪੰਚਾਇਤ ਦੀਆਂ ਚੋਣਾ ਵਿਚ ਹੀ ਨਹੀ ਬਲਕਿ ਲੋਕ ਸਭਾ ਜਾਂ ਵਿਧਾਨ ਸਭਾ ਚੋਣਾ ਵਿਚ ਵੀ ਦਿੱਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਯੂਥ ਅਕਾਲੀ ਦਲ ਵਿਚ ਕੰਮ ਕਰ ਰਹੇ ਨੌਜਵਾਨ ਸ਼੍ਰੋਮਣੀ ਅਕਾਲੀ ਦਲ ਵਿਚ ਵੀ ਅਹਿਮ ਸਥਾਨ ਦਿੱਤਾ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਸਰਕਾਰ ਵਲੋਂ ਨੌਜਵਾਨਾਂ ਨੂੰ ਵਿਸ਼ਵ ਪੱੱਧਰ ਦੀ ਸਿੱਖਿਆ ਅਤੇ ਖੇਡ ਢਾਂਚਾ ਮੁੱਹਈਆ ਕਰਵਾ ਕੇ ਦੇਸ਼ ਦੇ ਜਿੰਮੇਵਾਰ ਨਾਗਰਿਕ ਬਣਾਉਣ ਵਿਚ ਹਰ ਸੰਭਵ ਸਹਾਇਤਾ ਦਿੱਤੀ ਜਾ ਰਹੀ ਹੈ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਸ. ਮਜੀਠਿਆ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵਲੋਂ ਨੌਜਵਾਨ ਪੀੜੀ ਨੂੰ ਨਸ਼ਿਆਂ ਦੀ ਲੱਤ ਤੋਂ ਬਚਾਉਣ ਲਈ ਨਸ਼ਿਆਂ ਦਾ ਵਪਾਰ ਕਰਨ ਵਾਲਿਆਂ ਵਿਰੁੱਧ ਮੁਹਿੰਮ ਚਲਾਈ ਗਈ ਹੈ। ਟਰਾਂਜ਼ਿਟ ਰੂਟ ਹੋਣ ਦੇ ਨਾਤੇ ਪੰਜਾਬ ਨੂੰ ਕੇਂਦਰ ਸਰਕਾਰ ਦੀਆਂ ਏਜੰਸੀਆਂ ਦੀ ਸਰਹੱਦ ਤੋਂ ਨਸ਼ਿਆਂ ਨੂੰ ਆਉਣ ਤੋਂ ਰੋਕਣ ਦੀ ਅਸਫਲਤਾ ਦਾ ਸੰਤਾਪ ਭੋਗਣਾ ਪੈ ਰਿਹਾ ਹੈ।ਉਨ੍ਹਾਂ ਕਿਹਾ ਕਿ ਪੰਜਾਬ ਪੁਲਿਸ ਵਲੋਂ ਹਿਮਾਚਲ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਵਰਗੇ ਰਾਜਾਂ ਤੋਂ ਕਰੋੜਾਂ ਰੁਪਏ ਦੇ ਨਸ਼ੇ ਬਰਾਮਦ ਕਰਕੇ ਨਸ਼ਿਆਂ ਦੇ ਸਮਗਲਰਾਂ ਨੂੰ ਕਾਬੂ ਕੀਤਾ ਹੈ।ਇਸ ਤੋਂ ਪਹਿਲਾਂ ਸ਼੍ਰੀ ਗੁਰਪ੍ਰੀਤ ਸਿੰਘ ਰਾਜੂਖੰਨਾ ਕੌਮੀ ਪ੍ਰਧਾਨ ਐਸ.ਓ.ਆਈ, ਮੀਤ ਪ੍ਰਧਾਨ ਸ਼੍ਰੀ ਅਮੀਤ ਰਾਠੀ ਪੰਜਾਬ ਯੂਨੀਵਰਸਿਟੀ ਇਕਾਈ ਦੇ ਪ੍ਰਧਾਨ ਸ਼੍ਰੀ ਗੁਰਦਿੱਤ ਢਿਲੋਂ ਅਤੇ ਚੇਅਰਮੈਨ ਮਨਵੀਰ ਭੰਗੂ, ਸਰਬਜੀਤ ਜਿੰਗਰ ਅਤੇ ਸੋਨੀ ਘੜੂੰਆਂ ਨੇ ਸ਼੍ਰੀ ਮਜੀਠਿਆ ਦਾ ਨਿਘਾ ਸਵਾਗਤ ਕੀਤਾ।ਐਸ.ਓ.ਆਈ ਵਿਚ ਸ਼ਾਮਲ ਹੋਣ ਵਾਲਿਆਂ ਵਿਚ ਹੋਰਨਾ ਦੇ ਇਲਾਵਾ ਸਿਮਰਨ ਢਿਲੋਂ, ਯਾਦਵਿੰਦਰ ਧਾਲੀਵਾਲ, ਦਿਲੀਪ ਹੁੰਦਲ, ਨਵਰੀਤ ਸਿੰਘ, ਜੱਜਵਿੰਦਰ ਸਿੱਧੂ, ਸਤਵੰਤ ਸਿੰਘ ਅਤੇ ਸਿਮਰਨਜੀਤ ਕੰਗ(ਸਾਰੇ ਪੂਸੂ ਆਗੂ), ਵਿੱਕੀ ਮਿਢੋਖੈਰਾ, ਰੋਬਿਨ ਬਰਾੜ ਭਾਗਸਰ, ਰਸ਼ਪਾਲ ਹੱਕੁਵਾਲ, ਅਰਸ਼ਨੂਰ ਢਿਲੋਂ, ਦੀਪ ਸਿੱਧੂ, ਪ੍ਰਭਜੀਤ ਸਿੰਘ ਅਤੇ ਸੰਨੀ ਮੁਲਤਾਨੀ (ਸਾਰੇ ਸੋਪੂ ਆਗੂ) ਸ਼ਾਮਲ ਸਨ।ਇਸ ਮੌਕੇ ਪਾਕਿਸਤਾਨ ਪੰਜਾਬ ਦੇ ਪ੍ਰਸਿੱਧ ਲੋਕ ਗਾਇਕ ਆਰਿਫ ਲੋਹਰ ਲੇ ਵਿਦਿਆਰਥੀਆਂ ਨੂੰ ਮੰਤਰ ਮੁਗਧ ਕੀਤਾ।